EL APOCALIPSIS 10:1 - Chatino Zona Alta Occidental

¹ Chunꞌ ndiꞌin la naꞌaǎn nduun xka angajle nu wa mdoꞌo seꞌen ndiꞌin Ndiose niꞌ kwan, mbiꞌya lo chalyuu bra kanꞌ; nan wa mxiin ska ko ñaꞌaan chunꞌ bra kanꞌ; nchga tñan nchka ꞌin angajle kanꞌ. Ndukwi kunan taa ke, loꞌo xaa ꞌa tloo ñaꞌan tiꞌ xaa kwichaa; kwiꞌ ngwañaꞌan, tijyan kiyaꞌ loꞌo tijyan ndan angajle kanꞌ, lye ꞌa ndyuꞌwi xaa sa ñaꞌan lka bra nu ndyituun kiiꞌ.

EL APOCALIPSIS 10:1 ပူးပေါင်းရင်းမြစ်များ

SAN MATEO 17:2

Xa nu ti naꞌan neꞌ kanꞌ ꞌin Jesús, wa mxaꞌan tyukwi ñaꞌaan bra kanꞌ. Luwi ꞌa ñaꞌan tloo yu; sa ñaꞌan luwi xaa kwichaa, ngwañaꞌan ñaꞌan yu bra kanꞌ. Ñaꞌan tiꞌ ska xaa nu ngaten ꞌa, ngwañaꞌan ngaten ꞌa ñaꞌan steꞌ yu.

SAN LUCAS 21:27

Bra kanꞌ ñaꞌan neꞌ ꞌñaǎn ykwiǐnꞌ, chaꞌ wa msuꞌwa Ndiose ꞌñaǎn ndijyaǎn chaꞌ kaǎn nten, ñaꞌan neꞌ ꞌñaǎn bra nu kaǎn xiyaꞌ laja koo nu luwi ꞌa. Tlyu ꞌa chabiyaꞌ kaja ꞌñaǎn bra nu kaǎn bra kanꞌ; kwiꞌ ngwañaꞌan, lye ꞌa xuꞌwi xaa seꞌen kaǎn bra kanꞌ, chaꞌ kaǎn ndloo la.

LOS HECHOS 26:13

Wa mdiya ndiꞌya kwan, ree Agripa, kanꞌ mdoꞌo ska xaa tlyu ꞌin Ndiose nde niꞌ kwan msti ran lyuu nchga seꞌen nduun ba loꞌo taꞌa ndaꞌan ba. Joꞌo la njyiꞌin xaa kwichaa, lye la mjiꞌin xaa kanꞌ.

EL APOCALIPSIS 1:7

¡Xñi wan kwenta! Ti tyaan Jesucristo lo chalyuu re xiyaꞌ ska lo koo ngaten. Ñaꞌan nchga nten ꞌin Ni bra kanꞌ; loꞌo nten nu tiꞌí ꞌa tiꞌ ꞌin Ni xa nu yan Ni lo chalyuu, loꞌo nten nu yojoꞌ chkwan cha yaꞌ Ni siꞌ Ni, loꞌo neꞌ kanꞌ ñaꞌan neꞌ ꞌin Ni xiyaꞌ bra kanꞌ. Loꞌo lye ꞌa xiꞌya yija nten tyukwi ñaꞌaan chalyuu chaꞌ xiꞌin tiꞌ neꞌ bra nu tyaan Jesús xiyaꞌ, chaꞌ wa jlyo tiꞌ neꞌ chaꞌ ndukwi neꞌ kiꞌya. Kwiꞌ ngwañaꞌan ka chaꞌ kanꞌ sikwa.

EL APOCALIPSIS 18:1

Chunꞌ ndiꞌin la naꞌaǎn xka angajle ꞌin Ndiose mbiꞌya lo chalyuu; tnun ꞌa chabiyaꞌ ndiꞌya angajle kanꞌ, kwiꞌ xaa ꞌa tyukwi ñaꞌaan, sa yaꞌ nu nda xaa tyukwi ñaꞌaan lo chalyuu bra kanꞌ.

EL APOCALIPSIS 18:21

Chunꞌ ndiꞌin la yan ska angajle nu tnun ꞌa tñan ndiꞌin chaꞌ kuꞌni. Mskwen kwan angajle kanꞌ ska kee tnun nu skwi lo; ñaꞌan tiꞌ kee molino, ngwañaꞌan ñaꞌan kee kanꞌ. Nguun ꞌin ran ndyaa lo tyiꞌa tujoꞌo bra kanꞌ. ―Kwiꞌ ngwañaꞌan ka ꞌin kichen Babilonia, kichen tnun kwa ―ndukwin angajle kanꞌ―. Xkwaan nten ꞌin kichen kwa la lyuu siyaꞌ ti; loꞌo ja la ꞌa ñaꞌan neꞌ kichen kanꞌ xiyaꞌ bra kanꞌ.

EL APOCALIPSIS 20:1

Chunꞌ ndiꞌin la naꞌaǎn chaꞌ mbiꞌya xka angajle nu mdoꞌo nde niꞌ kwan seꞌen ndiꞌin Ndiose bra kanꞌ. Angajle kanꞌ ndiꞌya yaꞌ naꞌan tu tiyu kiꞌñi seꞌen ndiꞌin kuneꞌ xaꞌan, loꞌo ndiꞌya ska karenan tukwin ndijyan bra kanꞌ.

EL APOCALIPSIS 4:3

Xaa ꞌa ñaꞌan tloo yu kula nu ndukwa la kwa, tyun kolo nsuꞌwi tloo Ni, sa ñaꞌan lka kee xaa ngutsi, sa ñaꞌan lka kee xaa ngaꞌa. Tyiꞌiin chunꞌ seꞌen ndukwa Ni nduun kunan taa nu ngaꞌá xaa.

EL APOCALIPSIS 5:2

Loꞌo naꞌaǎn chaꞌ nde kwa nduun ska nten nu ngula tiꞌ, ska angajle ꞌin Ndiose bra kanꞌ. Kwen ꞌa msiꞌya angajle kanꞌ: ―¿Ti ka nu ndiya chabiyaꞌ ꞌin chaꞌ xtun kiñaꞌ nu nchkunꞌ tuꞌwa kityi mtu kanꞌ, chaꞌ slaa kityi kanꞌ a? ―ndukwin angajle kanꞌ.

EL APOCALIPSIS 8:13

Loꞌo naꞌaǎn seꞌen ndukwi ska angajle jluꞌwe niꞌ kwan, ñaꞌan tiꞌ la kwiꞌya ngwañaꞌan ñaꞌan angajle kanꞌ. Ynaǎn chaꞌ kwen ꞌa msiꞌya: ―¡Tꞌnan ꞌa wan bra nu kwaꞌa xnan angajle kanꞌ kuwi chkwan ꞌin chunꞌ ndiꞌin la ti chinꞌ; tꞌnan ꞌa nchga nten nu ti nganun lo chalyuu xa nu kanen ran bra kanꞌ! ―ndukwin angajle kanꞌ.