EL APOCALIPSIS 19:4 - Chatino Zona Alta Occidental

⁴ Loꞌo mdyisnan kala ndukwa jakwa yu kula kanꞌ, kwiꞌ ngwañaꞌan mdyisnan jakwa ꞌni kti kanꞌ, mdyisti neꞌ lyuu nde loo yka xlya tnun seꞌen ndukwa Ndiose; ngiꞌni tnun neꞌ ꞌin Ndiose bra kanꞌ. Nde ndiya chaꞌ nu nchkwiꞌ neꞌ kanꞌ: ―¡Ngwañaꞌan ka sikwa! ¡Kuꞌniin tnuan ꞌin Ndiose nu nka Xꞌnaan! ―ndukwin neꞌ ꞌin taꞌa neꞌ.

EL APOCALIPSIS 19:4 ပူးပေါင်းရင်းမြစ်များ

SAN MATEO 28:20

Kwaꞌu wan ꞌin neꞌ kanꞌ, chaꞌ kuꞌni neꞌ nchga tñan nu wa ngwaꞌuǔn ꞌwan. Loꞌo tyuꞌwi tiꞌ wan chaꞌ nu ykwiǐnꞌ loꞌo wan, chaꞌ naꞌ lkaǎn nu tyiꞌiǐn loꞌo wan nchga tsan sa ñaꞌan yaꞌ nu tsaa tii chalyuu. Sa kwa ti chaꞌ ykwiꞌ Jesús.

SAN MATEO 6:13

Ja taa chabiyaꞌ chaꞌ jwakii chaꞌ kuxi ꞌwa, kuloo ꞌwa yaꞌ kuneꞌ xaꞌan bra kanꞌ. Nuꞌwin ndloo tñan nchga chaꞌ; nchga chabiyaꞌ nu nsuꞌwi lo chalyuu, nchga chabiyaꞌ nu nsuꞌwi nde niꞌ kwan, nuꞌwin ndiya nchga chabiyaꞌ kanꞌ ꞌiin. Ja tsaa tii ꞌa chaꞌ tlyu la ti nuꞌwin. Ngwañaꞌan ka chaꞌ. Ngwañaꞌan chkwiꞌ wan loꞌo Ndiose.

1 CORINTIOS 14:16

Bra nu chkwiǐnꞌ chaꞌ ñaǎn skaǎn tiǎn, bra kanꞌ ja kaja ñaꞌan chkwiꞌ xka la nten: “Ngwañaꞌan ka chaꞌ sikwa”, xa wa mdyii ykwiǐnꞌ loꞌo Ndiose bra kanꞌ. Chaꞌ ñaǎn tiǎn ykwiǐnꞌ bra nu ngiꞌniin tnuan ꞌin Ndiose ngwañaꞌan; ja kaja ñaꞌan chkwiꞌ nten bra kanꞌ, chaꞌ ja ngwa biyaꞌ tiꞌ neꞌ sa ñaꞌan chaꞌ nu ykwiǐnꞌ, ni siya suꞌwe ꞌa ndyaǎn xuꞌwe ꞌin Ndiose, bra nu mdiꞌiǐn seꞌen ndyoꞌ tiꞌin nchga nten.

EL APOCALIPSIS 15:7

Loꞌo bra kanꞌ mdyituun ska ꞌni kti kanꞌ, kwiꞌ ndiya kati kaꞌnan oro yaꞌ iꞌ; loꞌo kicha nu nsuꞌwi niꞌ kaꞌnan kanꞌ ta Ndiose nu tiꞌí ꞌin nten chalyuu, chaꞌ msinꞌ ꞌa tiꞌ Ni ꞌin neꞌ, ti kwiꞌ Ni nu ja tsaa tii ꞌa chaꞌ ꞌin Ni. Mda iꞌ kaꞌnan kanꞌ ꞌin taꞌa kati angajle kanꞌ bra kanꞌ.

EL APOCALIPSIS 19:1

Chunꞌ ndiꞌin la chinꞌ ynaǎn nchkwiꞌ nten nu ndiꞌin sa tlyu ti nde seꞌen ndiꞌin Ndiose. Nde ndiya chaꞌ nu ykwiꞌ neꞌ bra kanꞌ: ¡Kuꞌniin tnuan ꞌin Ndiose Xꞌnaan!, chaꞌ nchka ꞌin Ni kulaa Ni ꞌin nten. ¡Chkwianꞌ suꞌwean chaꞌ ꞌin Ndiose!, chaꞌ nchka ꞌin Ni kuꞌni Ni nchga lo tñan siyaꞌ ti.

EL APOCALIPSIS 19:3

Xiyaꞌ kwen ykwiꞌ nten kaꞌan kanꞌ bra kanꞌ: ―¡Kuꞌniin tnuan ꞌin Ndiose Xꞌnaan! Ja tsaa tii chaꞌ tyoꞌo sñii seꞌen nchkin kichen tnun kwa.

EL APOCALIPSIS 19:6

Loꞌo kaꞌan ꞌa nten nganen nchkwiꞌ sa tlyu ti bra kanꞌ. Sa ñaꞌan nnen nduun tyiꞌa ska chku tlyaa tuꞌwa kee, sa ñaꞌan nnen bra nu kwen ꞌa nganen tiꞌyu, ngwañaꞌan nnen bra nu nchkwiꞌ nten kaꞌan kanꞌ, mskeꞌ tiǎnꞌ. Nde ndiya chaꞌ nu ykwiꞌ neꞌ bra kanꞌ: ¡Kuꞌniin tnuan ꞌin Ndiose nu nka Xꞌnaan!, kwiꞌ Ni nu nchga lo tñan nchka ꞌin kuꞌni, ndukwin neꞌ ꞌin taꞌa neꞌ. Wa mdyisnan Ni chaꞌ nka Ni ndloo ꞌñaan ni;

EL APOCALIPSIS 5:14

Taꞌa jakwa ꞌni kti kwa ni, mxkwen iꞌ ꞌin neꞌ bra kanꞌ: ―¡Ngwañaꞌan ka sikwa! ―ndukwin iꞌ bra kanꞌ. Loꞌo mduun xtyinꞌ nu kala ndukwa jakwa yu kula kanꞌ, ngiꞌni tnun yu ꞌin Ndiose, chaꞌ luꞌu Ni nchga tyempu siyaꞌ ti.