COLOSENSES 4:17 - Chatino Zona Alta Occidental

¹⁷ Nde lka chaꞌ nu chkwiꞌ wan loꞌo Arquipo taꞌaan: “Wa nda ykwiꞌ Xꞌnaan ska tñan nu kuꞌnii chaꞌ ꞌin Ni” nchkwin wan ꞌin yu, “kanꞌ chaꞌ ni, suꞌwe ti kuꞌnii tñan kanꞌ, chaꞌ tsaa toꞌo suꞌwe ran”.

COLOSENSES 4:17 ပူးပေါင်းရင်းမြစ်များ

SAN MATEO 25:17

Kwiꞌ ngwañaꞌan yꞌni xka msu nu nsuꞌwi tukwa mi tñi plata ꞌin, yꞌni yu kanan tyukwa mi tñi plata.

LOS HECHOS 1:17

Suꞌwa ti mdaꞌan ayman Juda loꞌoan, suꞌwa ti yꞌni yu tñan loꞌoan nu ngwa xkanꞌ.

LOS HECHOS 14:23

Loꞌo ngulo suwi Palyu loꞌo Bernabé ꞌin nten nu ka ndloo ꞌin nchga ta nten ꞌin Jesucristo nu ndiꞌin ska kichen tyi neꞌ; yꞌni Palyu loꞌo Bernabé tñan kanꞌ nchga kichen seꞌen ndyaa neꞌ. Tyun bra ja yku neꞌ tyija tsan nu ykwiꞌ neꞌ loꞌo Ndiose chaꞌ kulo suwi neꞌ ꞌin nten nu ka ndloo ꞌin ska ta nten ꞌin Jesucristo. Mjñan neꞌ ꞌin Xꞌnaan chaꞌ ñaꞌansiin Ni ꞌin neꞌ kanꞌ, chaꞌ ja ka kuxi ꞌin neꞌ, chaꞌ suꞌwe ꞌa msñi neꞌ kanꞌ chaꞌ ꞌin Ndiose.

LOS HECHOS 20:28

Loꞌo ni, ndiꞌin chaꞌ ñaꞌansiin wan ꞌwan, ti ykwiꞌ ti wan; kwiꞌ ngwañaꞌan, ñaꞌansiin wan ꞌin nchga nten ꞌin Jesucristo nde kichen tyi wan, chaꞌ wa nda Tyiꞌi Ndiose tñan ꞌwan chaꞌ ka wan ndloo ꞌin nchga ta nten kanꞌ. Tnun ꞌa tñan yꞌni Xꞌnaan chaꞌ katin kiꞌya nu ndiꞌin ꞌñaan bra nu ngujwi yu lo wsi, ngalu tnen ykwiꞌ yu.

EFESIOS 4:11

Chaꞌ tyun loo chabiyaꞌ nda Jesús ꞌin nten chalyuu, kanꞌ chaꞌ ka kuꞌni nten tñan nu nda Ni ꞌin neꞌ chaꞌ kuꞌni neꞌ: Ti kulo wa nda Krixtu tñan kanꞌ ꞌin nten nu yꞌni xaꞌan chaꞌ ꞌin yu; bra kanꞌ nda Ni tñan ꞌin nten nu ka chkwiꞌ nan lka nu wa kuꞌni ti Ndiose lo chalyuu; loꞌo xka ta nten ni, mjwi chabiyaꞌ chaꞌ katsaꞌ ñi neꞌ ꞌin nten sa ñaꞌan nu ka tyoꞌo laa neꞌ ꞌin nchga chaꞌ kuxi; kwiꞌ ngwañaꞌan, nda Ni chabiyaꞌ ꞌin nten nu tyuun loo la ꞌin taꞌa nten neꞌ, chaꞌ ka neꞌ kanꞌ mstru, chaꞌ kwaꞌu neꞌ kanꞌ chaꞌ ꞌin Ndiose ꞌin taꞌa nten neꞌ.

1 TIMOTEO 4:14

Nan wa nda Ndiose tyukwi chabiyaꞌ ꞌin Tyiꞌi Ni ꞌiin, bra nu mstya yaꞌ neꞌ kula kanꞌ kee, chaꞌ steen tñan chaꞌ ꞌin Xꞌnaan, kanꞌ chaꞌ kiꞌyaa suꞌwee kwenta ꞌin chaꞌ tiya nu wa mda Ndiose ꞌiin tsan kanꞌ, chaꞌ taloo kuꞌnii tñan nu ndiꞌin chaꞌ kuꞌnii.

1 TIMOTEO 4:16

Taloo kuꞌnii tñan kanꞌ sikwa. Kuꞌnii kwenta ꞌin ti ykwiiꞌ tii chaꞌ xkwiꞌ chaꞌ suꞌwe kuꞌnii. Suꞌwe ti kwaꞌuu ꞌin neꞌ taꞌaan, chaꞌ ngwañaꞌan kunan suꞌwe neꞌ chaꞌ nu nduꞌuu ꞌin neꞌ, chaꞌ kulaa Ndiose ꞌin neꞌ kanꞌ ꞌin chaꞌ kuxi bra kanꞌ. Kwiꞌ ngwañaꞌan kulaa Ni ꞌiin bra kanꞌ.

1 TIMOTEO 4:6

Loꞌo nuꞌwin Timu, kwaꞌuu nchga chaꞌ nu ndaꞌaǎn lo kityi re ꞌin taꞌa nten ꞌin Jesucristo nde kwa, chaꞌ ka nuꞌwin ska nten nu suꞌwe ꞌa ngiꞌni tñan ꞌin Jesucristo. Tyuꞌwi suꞌwe tiiꞌ nchga chaꞌ nu wa msñii, kwiꞌ chaꞌ ꞌin Ndiose; loꞌo ti xñii suꞌwe tuwiin ꞌin Xꞌnaan bra kanꞌ, sa ñaꞌan nu ngiꞌnii ni.

1 TIMOTEO 6:20

Loꞌo nuꞌwin, Timu, xñii kwenta chaꞌ ti kwaꞌuu chaꞌ nu ñi ꞌin Ndiose ꞌin nten. Ja la kunaan chaꞌ kuxi nu nchkwiꞌ yu kwiñi kanꞌ. Wa jlyo ꞌa tiꞌ neꞌ ti ykwiꞌ ti neꞌ, nxkeꞌ tiꞌ nu kwiñi kanꞌ; loꞌo ja ndiꞌya ꞌa neꞌ kwenta sa ñaꞌan ndyoꞌo ska chaꞌ nu ñi.

2 TIMOTEO 1:6

Chkwiǐnꞌ ska chaꞌ loꞌoo ni: Xñii suꞌwe kwenta ꞌin chaꞌ suꞌwe nu wa nda Ndiose ꞌiin ti bra nu mstyaǎn yaǎnꞌ kee, chaꞌ kaa kuꞌnii tñan chaꞌ ꞌin nu nka Xꞌnaan.

2 TIMOTEO 2:2

Wa ynaan nchga chaꞌ nu ngwaꞌuǔn seꞌen ndiꞌin tyun nten; loꞌo ni, ti kwiꞌ sa ñaꞌan chaꞌ nu ngwaꞌuǔn ꞌin neꞌ, kwiꞌ ngwañaꞌan kwaꞌuu ꞌin nten nu tyukwi ti tiye nchka tiꞌ kwaꞌu chaꞌ kanꞌ ꞌin xka ta nten, chaꞌ kuꞌni xaꞌan suꞌwe neꞌ kanꞌ chaꞌ ꞌin Ndiose.

FILEMÓN 1:2

Kwiꞌ ngwañaꞌan, ndaꞌan ba kityi re chaꞌ nchga neꞌ taꞌaan nu ndyoꞌ tiꞌin seꞌen ndiꞌiin ka kunan neꞌ chaꞌ nu chkwiꞌ bare; loꞌo nchka tiǎnꞌ chkwiǐnꞌ loꞌo Apia taꞌaan, loꞌo Arquipo nu suꞌwa ti lye ngiꞌni tñan loꞌo ba chaꞌ kanen chaꞌ ꞌin Ndiose, chaꞌ tyijin lyo ba ꞌin nu kuxi.