2 TIMOTEO 4:21 - Chatino Zona Alta Occidental

²¹ Kuꞌnii lyaa chaꞌ kaan nde re bra nu ti ji tyisnan tyempu tlyaꞌ. Nchga neꞌ re nchka tiꞌ neꞌ chkwiꞌ neꞌ loꞌoo: loꞌo Eubulo, loꞌo Pudente, loꞌo Lino, loꞌo Claudia, loꞌo nchga nten ꞌin Jesucristo kichen re.

2 TIMOTEO 4:21 ပူးပေါင်းရင်းမြစ်များ

SAN LUCAS 12:58

Nde ñaꞌan kuꞌni wan suꞌwe la, bra nu tsaa loꞌo ska nten ꞌwan seꞌen ndiꞌin wsiya chaꞌ xtya yu kiꞌya ꞌwan: kuwe tiꞌ wan chaꞌ wjñi chaꞌ ꞌwan loꞌo yu laja nu ti ndaꞌan ti wan tuwiin. Si ja kuꞌni wan ngwañaꞌan, bra kanꞌ ta wsiya ꞌwan yaꞌ policía. Loꞌo neꞌ kanꞌ ni, suꞌwa neꞌ ꞌwan niꞌ ñaꞌan chkwan bra kanꞌ.

1 CORINTIOS 16:20

Nchga neꞌ taꞌa msñian chaꞌ ꞌin Jesús, nchka tiꞌ neꞌ chkwiꞌ suꞌwe neꞌ loꞌo wan; tyukwi ti tiye wan xñi wan siꞌ taꞌa wan chabiyaꞌ ꞌin Krixtu.

2 CORINTIOS 13:13

Loꞌo nchga neꞌ taꞌa msñian chaꞌ ꞌin Ndiose nde re, nchka tiꞌ neꞌ chkwiꞌ neꞌ “¿Ni rsun nda wan?” ꞌin nchga neꞌ taꞌa wan nu ndiꞌin nde kwa.

FILIPENSES 4:22

Loꞌo nchga neꞌ nu msñi chaꞌ ꞌin Ndiose kichen re, loꞌo neꞌ nu ndiꞌin ngiꞌni tñan niꞌ ñaꞌan tlyu chaꞌ ꞌin xꞌnaan nu nka ndloo la nu nka emperador, nchka ꞌa tiꞌ neꞌ chkwiꞌ neꞌ suꞌwe loꞌo wan.

2 TIMOTEO 1:4

Ndyuꞌwi tiǎnꞌ chaꞌ ynaan bra nu mdoꞌoǔn yiꞌaǎn nu ngwa xkanꞌ, kanꞌ chaꞌ nchka ꞌa tiǎnꞌ ñaꞌaǎn ꞌiin xiyaꞌ chaꞌ ka suꞌwe ka tiyeěn.

2 TIMOTEO 4:13

Bra nu kaan nde re, kan yꞌyaa teꞌ kichanꞌ ꞌñaǎn, chunꞌ wa mxnuǔn ꞌin ran naꞌan tyi Carpo nde kichen Troas; kwiꞌ ngwañaꞌan nchga libru ꞌñaǎn loꞌo nchga la kityi ꞌñaǎn kaan loꞌo ꞌin ran.

2 TIMOTEO 4:9

Kuꞌnii xuꞌwe lyaa tuwiin ꞌiin chaꞌ ndla ti kaan nde seꞌen ndiꞌiǐn re.

TITO 3:12

Wa suꞌwaǎn tiǎn ska nten nu tsaa seꞌen ndiꞌiin, ni siya Artemas, ni siya Tíquico. Bra nu tiya yu nde kwa, bra kanꞌ bra ti tsaa nde kichen Nicópolis si ka ꞌiin; tyukwa taꞌaan nde kwa bra kanꞌ, chaꞌ tyiꞌian kichen kanꞌ tyempu tlyaꞌ, nka tiyeěn.

2 SAN JUAN 1:13

Loꞌo ngwañaꞌan, nchga neꞌ taꞌa ndiꞌin chaꞌ ꞌwan loꞌo Krixtu nde re, ti kwiꞌ neꞌ nu wa ngulo suwi Ndiose ꞌin, loꞌo neꞌ kanꞌ nchka tiꞌ neꞌ ta neꞌ kasiya ꞌwan. Ngwañaꞌan ka sikwa.

3 SAN JUAN 1:14

Suꞌwe la si bra ti kaǎn seꞌen ndiꞌiin, chaꞌ ykwiǐnꞌ chkwiǐnꞌ loꞌoo.