2 TIMOTEO 3:12 - Chatino Zona Alta Occidental

¹² Loꞌo chañi chaꞌ ta nten nu tiꞌí ꞌin nchgaan nu nchka tianꞌ chaꞌ ka luwi kasiya ꞌñaan chaꞌ ꞌin Jesucristo.

2 TIMOTEO 3:12 ပူးပေါင်းရင်းမြစ်များ

SAN MATEO 16:24

Loꞌo ngwaꞌu la Jesús ꞌin neꞌ nu ngiꞌni xaꞌan chaꞌ ꞌin yu bra kanꞌ: ―Bra nu ndiya nten nu chañi chaꞌ nchka tiꞌ tyaꞌan loꞌoǔn ―ndukwin―, ndiꞌin chaꞌ kulaa yaꞌ neꞌ kanꞌ ꞌin nchga nan nu nchka la tiꞌ neꞌ, chaꞌ tyaꞌan neꞌ loꞌoǔn nchga tsan, ni siya kujwi nten ꞌin neꞌ kanꞌ chaꞌ ꞌñaǎn.

SAN MATEO 23:34

Kanꞌ chaꞌ ti suꞌwaǎn ꞌin nten ꞌñaǎn chaꞌ tsaa seꞌen ndiꞌin wan, nten nu nchkwiꞌ chaꞌ ꞌñaǎn, nten nu jlyo tiꞌ chaꞌ ꞌñaǎn, loꞌo mstru nu kuꞌni tñan ꞌñaǎn. Jlyo tiǎnꞌ chaꞌ xaꞌan ꞌa wan; kujwi wan ꞌin chinꞌ nten kanꞌ, jwiꞌin kaꞌan wan ꞌin chinꞌ neꞌ kanꞌ lo wsi, xka ta neꞌ kanꞌ jwiꞌin wan loꞌo ti su niꞌ lyaa ꞌwan. Kuxi ꞌa kuꞌni wan loꞌo neꞌ kanꞌ, sa ñaꞌan yaꞌ nu kulo wan ꞌin neꞌ kanꞌ, chaꞌ ja la kanun neꞌ kichen tyi wan.

SAN MARCOS 10:30

loꞌo ti kwiꞌ lo chalyuu re ni, xiyaꞌ kaja kaꞌan la chaꞌ nu mnaꞌ ꞌin neꞌ kanꞌ. Kaja seꞌen ka naꞌan tyi neꞌ, kaja nu ka taꞌa ngula neꞌ, kaja nu ka jyaꞌan neꞌ, kaja nu ka sñiꞌ neꞌ, kaja yuu seꞌen kuꞌni neꞌ tñan; ta Ndiose ska siyentu sa kwa chaꞌ kanꞌ nu kaja ꞌin neꞌ. Kwiꞌ ngwañaꞌan, tyijin neꞌ kanꞌ nu tiꞌí lo chalyuu re. Loꞌo nde loo la kaja chalyuu nu ja tsaa tii ꞌa ꞌin neꞌ kanꞌ.

SAN JUAN 16:2

ni siya ja ta ꞌa neꞌ chabiyaꞌ ꞌwan chaꞌ tsaa la wan niꞌ lyaa ꞌin neꞌ bra kanꞌ ―ndukwin Jesús―. Tiya bra nu xkeꞌ tiꞌ neꞌ chaꞌ tñan ꞌin Ndiose kuꞌni neꞌ bra nu kujwi neꞌ ꞌin neꞌ taꞌa wan.

SAN JUAN 16:33

Nchkwiǐnꞌ nchga chaꞌ re loꞌo wan chaꞌ tiin ti tyiꞌin wan xa wa yten wan chaꞌ ꞌñaǎn ―ndukwin―. Lo chalyuu re ka tiꞌí tiꞌ nten ꞌwan. Loꞌo ja kuwe tiꞌ wan, kuꞌni tnun tiye wan; naꞌ lkaǎn ndloo la lo chalyuu, chaꞌ ska yaꞌ ti mdijiǐn lyoǔn ꞌin kuneꞌ xaꞌan.

SAN JUAN 17:14

Nchga chaꞌ nu wa ykwiiꞌ loꞌoǔn, wa ytsaǎnꞌ chaꞌ kanꞌ ꞌin neꞌ kanꞌ ―ndukwin―. Loꞌo ni, sa ñaꞌan nu ngwa tiꞌí tiꞌ nten chalyuu ꞌñaǎn, ngwañaꞌan ka tiꞌí tiꞌ nten ꞌin neꞌ kanꞌ chaꞌ ꞌñaǎn, chaꞌ ja ndiꞌin chaꞌ ꞌñaan loꞌo chaꞌ kuxi nu nsuꞌwi chalyuu.

LOS HECHOS 14:22

Nchga kichen seꞌen ndyaa neꞌ kanꞌ, ykwiꞌ neꞌ loꞌo nten ꞌin Jesucristo, chaꞌ ka sten suꞌwe la neꞌ chaꞌ ꞌin Jesús, chaꞌ kuꞌni tnun tiye neꞌ, chaꞌ ja kutsen neꞌ siyaꞌ ti. ―Chañi chaꞌ ka tiꞌí tiꞌ neꞌ ꞌñaan ―ndukwin Palyu loꞌo Bernabé ꞌin neꞌ―, kwiꞌ ngwañaꞌan ta neꞌ nu tiꞌí ꞌñaan; loꞌo xa wa mdijin chaꞌ kanꞌ, tsaan tyiꞌian seꞌen nka Ndiose ndloo la ti bra kanꞌ.

1 CORINTIOS 15:19

Suꞌwe ꞌa chaꞌ siꞌi ska ti lo chalyuu re nu ndiꞌin taan ꞌin Krixtu chaꞌ ñaꞌaan ꞌin yu. Si lo chalyuu nde ti tayaꞌ Krixtu ꞌñaan, ka xiꞌin ꞌa tianꞌ seꞌen ndiꞌian bra kanꞌ; ka xiꞌin la tianꞌ ke nchga nten, nxkeꞌ tiǎnꞌ. Loꞌo siꞌi ngwañaꞌan nchka, chaꞌ chañi lka chaꞌ wa ndyuꞌu Krixtu xiyaꞌ.

2 CORINTIOS 1:12

Suꞌwe ꞌa nka tiye ba chaꞌ tyukwi ti tiye ba ndiꞌin chaꞌ ꞌwa loꞌo wan, nchkwiꞌ ba xkwiꞌ chaꞌ nu ñi loꞌo wan, ti kwiꞌ sa ñaꞌan nu ngiꞌni ba loꞌo xka ta nten; ngwañaꞌan nka tiye ba. Nchka ꞌwa ngiꞌni ba ngwañaꞌan loꞌo wan chunꞌ lye ꞌa nchka tꞌnan tiꞌ Ndiose ꞌñaan xuꞌwe ti; loꞌo ja ngiꞌni ba ngwañaꞌan chunꞌ chaꞌ nu ngwiꞌya ke ti ba ti ykwiꞌ ti ba.

2 CORINTIOS 4:9

Nsuꞌwi ꞌa nu nxuun loꞌo ꞌwa, ti kwiꞌ ti chaꞌ ja lyiji taꞌa suꞌwe nsuꞌwi ba. Ni siya ndiya nten nu lye ꞌa tiꞌí tiꞌ ꞌwa, ja nchka kuꞌni tyii neꞌ ꞌwa.

1 TIMOTEO 2:2

Ndiꞌin chaꞌ chkwianꞌ loꞌo Ndiose chaꞌ ꞌin nchga neꞌ nu nka ndloo, chaꞌ ꞌin nchga neꞌ nu nka tñan; jñan wan ꞌin Ni chaꞌ kuꞌni Ni chaꞌ tiin ti tyiꞌian, chaꞌ ja xuun neꞌ nu nka ndloo loꞌoan, chaꞌ ta neꞌ kanꞌ chabiyaꞌ kuꞌnian nchga loo chaꞌ suꞌwe, sa ñaꞌan nu nchka tiꞌ Ndiose chaꞌ kuꞌnian.

1 TIMOTEO 3:16

Chañi chaꞌ tnun ꞌa chaꞌ suꞌwe ꞌin Jesucristo nu wa msñian. Nde ndukwa chaꞌ kanꞌ: Nu ngwa sꞌni, ja tukwin ngwa biyaꞌ tiꞌ sa ñaꞌan nu kulaa Ndiose ꞌin nten; loꞌo ni, jlyo tianꞌ, chaꞌ ngula Jesucristo yan Ni chalyuu, chaꞌ ngwa Ni nten. Kwiꞌ ngwañaꞌan nchkwiꞌ Tyiꞌi Ndiose chaꞌ ꞌin Ni, chaꞌ ska nten nu luwi ꞌa lka Ni; wa naꞌan angajle ꞌin Jesús, yu nu luwi kanꞌ. Loꞌo ni, nduꞌu nten chaꞌ ꞌin Jesucristo ꞌin nten nu ndiꞌin tyukwi ñaꞌaan chalyuu; loꞌo nxñi neꞌ nchga kichen chaꞌ nu nchkwiꞌ neꞌ bra kanꞌ. Chunꞌ ndiꞌin la ndyaa Jesús nde seꞌen ndiꞌin Ndiose Stian nde niꞌ kwan, loꞌo ni, tlyu ꞌa lka Jesús seꞌen ndiꞌin Ni nde kwa.

1 TIMOTEO 6:3

Ñi ꞌa chaꞌ ꞌin Jesucristo nu nka Xꞌnaan; loꞌo nchga nten nu nduꞌu xka chaꞌ ꞌwan, ja ñi ngiꞌni neꞌ kanꞌ, ja siyaꞌ mslyaa neꞌ kunan neꞌ chaꞌ nu ñi kanꞌ.

TITO 1:1

Palyu lkaǎn. Ndaꞌaǎn lo tñan ꞌin Ndiose, kwiꞌ ngwañaꞌan, mda Jesucristo tñan ꞌñaǎn chaꞌ tsaꞌaǎn chkwiǐnꞌ chaꞌ suꞌwe ꞌin Jesús loꞌo nten nu ndiꞌin tyun kichen tijyuꞌ; ndiꞌin chaꞌ chkwiǐnꞌ loꞌo nten nu wa ngulo suwi Ndiose ꞌin chaꞌ ka neꞌ nten ꞌin Ni, chaꞌ suꞌwe la tsaa ñaꞌan tiꞌ neꞌ kanꞌ ꞌin Ni bra kanꞌ. Wa msuꞌwa Jesucristo ꞌñaǎn ndijyaǎn chaꞌ ka biyaꞌ tiꞌ neꞌ nchga chaꞌ nu ñi ꞌin Ni, chaꞌ nchgaan ka kuꞌniin tnuan ꞌin Ndiose;

TITO 2:12

kwiꞌ ngwañaꞌan, wa ngwaꞌu Ni ꞌñaan sa ñaꞌan ka tyiꞌiin suꞌwean lo chalyuu. Nchka tiꞌ Ni chaꞌ kulaa yaanꞌ nchga chaꞌ nu ja suꞌwe, nchga chaꞌ kuxi nu ndiya tianꞌ kuꞌnian, chaꞌ lkaan nten chalyuu, chaꞌ suꞌwe ti kuꞌnian loꞌo taꞌa ntean. Bra kanꞌ ka kuꞌniin tnuan ꞌin Ndiose suꞌwe ti.

1 SAN PEDRO 3:14

Ja chan tiya bra nu ka tiꞌí tiꞌ neꞌ ꞌwan chunꞌ ska chaꞌ suꞌwe nu ngiꞌni wan, suꞌwe la si ja ka xiꞌin tiꞌ wan bra kanꞌ; ja kuwe tiꞌ wan, ja kutsen wan ꞌin neꞌ kanꞌ.

2 SAN PEDRO 3:11

Tyii nchga nan bra nu tiya tsan kanꞌ, kanꞌ chaꞌ ꞌwan ni, ¿ni sa ñaꞌan tyiꞌin wan lo chalyuu sikwa? Ndiꞌin chaꞌ ka wan nten nu luwi kasiya ꞌin, chaꞌ ka wan nten nu ngwa suꞌwe kasiya ꞌwan chaꞌ ꞌin Ndiose.

EL APOCALIPSIS 12:4

Mjiꞌin jyeꞌen iꞌ ꞌin kwii kulasiin nu ndukwi niꞌ kwan bra kanꞌ; mslu iꞌ ñaꞌaan ska yuꞌwe nchga kwii kulasiin kanꞌ, ngalu ran lo chalyuu bra kanꞌ. Kwiꞌ mdyituun kunan kanꞌ tloo nu kunaꞌan nu wa kala ti sñiꞌ kanꞌ; bra nu wa ngala kuwiꞌ, bra ti ku kunan ꞌin kuwiꞌ kanꞌ, nka tiye iꞌ bra kanꞌ.

EL APOCALIPSIS 7:14

―Ja jlyo tiǎnꞌ, yu kula. Katsaaꞌ chinꞌ ꞌñaǎn ―niǐn ꞌin yu kula kanꞌ. Nchkwiꞌ yu kula loꞌoǔn bra kanꞌ: ―Tka mdijin ti nten kwa ska nu tiꞌí tnun, chunꞌ msñi neꞌ chaꞌ ꞌin Jesús ―ndukwin yu kula ꞌñaǎn―. Wa ngujwi nu lka ñaꞌan tiꞌ slyaꞌ kanꞌ lo wsi chaꞌ ꞌin neꞌ kanꞌ, kanꞌ chaꞌ wa ngwa luwi niꞌ kasiya ꞌin neꞌ, kanꞌ chaꞌ mjwi chabiyaꞌ kuꞌ neꞌ teꞌ ngaten.