2 TIMOTEO 4:5 - Chatino Zona Alta Occidental

⁵ Nuꞌwin ni, tyaꞌan chinꞌ chaꞌ suꞌwe tiyee nan lka nu suꞌwe la kuꞌnii, chaꞌ taloo la bra nu tiꞌí ꞌa tiꞌ neꞌ ꞌiin, chaꞌ ñaꞌan ti chkwiiꞌ chaꞌ suꞌwe ꞌin Ndiose loꞌo nten, chaꞌ ti kuꞌnii la nchga tñan nu ndiꞌin chaꞌ kuꞌnii chaꞌ ꞌin Ndiose.

2 TIMOTEO 4:5 ပူးပေါင်းရင်းမြစ်များ

SAN MATEO 25:16

Bra ti ndyaa msu nu nsuꞌwi kiꞌyu mi tñi plata ꞌin, ngwiꞌya yu yuꞌwa loꞌo tñi kanꞌ. Bra wa yjwiꞌ yu yuꞌwa kanꞌ, yꞌni yu kanan xa tiꞌyu mi tñi plata ꞌin yu.

SAN MARCOS 13:34

Sa ñaꞌan lka xa nu wa tsaa ti ska nten tijyuꞌ, bra wa tsaa ti yu, ta yu tñan ꞌin msu chaꞌ ñaꞌansiin neꞌ naꞌan tyi yu, ska tñan skaa msu kanꞌ; kwiꞌ kulo xꞌnan naꞌan kanꞌ tñan ꞌin yu kiꞌyu nu nduun kwan tuloꞌoo chaꞌ ka ndii ti tiꞌ yu nchga bra.

SAN MARCOS 13:37

Nde lka chaꞌ nu chkwiǐnꞌ loꞌo wan, kwiꞌ ngwañaꞌan loꞌo nchga nten: Ndii ti tiꞌ wan tyiꞌin wan sikwa.

SAN LUCAS 12:37

Suꞌwe ꞌa ka ꞌin msu kanꞌ, si ti ndii tiꞌ neꞌ bra nu kala xꞌnan neꞌ chaꞌ kuꞌni lya neꞌ tñan nu kulo xꞌnan neꞌ. Chañi lka chaꞌ nu chkwiǐnꞌ loꞌo wan, chaꞌ nde ñaꞌan chkwiꞌ xꞌnan naꞌan kanꞌ loꞌo msu ꞌin yu: “Tyukwa lya wan tuꞌwa msaa re.” Bra kanꞌ kuꞌni kuwe tiꞌ ykwiꞌ xꞌnan neꞌ chaꞌ ku neꞌ.

LOS HECHOS 21:8

La xka tsan mdoꞌo ba ndyaa ba tuwiin nu tsaa kichen Cesarea; ngala ba naꞌan tyi Lpe bra kanꞌ, ti kwiꞌ Lpe nu ykwiꞌ chaꞌ ꞌin Jesucristo nu nka Xꞌnaan loꞌo nten. Lpe kanꞌ lka ska nu kati nten nu ngulo suwi taꞌa nten ꞌin Jesucristo nu ngwa sꞌni, chaꞌ ka tñan ꞌin neꞌ. Nganun ba seꞌen ndiꞌin yu bra kanꞌ.

ROMANOS 15:19

Ngiꞌni Ndiose tyun chaꞌ tnun nu ja ka kuꞌni nten chalyuu, chaꞌ kuwe tiꞌ nchga nten chaꞌ Ndiose lka nu ngiꞌni tñan kanꞌ. Ngwañaꞌan nchka chaꞌ wa yiꞌaǎn mdijiǐn tyun lo yuu tijyuꞌ la. Mdyisnaǎn nde kichen Jerusalén, sa yaꞌ ngalaǎn lo yuu Ilírico. Nchga kichen seꞌen mdaꞌaǎn, kaꞌan ꞌa chaꞌ suꞌwe ꞌin Krixtu ykwiǐnꞌ loꞌo nten sa yaꞌ nu ngwa ꞌñaǎn.

EFESIOS 4:11

Chaꞌ tyun loo chabiyaꞌ nda Jesús ꞌin nten chalyuu, kanꞌ chaꞌ ka kuꞌni nten tñan nu nda Ni ꞌin neꞌ chaꞌ kuꞌni neꞌ: Ti kulo wa nda Krixtu tñan kanꞌ ꞌin nten nu yꞌni xaꞌan chaꞌ ꞌin yu; bra kanꞌ nda Ni tñan ꞌin nten nu ka chkwiꞌ nan lka nu wa kuꞌni ti Ndiose lo chalyuu; loꞌo xka ta nten ni, mjwi chabiyaꞌ chaꞌ katsaꞌ ñi neꞌ ꞌin nten sa ñaꞌan nu ka tyoꞌo laa neꞌ ꞌin nchga chaꞌ kuxi; kwiꞌ ngwañaꞌan, nda Ni chabiyaꞌ ꞌin nten nu tyuun loo la ꞌin taꞌa nten neꞌ, chaꞌ ka neꞌ kanꞌ mstru, chaꞌ kwaꞌu neꞌ kanꞌ chaꞌ ꞌin Ndiose ꞌin taꞌa nten neꞌ.

EFESIOS 4:12

Ngwañaꞌan yꞌni xuꞌwe Ni ꞌñaan, taꞌaan nu ndiꞌin chaꞌ ꞌñaan loꞌo Ni, chaꞌ ka kuꞌnian tñan ꞌin Ni, chaꞌ kanun tsaa la chaꞌ kanꞌ niꞌ kasiya ꞌñaan nan nu msñian chaꞌ ꞌin Krixtu sa tlyu ti.

COLOSENSES 1:25

Ndiose lka nu wa nda tñan re ꞌñaǎn, chaꞌ kaǎn tñan ꞌin nchga wan nu wa msñi wan chaꞌ ꞌin Ni nchga kichen, chaꞌ ka ngula la tiꞌ niꞌ kasiya ꞌwan. Loꞌo ti ndiꞌin la chaꞌ chkwiǐnꞌ chaꞌ ꞌin Krixtu loꞌo xka ta nten sa ñaꞌan nu tyii kunan neꞌ chaꞌ re.

COLOSENSES 4:17

Nde lka chaꞌ nu chkwiꞌ wan loꞌo Arquipo taꞌaan: “Wa nda ykwiꞌ Xꞌnaan ska tñan nu kuꞌnii chaꞌ ꞌin Ni” nchkwin wan ꞌin yu, “kanꞌ chaꞌ ni, suꞌwe ti kuꞌnii tñan kanꞌ, chaꞌ tsaa toꞌo suꞌwe ran”.

1 TESALONICENSES 5:6

Kanꞌ chaꞌ ndii ti tianꞌ tyiꞌian lo chalyuu; ja ndiꞌin chaꞌ tyiꞌian lajaanꞌ lo chalyuu, ni siya ngwañaꞌan ngiꞌni xka ta nten nu ja ndiꞌin chaꞌ ꞌin Jesucristo siyaꞌ ti. Kwiꞌ ngwañaꞌan kuꞌnian kwenta ꞌñaan ti ykwiinꞌ tian chaꞌ ja kaan yu kuꞌwi.

1 TIMOTEO 4:12

Ja taa chabiyaꞌ xtyi lyoꞌo neꞌ ꞌiin chaꞌ ti kuneeꞌ, xkeꞌ tiꞌ neꞌ. Xkwiꞌ luwi ti kuꞌnii tñan chaꞌ ñaꞌan taꞌa nten ꞌin Jesucristo ꞌin ran; xkwiꞌ chaꞌ suꞌwe chkwiiꞌ, xkwiꞌ chaꞌ suꞌwe kuꞌnii; kwiꞌ ngwañaꞌan, suꞌwe ꞌa xuꞌwi tiyee ñaꞌaan ꞌin nchga nten. Bra kanꞌ ka biyaꞌ tiꞌ neꞌ chaꞌ suꞌwe ꞌa msñii chaꞌ ꞌin Jesucristo, chaꞌ xkwiꞌ luwi kasiya ꞌiin ngiꞌnii tñan.

1 TIMOTEO 4:15

Kanꞌ chaꞌ ni, kuꞌni suꞌwe nchga chaꞌ nu ngwaꞌaǎn nde; bra kanꞌ kiꞌya neꞌ kwenta chaꞌ wa yꞌnii xaꞌan suꞌwe chaꞌ kaa ndloo ꞌin nten.

2 TIMOTEO 1:8

Ja ka jyuꞌu tiiꞌ sikwa; katsaaꞌ chaꞌ re ꞌin nten, sa ñaꞌan nka nchga chaꞌ ꞌin Xꞌnaan. Kwiꞌ ngwañaꞌan, ja ka jyuꞌu tiiꞌ chaꞌ nsuꞌwiǐn niꞌ ñaꞌan chkwan. Nda neꞌ nu tiꞌí ꞌñaǎn chaꞌ nchkwiǐnꞌ chaꞌ ꞌin Xꞌnaan, kanꞌ chaꞌ ja tyaꞌan chaꞌ tiyee lye ꞌa si loꞌoo ta neꞌ nu tiꞌí ꞌiin chaꞌ nchkwiiꞌ chaꞌ suꞌwe ꞌin Jesucristo loꞌo nten. Ta Ndiose jwersa ꞌñaan chaꞌ taloan,

2 TIMOTEO 2:10

kanꞌ chaꞌ ndaloǔn ꞌin neꞌ, ni siya lye ꞌa nda neꞌ nu tiꞌí ꞌñaǎn. Taloǔn ꞌin chaꞌ kuxi kanꞌ chaꞌ ꞌin taꞌa nten nu ngulo suwi Ndiose ꞌin, chaꞌ loꞌo kulaa Jesucristo ꞌin neꞌ, chaꞌ kaja chalyuu nu ja tsaa tii ꞌa ꞌin neꞌ. Loꞌo bra kanꞌ ka tyiꞌin neꞌ nde seꞌen ndiꞌin Ndiose, seꞌen suꞌwe ꞌa ñaꞌan nchga nan.

2 TIMOTEO 2:3

Sa ñaꞌan nu ndalo ꞌa ska sndaru bra nu ndaꞌan yu wsuun, loꞌo nuꞌwin, kwiꞌ ngwañaꞌan ndiꞌin chaꞌ taloo bra nu tyijiin nu tiꞌí chaꞌ tiꞌí tiꞌ nten ꞌiin, chaꞌ sndaru ꞌin Jesucristo lkaa ni.

2 TIMOTEO 4:17

Ykwiꞌ Xꞌnaan mdayaꞌ Ni ꞌñaǎn bra kanꞌ, mdayaꞌ Ni ꞌñaǎn chaꞌ ti mdaloǔn laǎn ngwaꞌuǔn chaꞌ suꞌwe ꞌin Jesucristo sa ñaꞌan yaꞌ nu ynan nchga nten xka laꞌa tsuꞌ nu ndiꞌin nde re. Sa ñaꞌan lka si wa ku ti kwichi tlá ꞌñaǎn, ngwañaꞌan ngwa xa nu yꞌni yu chaꞌ kuxi loꞌoǔn, loꞌo ngulaa Ni ꞌñaǎn yaꞌ yu kuxi kanꞌ bra kanꞌ.

HEBREOS 13:17

Kunan wan chaꞌ nchkwiꞌ nten nu nka tñan chaꞌ ꞌin ska ta neꞌ taꞌa wan; kuꞌni wan nchga tñan nu kulo neꞌ kanꞌ wan. Tnun ꞌa tñan nu ndiꞌin ꞌin neꞌ kanꞌ, chaꞌ nduwe ꞌa tiꞌ neꞌ sa ñaꞌan tñan nu ngiꞌni wan kwenta skaa wan; ndiꞌin chaꞌ tijin neꞌ kwenta ꞌin Ndiose ykwiꞌ si chañi chaꞌ ti nganan suꞌwe wan chaꞌ ꞌin Ni. Loꞌo suꞌwe la nka tiye neꞌ kanꞌ si ndiya tiꞌ wan kuꞌni wan sa ñaꞌan tñan nu chkwiꞌ neꞌ loꞌo wan; si nu ja kuꞌni wan ngwañaꞌan ni, ka xiꞌin tiꞌ neꞌ kanꞌ bra kanꞌ, loꞌo ja ka ꞌa tayaꞌ neꞌ ꞌwan bra kanꞌ.

1 SAN PEDRO 1:13

Kanꞌ chaꞌ kuwe chinꞌ tiꞌ wan, chaꞌ tiya ti tiꞌ wan tyiꞌin wan lo chalyuu, chaꞌ nchga tsan tyiꞌin ta wan ꞌin chaꞌ suꞌwe tnun nu kuꞌni Ni loꞌo wan bra nu kulaa ji Ni ꞌwan; ngwañaꞌan ka bra nu tyoꞌo tukwa Jesucristo tyaan Ni xiyaꞌ.

EL APOCALIPSIS 3:2

“Xaa tiꞌ wan ni, chaꞌ ñaꞌan tiꞌ si lajaꞌ wan ndiꞌin wan. Kuꞌni lya wan ni siya chinꞌ ti chaꞌ suꞌwe nu jlyo tiꞌ wan kuꞌni wan, chaꞌ ja kanaꞌ ji tñan kanꞌ bra kanꞌ; ja ya naꞌaǎn chaꞌ ndyaa toꞌo suꞌwe tñan kanꞌ ꞌwan tloo Ndiose Stiǐn” ndukwin Ni.