COLOSENSES 1:9 - Chatino Zona Alta Occidental

⁹ Kanꞌ chaꞌ taꞌa ti nchkwiꞌ ba loꞌo Ndiose chaꞌ ꞌwan; ti bra nu ynan ba chaꞌ wa msñi wan chaꞌ kanꞌ, njñan ba xuꞌwe ꞌin Ndiose chaꞌ ta Ni chabiyaꞌ chaꞌ ka biyaꞌ ji tiꞌ wan nchga tñan nu nchka tiꞌ Ni chaꞌ kuꞌni wan. Kwiꞌ ngwañaꞌan njñan ba ꞌin Ni chaꞌ ka tyaꞌan suꞌwe chaꞌ tiye wan, chaꞌ ka kiꞌya suꞌwe wan kwenta chabiyaꞌ ꞌin Tyiꞌi Ndiose.

COLOSENSES 1:9 ပူးပေါင်းရင်းမြစ်များ

SAN JUAN 7:17

Bra nu xlyaa wan kuꞌni wan tñan nu nchka tiꞌ Ndiose chaꞌ kuꞌni wan, bra kanꞌ ka biyaꞌ tiꞌ wan la nde yaꞌ mdoꞌo chaꞌ nu nduꞌuǔn ꞌin nten, ni siya seꞌen ndiꞌin Ndiose mdoꞌo chaꞌ kanꞌ, ni siya ska chaꞌ nu nguloǔn keěn ti ykwiǐnꞌ tiǎn lka chaꞌ kanꞌ ―ndukwin yu―.

LOS HECHOS 12:5

Kanꞌ chaꞌ mdiꞌin chaꞌ suꞌwe ti tyiꞌin sndaru kwan ꞌin yu bra nu nsuꞌwi yu niꞌ ñaꞌan chkwan. Laja bra kanꞌ lye ꞌa ykwiꞌ taꞌa nten ꞌin Jesucristo loꞌo Ndiose chaꞌ kulaa Ni ꞌin Tyu.

ROMANOS 12:2

Ja ta ꞌa wan tyempu chaꞌ tatsaa nten ꞌwan chaꞌ kuꞌni wan chaꞌ kuxi; xka ñaꞌan tyiꞌin wan lo chalyuu ni, chaꞌ wa mxaꞌan nchga chaꞌ nu yuꞌwi niꞌ kasiya ꞌwan nu ngwa sꞌni la. Kanꞌ chaꞌ ni, ka biyaꞌ tiꞌ wan nchga tñan nu nchka tiꞌ Ndiose chaꞌ kuꞌni wan. Ka jlyo tiꞌ wan sa ñaꞌan tñan nu suꞌwe la kuꞌni ska wan, sa ñaꞌan tñan nu nchka la tiꞌ Ndiose chaꞌ kuꞌni ska wan; ka jlyo tiꞌ wan sa ñaꞌan tñan nu tsaa toꞌo suꞌwe la. Nchga chaꞌ kanꞌ ka biyaꞌ tiꞌ wan ni.

1 CORINTIOS 1:5

Ndiya ꞌa chaꞌ suꞌwe nu wa nda Ndiose ꞌwan, chaꞌ wa ngwa suꞌwa chaꞌ ꞌwan loꞌo Krixtu; kanꞌ lka chaꞌ nu nganun niꞌ kasiya ꞌwan ni. Kanꞌ chaꞌ jlyo suꞌwe tiꞌ wan nchga chaꞌ ꞌin Krixtu, loꞌo ngwañaꞌan nchka ꞌwan chkwiꞌ wan chaꞌ kanꞌ loꞌo nten.

EFESIOS 1:8

Suꞌwe ꞌa nka tiye Ni ñaꞌan Ni ꞌñaan, kanꞌ chaꞌ yꞌni Ni ngwañaꞌan. Loꞌo yꞌni Ni chaꞌ ka jlyo tianꞌ nchga chaꞌ ꞌin Ni, chaꞌ ka biyaꞌ tianꞌ sa ñaꞌan ndiꞌin chaꞌ kanꞌ.

EFESIOS 5:10

Kunaan wan nchga chaꞌ suꞌwe nu nchka tiꞌ ykwiꞌ Xꞌnaan chaꞌ kuꞌni wan, loꞌo bra kanꞌ kuꞌni xaꞌan wan chaꞌ suꞌwe kanꞌ.

EFESIOS 5:17

ja kuꞌni wan chaꞌ tintu sikwa, kuꞌni xaꞌan wan nchga chaꞌ nu nchka tiꞌ ykwiꞌ Xꞌnaan chaꞌ kuꞌni wan lo chalyuu.

EFESIOS 6:6

Kuꞌni wan tñan ꞌin neꞌ sikwa; ja kuꞌni wan tñan kanꞌ chaꞌ kanun suꞌwe ti wan loꞌo neꞌ, xa nu nduun ti neꞌ nsñi neꞌ kwenta ꞌwan si ngiꞌni wan tñan. Suꞌwe la si tyuꞌwi tiꞌ wan chaꞌ ti kwiꞌ msu ꞌin Krixtu lka wan ni, kanꞌ chaꞌ tyukwi ti tiye wan kuꞌni wan nchga tñan nu nchka tiꞌ Ndiose chaꞌ kuꞌnian.

FILIPENSES 1:4

Ndiya ꞌa tiǎnꞌ njñaǎn ska chaꞌ ꞌin Ndiose chaꞌ ꞌwan bra nu nchkwiǐnꞌ loꞌo Ni.

COLOSENSES 1:6

Wa ndijyan nganen la chaꞌ suꞌwe ꞌin Jesús kanꞌ tyukwi ñaꞌaan chalyuu, loꞌo ngwañaꞌan nchka suꞌwe kasiya ꞌin nten bra nu nganan neꞌ chaꞌ kanꞌ. Kwiꞌ ngwañaꞌan ngwa bra nu ynan wan chaꞌ kanꞌ ti kulo; ti bra kanꞌ ynan wan chaꞌ ngiꞌni ꞌa Ndiose chaꞌ suꞌwe loꞌo nten, bra kanꞌ ngwa biyaꞌ tiꞌ wan chaꞌ chañi ꞌa lka chaꞌ kanꞌ.

COLOSENSES 3:16

Ndiꞌin chaꞌ kanun tyukwi chaꞌ ꞌin Krixtu niꞌ kasiya ꞌwan. Suꞌwe ꞌa ndyoꞌo chaꞌ kanꞌ, kanꞌ chaꞌ suꞌwe ti kwaꞌu wan chaꞌ kanꞌ ꞌin taꞌa wan sa ñaꞌan yaꞌ nu kunan suꞌwe nchga nten. Kwiꞌ ngwañaꞌan, kula tuꞌwa wan nchga lo kantu nu nsuꞌwi ꞌin Ndiose, ni siya salmos nu ndukwa lo kityi ti sꞌni, ni siya ya ñaꞌan ti kantu nu kiꞌya ke wan nu chkwiꞌ chaꞌ ꞌin Ndiose; kula tuꞌwa wan kantu chaꞌ kunan Ndiose, chunꞌ suꞌwe ꞌa nka tiye wan ñaꞌan wan ꞌin Ni.

COLOSENSES 4:12

Loꞌo Epafras taꞌa kichen tyi wan, nchka tiꞌ yu chkwiꞌ suꞌwe yu loꞌo wan; suꞌwa ti ndaꞌan yu tñan ꞌin Jesucristo loꞌo ba. Nchga tsan njñan ꞌa yu chaꞌ tlyu tiꞌ ꞌin Ndiose chaꞌ ꞌwan, njñan yu chabiyaꞌ ꞌin Ndiose chaꞌ ja kulaa yaꞌ wan chaꞌ ꞌin Ni siyaꞌ ti. Nde lka chaꞌ nu nchka tiꞌ yu, chaꞌ tyukwi ti tiye wan kuꞌni wan nan lka nu nchka tiꞌ Ni chaꞌ kuꞌni wan lo chalyuu.

COLOSENSES 4:5

Chaꞌ tiya ti tiꞌ tyiꞌin wan seꞌen ndiꞌin xka ta nten nu ja ya xñi chaꞌ ꞌin Jesucristo; ja kuꞌni wan chaꞌ mnaꞌ seꞌen ndiꞌin neꞌ kanꞌ, chaꞌ nchga bra nu ta neꞌ tyempu chaꞌ chkwiꞌ wan loꞌo neꞌ, bra kanꞌ suꞌwe ti chkwiꞌ wan chaꞌ ꞌin Jesús loꞌo neꞌ.

1 TESALONICENSES 1:3

Ndyuꞌwi tiꞌ ba chaꞌ kaꞌan ꞌa chaꞌ suꞌwe ngiꞌni wan, chaꞌ suꞌwe ꞌa nka tiye wan ñaꞌan wan ꞌin taꞌa wan, chaꞌ wa msñi wan chaꞌ ꞌin Jesucristo. Ndalo ꞌa wan chaꞌ jlyo tiꞌ wan chaꞌ ndukwa Jesucristo nu nka Xꞌnaan kwiꞌ seꞌen ndiꞌin Ndiose Stian; kanꞌ chaꞌ xkwiꞌ suꞌwe ꞌa ngiꞌni wan, ni siya ndyijin ꞌa wan nu tiꞌí.

1 TESALONICENSES 5:17

Nchga bra chkwiꞌ wan loꞌo Ndiose.

2 TESALONICENSES 1:11

Kanꞌ chaꞌ nchga tsan nchkwiꞌ ba loꞌo Ndiose Stian chaꞌ kuꞌni Ni tñan niꞌ kasiya ꞌwan, chaꞌ suꞌwe ti kuꞌni wan tñan nu nda Ni ꞌwan ti bra nu ngulo suwi Ni ꞌwan. Nchkwiꞌ ba loꞌo Ni chaꞌ tayaꞌ Ni ꞌwan, chaꞌ ngwañaꞌan kuꞌni ji wan nchga chaꞌ suꞌwe nu ndaꞌan tiye wan chaꞌ kuꞌni wan chabiyaꞌ ꞌin Ndiose, nchga lo chaꞌ suꞌwe nu ngiꞌni wan chaꞌ msñi wan chaꞌ ꞌin Ni.

FILEMÓN 1:4

Ndyaǎn xuꞌwe ꞌin Ndiose chaꞌ ꞌiin, Filemón, nchga bra nu nchkwiǐnꞌ loꞌo Ndiose.

FILEMÓN 1:6

kanꞌ chaꞌ njñaǎn chaꞌ tlyu tiꞌ ꞌin Ndiose, chaꞌ ka biyaꞌ suꞌwe tiꞌ nchga nten nu wa ynan chaꞌ nu ykwiiꞌ loꞌo neꞌ chaꞌ ꞌin Jesucristo. Bra kanꞌ ka biyaꞌ suꞌwe tiꞌ neꞌ chaꞌ xkwiꞌ suꞌwe ꞌa ngiꞌni Krixtu loꞌoan.

HEBREOS 10:36

Ndiꞌin chaꞌ talo wan ti xꞌni ni siya chan ꞌa, si ti nchka tiꞌ wan kuꞌni wan nchga tñan nu nchka tiꞌ Ndiose, chaꞌ ti ñaꞌan wan nchga chaꞌ nu wa ykwiꞌ Ni chaꞌ ka chunꞌ ndiꞌin la.

HEBREOS 13:21

Ndiose yꞌni chaꞌ tiin ti tyiꞌin kasiya ꞌñaan lo chalyuu, loꞌo ni, nchka tiǎnꞌ chaꞌ suꞌwa yaꞌ Ni ꞌwan nchga seꞌen lyiji ꞌwan, chaꞌ ka kuꞌni wan nchga tñan, sa ñaꞌan tñan nu nchka tiꞌ Ni chaꞌ kuꞌni wan. Loꞌo nchka tiǎnꞌ chaꞌ kuꞌni Ni loꞌoan nchga nan nu suꞌwe la nka tiye Ni, chabiyaꞌ ꞌin Jesucristo. Loꞌo ngwañaꞌan nan, ja tsaa tii ꞌa chaꞌ kuꞌniin tnuan ꞌin Krixtu. ¡Ngwañaꞌan ka sikwa!

SANTIAGO 1:5

Si ndiya yaꞌ nu ja jlyo tiꞌ wan siyaꞌ ti sa ñaꞌan kuꞌni wan, bra kanꞌ jñan wan xuꞌwe ꞌin Ndiose, chaꞌ ta Ni ska chaꞌ tiya nu kiꞌya ke wan sa ñaꞌan kuꞌni wan bra kanꞌ. Suꞌwe ꞌa chaꞌ xuꞌwe ti nda Ni nchga chaꞌ ꞌin nten, loꞌo ja ngiꞌni tlá Ni ꞌñaan xa nu nda Ni ska chaꞌ suꞌwe ꞌñaan.

SANTIAGO 3:17

Nchga chaꞌ nu nda Ndiose ꞌñaan chaꞌ chkwianꞌ loꞌo nten, xkwiꞌ chaꞌ suꞌwe lka kanꞌ; ja mxtiyaaꞌ chaꞌ suꞌwe kanꞌ loꞌo chaꞌ kuxi, ja ngiꞌni ran chaꞌ xuan loꞌo taꞌa ntean. Xkwiꞌ chaꞌ suꞌwe nda Ni chaꞌ chkwianꞌ loꞌo nten, chaꞌ xkwiꞌ chaꞌ suꞌwe kuꞌnian loꞌo neꞌ bra kanꞌ. Kwiꞌ ngwañaꞌan, xa wa ynaan chaꞌ kanꞌ, ndiꞌin chaꞌ chka tꞌnan tianꞌ ꞌin nten, chaꞌ kuꞌnian chaꞌ suꞌwe nu tayaanꞌ ꞌin nten; ska ti chaꞌ nu ñi chkwianꞌ loꞌo nten, ja chkwianꞌ tukwa chaꞌ loꞌo neꞌ.

1 SAN PEDRO 2:15

Nchka tiꞌ Ndiose chaꞌ kuꞌni wan xkwiꞌ chaꞌ suꞌwe, chaꞌ ja ka chkwiꞌ nten chaꞌ kuxi ꞌwan bra kanꞌ; ni siya nten nu ja nchka tiꞌ ka biyaꞌ tiꞌ, ni siya nten nu ja jlyo tiꞌ siyaꞌ ti; ja ska yaꞌ kaja ñaꞌan xtya neꞌ kanꞌ kiꞌya ꞌwan bra kanꞌ.

1 SAN PEDRO 4:2

Loꞌo bra kanꞌ chaꞌ kuxi nu ndiya tiꞌ nten chalyuu, ja ka ꞌa chaꞌ kanꞌ ndloo ꞌwan tyukwi nu ti ndiꞌin wan lo chalyuu; xkwiꞌ tñan nu ndiya tiꞌ Ndiose chaꞌ kuꞌni wan, kanꞌ lka tñan nu kuꞌni wan ni, chaꞌ ska ti Ndiose ka ndloo ꞌwan ni.

1 SAN JUAN 2:17

Ndla ti tyii chalyuu re, ya ñaꞌan ti tyii nchga chaꞌ kuxi nu ndiya la tiꞌ nten chalyuu; loꞌo nten nu tukwa chaꞌ nu nchkwiꞌ Ndiose ni, ja tsaa tii ꞌa chalyuu ꞌin neꞌ kanꞌ siyaꞌ ti.

1 SAN JUAN 5:20

Ngwa jlyo tianꞌ chaꞌ wa yan nu lka ska ti Sñiꞌ ykwiꞌ Ndiose lo chalyuu, loꞌo ngwañaꞌan wa mda Ni chabiyaꞌ chaꞌ ka xuꞌwi chaꞌ ꞌñaan loꞌo Ndiose. Loꞌo chañi chaꞌ suꞌwa ka tiyean loꞌo Ndiose ni, chunꞌ chaꞌ suꞌwa nka tiyean loꞌo Jesucristo nu lka Sñiꞌ ykwiꞌ Ni. Chañi chaꞌ Ndiose siyaꞌ ti lka Jesús, kwiꞌ ngwañaꞌan chañi chaꞌ ja tsaa tii ꞌa chalyuu kwi nu ta Ni ꞌñaan.