COLOSENSES 4:10 - Chatino Zona Alta Occidental

¹⁰ Aristarco taꞌa nsuꞌwiǐn niꞌ ñaꞌan chkwan, loꞌo yu nchka tiꞌ yu chkwiꞌ suꞌwe yu loꞌo wan; ti kwiꞌ taꞌa chaꞌ nchkwiꞌ Marku taꞌa Bernabé. Ti ngwa xkanꞌ wa msuꞌwaǎn ska chaꞌ ndyaa seꞌen ndiꞌin wan chaꞌ ꞌin Marku kanꞌ, chaꞌ suꞌwe ti chkwiꞌ wan loꞌo yu bra nu kala yu seꞌen ndiꞌin wan.

COLOSENSES 4:10 ပူးပေါင်းရင်းမြစ်များ

LOS HECHOS 12:12

Kaꞌan ꞌa chaꞌ mdaꞌan tiye Tyu seꞌen mduun yu tuꞌwa tuwiin. Bra nu ngwa biyaꞌ tiꞌ yu chaꞌ kanꞌ, ndyaa yu seꞌen ndiꞌin Liya jyaꞌan Xuwa Marku bra kanꞌ. Niꞌ ñaꞌan kanꞌ ndyoꞌ tiꞌin tyun nten ꞌin Jesús, nchkwiꞌ neꞌ loꞌo Ndiose.

LOS HECHOS 12:25

Xa nu wa mdyii tñan ꞌin Bernabé loꞌo Saulo nde kichen Jerusalén, bra kanꞌ mxitukwi neꞌ ndyaan neꞌ kichen Antioquía xiyaꞌ. Ndyaan loꞌo neꞌ ꞌin Xuwa, ti kwiꞌ Xuwa Marku naan yu.

LOS HECHOS 13:13

Kanꞌ mdoꞌo Palyu loꞌo taꞌa ndaꞌan yu, mdoꞌo neꞌ kichen Pafos ndyaa neꞌ. Yten neꞌ niꞌ yka naꞌan ndyaa neꞌ xka laꞌa tsuꞌ tujoꞌo, ngala neꞌ kichen Perge nde lo yuu nu kwenta ꞌin Panfilia bra kanꞌ. Ja mdaꞌan ꞌa Xuwa loꞌo neꞌ bra kanꞌ, chaꞌ wa ndyaa yu kichen tyi yu.

LOS HECHOS 13:5

Bra kanꞌ ndyaa neꞌ niꞌ yka naꞌan nde kichen Salamina. Bra wa ngala neꞌ nde xka laꞌa tsuꞌ kanꞌ, kanꞌ ndyaa neꞌ niꞌ lyaa ꞌin neꞌ judío nde kichen kanꞌ, chaꞌ kwaꞌu neꞌ chaꞌ ꞌin Ndiose ꞌin nten nu ndiꞌin niꞌ lyaa kanꞌ. Nu ngwa bra kanꞌ ti mdaꞌan Xuwa loꞌo neꞌ chaꞌ tayaꞌ yu ꞌin neꞌ.

LOS HECHOS 19:29

Ni siya ja jlyo tiꞌ nten kichen nan lka ngwa ꞌin neꞌ kanꞌ, ni chaꞌ msiꞌya ꞌa neꞌ ngwañaꞌan, kanꞌ msnan taꞌa neꞌ ndyaa neꞌ chaꞌ ñaꞌan kwiꞌya neꞌ chinꞌ ꞌin neꞌ. Loꞌo msñi neꞌ ꞌin Gayu loꞌo Aristarco taꞌa ndaꞌan Palyu bra kanꞌ, ni siya yu Macedonia lka yu kanꞌ, ndyaa loꞌo neꞌ ꞌin yu kanꞌ nde seꞌen ndyoꞌ tiꞌin nten kichen.

LOS HECHOS 20:4

Loꞌo mdaꞌan Sópater nu lka ska neꞌ Berea loꞌo ba, loꞌo Aristarco loꞌo Segundo nu lka neꞌ Tesalónica, loꞌo Gayu nu lka neꞌ Derbe, loꞌo Timu kanꞌ, loꞌo Tíquico loꞌo Trófimo nu lka neꞌ Asia; taꞌa ba mdaꞌan ba loꞌo Palyu bra kanꞌ.

LOS HECHOS 27:2

Loꞌo ndyaa Aristarco neꞌ Tesalónica loꞌo ba. Nde lo yuu Macedonia ndiꞌin kichen Tesalónica kanꞌ. Ndyaa ba yten ba ska niꞌ yka naꞌan nu wa tsaa ti tyun kichen nde lo yuu Asia. Ska nten kichen Adramitio lka xꞌnan yka naꞌan kanꞌ.

LOS HECHOS 4:36

Kwiꞌ ngwañaꞌan yꞌni ska neꞌ Chipre nu naan Se. Neꞌ Leví lka yu. (Ñaꞌan tiꞌ xta nu ngiꞌni tñan niꞌ lyaa, ngwañaꞌan yꞌni neꞌ Leví kanꞌ tñan). Xka nin mstya nu tii tyukwa neꞌ kanꞌ ꞌin Se kanꞌ; Bernabé ngwa naan yu bra kanꞌ, chaꞌ suꞌwe ꞌa ngiꞌni tlaꞌ yu tiye taꞌa nten yu.

ROMANOS 16:7

Loꞌo chkwiꞌ wan loꞌo Andrónico loꞌo Junias taꞌa kichen tyiǐn, taꞌa yuꞌwiǐn niꞌ ñaꞌan chkwan. Taꞌa tyukwaa neꞌ kanꞌ lka neꞌ nten nu msuꞌwa Krixtu, chaꞌ ndyaa ykwiꞌ neꞌ chaꞌ ꞌin Ndiose loꞌo neꞌ nu ndiꞌin tijyuꞌ; ngula ꞌa tñan yꞌni neꞌ chaꞌ ꞌin Xꞌnaan. Ndla la yten neꞌ kanꞌ chaꞌ ꞌin Jesús, chunꞌ ndiꞌin la yteěn chaꞌ kanꞌ.

2 TIMOTEO 4:11

xka ti Luka ti ndiꞌin loꞌoǔn nde re. Tsaa naan ꞌin Marku chaꞌ kaan loꞌo ꞌin yu nde re, chaꞌ loꞌo yu nchka ꞌin yu tayaꞌ yu ꞌñaǎn loꞌo tñan re.

FILEMÓN 1:23

Loꞌo Epafras taꞌa nsuꞌwiǐn niꞌ ñaꞌan chkwan re chunꞌ chaꞌ nchkwiꞌ ba chaꞌ ꞌin Jesucristo, loꞌo yu kanꞌ nchka tiꞌ yu chkwiꞌ suꞌwe yu loꞌo wan.

FILEMÓN 1:24

Kwiꞌ ngwañaꞌan Marku, loꞌo Aristarco, loꞌo Dema, loꞌo Luka, taꞌa neꞌ ndyuꞌwi tiꞌ neꞌ ꞌiin. Ndayaꞌ ꞌa neꞌ kanꞌ ꞌñaǎn loꞌo tñan ꞌin Ndiose nde re.

1 SAN PEDRO 5:13

Tyukwi ska ta nten ꞌin Jesucristo nu ndiꞌin nde Babilonia re nchka tiꞌ neꞌ chkwiꞌ suꞌwe ti neꞌ loꞌo wan. Taꞌaan lka neꞌ kanꞌ, chaꞌ loꞌo ngulo suwi Ndiose ꞌin neꞌ chaꞌ ka neꞌ kanꞌ nten ꞌin Ni. “Suꞌwe ti tyiꞌin wan” ndukwin Marku ꞌwan, kwiꞌ Marku nu lka ñaꞌan tiꞌ ska sñiěnꞌ.