EL APOCALIPSIS 14:12 - Chatino Zona Alta Occidental

¹² Loꞌo nan ni, taloan chaꞌ kuxi kanꞌ ska ti si ndiꞌin chaꞌ ꞌñaan loꞌo Ndiose, ska ti si kunaan tñan nu kulo Ni ꞌñaan, ska ti si xñi suꞌwean chaꞌ ꞌin Jesús; kanꞌ nu ka ꞌñaan taloan chaꞌ kuxi kanꞌ bra kanꞌ.

EL APOCALIPSIS 14:12 ပူးပေါင်းရင်းမြစ်များ

2 TIMOTEO 4:7

Wa lye ꞌa msuꞌwaǎn jwersa chaꞌ katin chaꞌ kuxi; wa mdyii mdaꞌaǎn tuwiin ꞌin Jesucristo, kanꞌ chaꞌ wa tyaꞌaǎn tiǎn seꞌen ndiꞌin Ndiose. Chaꞌ suꞌwe nu wa msñian ni, wa nganun suꞌwe chaꞌ kanꞌ niꞌ kasiya ꞌñaǎn,

1 SAN JUAN 2:3

Bra nu nchka tianꞌ tukwaan nchga tñan nu nchka tiꞌ Ni chaꞌ kuꞌnian, bra kanꞌ ka jlyo tianꞌ chaꞌ chañi chaꞌ ndiꞌin chaꞌ ꞌñaan loꞌo Jesucristo.

EL APOCALIPSIS 12:17

Kanꞌ chaꞌ msinꞌ ꞌa tiꞌ kunan ꞌin nu kunaꞌan kanꞌ bra kanꞌ, ndyaa naan iꞌ chaꞌ kusuun loꞌo nchga nten nu tyiꞌin chaꞌ ꞌin loꞌo nu kunaꞌan kanꞌ chunꞌ ndiꞌin la bra kanꞌ; mdsuun iꞌ loꞌo nchga nten nu nganan tñan nu ngulo Ndiose ꞌñaan, kwiꞌ nu ja ntsen chkwiꞌ sa ñaꞌan nu chañi lka chaꞌ ꞌin Jesús loꞌo nten bra kanꞌ.

EL APOCALIPSIS 13:10

Bra nu ndiꞌin chaꞌ tsaa loꞌo neꞌ ꞌin ska wan niꞌ ñaꞌan chkwan, ngwañaꞌan ka sikwa. Ja kutsen wan bra kanꞌ. Bra nu ndiꞌin chaꞌ kujwi nten ꞌin ska wan, ni siya loꞌo xtyi, ngwañaꞌan ka sikwa. Ja kutsen wan bra kanꞌ. Ndiꞌin chaꞌ taloan nchga chaꞌ kuxi; ndiꞌin chaꞌ nchga tsan tsaa ñaꞌan tianꞌ ꞌin Ndiose, si ndiꞌin chaꞌ ꞌñaan loꞌo Ni lo chalyuu re bra kanꞌ.

EL APOCALIPSIS 2:13

Wa jlyo tiǎnꞌ nchga chaꞌ nu ngiꞌni wan” ndukwin Ni. “Jlyo tiǎnꞌ chaꞌ Satanás lka ndloo seꞌen ndiꞌin wan; ni siya ngwañaꞌan, ti suꞌwe ꞌa nxñi wan chaꞌ ꞌñaǎn” ndukwin Ni. “Ja ya kulaa yaꞌ wan chaꞌ ꞌñaǎn; ti ndyaa ñaꞌan tiꞌ wan ꞌñaǎn, ni siya kuxi ꞌa ngwa tyempu nu yjwi neꞌ ꞌin ayman Antipas bra kanꞌ. Ja ytsen ayman kanꞌ, suꞌwe ꞌa ykwiꞌ yu chaꞌ ꞌñaǎn nde kichen tyi wan seꞌen nu lka Satanás ndloo.

EL APOCALIPSIS 3:10

Wa ndyaa yuꞌwi tiꞌ wan chaꞌ nu ykwiǐnꞌ loꞌo wan nu ngwa xkanꞌ, chaꞌ taloo wan tyiꞌin ta wan ꞌñaǎn ñaꞌan bra nu ndijyaǎn xiyaꞌ; kanꞌ chaꞌ ni, kuꞌniǐn chaꞌ ja ska ka ꞌwan bra nu tiya tyempu kuxi lo chalyuu re. Wa tiya ti chaꞌ kuxi kanꞌ, chaꞌ ñaꞌan biyaꞌ Ni ꞌin nchga nten chalyuu bra kanꞌ.

EL APOCALIPSIS 3:8

Jlyo tiǎnꞌ nchga chaꞌ nu ngiꞌni wan” ndukwin Jesús. “Wa ndaǎn ska tñan suꞌwe nu kuꞌni wan, loꞌo ja tukwin ka tukunꞌ chaꞌ ꞌwan chaꞌ kuꞌni wan ꞌin ran bra kanꞌ. Loꞌo jlyo tiǎnꞌ chaꞌ ja ka lye ꞌwan chkwiꞌ wan loꞌo nten chaꞌ ꞌñaǎn, chaꞌ chinꞌ ti bra ndalo wan. Sa kanꞌ ti chaꞌ, ti nnan wan nchga chaꞌ nu ngwaꞌuǔn ꞌwan, loꞌo ja ya kulaa yaꞌ wan chaꞌ ꞌñaǎn.