2 TIMOTEO 2:18 - Chatino Zona Alta Occidental

¹⁸ Ngulaa yaꞌ neꞌ kanꞌ chaꞌ nu ñi ꞌin Ndiose, loꞌo ni, nchkwiꞌ neꞌ kanꞌ, chaꞌ ja ndiꞌin chaꞌ tyuꞌuan xiyaꞌ. “Nan wa ndyuꞌu neꞌ xiyaꞌ, nchga nten nu ndiꞌin chaꞌ tyuꞌu” ndukwin neꞌ kwiñi kanꞌ. Loꞌo ndiya chinꞌ neꞌ taꞌaan nu wa msñi chaꞌ nu nchkwiꞌ neꞌ kanꞌ, loꞌo ni, ja jlyo suꞌwe tiꞌ neꞌ ni ñaꞌan chaꞌ nu yaa ñaꞌan tiꞌ neꞌ ti kulo.

2 TIMOTEO 2:18 ပူးပေါင်းရင်းမြစ်များ

SAN MATEO 15:13

―Stiǐn Ndiose nu ndiꞌin nde niꞌ kwan, xkwan Ni nchga kixinꞌ nu siꞌi nan kwiñii nu yta Ni, chaꞌ ja suꞌwe kixinꞌ kanꞌ ―ndukwin Jesús ꞌin neꞌ―.

SAN MATEO 22:29

Mxkwen Jesús ꞌin neꞌ kanꞌ bra kanꞌ: ―Ja ska chaꞌ jlyo tiꞌ wan, ja ya ka biyaꞌ tiꞌ wan chaꞌ nu nchkwiꞌ kityi ꞌin Ndiose; ja nchka biyaꞌ tiꞌ wan chaꞌ nchka ꞌa ꞌin Ndiose kuꞌni Ni nchga chaꞌ tnun nu nchka tiꞌ Ni.

SAN LUCAS 8:13

Sa ñaꞌan lka xka ta mta nu ngalu lo yuu seꞌen lti ti tuꞌwa yuu chunꞌ kee kanꞌ, ngwañaꞌan lka nten nu suꞌwe ꞌa nka tiye neꞌ bra nu ynan neꞌ chaꞌ suꞌwe kanꞌ ti kulo. Bra kanꞌ sa ñaꞌan lka kala xuwe kanꞌ, chaꞌ ja kiꞌñi yaa suun ran lo kee kanꞌ, ngwañaꞌan lka nten kanꞌ, chaꞌ chinꞌ ti bra ndalo neꞌ chaꞌ msñi neꞌ chaꞌ suꞌwe kanꞌ; bra nu ñaꞌan xka ta nten ꞌin neꞌ kanꞌ, ndla ti kulaa yaꞌ neꞌ chaꞌ suꞌwe kanꞌ bra kanꞌ.

LOS HECHOS 5:39

o ta si chañi chaꞌ Ndiose lka nu ngulo tñan ꞌin neꞌ kanꞌ, ꞌwan, ja ka ꞌwan kuꞌni tyii wan chaꞌ ꞌin neꞌ kanꞌ bra kanꞌ. Nan nxuun wan loꞌo Ndiose si ja ta wan chabiyaꞌ chkwiꞌ nten ꞌin Ni.

1 CORINTIOS 11:19

Sa kanꞌ ti chaꞌ, si ngwañaꞌan wa msuꞌwe taꞌa wan, ¡chañi ka biyaꞌ tianꞌ ni ñaꞌan nu ñi la chaꞌ ꞌin, chaꞌ ndukwa yu chaꞌ ꞌin Jesús!

1 CORINTIOS 15:12

Chañi lka chaꞌ nu nchkwiꞌ ba loꞌo wan, chaꞌ wa ndyuꞌu Krixtu xiyaꞌ bra nu wa ngujwi yu. ¿Ni chaꞌ lka sikwa, chaꞌ ndiya chinꞌ neꞌ taꞌa wan nu nchkwiꞌ chaꞌ ja ka ꞌa tyuꞌu nten xiyaꞌ bra nu wa ngujwi neꞌ a?

COLOSENSES 3:1

ꞌWan ni, wa mjwi xka chalyuu kwi ꞌwan chunꞌ wa ngwa suꞌwa chaꞌ ꞌwan loꞌo Krixtu; kanꞌ chaꞌ sikwa, lye tyaꞌan chaꞌ tiye wan nchga chaꞌ suꞌwe nu ndiꞌin ꞌin Krixtu, chaꞌ ndukwa Krixtu laꞌa seꞌen kwin ꞌin Ndiose.

1 TIMOTEO 1:19

Ndiya nten nu jlyo tiꞌ sa ñaꞌan lka chaꞌ nu ñi, loꞌo ja ngiꞌni ñi neꞌ chaꞌ kanꞌ; wa mxiꞌin chunꞌ neꞌ kanꞌ ꞌin Ndiose, wa mxnun neꞌ chaꞌ suꞌwe kanꞌ.

1 TIMOTEO 6:10

Bra nu ndiya ꞌa tiꞌ nten tñi, kanꞌ ka seꞌen ndukwa kiyaꞌ kaꞌan ꞌa chaꞌ kuxi. Loꞌo ndiya nten nu nchka tiꞌ kaꞌan ꞌa tñi, kanꞌ chaꞌ wa ngulaa yaꞌ neꞌ chaꞌ ꞌin Xꞌnaan, ja ndukwa ꞌa neꞌ kanꞌ chaꞌ ꞌin Ni. Loꞌo xiꞌin ꞌa tiꞌ neꞌ kanꞌ ni, chunꞌ ti ykwiꞌ ti neꞌ nda neꞌ nu tiꞌí ꞌin neꞌ.

1 TIMOTEO 6:21

Wa ndiya taꞌaan nu ndyaa ñaꞌan tiꞌ chaꞌ nu nchkwiꞌ yu kwiñi kanꞌ, loꞌo ni, ja suꞌwa ndaꞌan neꞌ kanꞌ loꞌo taꞌa msñian chaꞌ ꞌin Ndiose. Ñaꞌan ti kuꞌni Ndiose chaꞌ suꞌwe loꞌo wan. Kwiꞌ ngwañaꞌan ka sikwa.

2 TIMOTEO 2:14

Taꞌa ti chkwiiꞌ loꞌo neꞌ chaꞌ tukwa neꞌ nchga chaꞌ nu ndaꞌaǎn re. Wa jlyo tiꞌ Xꞌnaan nchga tñan nu ngiꞌni skaa neꞌ, kanꞌ chaꞌ kuloo tñan chaꞌ ja chkwiꞌ neꞌ kaꞌan ꞌa chaꞌ loꞌo taꞌa neꞌ chaꞌ ꞌin ya ñaꞌan ti kwentu nu nchkwiꞌ nten. Ja suꞌwe siyaꞌ ti ngwañaꞌan, chaꞌ lye ꞌa xtiyaaꞌ chaꞌ nu nsuꞌwi ke nten nu kunan chaꞌ kanꞌ.

TITO 1:11

Ndiꞌin chaꞌ tukunꞌ wan tuꞌwa yu kwiñi kanꞌ, chaꞌ ja kwaꞌu ꞌa yu chaꞌ kuxi kanꞌ ꞌin kaꞌan nten, taꞌa ndiꞌin wan ska niꞌ ñaꞌan nu wa msñi wan chaꞌ nu ñi ꞌin Jesús. Nduꞌu yu kanꞌ chaꞌ kwiñi ꞌñaan taꞌaan, chunꞌ nchka tiꞌ yu kaja la tñi ꞌin yu.

HEBREOS 3:10

Kanꞌ chaꞌ msinꞌ ꞌa tiǎnꞌ ꞌin neꞌ kanꞌ bra kanꞌ. Ykwiǐnꞌ chaꞌ ꞌin neꞌ bra kanꞌ: “Xkwiꞌ chaꞌ kuxi ndaꞌan tiye neꞌ kwa, ja xlyaa neꞌ chaꞌ kanun chaꞌ ꞌñaǎn niꞌ kasiya ꞌin neꞌ siyaꞌ ti; ja xlyaa neꞌ kuꞌni neꞌ sa ñaꞌan nu nchkwiǐnꞌ loꞌo neꞌ chaꞌ kuꞌni neꞌ” ndukwiǐn bra kanꞌ.

SANTIAGO 5:19

ꞌWan taꞌa msñian chaꞌ ꞌin Jesús, bra nu ndiya ska neꞌ taꞌa wan nu wa xiꞌin chunꞌ ti yu nchga chaꞌ suꞌwe nu ꞌin Jesús, suꞌwe ꞌa ka si ndiya ska wan nu ka chkwiꞌ suꞌwe wan loꞌo yu, chaꞌ xñi yu chaꞌ ꞌin Ndiose xiyaꞌ.

1 SAN JUAN 2:19

Ti kulo ndyoꞌ tiꞌin neꞌ kwiñi kanꞌ loꞌoan, loꞌo bra kanꞌ mdoꞌo neꞌ kanꞌ ndyaa neꞌ; siꞌi nten taꞌa ndiꞌin chaꞌ ꞌñaan loꞌo Jesucristo lka neꞌ kanꞌ. Si chañi chaꞌ taꞌa ndaꞌaan lka neꞌ kanꞌ, wa nganun neꞌ loꞌoan nu ngwa xkanꞌ; loꞌo ni, wa mdoꞌo neꞌ kanꞌ, chaꞌ ka biyaꞌ tianꞌ chaꞌ siꞌi nchga nten nu ndyoꞌ tiꞌin loꞌoan msñi chaꞌ ꞌin Jesucristo.