COLOSENSES 1:29 - Chatino Zona Alta Occidental

²⁹ Kanꞌ chaꞌ lye ꞌa ngiꞌniǐn tñan; ngula ꞌa tñan ngiꞌniǐn, loꞌo ngwañaꞌan tlyu ꞌa jwersa nda ykwiꞌ Krixtu ꞌñaǎn chaꞌ xuꞌwi niꞌ kasiya ꞌñaǎn, chaꞌ taloǔn kuꞌniǐn tñan re.

COLOSENSES 1:29 ပူးပေါင်းရင်းမြစ်များ

SAN LUCAS 13:24

―Lti ti tunaꞌan seꞌen sten wan la kanꞌ, kanꞌ chaꞌ kuꞌni lya wan chaꞌ tyija tuwiin ꞌwan nu kala nde tunaꞌan kanꞌ. Nde lka chaꞌ nu chkwiǐnꞌ loꞌo wan, chaꞌ kaꞌan ꞌa nten ndiꞌin nu nchkwiꞌ chaꞌ wa sten ti neꞌ tunaꞌan kanꞌ, loꞌo ya ñaꞌan ti ngiꞌni neꞌ kanꞌ ndiꞌin neꞌ lo chalyuu, kanꞌ chaꞌ ja nchka tyija lyo ꞌin neꞌ siyaꞌ ti sa ñaꞌan ka nu sten neꞌ tunaꞌan kanꞌ.

ROMANOS 15:20

Lye ꞌa yꞌniǐn tñan, chaꞌ ndaꞌan naǎn nchga kichen seꞌen nu ti ji kunan neꞌ chaꞌ ꞌin Krixtu. Kanꞌ ti kichen nganuǔn ngwaꞌuǔn chaꞌ suꞌwe kanꞌ ꞌin nten, chaꞌ ja nchka tiǎnꞌ steěn yuꞌwiǐn lo tñan nu ngiꞌni xka ta nten ꞌin Krixtu.

ROMANOS 15:30

ꞌWan taꞌa msñian chaꞌ ꞌin Ndiose, chkwiǐnꞌ loꞌo wan chabiyaꞌ ꞌin Jesucristo nu nka Xꞌnaan, chaꞌ ngwañaꞌan suꞌwe ꞌa nka tiye wan ñaꞌan wan ꞌin taꞌa nten wan, chunꞌ tñan nu ngiꞌni Tyiꞌi Ndiose niꞌ kasiya ꞌwan. Kuꞌni wan chaꞌ suꞌwa ka tiye wan loꞌoǔn, chaꞌ taꞌa ti chkwiꞌ wan loꞌo Ndiose chaꞌ ꞌñaǎn.

1 CORINTIOS 12:11

Ska ti Tyiꞌi Ndiose ngiꞌni chaꞌ nchka ꞌin nten kuꞌni nchga tñan kanꞌ; kanꞌ lka nu nda ska loo tñan kuꞌni skaan, sa ñaꞌan nu nka tiye Ni chaꞌ ka ꞌñaan.

1 CORINTIOS 12:6

Ni siya ja suꞌwa tñan nu ngiꞌni nchgaan, ska ti Ndiose ngiꞌni chaꞌ ka kuꞌnian tñan kanꞌ, taꞌaan.

1 CORINTIOS 15:10

Ni siya kuxi ꞌa yꞌniǐn nu ngwa sꞌni, lye ꞌa nchka tꞌnan tiꞌ Ndiose ꞌñaǎn, chunꞌ suꞌwe ꞌa nka tiye Ni ñaꞌan Ni ꞌñaǎn; yꞌni Ni chaꞌ ndaꞌaǎn tñan ꞌin Ni bra kanꞌ. Loꞌo ja yꞌniǐn ñuꞌuǔn nchga chaꞌ suꞌwe nu wa yꞌni Ni loꞌoǔn. Ni siya xka neꞌ taꞌa ba ngiꞌni neꞌ ti kwiꞌ tñan nu ngiꞌniǐn, lye la yꞌniǐn tñan ke neꞌ kanꞌ. Loꞌo siꞌi nan nchka la ꞌñaǎn; Ndiose ndiꞌin loꞌoǔn chaꞌ ka chkwiǐnꞌ loꞌo nten, chaꞌ suꞌwe ꞌa nka tiye Ni ñaꞌan Ni ꞌñaǎn.

2 CORINTIOS 11:23

Ndukwin neꞌ kanꞌ, chaꞌ tñan ꞌin Krixtu ngiꞌni neꞌ; ti kwiꞌ tñan kanꞌ ngiꞌniǐn. Ni siya ja nsuꞌwi ꞌa chaꞌ tiya ꞌñaǎn chaꞌ chkwiǐnꞌ ngwañaꞌan, suꞌwe la tñan ngiꞌniǐn ke tñan nu ngiꞌni neꞌ kanꞌ; lye la yꞌniǐn tñan, taꞌa ti msuꞌwa neꞌ ꞌñaǎn niꞌ ñaꞌan chkwan, tyun yaꞌ wa mjiꞌin neꞌ ꞌñaǎn loꞌo kijin, taꞌa ti nchka chaꞌ wa kajaǎn tiǎn chaꞌ ꞌin Krixtu.

2 CORINTIOS 13:3

Loꞌo bra kanꞌ ka biyaꞌ tiꞌ wan chaꞌ ti kwiꞌ Krixtu lka nu nda chabiyaꞌ chaꞌ chkwiǐnꞌ; loꞌo siꞌi chinꞌ ti tñan nchka ꞌin Krixtu xa nu ta Ni nu tiꞌí ꞌwan, ni siya lye la kuꞌni Ni tñan chaꞌ kaja nu tiꞌí ꞌwan bra kanꞌ.

2 CORINTIOS 5:9

loꞌo lye ꞌa ngiꞌnian nchga tñan nu nchka tiꞌ Xꞌnaan chaꞌ ka lo chalyuu, ni siya ti luꞌuan, ni siya wa ngujwian.

2 CORINTIOS 6:5

Wa mjiꞌin neꞌ ꞌwa loꞌo kwerta chkwan, kwiꞌ ngwañaꞌan wa msuꞌwa neꞌ ꞌwa niꞌ ñaꞌan chkwan; wa ndyoꞌ tiꞌin nten kichen sa tlyu ti seꞌen ndiꞌin ba chaꞌ ta neꞌ nu tiꞌí ꞌwa; kwiꞌ ngwañaꞌan, ndiya bra mdijin ꞌa yaꞌ ngiꞌni ba tñan, ndiya bra ja nchka kajaꞌ ba, ndiya bra lye ꞌa ngiteꞌ tiꞌ ba.

EFESIOS 1:19

Njnaǎn ꞌin Ni chaꞌ ka biyaꞌ suꞌwe tiꞌ wan nchga chaꞌ re, chaꞌ nu ngiꞌni ꞌa Ni tñan niꞌ kasiya ꞌñaan, nchgaan nu msñian chaꞌ ꞌin Ni. Tñan nu ngiꞌni Ni loꞌoan chaꞌ kaan nten ꞌin Ni,

EFESIOS 3:20

Suꞌwe sikwa. Chkwianꞌ chaꞌ tlyu ꞌa lka Ndiose. Nchka ꞌa ꞌin Ni, ngiꞌni Ni kwenta ꞌin nchga chaꞌ nu njñaan ꞌin Ni, ni siya ti ji chkwianꞌ loꞌo Ni; ja nchka ka biyaꞌ tianꞌ sa ñaꞌan ngiꞌni Ni nchga chaꞌ kanꞌ. Ti kwiꞌ Ndiose ngiꞌni tñan loꞌoan, la niꞌ kasiya ꞌñaan siyaꞌ ti, chaꞌ kuꞌni Ni nchga tñan nu nchka tiꞌ Ni kuꞌni Ni loꞌoan.

EFESIOS 3:7

Wa nda Ndiose tñan kanꞌ ꞌñaǎn chaꞌ tsaꞌaǎn chkwiǐnꞌ loꞌo nten, ni siya tijyuꞌ ndiꞌin neꞌ, chunꞌ chaꞌ suꞌwe ꞌa nka tiye Ndiose ñaꞌan Ni ꞌñaǎn. Tlyu ꞌa tñan yꞌni Ni loꞌoǔn chaꞌ kaǎn tñan kanꞌ,

FILIPENSES 1:27

Kanꞌ chaꞌ ni, kiꞌya wan kwenta sa ñaꞌan ndiꞌin chaꞌ kuꞌni wan lo chalyuu xa wa msñi wan chaꞌ ꞌin Krixtu. Si ngwañaꞌan kuꞌni wan, bra kanꞌ ja nꞌni chaꞌ ni siya kaǎn kichen tyi wan, ni siya ja ka kaǎn. Ja chan kaja chaꞌ ꞌñaǎn chaꞌ ska ti chaꞌ nsuꞌwi tiye wan loꞌo taꞌa wan, chaꞌ nsuꞌwi ꞌa chaꞌ tlyu tiꞌ ꞌwan loꞌo nten nu nxuun loꞌo wan; ja chan suꞌwa ti ndaꞌan chaꞌ tiye wan loꞌo taꞌa wan, ni siya chan ꞌa nchkwiꞌ wan loꞌo neꞌ chaꞌ xñi neꞌ chaꞌ suꞌwe kanꞌ ꞌin Krixtu.

FILIPENSES 1:30

Suꞌwa ti nchka chaꞌ ꞌwan loꞌoǔn, tiꞌin ꞌa tñan nu wa mjwi ꞌñaan. Wa naꞌan wan sa ñaꞌan yꞌniǐn tñan ti ngwa xkanꞌ, chaꞌ lye ꞌa msuǔn loꞌo nu kuxi; kwiꞌ ngwañaꞌan, ka biyaꞌ tiꞌ wan chaꞌ lye ꞌa ngiꞌniǐn tñan ni.

FILIPENSES 2:13

Tyuꞌwi tiꞌ wan chaꞌ nchga tsan ngiꞌni Ndiose tñan niꞌ kasiya ꞌwan, chaꞌ ka kuꞌni wan tñan ꞌin Ni; ngwañaꞌan ngiꞌni Ni chaꞌ xlyaa wan kuꞌni wan nchga tñan nu nchka tiꞌ Ndiose chaꞌ kuꞌni wan.

FILIPENSES 2:16

bra nu chkwiꞌ wan loꞌo neꞌ chaꞌ suꞌwe nu ꞌin Krixtu nu ka ta chalyuu nu ja tsaa tii ꞌa ꞌin neꞌ. Si ngwañaꞌan kuꞌni wan, ka suꞌwe ꞌa ka tiyeěn naꞌaǎn ꞌwan bra nu tiya tsan nu kuꞌni biyaꞌ Krixtu ꞌin nchga nten. Bra kanꞌ ka biyaꞌ tiǎnꞌ chaꞌ suꞌwe ti yaa toꞌo tñan ꞌñaǎn, siꞌi nan mnaꞌ tñan ꞌñaǎn ya ñaꞌan ti.

COLOSENSES 2:1

Chkwiǐnꞌ ska chaꞌ loꞌo wan ni, chaꞌ ka biyaꞌ tiꞌ wan chaꞌ lye ꞌa ngiꞌniǐn tñan chaꞌ ꞌwan, loꞌo chaꞌ ꞌin neꞌ kichen Laodicea, loꞌo chaꞌ ꞌin tyun ꞌa nten, ni siya ti ji xuꞌwi lyo neꞌ ꞌñaǎn.

COLOSENSES 2:12

Bra nu mdukwatya wan ni, ñaꞌan tiꞌ si wa ngutsiꞌ wan niꞌ kwaa loꞌo Krixtu, ngwañaꞌan ngwa wan; loꞌo kanꞌ ñaꞌan tiꞌ si wa ndyuꞌu wan suꞌwa ti loꞌo Krixtu xiyaꞌ, ngwañaꞌan ndyoꞌo chaꞌ kanꞌ bra kanꞌ. Ndiose lka nu yꞌni chaꞌ ndyuꞌu wan, chaꞌ ndiꞌin chaꞌ ꞌwan loꞌo Ni.

COLOSENSES 4:12

Loꞌo Epafras taꞌa kichen tyi wan, nchka tiꞌ yu chkwiꞌ suꞌwe yu loꞌo wan; suꞌwa ti ndaꞌan yu tñan ꞌin Jesucristo loꞌo ba. Nchga tsan njñan ꞌa yu chaꞌ tlyu tiꞌ ꞌin Ndiose chaꞌ ꞌwan, njñan yu chabiyaꞌ ꞌin Ndiose chaꞌ ja kulaa yaꞌ wan chaꞌ ꞌin Ni siyaꞌ ti. Nde lka chaꞌ nu nchka tiꞌ yu, chaꞌ tyukwi ti tiye wan kuꞌni wan nan lka nu nchka tiꞌ Ni chaꞌ kuꞌni wan lo chalyuu.

1 TESALONICENSES 2:9

ꞌWan taꞌaan, tyuꞌwi tiꞌ wan chaꞌ lye ꞌa yꞌni ba tñan chaꞌ kaja ñaꞌan tyijin yuꞌwi ꞌwa chalyuu; tsan loꞌo tla yꞌni ba tñan loꞌo yaꞌ ba, chaꞌ ja kwiji wan tñi ꞌwan lo ba bra nu ngwaꞌu ba chaꞌ suꞌwe kanꞌ ꞌwan.

2 TESALONICENSES 3:8

Ja yku xuꞌwe ti ba seꞌen ndiꞌin wan nu ngwa bra kanꞌ; mda ba liyaꞌ chaꞌ mxku wan ꞌwa, chunꞌ nu yꞌni ba tñan chaꞌ kaja ñaꞌan nu tyijin yuꞌwi ꞌwa. Tsan loꞌo tla yꞌni ba tñan loꞌo yaꞌ ba, chaꞌ siꞌi ꞌwan nu msiꞌi wan nan yku ba bra kanꞌ.

2 TIMOTEO 2:10

kanꞌ chaꞌ ndaloǔn ꞌin neꞌ, ni siya lye ꞌa nda neꞌ nu tiꞌí ꞌñaǎn. Taloǔn ꞌin chaꞌ kuxi kanꞌ chaꞌ ꞌin taꞌa nten nu ngulo suwi Ndiose ꞌin, chaꞌ loꞌo kulaa Jesucristo ꞌin neꞌ, chaꞌ kaja chalyuu nu ja tsaa tii ꞌa ꞌin neꞌ. Loꞌo bra kanꞌ ka tyiꞌin neꞌ nde seꞌen ndiꞌin Ndiose, seꞌen suꞌwe ꞌa ñaꞌan nchga nan.

HEBREOS 12:4

Ni siya lye ꞌa nxuun wan loꞌo nchga chaꞌ kuxi, ja ya kujwi neꞌ ꞌin ska wan chaꞌ ꞌin Jesús.

HEBREOS 13:21

Ndiose yꞌni chaꞌ tiin ti tyiꞌin kasiya ꞌñaan lo chalyuu, loꞌo ni, nchka tiǎnꞌ chaꞌ suꞌwa yaꞌ Ni ꞌwan nchga seꞌen lyiji ꞌwan, chaꞌ ka kuꞌni wan nchga tñan, sa ñaꞌan tñan nu nchka tiꞌ Ni chaꞌ kuꞌni wan. Loꞌo nchka tiǎnꞌ chaꞌ kuꞌni Ni loꞌoan nchga nan nu suꞌwe la nka tiye Ni, chabiyaꞌ ꞌin Jesucristo. Loꞌo ngwañaꞌan nan, ja tsaa tii ꞌa chaꞌ kuꞌniin tnuan ꞌin Krixtu. ¡Ngwañaꞌan ka sikwa!

EL APOCALIPSIS 2:3

“Kwiꞌ ngwañaꞌan, jlyo tiǎnꞌ chaꞌ ja nchka ndaja tiꞌ wan; ni siya ndijin ꞌa wan nu tiꞌí, ja ngulaa yaꞌ wan chaꞌ ꞌñaǎn.