2 TIMOTEO 4:1 - Chatino Zona Alta Occidental

¹ Kuloǔn tñan ꞌiin chabiyaꞌ ꞌin Ndiose, kwiꞌ ngwañaꞌan chabiyaꞌ ꞌin Jesucristo nu kuꞌni biyaꞌ ꞌin nchga nten nu ti luꞌu, loꞌo ꞌin nchga nten nu wa ngujwi. Ti kan Jesucristo xiyaꞌ chaꞌ ka ndloo Ni ꞌin nchga nten.

2 TIMOTEO 4:1 ပူးပေါင်းရင်းမြစ်များ

SAN MATEO 16:27

Chañi chaꞌ bra nu kaǎn xiyaꞌ, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten, suꞌwa ti kaǎn loꞌo nchga angajle; ka nduwi ꞌa tyukwi ñaꞌaǎn loꞌo xaa ꞌin Stiǐn Ndiose bra kanꞌ. Tsan kanꞌ taǎn siyaꞌ nten kwenta tñan nu wa yꞌni skaa neꞌ xa nu yan neꞌ lo chalyuu.

SAN LUCAS 19:12

Kanꞌ chaꞌ ykwiꞌ Jesús chaꞌ re loꞌo neꞌ: ―Ndiya ska yu kiꞌyu, ska nten suꞌwe. Wa tsaa ti yu tijyuꞌ nde xka kichen tnun la, chaꞌ ta neꞌ tñan ꞌin yu chaꞌ ka yu ndloo la ꞌin neꞌ taꞌa kichen tyi yu; bra nu wa mjwi tñan kanꞌ ꞌin yu, bra ti xitukwi yu tyaan yu xiyaꞌ, nka tiye yu.

SAN LUCAS 19:15

Kanꞌ chaꞌ bra nu ngala yu chaꞌ wa mjwi tñan chaꞌ lka yu ndloo la, ngala yu naꞌan tyi yu xiyaꞌ bra kanꞌ. Bra ti ngulo yu tñan chaꞌ kan neꞌ msu nu mda yu tñi ꞌin chaꞌ kuꞌni neꞌ tñan loꞌo ran, chaꞌ ka biyaꞌ tiꞌ yu sa ñaꞌan kanan yꞌni neꞌ loꞌo tñi kanꞌ.

SAN LUCAS 23:42

Bra kanꞌ ykwiꞌ yu kanꞌ loꞌo Jesús: ―Yu kula Jesús ―ndukwin―, tyuꞌwi tiiꞌ ꞌñaǎn xa nu tyisnan chaꞌ kaa ndloo ―ndukwin yu kunan kanꞌ.

LOS HECHOS 10:42

Ti bra kanꞌ ngulo Jesús tñan ꞌwa chaꞌ katsaꞌ ba chaꞌ nu ñi ꞌin Ni ꞌin nten, chaꞌ wa ngulo Ndiose Sti yu tñan ꞌin Jesús, chaꞌ kuꞌni biyaꞌ ꞌin nchga nten chalyuu, ni siya wa ngujwi neꞌ, ni siya ti luꞌu neꞌ.

LOS HECHOS 17:31

chunꞌ wa mstya Ni ska tsan chaꞌ kuꞌni biyaꞌ Ni ꞌin nchga nten chalyuu, loꞌo ngwañaꞌan wa ngulo suwi Ni ꞌin ska nu ka wse. (Jesucristo lka nu kanꞌ.) Suꞌwe ꞌa yꞌni Ndiose chaꞌ kanun tsaa chaꞌ kanꞌ ꞌin nten chalyuu, chaꞌ wa yꞌni Ni chaꞌ ndyuꞌu Jesucristo kanꞌ xiyaꞌ xa wa yjwi neꞌ ꞌin yu.

ROMANOS 2:16

Ngwañaꞌan ka sikwa, bra nu kuꞌni biyaꞌ Ni ꞌin nchga nten. Tyoꞌo loo nchga chaꞌ nu nsuꞌwi mnan niꞌ kasiya ꞌin neꞌ, bra kanꞌ kulo Ni tñan ꞌin Jesucristo chaꞌ kuꞌni biyaꞌ Ni ꞌin neꞌ. Ngwañaꞌan lka chaꞌ nu nchkwiǐnꞌ loꞌo nten laja nu nduꞌuǔn chaꞌ suꞌwe ꞌin Ndiose ꞌin neꞌ.

COLOSENSES 3:4

Xka chalyuu kwi nu mjwi ꞌwan chunꞌ Krixtu ni, kanꞌ lka chaꞌ nu ndloo la ꞌwan. Suꞌwa ti tyituun wan loꞌo Krixtu tsan kanꞌ, bra nu tyoꞌo tukwa Ni tyaan Ni xiyaꞌ; bra kanꞌ ka suꞌwa chaꞌ ꞌwan loꞌo Krixtu bra nu ka tlyu la chaꞌ ꞌin Ni, nde seꞌen ndiꞌin Ndiose Sti Ni.

2 TESALONICENSES 2:8

bra kanꞌ ka yu xaꞌan kanꞌ ndloo ti chinꞌ ti bra. Chunꞌ ndiꞌin la kan Jesús nu nka Xꞌnaan, loꞌo kanꞌ kujwi Jesús ꞌin yu xaꞌan kanꞌ loꞌo wtsin ndyoꞌo tuꞌwa ti Ni; tyii chaꞌ ꞌin yu xaꞌan kanꞌ bra nu kan Jesús xiyaꞌ, chaꞌ ja talo yu ñaꞌan yu ꞌin xaa ndyuwi nu ndijyan loꞌo Xꞌnaan.

1 TIMOTEO 5:21

Ndloǔn tñan re ꞌiin, Timu, chaꞌ kuꞌnii nchga tñan nu ngwaꞌaǎn lo kityi re; chunꞌ jlyo tiꞌ Ndiose chaꞌ nu ngwaꞌaǎn re, jlyo tiꞌ Jesucristo, jlyo tiꞌ angajle nu ngulo suwi Ni chaꞌ ka tñan ꞌin Ni. Bra nu ndiꞌin chaꞌ kuꞌnii biyaaꞌ ꞌin ska yu taꞌaan ni, kataa chinꞌ chaꞌ ka biyaꞌ suꞌwe tiiꞌ nchga loo chaꞌ ꞌin yu kanꞌ, chaꞌ ska ti biyaꞌ nu ñi tyoꞌo chaꞌ ꞌin yu, ni siya taꞌa suꞌwe ndiꞌian, ni siya xka nten.

2 TIMOTEO 1:10

Wa nchka biyaꞌ tianꞌ chaꞌ kanꞌ ni, chaꞌ wa yan Jesucristo lo chalyuu, chaꞌ kanꞌ lka nu ndlaa ꞌñaan; ska yaꞌ ti mdijin lyo Jesús ꞌin kuneꞌ xaꞌan bra nu ndyuꞌu yu xiyaꞌ xa wa ngujwi yu, kanꞌ chaꞌ ja tsaa tii ꞌa chalyuu ꞌñaan taꞌaan nu msñian chaꞌ ꞌin Ni, chaꞌ ngulaa Jesús ꞌñaan ꞌin chaꞌ kuxi.

2 TIMOTEO 2:14

Taꞌa ti chkwiiꞌ loꞌo neꞌ chaꞌ tukwa neꞌ nchga chaꞌ nu ndaꞌaǎn re. Wa jlyo tiꞌ Xꞌnaan nchga tñan nu ngiꞌni skaa neꞌ, kanꞌ chaꞌ kuloo tñan chaꞌ ja chkwiꞌ neꞌ kaꞌan ꞌa chaꞌ loꞌo taꞌa neꞌ chaꞌ ꞌin ya ñaꞌan ti kwentu nu nchkwiꞌ nten. Ja suꞌwe siyaꞌ ti ngwañaꞌan, chaꞌ lye ꞌa xtiyaaꞌ chaꞌ nu nsuꞌwi ke nten nu kunan chaꞌ kanꞌ.

2 TIMOTEO 4:18

Kwiꞌ ngwañaꞌan, ti kulaa la Ni ꞌñaǎn ꞌin nchga loo chaꞌ kuxi nu tyukwaǎn; jlyo tiǎnꞌ chaꞌ ñaꞌan ti ti xñi la Ni kwenta ꞌñaǎn, chaꞌ suꞌwe ti kalaǎn la seꞌen ndlo Ndiose tñan. Loꞌo ja tyii ꞌa tsan nu kuꞌniǐn tnuǔn ꞌin Ndiose la kanꞌ. Kwiꞌ ngwañaꞌan ka sikwa.

2 TIMOTEO 4:8

kanꞌ chaꞌ jlyo tiǎnꞌ chaꞌ ndiya ska chaꞌ suꞌwe nu kaja ꞌñaǎn bra kanꞌ; ta ykwiꞌ Xꞌnaan chaꞌ suꞌwe kanꞌ ꞌñaǎn bra nu tiya tsan chaꞌ kuꞌni biyaꞌ Ni ꞌin nchga nten, chaꞌ nu ñi ꞌa ngiꞌni biyaꞌ Ndiose ꞌin nten. Ta Ni chaꞌ suꞌwe kanꞌ ꞌin nchga nten nu tyiꞌin ta ꞌa ꞌin Krixtu, sa ñaꞌan bra nu kan Ni xiyaꞌ, chaꞌ suꞌwe ꞌa nka tiye neꞌ ñaꞌan neꞌ ꞌin Ni; siꞌi skaǎn tiǎn nu ta Ni chaꞌ suꞌwe kanꞌ ꞌñaǎn.

TITO 2:13

Kwiꞌ ngwañaꞌan nduꞌu Ni ꞌñaan, chaꞌ ka suꞌwe tiyean bra nu ndiꞌin taan ꞌin Ndiose nu tnun ꞌa chaꞌ ndiꞌin ꞌin, ñaꞌan bra nu tyaan Ni xiyaꞌ. Luwi ꞌa xaa xuꞌwi seꞌen ndiꞌin Ni bra kanꞌ, bra nu tyoꞌo tukwa Jesucristo nu ndlaa ꞌñaan ꞌin chaꞌ kuxi.

1 SAN PEDRO 1:7

Ndijin wan nu tiꞌí ngwañaꞌan, chunꞌ chaꞌ nu ñaꞌan biyaꞌ Ni ꞌwan, si chañi chaꞌ msñi wan chaꞌ ꞌin Ni. Jlyo tiꞌ wan chaꞌ kaꞌan ꞌa ndyuꞌwi lyo chkwan oro; ñaꞌan biyaꞌ nten ꞌin oro lo kiiꞌ chaꞌ kala ran, chaꞌ ñaꞌan neꞌ si chañi chaꞌ xkwiꞌ oro lka ran. Nde loo la wñuꞌun chkwan oro, tyii chaꞌ ꞌin ran, ni siya kaꞌan ꞌa tñan yꞌni neꞌ chaꞌ tyuwi ran ti kulo. Loꞌo chaꞌ nu ꞌin Jesús nu wa msñi wan ni, ndloo la chaꞌ kanꞌ chaꞌ ꞌin Ndiose. Ni siya kaꞌan ꞌa chkwan oro kaja ꞌñaan, ja suꞌwa ran siyaꞌ ti loꞌo ykwiꞌ Jesús. Xa wa mdyii ndalo wan ꞌin nchga chaꞌ tiꞌí nu ndijin wan, chaꞌ msñi wan chaꞌ ꞌin Ni, bra kanꞌ tnun ꞌa chaꞌ suꞌwe nu kaja ꞌwan bra nu tyoꞌo tukwa Jesucristo tyaan Ni xiyaꞌ; ta Ni ska seꞌen suꞌwe seꞌen tyiꞌin wan loꞌo Ndiose Sti Ni, laja xaa nu luwi ꞌa nde seꞌen ndiꞌin Ni.

1 SAN PEDRO 4:5

Ja kuwe tiꞌ wan, ja kaja chaꞌ chkwiꞌ neꞌ kanꞌ loꞌo Ndiose siꞌya chaꞌ kuxi nu yꞌni neꞌ chalyuu. Loꞌo ndla ti tiya tsan nu kuꞌni biyaꞌ Ni ꞌin nchga nten, ni siya ayman, ni siya nten nu ti ndiꞌin lo chalyuu.

1 SAN PEDRO 5:4

Loꞌo bra nu tyaan Xꞌnaan nu nka ndloo la ti, ta Ni nu suꞌwe nu kaja ꞌwan bra kanꞌ. Ja tsaa tii ꞌa siyaꞌ ti nu suꞌwe nu ta Ni ꞌñaan taꞌaan nu lkaan tñan chaꞌ ñaꞌansiin ꞌin ska ta nten ꞌin Ni; siꞌi ñaꞌan tiꞌ liyaꞌ nu kaja ꞌñaan xa wa yꞌnian ska tñan lo chalyuu, kanꞌ nu bra ti tyii chaꞌ ꞌin ran.

2 SAN PEDRO 1:11

Kanꞌ ka tyaꞌan suꞌwe la wan tuwiin ꞌin Ndiose bra kanꞌ. Jesucristo, Xꞌnaan nu nka ndloo la ꞌwan, ti kwiꞌ lka nu ngulaa ꞌñaan ꞌin nchga chaꞌ kuxi. Loꞌo ja tsaa tii ꞌa tsan chaꞌ ka Ni ndloo la. Bra kanꞌ suꞌwe ti stean seꞌen ndiꞌin Ndiose nde niꞌ kwan.

2 SAN PEDRO 1:17

Wa yꞌni tnun Ndiose Sti Jesús ꞌin yu, loꞌo ndyuwi ꞌa tyukwi ñaꞌaan Jesús loꞌo xaa ꞌin Ndiose bra kanꞌ. Ni siya ja naꞌan ba ꞌin Ndiose nu nka ndloo ꞌin nchga xꞌnan chalyuu, jlyo tiꞌ ba chaꞌ mdiꞌin Ni kwiꞌ seꞌen ti tsan kanꞌ, chaꞌ bra kanꞌ ynan ba chaꞌ nu ykwiꞌ Ni loꞌo nten: “Nu nde lka Sñiěnꞌ nu ndiya ꞌa tiǎnꞌ. Suꞌwe ꞌa nka tiyeěn naꞌaǎn ꞌin yu” ndukwin Ni.

1 SAN JUAN 2:28

ꞌWan sñiěnꞌ, xñi suꞌwe wan chaꞌ ꞌin Jesucristo ni. Loꞌo bra kanꞌ, xa nu kan Jesucristo lo chalyuu xiyaꞌ, ja ndiꞌin chaꞌ ka jyuꞌu tianꞌ bra nu ñaꞌaan ꞌin Ni chaꞌ ndijyan Ni; tyukwi ti tiyean tyukwa taꞌaan loꞌo Ni bra kanꞌ.

EL APOCALIPSIS 1:7

¡Xñi wan kwenta! Ti tyaan Jesucristo lo chalyuu re xiyaꞌ ska lo koo ngaten. Ñaꞌan nchga nten ꞌin Ni bra kanꞌ; loꞌo nten nu tiꞌí ꞌa tiꞌ ꞌin Ni xa nu yan Ni lo chalyuu, loꞌo nten nu yojoꞌ chkwan cha yaꞌ Ni siꞌ Ni, loꞌo neꞌ kanꞌ ñaꞌan neꞌ ꞌin Ni xiyaꞌ bra kanꞌ. Loꞌo lye ꞌa xiꞌya yija nten tyukwi ñaꞌaan chalyuu chaꞌ xiꞌin tiꞌ neꞌ bra nu tyaan Jesús xiyaꞌ, chaꞌ wa jlyo tiꞌ neꞌ chaꞌ ndukwi neꞌ kiꞌya. Kwiꞌ ngwañaꞌan ka chaꞌ kanꞌ sikwa.