Loꞌo ykwiꞌ angajle loꞌoǔn xiyaꞌ: ―Ti ndiꞌin chaꞌ chkwiiꞌ chaꞌ re loꞌo nten chalyuu xiyaꞌ, nchga chaꞌ nu nchka tiꞌ Ndiose chkwiꞌ chaꞌ ꞌin nchga lo nten chalyuu, ni siya chaꞌ ꞌin nten nu nka ndloo, ni siya chaꞌ ꞌin nten tyukwi ñaꞌaan chalyuu la seꞌen ndiꞌin nten; ni siya chaꞌ ꞌin nten nu nchkwiꞌ nchga lo chaꞌ nu nchkwiꞌ nten chalyuu, nuꞌwin ndiꞌin chaꞌ chkwiiꞌ loꞌo neꞌ kwa bra kanꞌ.
EL APOCALIPSIS 17:12 - Chatino Zona Alta Occidental12 ’Xa nu naꞌaan ꞌni kanꞌ ni, wa ndiya tii yka ke iꞌ, kanꞌ lka tii ree nu ti ji ka ndloo lo chalyuu. Wa nsuꞌwi chabiyaꞌ ꞌin neꞌ kanꞌ, chaꞌ ka neꞌ ndloo ni siya ti xiꞌi ti; suꞌwa ti ka tnun neꞌ kanꞌ loꞌo ꞌni chen ñaꞌan kanꞌ bra kanꞌ. အခန်းကိုကြည့်ပါ။ |
EL APOCALIPSIS 17:12
12 ပူးပေါင်းရင်းမြစ်များ
Mdoꞌoǔn ndyaa tuǔn tuꞌwa tujoꞌo bra kanꞌ. Naꞌaǎn nde tuꞌwa tyiꞌa chaꞌ ndijyan ndoꞌo tukwa ska ꞌni nu chen ꞌa ñaꞌan; ndukwa tii yka ke iꞌ, kwiꞌ nsuꞌwi kati ke iꞌ bra kanꞌ. Lo taꞌa yka ke iꞌ kanꞌ ndukwa sneꞌ nu xaa ꞌa, chaꞌ lka iꞌ ndloo lo chalyuu re. Lo taꞌa kati ke iꞌ ndukwa nin kuneꞌ xaꞌan, kwiꞌ nin nu nchkwiꞌ chaꞌ tiꞌí ꞌin Ndiose.
Loꞌo taꞌa ree nu lka taꞌa tii yka ke ꞌni chen ñaꞌan kanꞌ nu tka naꞌaan, loꞌo ykwiꞌ ꞌni kanꞌ, loꞌo neꞌ kanꞌ ka tiꞌí tiꞌ neꞌ ꞌin kichen tnun kanꞌ; kulaa neꞌ nchga chaꞌ suꞌwe nu nsuꞌwi ꞌin neꞌ kichen kanꞌ, kanun neꞌ kichen ngwa ti ñaꞌan bra kanꞌ. Tikin ree kichen kanꞌ bra kanꞌ, kuꞌni tyii neꞌ ꞌin neꞌ kichen kanꞌ.
Loꞌo ni, ¡ska bra ti mnaꞌ nchga chaꞌ kuliyaꞌ kanꞌ ꞌwan! ―nchkwin neꞌ. Kwiꞌ nde kwa tsaa tuun nchga nu ngalaꞌ yka naꞌan, loꞌo nten nu ngiꞌni tñan niꞌ yka naꞌan, loꞌo nten nu nda liyaꞌ chaꞌ tsaa tijyuꞌ loꞌo yka naꞌan kanꞌ, loꞌo xka ta nten nu ndyiji kanan tijyuꞌ loꞌo yka naꞌan kanꞌ; tijyuꞌ tsaa tuun neꞌ kanꞌ tuꞌwa kichen bra kanꞌ.
Loꞌo kuun neꞌ kata yuu ke neꞌ, sa ñaꞌan nu ngiꞌni nten kwa bra nu xiꞌin ꞌa tiꞌ. Xiꞌya ꞌa neꞌ bra kanꞌ: ―¡Tiꞌi ꞌa wan, chaꞌ tnun ꞌa kichen tyi wan nu ngwa xkanꞌ! ―nchkwin neꞌ kanꞌ―. Ti sꞌni la kuliyaꞌ ꞌa taꞌaan nu nkaan xꞌnan yka naꞌan, nu ndaꞌan loꞌoan yuꞌwa ꞌin kichen re tijyuꞌ. ¿La nde yaꞌ kaja chaꞌ kanꞌ ni a? ¡Ska bra ti mnaꞌ nchga chaꞌ suꞌwe ꞌñaan! ―nchkwin nu ndaꞌan loꞌo yka naꞌan kanꞌ bra kanꞌ.
ကြော်ငြာတွေ