EL APOCALIPSIS 16:17 - Chatino Zona Alta Occidental

¹⁷ Loꞌo ndyaa angajle nu nchka kati, ndyaa mslu nan nu nsuꞌwi niꞌ kaꞌnan lo kwiꞌin ti bra kanꞌ. Loꞌo kwen nchkwiꞌ nu ndukwa lo yka xlya tnun la niꞌ lyaa tnun ꞌin Ndiose nde niꞌ kwan bra kanꞌ: ―Wa ngwa chaꞌ kanꞌ ni ―ndukwin Ni.

EL APOCALIPSIS 16:17 ပူးပေါင်းရင်းမြစ်များ

SAN JUAN 19:30

Bra wa ytiꞌ Jesús mñun kanꞌ, bra kanꞌ ndukwin yu: ―Wa ngwa nchga chaꞌ. Bra kanꞌ ngwiꞌya tukwi ke yu, ngujwi yu bra kanꞌ.

EFESIOS 2:2

Nu ngwa bra kanꞌ, loꞌo wan yꞌni wan nchga chaꞌ kuxi nu ngiꞌni nten chalyuu; mdukwa ꞌa wan tñan nu ngulo kuneꞌ xaꞌan nu nka ndloo la ꞌin nchga kwiꞌin kuxi nu nsuꞌwi lo chalyuu, ti kwiꞌ chaꞌ kuxi kanꞌ lka nu ndatsaa ꞌin nten chalyuu chaꞌ ja kunan neꞌ chaꞌ nu nchkwiꞌ Ndiose.

EFESIOS 6:12

Ja nxuan loꞌo nten chalyuu ti, nu chinꞌ ti jwersa nsuꞌwi ꞌin neꞌ; nu nxuun loꞌoan lka nchga kwiꞌin kuxi nu nsuꞌwi nde niꞌ kwan. Ngula ꞌa tiꞌ kwiꞌin kanꞌ, kwiꞌ kanꞌ lka nu nchka ꞌa tiꞌ tyijin lyo ꞌin Ndiose; loꞌo ja nchka ꞌin ran. Ti kwiꞌ kwiꞌin kuxi kanꞌ nchka tiꞌ ka xꞌnan chalyuu, loꞌo ngwañaꞌan ndlo ran tñan ꞌin nten chaꞌ kuꞌni neꞌ nchga loo chaꞌ kuxi lo chalyuu bra ni.

EL APOCALIPSIS 11:15

Wa lka kati yaꞌ ynen ngwaꞌa angajle kuwi chkwan. Kwiꞌ tyun ꞌa nu nganen nchkwiꞌ nde niꞌ kwan bra kanꞌ, kwiꞌ nu nchkwiꞌ chaꞌ re: Sa bra ni nganun tsaa chaꞌ ꞌin nu nka Xꞌnaan, kwiꞌ ngwañaꞌan chaꞌ ꞌin Krixtu, chaꞌ ka Ni ndloo tyukwi ñaꞌaan chalyuu, ndukwin Ni kanꞌ. Loꞌo ni, ja tsaa tii ꞌa chaꞌ kulo Ni tñan lo chalyuu bra kanꞌ.

EL APOCALIPSIS 11:19

Loꞌo naꞌaǎn seꞌen ndukwa laa tnun ꞌin Ndiose nde niꞌ kwan, naꞌaǎn la niꞌ lyaa seꞌen ndukwa tñaꞌ kti, seꞌen ndukwa Ndiose la seꞌen ndiꞌin nten ꞌin Ni nu ngwa ti sꞌni. Bra kanꞌ lye ꞌa nganen lo chalyuu, lye ꞌa ndyuwi, kwiꞌ lye ꞌa nganen tiꞌyu; kwiꞌ lye mñan, loꞌo ngwañaꞌan tlyaa ꞌa tyoo kee ngwiꞌya bra kanꞌ.

EL APOCALIPSIS 14:15

Kwiꞌ mdoꞌo ska angajle niꞌ lyaa ꞌin Ndiose la niꞌ kwan, kwiꞌ nu kwen msiꞌya ꞌin Ni nu ndukwa chunꞌ koo kanꞌ: ―Suꞌwaa lyaa xtyi ꞌiin, xoꞌ tiꞌiin kixin trigu, chaꞌ mta kanꞌ lka nten ꞌin Ndiose nu ndiꞌin lo chalyuu. Wa mdiya tsan nu kuꞌni Ni kwa lo chalyuu, wa lka ndukwa chaꞌ ꞌin Ni chaꞌ ka chaꞌ kanꞌ bra kanꞌ.

EL APOCALIPSIS 14:17

Chunꞌ ndiꞌin la naꞌaǎn xka angajle nu mdoꞌo niꞌ lyaa ꞌin Ndiose la niꞌ kwan. Loꞌo angajle kanꞌ ndukwa xtyi cha yaꞌ bra kanꞌ.

EL APOCALIPSIS 16:1

Chunꞌ ndiꞌin la ynaǎn ykwiꞌ ska nten niꞌ lyaa tnun kanꞌ, kwen ykwiꞌ loꞌo taꞌa kati angajle ꞌin Ndiose kanꞌ: ―Yaa lya wan slu wan nan nu nsuꞌwi niꞌ kaꞌnan kanꞌ lo chalyuu, taꞌa kati kaꞌnan seꞌen nsuꞌwi kicha nu ta Ndiose ꞌin nten.

EL APOCALIPSIS 21:6

Chunꞌ ndiꞌin la ykwiꞌ Ni loꞌoǔn xiyaꞌ: ―Ngwañaꞌan ka sikwa. Ñaꞌan tiꞌ letra A ―ndukwin Ni―, kwiꞌ ngwañaꞌan naꞌ, wa nsuꞌwiǐn bra nu mdyisnan chalyuu; ñaꞌan tiꞌ letra Z, kwiꞌ ngwañaꞌan, ti kwiǐnꞌ xuꞌwiǐn bra nu tyii chalyuu ―ndukwin Ni―. Loꞌo xuꞌwe ti taǎn nan koꞌo nten nu jñan ꞌa chaꞌ kanꞌ ꞌñaǎn; nan koꞌo neꞌ kanꞌ ni, tyoꞌo ran seꞌen nsuꞌwi nchga chaꞌ suꞌwe nu taǎn ꞌin nten chaꞌ kuꞌni kuꞌu kasiya ꞌin neꞌ bra kanꞌ.