EL APOCALIPSIS 20:9 - Chatino Zona Alta Occidental

⁹ Chunꞌ ndiꞌin la tyoꞌo nten nu ndiꞌin chaꞌ ꞌin loꞌo Satanás kanꞌ, tsaa neꞌ tyukwi ñaꞌaan chalyuu. Tsaa tuun neꞌ ñaꞌaan chunꞌ seꞌen ndiꞌin taꞌa nten ꞌin Ndiose bra kanꞌ, suꞌwa loꞌo neꞌ ꞌin neꞌ kanꞌ bra kanꞌ. Tyiꞌin neꞌ ñaꞌaan tuꞌwa kichen tnun, kwiꞌ nu ndiya la tiꞌ Ni bra kanꞌ. Nka tiye neꞌ kuꞌni tyii neꞌ ꞌin nten ꞌin Ndiose. Kanꞌ chaꞌ suꞌwa Ndiose kiiꞌ nu tyoꞌo nde niꞌ kwan kalu lyuu seꞌen ndiꞌin neꞌ kanꞌ, tyii neꞌ skin neꞌ bra kanꞌ.

EL APOCALIPSIS 20:9 ပူးပေါင်းရင်းမြစ်များ

SAN LUCAS 17:29

sa ñaꞌan bra nu ngulo Ndiose ꞌin Lot kanꞌ nde kichen Sodoma kanꞌ. Bra kanꞌ mslu Ndiose kiiꞌ loꞌo kata sufri nchkin lo yuu. Mdyii chaꞌ ꞌin nchga neꞌ Sodoma kanꞌ; taꞌa suꞌwa Lot ni, ngujwi nchga neꞌ.

SAN LUCAS 19:43

Chunꞌ ndiꞌin la tiya ska tsan nu kuxi ꞌa ꞌwan. Loꞌo bra kanꞌ xoꞌ tukwa nu nxuun loꞌo wan mondun yuu ñaꞌaan tuꞌwa kichen tyi wan. Bra kanꞌ suꞌwa loꞌoo neꞌ kanꞌ tuwiin tuꞌwa kichen.

SAN LUCAS 21:20

’Bra nu ñaꞌan wan chaꞌ nsuꞌwa loꞌoo nu nxuun loꞌo wan ñaꞌaan tuꞌwa kichen Jerusalén re, bra kanꞌ ka biyaꞌ tiꞌ wan chaꞌ wa tsaa tii chaꞌ ꞌin kichen tyi wan re.

SAN LUCAS 9:54

Bra wa ynan Santiago loꞌo Xuwa taꞌa ndaꞌan Jesús chaꞌ kanꞌ, bra ti ykwiꞌ neꞌ kanꞌ loꞌo Jesús: ―Yu kula ―ndukwin neꞌ kanꞌ―, ¿ta ja nchka tiiꞌ chaꞌ jñan ba kiiꞌ nu tyoꞌo nde niꞌ kwan chaꞌ kaluu lyuu seꞌen ndiꞌin neꞌ kwa a? Kuꞌni tyii ran ꞌin neꞌ siyaꞌ ti, skin neꞌ bra kanꞌ. Ngwañaꞌan yꞌni ayman Elías sꞌni ―ndukwin neꞌ ꞌin Jesús.

2 TESALONICENSES 1:8

Bra kanꞌ ta Ndiose nu tiꞌí ꞌin nchga nten nu ja xlyaa kunan chaꞌ nchkwiꞌ Ni. Kwiꞌ ngwañaꞌan, ta Ndiose nu tiꞌí ꞌin nten nu ja xlyaa xñi chaꞌ suꞌwe ꞌin Xꞌnaan Jesús.

HEBREOS 13:13

Loꞌo nan, suꞌwe si ja kutsean, ni siya tsaa loꞌo neꞌ ꞌñaan chaꞌ ta neꞌ nu tiꞌí ꞌñaan chaꞌ ꞌin Jesús, ñaꞌan tiꞌ si suꞌwa tsaan loꞌo Jesús.

EL APOCALIPSIS 11:5

Bra nu nchka tiꞌ nten chalyuu kuꞌni chaꞌ kuxi loꞌo tyukwaa neꞌ kanꞌ, ndse ti kalu kiiꞌ tuꞌwa neꞌ, kwiꞌ tiꞌí ꞌa xuwenꞌ ꞌin neꞌ kuxi kanꞌ; tyii neꞌ kuxi kuꞌni ñuꞌun ran ꞌin neꞌ bra kanꞌ. Ngwañaꞌan kaja nchga nten nu kuꞌni chaꞌ kuxi loꞌo neꞌ kanꞌ bra kanꞌ.

EL APOCALIPSIS 13:13

Loꞌo xka ꞌni chen ñaꞌan kanꞌ ni, loꞌo iꞌ ngiꞌni iꞌ kaꞌan chaꞌ tnun; ngiꞌni iꞌ chaꞌ ngalu kiiꞌ nu nsuꞌwi niꞌ kwan nde lo chalyuu, chaꞌ ñaꞌan kwiꞌya nchga nten ꞌin ran bra kanꞌ.