COLOSENSES 1:23 - Chatino Zona Alta Occidental

²³ Ñaꞌan ti ndloo ꞌa chaꞌ ꞌwan chaꞌ lye la kanun tsaa chaꞌ ꞌin Krixtu niꞌ kasiya ꞌwan, chaꞌ Krixtu lka seꞌen ndukwa kiyaꞌ nchga chaꞌ kanꞌ. Ja ta wan chabiyaꞌ chaꞌ kwiñi lyoꞌo nten ꞌwan. Si xñi wan chaꞌ nu nchkwiꞌ neꞌ kanꞌ, ja ka ꞌa tyaꞌan chaꞌ tiye wan ꞌin chaꞌ suꞌwe nu kaja ꞌwan nde loo la, ti kwiꞌ chaꞌ nu wa ynan wan ti kulo. Chunꞌ chaꞌ suꞌwe ꞌin Krixtu kanꞌ, kanꞌ chaꞌ ndaꞌan nten tyukwi ñaꞌaan chalyuu nchkwiꞌ neꞌ chaꞌ kanꞌ loꞌo xka ta nten. Loꞌo ngwañaꞌan naꞌ, Palyu, ndaꞌaǎn ꞌaǎn lo tñan kanꞌ.

COLOSENSES 1:23 ပူးပေါင်းရင်းမြစ်များ

SAN MARCOS 16:15

―Tsaa wan tyukwi ñaꞌaan lo chalyuu ―ndukwin Jesús ꞌin neꞌ bra kanꞌ―. Katsaꞌ wan chaꞌ ꞌñaǎn ꞌin nchga nten. Chkwiꞌ wan loꞌo nten chaꞌ wa yꞌniǐn tñan lo wsi chaꞌ ka lyaa neꞌ ꞌin nchga chaꞌ kuxi.

SAN LUCAS 22:32

Bra kanꞌ wa mjñaǎn ꞌin Ndiose Stiǐn chaꞌ ꞌiin, Tyu, chaꞌ ja tsaa tii chaꞌ tsaa ñaꞌan tiiꞌ ꞌñaǎn. Bra wa mdijin chaꞌ kuxi kanꞌ ꞌiin, chaꞌ xiyaꞌ chkwiiꞌ chaꞌ ꞌñaǎn, bra kanꞌ ka tayaaꞌ ꞌin xka la taꞌa wan chaꞌ suꞌwe la xñi neꞌ chaꞌ ꞌñaǎn.

SAN LUCAS 6:48

Sa ñaꞌan lka ska yu kiꞌyu nu mñan naꞌan ꞌin yu, ngwañaꞌan lka nten kanꞌ. Suꞌwe ꞌa msuꞌwa yu kiꞌyu kanꞌ kee kiyaꞌ naꞌan ꞌin yu, chaꞌ chunꞌ kee siyaꞌ ti ndukwa kiyaꞌ naꞌan kanꞌ. Bra kanꞌ lye ꞌa ngwiꞌya tyoo, loꞌo tlyaa ꞌa tyiꞌa yuu mdijin kiyaꞌ naꞌan kanꞌ; wa lyuꞌwa ti naꞌan kanꞌ, loꞌo ja ngwa ꞌin tyiꞌa yuu kanꞌ xlyuu ꞌin ran, chaꞌ tsaa ꞌa nduun kiyaꞌ ran chunꞌ kee kanꞌ.

SAN JUAN 15:6

Kulaa yaꞌ Stiǐn ꞌin nten nu ja suꞌwa nka tiye loꞌoǔn, sa ñaꞌan nu nxkwan nten stanꞌ yka nu wa wtyi; nxoꞌ tiꞌin neꞌ stanꞌ yka wtyi kanꞌ, nxtya neꞌ ꞌin ran lo kiiꞌ chaꞌ tyii ran skin ran bra kanꞌ.

LOS HECHOS 1:17

Suꞌwa ti mdaꞌan ayman Juda loꞌoan, suꞌwa ti yꞌni yu tñan loꞌoan nu ngwa xkanꞌ.

LOS HECHOS 1:25

chaꞌ ka tsaa yu kanꞌ nchga kichen, chaꞌ chkwiꞌ yu chaꞌ ꞌiin, ti kwiꞌ tñan loo ayman Juda. Wa ngulaa yaꞌ ayman kanꞌ tñan chaꞌ xaꞌan ꞌa yu, loꞌo ndyaa yu nde seꞌen nganun chaꞌ tsaa yu bra kanꞌ.

LOS HECHOS 1:8

Xka chaꞌ chkwiǐnꞌ loꞌo wan ni, chaꞌ kaja chabiyaꞌ ꞌwan kuꞌni wan tñan ꞌñaǎn xa nu kanun Tyiꞌi Ndiose niꞌ kasiya ꞌwan, chaꞌ ka chkwiꞌ wan chaꞌ suꞌwe re loꞌo nchga nten, chaꞌ ꞌñaǎn bra kanꞌ. Chkwiꞌ wan loꞌo neꞌ kichen Jerusalén, kwiꞌ ngwañaꞌan chkwiꞌ wan loꞌo neꞌ nde lo yuu ꞌin Judea, kwiꞌ ngwañaꞌan chkwiꞌ wan loꞌo neꞌ lo yuu kwiꞌ seꞌen ti nu naan Samaria kanꞌ, kwiꞌ ngwañaꞌan chkwiꞌ wan loꞌo neꞌ nchga kichen seꞌen ndiꞌin nten chalyuu.

LOS HECHOS 11:23

Loꞌo mdoꞌo Bernabé ndyaa yu, mdiya yu kichen kanꞌ, naꞌan yu sa ñaꞌan chaꞌ suꞌwe nu wa yꞌni Ndiose loꞌo neꞌ kanꞌ. Suꞌwe ꞌa ngwa tiye Bernabé bra kanꞌ. Ykwiꞌ yu loꞌo nchga nten ꞌin Jesucristo la kanꞌ, chaꞌ tyukwi ti tiye neꞌ kuꞌni neꞌ tñan nchga tsan, nchga tñan nu nchka tiꞌ ti kwiꞌ Xꞌnaan chaꞌ kuꞌnian.

LOS HECHOS 14:22

Nchga kichen seꞌen ndyaa neꞌ kanꞌ, ykwiꞌ neꞌ loꞌo nten ꞌin Jesucristo, chaꞌ ka sten suꞌwe la neꞌ chaꞌ ꞌin Jesús, chaꞌ kuꞌni tnun tiye neꞌ, chaꞌ ja kutsen neꞌ siyaꞌ ti. ―Chañi chaꞌ ka tiꞌí tiꞌ neꞌ ꞌñaan ―ndukwin Palyu loꞌo Bernabé ꞌin neꞌ―, kwiꞌ ngwañaꞌan ta neꞌ nu tiꞌí ꞌñaan; loꞌo xa wa mdijin chaꞌ kanꞌ, tsaan tyiꞌian seꞌen nka Ndiose ndloo la ti bra kanꞌ.

LOS HECHOS 2:5

Bra nu ngwa taꞌa kanꞌ nde kichen Jerusalén mdiꞌin kaꞌan ꞌa neꞌ judío; mdoꞌo neꞌ tyun kichen lo yuu tijyuꞌ ndyaa neꞌ Jerusalén, chaꞌ kuꞌni tnun neꞌ ꞌin Ndiose nde kwa.

LOS HECHOS 20:24

Ja ntseěn ꞌin chaꞌ nu nchkwiꞌ neꞌ kanꞌ, ja nꞌni chaꞌ ꞌñaǎn ni siya kujwi neꞌ ꞌñaǎn. Ska ti chaꞌ nchka tiǎnꞌ, chaꞌ suꞌwe ti tyii tñan nu mda Ni Jesús ꞌñaǎn, chaꞌ chkwiǐnꞌ chaꞌ suꞌwe ꞌin Ndiose loꞌo nten chalyuu, chaꞌ suꞌwe ꞌa nka tiye Ndiose ñaꞌan Ni ꞌin nchga nten ―ndukwin Palyu.

LOS HECHOS 26:16

“Tyituun ni. Wa ngwaꞌuǔn tloǔn ꞌiin ni chaꞌ kuꞌnii tñan ꞌñaǎn nde loo la, chaꞌ katsaaꞌ ꞌin nten chaꞌ wa naꞌaan ꞌñaǎn tsan ni. Loꞌo ngwañaꞌan, ndiꞌin chaꞌ chkwiiꞌ chaꞌ ꞌñaǎn loꞌo nten, nchga chaꞌ nu kwaꞌuǔn ꞌiin nde loo la.

LOS HECHOS 4:12

kanꞌ chaꞌ nchka ꞌin Ni kulaa Ni ꞌñaan ꞌin nchga chaꞌ kuxi nu ndiꞌin ꞌñaan. Ja ndiya xka nten ñaꞌaan chalyuu nu nchka la ꞌin, chaꞌ ska ti ꞌin Jesús nda Ndiose chabiyaꞌ kuꞌni tñan kanꞌ.

ROMANOS 10:18

Nchka tiǎnꞌ kunichaǎnꞌ ska chaꞌ ꞌwan: ¿Ta ja ya kunan neꞌ judío chaꞌ ꞌin Krixtu sikwa a? ¡Wa ynan neꞌ!, chaꞌ wa ndukwa ska chaꞌ lo kityi kula nu nchkwiꞌ re: Ñaꞌaan chalyuu wa ynen chaꞌ nu ykwiꞌ neꞌ loꞌo nten; nchga seꞌen ynen chaꞌ nu ykwiꞌ neꞌ, ni siya seꞌen wa tijyuꞌ la ynen chaꞌ kanꞌ. Ngwañaꞌan nchkwiꞌ kityi.

ROMANOS 15:16

Wa ngulo suwi Ndiose ꞌñaǎn chaꞌ kuꞌniǐn tñan ꞌin Jesucristo; tñan kanꞌ lka chaꞌ tsaꞌaǎn chkwiǐnꞌ chaꞌ suꞌwe ꞌin Ndiose loꞌo neꞌ xka laꞌa tsuꞌ, nchga seꞌen ndiꞌin neꞌ. Ngwañaꞌan ngiꞌniǐn, chaꞌ tyukwi ti tiye neꞌ kanꞌ ka neꞌ nten ꞌin Ndiose chunꞌ nu ngiꞌni Tyiꞌi Ndiose tñan niꞌ kasiya ꞌin neꞌ. Bra kanꞌ xlyaa Ndiose kuꞌni suꞌwa Ni chaꞌ ꞌin Ni loꞌo neꞌ kanꞌ chunꞌ tñan nu yꞌniǐn.

ROMANOS 2:7

ska chalyuu suꞌwe nu ja tsaa tii ꞌa, kanꞌ lka nu ta Ndiose ꞌin nchga nten nu ngiꞌni chaꞌ suꞌwe, neꞌ nu ja nchka ndaja tiꞌ chaꞌ ngiꞌni neꞌ chaꞌ suꞌwe loꞌo taꞌa nten neꞌ. Xkwiꞌ ndaꞌan chaꞌ tiye neꞌ kanꞌ chaꞌ ꞌin chaꞌ suꞌwe nu nsuꞌwi nde seꞌen ndiꞌin Ndiose, xkwiꞌ nan tyiꞌin suꞌwe ti neꞌ loꞌo Ni, nka tiye neꞌ, xkwiꞌ chaꞌ ꞌin chalyuu kwi nu ndijyan nde loo la nduwe tiꞌ neꞌ.

ROMANOS 5:5

Loꞌo ngwañaꞌan, siꞌi ska chaꞌ nu ndloun keen tian lka chaꞌ kanꞌ, ska chaꞌ chañi lka chaꞌ kanꞌ; kuꞌni Ni chaꞌ kanꞌ. Loꞌo ngiꞌni Ni chaꞌ ndii tianꞌ niꞌ kasiya ꞌñaan, chaꞌ suꞌwe ꞌa nka tiye Ndiose ñaꞌan Ni ꞌñaan; ngwañaꞌan ngiꞌni Ndiose bra nu nda Ni Tyiꞌi ykwiꞌ Ni ꞌñaan.

1 CORINTIOS 15:58

ꞌWan taꞌa msñian chaꞌ ꞌin Jesús, suꞌwe ꞌa nka tiyeěn ñaꞌaǎn ꞌwan. Nde lka chaꞌ nu nchkwiǐnꞌ loꞌo wan, chaꞌ ñaꞌan ti xñi suꞌwe wan chaꞌ ꞌin Ndiose, nchga tsan lye la tsaa ñaꞌan tiꞌ wan ꞌin Ni; xkwiꞌ lye ꞌa kuꞌni wan tñan ꞌin ykwiꞌ Xꞌnaan, loꞌo ja ka ndaja tiꞌ wan chaꞌ kuꞌni wan tñan kanꞌ. Wa jlyo tiꞌ wan chaꞌ ja tsaa tii ngwa ti ñaꞌan ska tñan nu ngiꞌni wan chabiyaꞌ ꞌin Ndiose.

1 CORINTIOS 3:5

¿Ti ka nu lka Polo kanꞌ sikwa a? ¿Ti ka nu lkaǎn sikwa a? ¿Ta siꞌi tñan ꞌin Ndiose ngiꞌni taꞌa ba a? Chunꞌ chaꞌ nu ykwiꞌ ba loꞌo wan, kanꞌ chaꞌ msñi wan chaꞌ ꞌin Krixtu nu nka Xꞌnaan bra kanꞌ. Wa lka tñan ngiꞌni skaa ba, ti kwiꞌ tñan nu nda Xꞌnaan ꞌwa chaꞌ kuꞌni ba.

2 CORINTIOS 10:1

Palyu lkaǎn nu nchkwiǐnꞌ loꞌo wan ni. Kuꞌni wan chaꞌ tlyu tiꞌ ꞌñaǎn, ni siya chkwiǐnꞌ ñi loꞌo wan. Ndiya nten nu ndukwin chaꞌ ntseěn ꞌaǎn chkwiǐnꞌ loꞌo wan xa nu ndiꞌiǐn seꞌen ndiꞌin wan, loꞌo ngiꞌniǐn tláǎn ꞌaǎn ꞌwan xa nu ndiꞌiǐn tijyuꞌ; ngwañaꞌan ndukwin neꞌ. Tyaa yuꞌwi tiꞌ wan sikwa, chaꞌ xkwiꞌ suꞌwe ti nka tiye Krixtu ñaꞌan Ni ꞌñaan.

2 CORINTIOS 11:23

Ndukwin neꞌ kanꞌ, chaꞌ tñan ꞌin Krixtu ngiꞌni neꞌ; ti kwiꞌ tñan kanꞌ ngiꞌniǐn. Ni siya ja nsuꞌwi ꞌa chaꞌ tiya ꞌñaǎn chaꞌ chkwiǐnꞌ ngwañaꞌan, suꞌwe la tñan ngiꞌniǐn ke tñan nu ngiꞌni neꞌ kanꞌ; lye la yꞌniǐn tñan, taꞌa ti msuꞌwa neꞌ ꞌñaǎn niꞌ ñaꞌan chkwan, tyun yaꞌ wa mjiꞌin neꞌ ꞌñaǎn loꞌo kijin, taꞌa ti nchka chaꞌ wa kajaǎn tiǎn chaꞌ ꞌin Krixtu.

2 CORINTIOS 3:6

Wa mdiya ska chaꞌ kwi re nu tka nchkwiꞌ Ndiose loꞌoan, ska tñan nu ngiꞌni Tyiꞌi Ndiose lka chaꞌ re. Ja lka ran ñaꞌan tiꞌ ska tñan nu ndatsaa kityi kula kanꞌ ꞌñaan chaꞌ kuꞌnian. Wa mdyii chaꞌ ꞌñaan siyaꞌ ti siꞌya yuweꞌ nu ndiꞌin ꞌñaan chunꞌ tñan nu ndlo kityi kula kanꞌ ꞌñaan, loꞌo ni, wa mjwi chalyuu kwi ꞌñaan chunꞌ tñan nu ngiꞌni Tyiꞌi Ndiose.

2 CORINTIOS 4:1

Kanꞌ chaꞌ ja nchka ndaja tiꞌ ba ꞌin tñan nu ngiꞌni ba. Ti kwiꞌ Ndiose lka nu wa nda tñan kanꞌ ꞌwa, chunꞌ nchka tꞌnan tiꞌ Ni ꞌwa.

2 CORINTIOS 6:1

Taꞌa ngiꞌnian tñan ꞌin Ndiose lka wan; kanꞌ chaꞌ nchkwiꞌ ꞌa ba loꞌo wan, chaꞌ ja tnaꞌ wan chaꞌ suꞌwe ꞌin Ndiose ngwa ti ñaꞌan, ti kwiꞌ chaꞌ suꞌwe kanꞌ nu wa nda Ni chaꞌ kanun niꞌ kasiya ꞌwan. Wa msñi wan chaꞌ kanꞌ ska yaꞌ, kanꞌ chaꞌ ti tukwa la wan chaꞌ kanꞌ ni.

GÁLATAS 4:11

kanꞌ chaꞌ kaꞌan ꞌa chaꞌ ndaꞌan tiyeěn, ¿ta ja yꞌni suꞌwe siyaꞌ ti nchga chaꞌ nu ykwiǐnꞌ loꞌo wan a?, ¿ta xuꞌwe ti ngwaꞌuǔn chaꞌ kanꞌ ꞌwan a?

GÁLATAS 5:5

Nan ni, ndiꞌiin taan ꞌaan ñaꞌan bra nu kuꞌni Ni chaꞌ ka suꞌwe ji kasiya ꞌñaan tloo Ndiose, bra nu tyaan chaꞌ tyiꞌian loꞌo Ni. Kanꞌ lka tñan nu ngiꞌni Tyiꞌi Ndiose niꞌ kasiya ꞌñaan, chaꞌ wa msñian chaꞌ ꞌin Krixtu.

GÁLATAS 5:7

Suꞌwe ꞌa yꞌni wan nu ngwa xkanꞌ. ¿Ti ka lka nu yꞌni lyoꞌo ꞌwan, chaꞌ ja kunan ꞌa wan chaꞌ nu ñi nu wa ykwiꞌ Krixtu loꞌoan a?

GÁLATAS 6:9

Kanꞌ chaꞌ ja suꞌwe si ka xiyaꞌ tianꞌ kuꞌnian chaꞌ suꞌwe laja nu ndiꞌian lo chalyuu. Bra nu tiya bra kanꞌ, bra kanꞌ tyoꞌo tukwa chaꞌ suꞌwe nu ndukwin Ni chaꞌ kaja ꞌñaan nde loo la, ti kwiꞌ chaꞌ suꞌwe nu chan ꞌa ndiꞌin taan ꞌin ran; ndiꞌin chaꞌ taloan la chinꞌ, chaꞌ ja ka xiyaꞌ tianꞌ chaꞌ ngiꞌnian chaꞌ suꞌwe.

EFESIOS 1:18

Kwiꞌ ngwañaꞌan, nchkwiǐnꞌ loꞌo Ni chaꞌ slaa Ni ke wan, chaꞌ ka biyaꞌ suꞌwe tiꞌ wan nchga chaꞌ suꞌwe nu ka ꞌwan ni, chunꞌ wa ngulo suwi Ni ꞌwan; tlyu ꞌa chaꞌ suꞌwe nu ndukwin Ni chaꞌ kaja ꞌwan, loꞌo ꞌin nchga nten nu msñi chaꞌ ꞌin Ni.

EFESIOS 3:17

njñaǎn ꞌin Ni chaꞌ ka biyaꞌ tiꞌ wan chaꞌ nganun Tyiꞌi ykwiꞌ Jesús niꞌ kasiya ꞌwan, bra nu msñi suꞌwe wan chaꞌ ꞌin Ndiose; njñaǎn ꞌin Ni chaꞌ suꞌwe xuꞌwi tiye wan siyaꞌ ti ꞌin taꞌa nten wan, chaꞌ suꞌwe ꞌa xñi suun chaꞌ kanꞌ niꞌ kasiya ꞌwan;

EFESIOS 4:16

chabiyaꞌ ꞌin Krixtu, kanꞌ chaꞌ lkaan ska ti nten tloo Ndiose. Nsuꞌwi tñan chaꞌ kuꞌnian kwenta skaan; ndiꞌin chaꞌ tayaanꞌ ꞌin taꞌaan chaꞌ ja xñi neꞌ xka tuwiin kuxi, chaꞌ ngwañaꞌan suꞌwa ti ka tiyean loꞌo taꞌaan. Si suꞌwe ti ndiꞌian loꞌo taꞌaan, bra kanꞌ sa tlyu ti tayaanꞌ ꞌin taꞌaan, chaꞌ kanun tsaa la chaꞌ ꞌin Jesús niꞌ kasiya ꞌñaan skaan, chunꞌ suꞌwe ꞌa nka tiyean ñaꞌaan ꞌin taꞌaan.

COLOSENSES 1:25

Ndiose lka nu wa nda tñan re ꞌñaǎn, chaꞌ kaǎn tñan ꞌin nchga wan nu wa msñi wan chaꞌ ꞌin Ni nchga kichen, chaꞌ ka ngula la tiꞌ niꞌ kasiya ꞌwan. Loꞌo ti ndiꞌin la chaꞌ chkwiǐnꞌ chaꞌ ꞌin Krixtu loꞌo xka ta nten sa ñaꞌan nu tyii kunan neꞌ chaꞌ re.

COLOSENSES 2:7

Ngwañaꞌan xñi suꞌwe wan chaꞌ ꞌin Jesús, chaꞌ ka biyaꞌ tiꞌ wan nchga seꞌen ndukwa kiyaꞌ chaꞌ kanꞌ; chaꞌ Jesús ni, kanꞌ lka kiyaꞌ nchga chaꞌ nu wa msñian, ti kwiꞌ chaꞌ nu ngwaꞌu neꞌ ꞌwan nu ngwa bra kanꞌ. Loꞌo ngwañaꞌan, nchga tsan tya wan xuꞌwe ꞌin Krixtu bra kanꞌ.

1 TESALONICENSES 3:3

Nchka tiꞌ ba chaꞌ ja ska yu taꞌa ba xiꞌin chunꞌ yu ꞌin Jesús, ni siya lye ꞌa tiꞌí tiꞌ neꞌ ꞌwan; jlyo tiꞌ wan chaꞌ ngwañaꞌan ngiꞌni neꞌ loꞌo nten ꞌin Jesucristo nchga kichen.

1 TESALONICENSES 3:5

Bra nu ynaǎn chaꞌ kanꞌ, ja ndaloǔn bra kanꞌ; ngwa xiꞌin ꞌa tiǎnꞌ chaꞌ ja jlyo tiǎnꞌ sa ñaꞌan ngwa chaꞌ ꞌwan. Kanꞌ chaꞌ msuꞌwaǎn ꞌin yu taꞌaan yaa yu seꞌen ndiꞌin wan, chaꞌ ka biyaꞌ tiǎnꞌ si ti nxñi suꞌwe wan chaꞌ suꞌwe ꞌin Ndiose, si ngwa ꞌwan tyijin lyo wan ꞌin kuneꞌ xaꞌan nu nchka ꞌa tiꞌ chaꞌ kuꞌni wan chaꞌ kuxi. Wa mnaꞌ tñan nu yꞌni ba chaꞌ ꞌwan si ja ngwa ꞌwan tyijin lyo wan ꞌin kuneꞌ xaꞌan kanꞌ.

1 TESALONICENSES 5:8

Nan ni, nsuꞌwi xaa ꞌin Ndiose niꞌ kasiya ꞌñaan, kanꞌ chaꞌ ndii ti tianꞌ tyiꞌian lo chalyuu; xñian suꞌwe chaꞌ ꞌin Ndiose, kwiꞌ ngwañaꞌan suꞌwe xuꞌwi tiyean ñaꞌaan ꞌin taꞌa ntean chabiyaꞌ ꞌin Jesús, ngwañaꞌan ñaꞌansiin ꞌñaan ti ykwiinꞌ tian chaꞌ ja kuꞌnian chaꞌ kuxi. Ñaꞌan tiꞌ ska sndaru, ndaꞌa yu ꞌin tiye yu loꞌo chunꞌ yu loꞌo chkwan nu nchkuꞌ yu. Ndiꞌin taan ꞌin Ndiose, ñaꞌan bra kuꞌni tyii ji Ni nchga chaꞌ kuxi nu ndiꞌin ꞌñaan, kanꞌ chaꞌ ndiꞌin chaꞌ kuꞌnian kwenta ꞌñaan, ti ykwiinꞌ tian, sa ñaꞌan ndaꞌa sndaru ꞌin yu loꞌo chkwan nu ndyukwa ke yu.

2 TESALONICENSES 2:16

Ngwañaꞌan nchka tiǎnꞌ chaꞌ kuꞌni Ni loꞌo wan, ni siya Jesucristo nu nka Xꞌnaan, ni siya Ndiose Stian: kuꞌni Ni chaꞌ ka ngula la tiꞌ niꞌ kasiya wan, chaꞌ talo wan kuꞌni wan nchga chaꞌ suꞌwe, chaꞌ xkwiꞌ chaꞌ suꞌwe chkwiꞌ wan loꞌo taꞌa wan. Suꞌwe ꞌa nka tiye Ndiose ñaꞌan Ni ꞌñaan, kanꞌ chaꞌ suꞌwe ꞌa ngiꞌni Ni loꞌoan, chaꞌ tiin ti tyiꞌian nchga bra, bra nu ndiꞌin taan chaꞌ kan Jesús xiyaꞌ.

1 TIMOTEO 1:12

Ndyaǎn ꞌa xuꞌwe ꞌin Jesucristo nu nka Xꞌnaan chaꞌ nu yꞌni Ni chaꞌ ngwa ꞌñaǎn kuꞌniǐn tñan ꞌin Ni; ndyaǎn xuꞌwe ꞌin Ni chaꞌ ngulo suwi Ni ꞌñaǎn chaꞌ kuꞌniǐn tñan ꞌin Ni, chunꞌ jlyo tiꞌ Ni chaꞌ ndukwaǎn tñan nu ndlo Ni.

1 TIMOTEO 2:7

Ngulo suwi Ni ꞌñaǎn chaꞌ ndaꞌaǎn nchkwiǐnꞌ chaꞌ suꞌwe kanꞌ loꞌo nten chabiyaꞌ ꞌin Ni chaꞌ loꞌo neꞌ xka laꞌa tsuꞌ kunan neꞌ chaꞌ suꞌwe kanꞌ bra kanꞌ; ndaꞌaǎn nduꞌuǔn ꞌin neꞌ sa ñaꞌan ka xñi neꞌ chaꞌ ꞌin Ndiose. Chañi nchga chaꞌ nu ndaꞌaǎn re, siꞌi chaꞌ kwiñi nchkwiǐnꞌ.

1 TIMOTEO 3:16

Chañi chaꞌ tnun ꞌa chaꞌ suꞌwe ꞌin Jesucristo nu wa msñian. Nde ndukwa chaꞌ kanꞌ: Nu ngwa sꞌni, ja tukwin ngwa biyaꞌ tiꞌ sa ñaꞌan nu kulaa Ndiose ꞌin nten; loꞌo ni, jlyo tianꞌ, chaꞌ ngula Jesucristo yan Ni chalyuu, chaꞌ ngwa Ni nten. Kwiꞌ ngwañaꞌan nchkwiꞌ Tyiꞌi Ndiose chaꞌ ꞌin Ni, chaꞌ ska nten nu luwi ꞌa lka Ni; wa naꞌan angajle ꞌin Jesús, yu nu luwi kanꞌ. Loꞌo ni, nduꞌu nten chaꞌ ꞌin Jesucristo ꞌin nten nu ndiꞌin tyukwi ñaꞌaan chalyuu; loꞌo nxñi neꞌ nchga kichen chaꞌ nu nchkwiꞌ neꞌ bra kanꞌ. Chunꞌ ndiꞌin la ndyaa Jesús nde seꞌen ndiꞌin Ndiose Stian nde niꞌ kwan, loꞌo ni, tlyu ꞌa lka Jesús seꞌen ndiꞌin Ni nde kwa.

TITO 3:7

loꞌo tnun ꞌa chaꞌ suꞌwe yꞌni Ndiose loꞌoan ngwañaꞌan, chaꞌ kaan sa ñaꞌan si lkaan sñiꞌ Ni, xa wa mjwi chalyuu kwi ꞌñaan, kwiꞌ nu ja tsaa tii ꞌa ꞌñaan.

HEBREOS 10:38

Loꞌo nten nu ka luwi kasiya ꞌin chabiyaꞌ ꞌñaǎn ni, bra nu xñi neꞌ chaꞌ ꞌñaǎn, kanꞌ nu kaja chalyuu nu ja tsaa tii ꞌa ꞌin neꞌ, ndukwin Ni. Loꞌo ja suꞌwe nka tiyeěn ñaꞌaǎn ꞌin nten nu xiꞌin chunꞌ ꞌin chaꞌ ꞌñaǎn.

HEBREOS 3:14

Taꞌaan, ti ndiꞌin chaꞌ ꞌñaan loꞌo Krixtu xa nu ti nxñiin suꞌwean chaꞌ ꞌin Ni sa ñaꞌan bra nsuꞌwian chalyuu, ti kwiꞌ sa ñaꞌan nu ndyaa ñaꞌan tianꞌ ꞌin Ni nu ngwa ti kulo.

HEBREOS 3:6

Loꞌo Krixtu ni, suꞌwe la ti tñan nu yꞌni yu, chunꞌ lka yu Sñiꞌ ykwiꞌ Ndiose, lka yu ndloo ꞌin nchga nten nu ndiꞌin chaꞌ ꞌin Ni. Loꞌo nan, ti kwiꞌ nten ꞌin Ndiose lkaan, xa nu ja ntsean ꞌaan tyukwi tyempu nu nsuꞌwian chalyuu, bra nu ti ndyaa ñaꞌan suꞌween tianꞌ ꞌin Ni chaꞌ ndiꞌin taan ꞌin Krixtu chaꞌ kulaa ji Ni ꞌñaan.

HEBREOS 4:14

Xa wa msñian chaꞌ ꞌin Jesús, ndiꞌin chaꞌ kuꞌnian tñan chaꞌ kanun suꞌwe chaꞌ ꞌin Ni niꞌ kasiya ꞌñaan bra kanꞌ. Wa lka ndiya ska xꞌnan sti joꞌo nu njñan chaꞌ ꞌñaan ꞌin Ndiose; Jesús, ska ti nu lka Sñiꞌ ykwiꞌ Ndiose, kanꞌ lka Ni. Wa ndyaa Jesús nde seꞌen ndiꞌin Ndiose Sti yu; loꞌo ni, ndiꞌin Jesús tloo Ni, chaꞌ nchkwiꞌ Ni chaꞌ ꞌñaan loꞌo Ni.

HEBREOS 6:19

Ñaꞌan tiꞌ chkwan stanꞌ nu nduguun neꞌ nde suun yka naꞌan, chaꞌ tsaa xñi kaꞌan chkwan kanꞌ chunꞌ kee la niꞌ tyiꞌa, chaꞌ tyukwi seꞌen ti yka naꞌan kanꞌ lo tyiꞌa kanꞌ, chaꞌ ja ka tyoꞌo tsuꞌ yka naꞌan kanꞌ siyaꞌ ti bra kanꞌ; kwiꞌ ngwañaꞌan ngiꞌni Jesús loꞌoan. Ngiꞌni Ni chaꞌ kanun tsaa chaꞌ ꞌin Ndiose niꞌ kasiya ꞌñaan, chaꞌ ja tyoꞌoun tsuanꞌ chaꞌ ꞌin Ni siyaꞌ ti. Wa ndiya Jesús nde niꞌ kwan, ñaꞌan tiꞌ si wa mdijin Ni seꞌen ndukwi teꞌ tukwin nu ndyukwi loo joꞌo niꞌ lyaa tnun; loꞌo ni, wa ndyaa tukwa Ni ti kwiꞌ seꞌen ndukwa Ndiose nde niꞌ kwan.

1 SAN PEDRO 1:3

Kuꞌniin tnuan ꞌin Ndiose, ti kwiꞌ nu lka Sti Jesucristo nu nka Xꞌnaan. Nchka tꞌnan ꞌa tiꞌ Ni ꞌñaan, kanꞌ chaꞌ yꞌni kwi Ni kasiya ꞌñaan; loꞌo ni, nsuꞌwi chalyuu kwi ꞌñaan, chunꞌ chaꞌ ndyuꞌu Jesucristo xiyaꞌ xa wa ngujwi yu. Loꞌo ni, ndiꞌin taan ꞌaan chaꞌ kaja chalyuu nu ja tsaa tii ꞌa ꞌñaan,

1 SAN PEDRO 1:5

Wa msñi wan chaꞌ ꞌin Ndiose, kanꞌ chaꞌ ngiꞌni Ni kwan ꞌwan ni, ñaꞌansiin Ni ꞌwan. Loꞌo ja tukwin nsuꞌwi nu ngula la jwersa ꞌin, ja tukwin ka tyijin lyo ꞌin Ndiose. Ja ta Ni chabiyaꞌ chaꞌ tyukwa wan chaꞌ kuxi, loꞌo bra kanꞌ kulaa Ni ꞌwan xa wa tyii chalyuu re, chaꞌ wa ndyaa Ni kuꞌni xuꞌwe Ni seꞌen tyiꞌin wan nde seꞌen ndiꞌin Ndiose Sti yu.

1 SAN JUAN 2:27

ꞌWan ni, wa nganun Tyiꞌi Ndiose niꞌ kasiya ꞌwan, kanꞌ chaꞌ ja ndiꞌin chaꞌ kwaꞌu xka ta nten ꞌwan; Tyiꞌi Ndiose, kanꞌ lka nu kwaꞌu ꞌwan nchga chaꞌ nu ti ji kuꞌni xaꞌan wan chaꞌ ꞌin Ni. Bra nu nduꞌu Tyiꞌi Ndiose ꞌwan, ñi ꞌa lka chaꞌ kanꞌ; siꞌi chaꞌ kwiñi nduꞌu Ni. Kanꞌ chaꞌ sikwa, sa ñaꞌan nu nduꞌu Tyiꞌi Ndiose ꞌwan chaꞌ xñi wan chaꞌ ꞌin Jesús, kwiꞌ ngwañaꞌan ndiꞌin chaꞌ kuꞌni wan.

EL APOCALIPSIS 2:10

“Ja kutsen wan ꞌin nu tiꞌí nu tyijin wan nde loo la, ni siya kuneꞌ xaꞌan kuꞌni chaꞌ tyun wan tsaa wan niꞌ ñaꞌan chkwan bra kanꞌ. Nchka tiꞌ yu ñaꞌan biyaꞌ yu ꞌwan si ti xñi la wan chaꞌ ꞌñaǎn. Tii tsan ta yu nu tiꞌí ꞌwan bra kanꞌ” ndukwin Ni. “Kanꞌ chaꞌ tyukwi ti tiye wan xñi wan chaꞌ ꞌin Ndiose Stiǐn, ni siya kaja wan, loꞌo ja tyii ꞌa chalyuu nu taǎn ꞌwan nde loo la bra kanꞌ.