EL APOCALIPSIS 18:17 - Chatino Zona Alta Occidental

¹⁷ Loꞌo ni, ¡ska bra ti mnaꞌ nchga chaꞌ kuliyaꞌ kanꞌ ꞌwan! ―nchkwin neꞌ. Kwiꞌ nde kwa tsaa tuun nchga nu ngalaꞌ yka naꞌan, loꞌo nten nu ngiꞌni tñan niꞌ yka naꞌan, loꞌo nten nu nda liyaꞌ chaꞌ tsaa tijyuꞌ loꞌo yka naꞌan kanꞌ, loꞌo xka ta nten nu ndyiji kanan tijyuꞌ loꞌo yka naꞌan kanꞌ; tijyuꞌ tsaa tuun neꞌ kanꞌ tuꞌwa kichen bra kanꞌ.

EL APOCALIPSIS 18:17 ပူးပေါင်းရင်းမြစ်များ

LOS HECHOS 27:11

Ja ynan capitán ꞌin sndaru chaꞌ nu ykwiꞌ Palyu loꞌo; jlyo la tiꞌ neꞌ nu ngalaꞌ yaꞌ yka naꞌan loꞌo nu nka ndloo ꞌin yka naꞌan kanꞌ, mskeꞌ tiꞌ capitán kanꞌ.

EL APOCALIPSIS 17:12

’Xa nu naꞌaan ꞌni kanꞌ ni, wa ndiya tii yka ke iꞌ, kanꞌ lka tii ree nu ti ji ka ndloo lo chalyuu. Wa nsuꞌwi chabiyaꞌ ꞌin neꞌ kanꞌ, chaꞌ ka neꞌ ndloo ni siya ti xiꞌi ti; suꞌwa ti ka tnun neꞌ kanꞌ loꞌo ꞌni chen ñaꞌan kanꞌ bra kanꞌ.

EL APOCALIPSIS 17:16

Loꞌo taꞌa ree nu lka taꞌa tii yka ke ꞌni chen ñaꞌan kanꞌ nu tka naꞌaan, loꞌo ykwiꞌ ꞌni kanꞌ, loꞌo neꞌ kanꞌ ka tiꞌí tiꞌ neꞌ ꞌin kichen tnun kanꞌ; kulaa neꞌ nchga chaꞌ suꞌwe nu nsuꞌwi ꞌin neꞌ kichen kanꞌ, kanun neꞌ kichen ngwa ti ñaꞌan bra kanꞌ. Tikin ree kichen kanꞌ bra kanꞌ, kuꞌni tyii neꞌ ꞌin neꞌ kichen kanꞌ.

EL APOCALIPSIS 18:19

Loꞌo kuun neꞌ kata yuu ke neꞌ, sa ñaꞌan nu ngiꞌni nten kwa bra nu xiꞌin ꞌa tiꞌ. Xiꞌya ꞌa neꞌ bra kanꞌ: ―¡Tiꞌi ꞌa wan, chaꞌ tnun ꞌa kichen tyi wan nu ngwa xkanꞌ! ―nchkwin neꞌ kanꞌ―. Ti sꞌni la kuliyaꞌ ꞌa taꞌaan nu nkaan xꞌnan yka naꞌan, nu ndaꞌan loꞌoan yuꞌwa ꞌin kichen re tijyuꞌ. ¿La nde yaꞌ kaja chaꞌ kanꞌ ni a? ¡Ska bra ti mnaꞌ nchga chaꞌ suꞌwe ꞌñaan! ―nchkwin nu ndaꞌan loꞌo yka naꞌan kanꞌ bra kanꞌ.