EL APOCALIPSIS 13:18 - Chatino Zona Alta Occidental

¹⁸ Xñi wan kwenta ni ñaꞌan chaꞌ nchka re sikwa. Si ka biyaꞌ suꞌwe tianꞌ, tyija lyo chaꞌ ꞌñaan sa ñaꞌan ndyoꞌo chaꞌ ꞌin número ꞌin ꞌni kanꞌ; número ꞌin iꞌ ni, sa ñaꞌan lka nin nten, ngwañaꞌan lka ran. Loꞌo nde lka número kanꞌ: skwa siyentu nsuꞌwi snan yla ndukwa skwa bra kanꞌ.

EL APOCALIPSIS 13:18 ပူးပေါင်းရင်းမြစ်များ

SAN MARCOS 13:14

’Ndukwa ska chaꞌ lo kityi nu ngwaꞌan ayman Daniel nu ykwiꞌ chaꞌ ꞌin Ndiose loꞌo nten nu ngwa sꞌni; wa ngwaꞌan chaꞌ nde loo la ñaꞌan wan bra nu xituun neꞌ ska nan nu chen ꞌa ñaꞌan, nu kuꞌni ñuꞌun ꞌin nchga nan luwi. ―Ka biyaꞌ tiꞌ wan chaꞌ kanꞌ bra nu chkwiꞌ wan lo kityi re―. Bra nu ñaꞌan wan chaꞌ nduun nan chen ñaꞌan kanꞌ nde niꞌ lyaa tnun seꞌen ja nsuꞌwi chabiyaꞌ tyuun ran ―ndukwin Jesús―, bra kanꞌ ndiꞌin chaꞌ xnan nchga wan nu ndiꞌin lo yuu Judea, xnan wan chaꞌ xuꞌwi kutsiꞌ wan lo kiꞌya.

ROMANOS 3:5

Chaꞌ nu nan ni, nsuꞌwi ꞌa chaꞌ kuxi nu ngiꞌnian; loꞌo chaꞌ kuxi kanꞌ, ngiꞌni chaꞌ ka biyaꞌ la tianꞌ chaꞌ ñi ꞌa ngiꞌni Ndiose. ¿Ni sa ñaꞌan chkwianꞌ ni sikwa a? ¿Ta ja ñi ngiꞌni Ndiose loꞌoan a? ¿O ta ja suꞌwe si ta Ndiose nu tiꞌí ꞌñaan chaꞌ wa yꞌnian chaꞌ kuxi a? (Ndiya nten nu ngwañaꞌan nchkwiꞌ.)

EL APOCALIPSIS 1:3

Suꞌwe ꞌa ka tiye wan, bra nu chkwiꞌ wan lo kityi re, bra nu kunan wan chaꞌ nu nchkwiꞌ kityi re, nchga chaꞌ nu ka lo chalyuu re chunꞌ ndiꞌin la; bra nu kuꞌnian nchga chaꞌ nu nchkwiꞌ kityi re, suꞌwe ꞌa ka tiyean bra kanꞌ. Kwiꞌ ngwañaꞌan, wa ndla ti ka nchga chaꞌ nu ngwaꞌaǎn re.

EL APOCALIPSIS 15:2

Loꞌo naꞌaǎn ska tiyuꞌ nu luwi ꞌa ñaꞌan ñaꞌan tiꞌ kunan, ngwañaꞌan luwi ꞌa lo tiyuꞌ kanꞌ; sa ñaꞌan ndyituun ska kiiꞌ nchkin, ngwañaꞌan ñaꞌan tiyuꞌ kanꞌ, mskeꞌ tiǎnꞌ bra kanꞌ. Tuꞌwa tiyuꞌ xaa kanꞌ naꞌaǎn nduun nchga nten nu wa mdijin lyo ꞌin ꞌni chen ñaꞌan kanꞌ. Ja mslyaa neꞌ kuꞌni tnun neꞌ ꞌin nkwin ꞌni kanꞌ, ti kwiꞌ ti ja mslyaa neꞌ chaꞌ tyaꞌan biyaꞌ ꞌin iꞌ chunꞌ yaꞌ neꞌ, ni siya wa ngujwi neꞌ kanꞌ chaꞌ ja mslyaa neꞌ kuꞌni neꞌ ngwañaꞌan. Biyaꞌ kanꞌ lka número nu katsaꞌ sa ñaꞌan naan iꞌ bra kanꞌ. Nduun neꞌ kanꞌ nde kwa, ngala neꞌ snen tnun nu naan arpa nu wa mda Ndiose ꞌin neꞌ bra kanꞌ.

EL APOCALIPSIS 17:9

’Nde ñaꞌan ndyoꞌo chaꞌ re, si ka biyaꞌ tiꞌ wan ―ndukwin angajle ꞌñaǎn―. Nu lka kati ke ꞌni kanꞌ ni, kanꞌ lka kati kiꞌya xuwe ti seꞌen nskwa kichen tnun kanꞌ, nu lye ꞌa ngiꞌni ñuꞌun chalyuu;

EL APOCALIPSIS 21:17

Loꞌo msuꞌwa biyaꞌ angajle kanꞌ ꞌin loꞌoo kichen, chaꞌ snan yla ndukwa jakwa metro biyaꞌ kwan ran bra kanꞌ. Ti kwiꞌ ñaꞌan biyaꞌ chkwan nu nnanjoꞌo ꞌñaan lo chalyuu re, kwiꞌ ngwañaꞌan ngwa biyaꞌ chkwan nu ngunanjoꞌo ꞌin angajle kanꞌ, xa nu msuꞌwa biyaꞌ lo kichen.