2 TIMOTEO 3:4 - Chatino Zona Alta Occidental

⁴ ni siya nten nu ndujwiꞌ xuꞌwa ꞌin taꞌa suꞌwe ndiꞌin, ni siya nten nu ja nduwe tiꞌ siyaꞌ ti si lye ꞌa tyijin lyo ꞌin taꞌa nten; kuꞌni nten kanꞌ nchga chaꞌ kuxi nu jñan kasiya ꞌin ti ykwiꞌ ti neꞌ, chaꞌ ja nchka ꞌa tiꞌ neꞌ kanꞌ kunan neꞌ chaꞌ ꞌin Ndiose.

2 TIMOTEO 3:4 ပူးပေါင်းရင်းမြစ်များ

LOS HECHOS 19:36

Ja tukwin ka chkwiꞌ chaꞌ siꞌi ngwañaꞌan ngwa chaꞌ kanꞌ; kanꞌ chaꞌ mnan ti tyiꞌin wan sikwa, kuwe chinꞌ tiꞌ wan nan lka kuꞌni wan tsan ni ―ndukwin skaranu―.

LOS HECHOS 7:52

Wa mda ꞌa ayman ꞌñaan nu tiꞌí ꞌin nchga nten nu ykwiꞌ chaꞌ ꞌin Ndiose loꞌo ayman kula ꞌñaan nu ngwa sꞌni. Wa yjwi neꞌ ꞌin nten nu ngwaꞌan chaꞌ ꞌin Ndiose nu nchkwiꞌ chaꞌ kan ska nten nu tnun nchka lo chalyuu re; xkwiꞌ luwi ꞌa ka kasiya ꞌin yu kanꞌ. Loꞌo ngwañaꞌan, nu ngwa xkanꞌ ti ngula ti kwiꞌ nten nu ykwiꞌ kityi chaꞌ ꞌin. Chen ꞌa ñaꞌan yꞌni wan bra nu yjwi wan ꞌin yu.

ROMANOS 11:20

Chañi chaꞌ ꞌwan. Loꞌo ni, nde lka chaꞌ. Wa mxkwan Ndiose ꞌin neꞌ judío, chunꞌ nu ja mslyaa neꞌ xñi neꞌ chaꞌ ꞌin Ni; loꞌo ꞌwan, wa mjwi chabiyaꞌ ꞌwan chaꞌ sten wan chaꞌ ꞌin Ndiose, ti kwiꞌ chaꞌ nu yten wan ni, xa wa msñi wan chaꞌ ꞌin Ndiose. Kanꞌ chaꞌ ja ndiꞌin chaꞌ kuꞌni siyeꞌ wan loꞌo neꞌ judío kanꞌ. Kuwe chinꞌ tiꞌ wan sikwa.

ROMANOS 16:18

chaꞌ siꞌi tñan ꞌin Krixtu ngiꞌni neꞌ, xka chaꞌ nchkwiꞌ neꞌ loꞌo wan. Ngiꞌni neꞌ kanꞌ nchga lo chaꞌ kuxi nu ndaꞌan chaꞌ tiye neꞌ chaꞌ kuꞌni neꞌ. Kwiꞌ ngwañaꞌan, nñi lyoꞌo ꞌa neꞌ kanꞌ ꞌin neꞌ tiꞌi taꞌa wan, chunꞌ nu suꞌwe ꞌa nnen chaꞌ nu nchkwiꞌ neꞌ, chaꞌ sa ꞌa nchkwiꞌ neꞌ.

1 TIMOTEO 3:6

kanꞌ chaꞌ ja suꞌwe ka ska nten ndloo nu tka msñi ti chaꞌ ꞌin Ndiose, chaꞌ ti ji kuꞌni xaꞌan suꞌwe yu chaꞌ kanꞌ. Ja chan lye ꞌa kuꞌni siyeꞌ yu ꞌin taꞌa nten yu, loꞌo kanꞌ ta Ndiose nu tiꞌí ꞌin yu sa ñaꞌan nu ta Ni nu tiꞌí ꞌin kuneꞌ xaꞌan.

1 TIMOTEO 5:6

Siꞌi ngwañaꞌan kuꞌni nu kunaꞌan tiꞌi nu kuꞌni ya ñaꞌan ti chaꞌ nu ndaꞌan tiye neꞌ; xkeꞌ tiꞌ neꞌ chaꞌ suꞌwe ti tyiꞌin neꞌ lo chalyuu, loꞌo wa tyii ti chaꞌ ꞌin neꞌ kanꞌ, chaꞌ ꞌin Ndiose.

1 TIMOTEO 6:17

Ndiꞌin chaꞌ kuloo tñan ꞌin nu kuliyaꞌ taꞌa msñi wan chaꞌ ꞌin Jesús, chaꞌ ja kuꞌni siyeꞌ neꞌ loꞌo taꞌa nten neꞌ. Ja suꞌwe si xkwiꞌ chaꞌ ꞌin tñi tyaꞌan ꞌa chaꞌ tiye neꞌ; ti kwiꞌ ti chaꞌ ja nꞌni chaꞌ tyaꞌan ꞌa chaꞌ tiye neꞌ chaꞌ ꞌin nchga chaꞌ suꞌwe nu nsuꞌwi ꞌin neꞌ, chaꞌ bra ti tyii tñi ꞌñaan. Suꞌwe la si ska ti ꞌin Ndiose nu luꞌu kuwe tiꞌ neꞌ; kanꞌ lka nu wa nda nchga loo nan nu nsuꞌwi ꞌñaan chaꞌ kunanjoꞌo ꞌñaan lo chalyuu.

SAN JUDAS 1:19

Kuꞌni neꞌ kwiñi kanꞌ chaꞌ ja suꞌwa tyaꞌan chaꞌ tiye wan loꞌo taꞌa wan. Ndiya ꞌa tiꞌ neꞌ kanꞌ nchga chaꞌ kuxi nu nsuꞌwi lo chalyuu, chaꞌ ja siyaꞌ nganun Tyiꞌi Ndiose niꞌ kasiya ꞌin neꞌ kanꞌ.

SAN JUDAS 1:4

Ndiꞌin chaꞌ ka biyaꞌ tiꞌ wan chaꞌ wa yten chinꞌ neꞌ kwiñi kanꞌ laja taꞌa wan, ni siya ja suꞌwa chaꞌ nu ndyaa ñaꞌan tiꞌ wan loꞌo neꞌ kanꞌ. Wa sꞌni ꞌa ndukwa chaꞌ lo kityi ꞌin Ndiose seꞌen nchkwiꞌ chaꞌ ta Ni nu tiꞌí ꞌin neꞌ kuxi kanꞌ. Ja siyaꞌ ynan neꞌ kanꞌ chaꞌ nu nchkwiꞌ Ndiose, loꞌo ja nduwe tiꞌ neꞌ kanꞌ si suꞌwe nka tiye Ni ñaꞌan Ni ꞌin nten chalyuu. Ndukwin neꞌ kanꞌ, chaꞌ ja nꞌni chaꞌ ni siya kuꞌni neꞌ chaꞌ chen ñaꞌan, ni siya kuꞌni neꞌ nchga loo chaꞌ kuxi. Ndukwin neꞌ chaꞌ si suꞌwe nka tiye Ni ñaꞌan Ni ꞌñaan, ja ta Ni nu tiꞌí ꞌñaan bra kanꞌ, nxkeꞌ tiꞌ neꞌ. Kwiñi ꞌa neꞌ kanꞌ, siꞌi Jesucristo nka xꞌnan neꞌ kanꞌ. Loꞌo nan ni, ska ti Jesucristo nka Xꞌnaan, ska ti Ndiose lka nu chañi chaꞌ nduun loo la ꞌñaan.