EL APOCALIPSIS 17:10 - Chatino Zona Alta Occidental

¹⁰ kwiꞌ kichen kanꞌ ndiꞌin kati ree nu nka ndloo chalyuu. Wa mdyii chaꞌ ꞌin kiꞌyu ree nu ngwa ndloo kanꞌ, ni siya ti ndukwa ska ree taꞌa neꞌ kanꞌ nu nka ndloo ni; kwiꞌ ngwañaꞌan, ti ji kan xka ree taꞌa neꞌ kanꞌ nu ka ndloo chalyuu nde loo la, ni siya xiꞌi ti ka ree kanꞌ ndloo, xa wa mdiyan yu lo chalyuu.

EL APOCALIPSIS 17:10 ပူးပေါင်းရင်းမြစ်များ

EL APOCALIPSIS 10:11

Loꞌo ykwiꞌ angajle loꞌoǔn xiyaꞌ: ―Ti ndiꞌin chaꞌ chkwiiꞌ chaꞌ re loꞌo nten chalyuu xiyaꞌ, nchga chaꞌ nu nchka tiꞌ Ndiose chkwiꞌ chaꞌ ꞌin nchga lo nten chalyuu, ni siya chaꞌ ꞌin nten nu nka ndloo, ni siya chaꞌ ꞌin nten tyukwi ñaꞌaan chalyuu la seꞌen ndiꞌin nten; ni siya chaꞌ ꞌin nten nu nchkwiꞌ nchga lo chaꞌ nu nchkwiꞌ nten chalyuu, nuꞌwin ndiꞌin chaꞌ chkwiiꞌ loꞌo neꞌ kwa bra kanꞌ.

EL APOCALIPSIS 13:12

Ti kwiꞌ sa ñaꞌan nu ndlo ꞌni chen ñaꞌan tñan ꞌin nten, kwiꞌ ꞌni nu yan kulo ndukwa la, ngwañaꞌan nchka ꞌin xka ꞌni re kulo iꞌ tñan ꞌin nten; chaꞌ jwersa ndatsaa iꞌ ꞌin nchga nten chalyuu chaꞌ kuꞌni tnun ꞌin ꞌni nu yan lo chalyuu ti kulo, kwiꞌ nu nchkaa seꞌen tiꞌí ꞌa mjwi cha ke iꞌ bra kanꞌ.

EL APOCALIPSIS 13:3

Wa nganun ska biyaꞌ lo ska ke iꞌ seꞌen mjwi cha iꞌ ska yaꞌ; wa kaja ti iꞌ nu ngwa bra kanꞌ, mskeꞌ tiǎnꞌ, loꞌo wa nchkaa seꞌen nu lye ꞌa tiꞌí iꞌ bra kanꞌ. Nduwe ꞌa tiꞌ nten chalyuu ñaꞌan ꞌin iꞌ; ndyaa ñaꞌan tiꞌ neꞌ ꞌin iꞌ, chaꞌ xiyaꞌ nchkaa seꞌen nu lye ꞌa tiꞌí iꞌ bra kanꞌ.

EL APOCALIPSIS 17:11

Loꞌo ꞌni nu luꞌu nu ngwa sꞌni kanꞌ, kwiꞌ nu ja luꞌu ni, kanꞌ lka xka ree nu ka ndloo; sa ñaꞌan nu nka kati ree kanꞌ ndloo lo chalyuu, kwiꞌ ngwañaꞌan ka xka ree kanꞌ ndloo lo chalyuu, chaꞌ kwiꞌ lka nu ndiꞌin chaꞌ tyaa lo jwlyaa ―ndukwin angajle ꞌñaǎn―.

EL APOCALIPSIS 17:16

Loꞌo taꞌa ree nu lka taꞌa tii yka ke ꞌni chen ñaꞌan kanꞌ nu tka naꞌaan, loꞌo ykwiꞌ ꞌni kanꞌ, loꞌo neꞌ kanꞌ ka tiꞌí tiꞌ neꞌ ꞌin kichen tnun kanꞌ; kulaa neꞌ nchga chaꞌ suꞌwe nu nsuꞌwi ꞌin neꞌ kichen kanꞌ, kanun neꞌ kichen ngwa ti ñaꞌan bra kanꞌ. Tikin ree kichen kanꞌ bra kanꞌ, kuꞌni tyii neꞌ ꞌin neꞌ kichen kanꞌ.