2 TIMOTEO 2:11 - Chatino Zona Alta Occidental

¹¹ Ndiꞌin chaꞌ xñi suꞌwe wan chaꞌ nu ñi nu ndukwa re: Si kajaan, chaꞌ lkaan nten ꞌin Jesucristo, bra ti tyaan tyiꞌian loꞌo Ndiose bra kanꞌ.

2 TIMOTEO 2:11 ပူးပေါင်းရင်းမြစ်များ

SAN JUAN 14:19

Wa ndla ti ja ñaꞌan ꞌa nten chalyuu ꞌñaǎn bra kanꞌ; loꞌo ꞌwan ni, ti ñaꞌan wan ꞌñaǎn. Bra kanꞌ ka suꞌwe tiye wan, chaꞌ nu wa tyuꞌuǔn xiyaꞌ.

ROMANOS 6:5

Ngwañaꞌan nchka chaꞌ wa lka ndiꞌin chaꞌ ꞌñaan loꞌo Krixtu. Ngujwi yu xa nu yꞌni tyii yu kiꞌya nu ndukwian. Loꞌoan ni, sa ñaꞌan lka si ngujwian, ngwañaꞌan lkaan; loꞌo bra nu tyuꞌuan xiyaꞌ, bra kanꞌ kaja xka chalyuu kwi ꞌñaan, sa ñaꞌan ngwa bra nu ndyuꞌu Jesús xiyaꞌ.

ROMANOS 6:8

Kwiꞌ ngwañaꞌan ka ꞌñaan xa nu tyiꞌin chaꞌ ꞌñaan loꞌo Krixtu, chaꞌ kaan sa ñaꞌan lka si wa ngujwian loꞌo Krixtu. Loꞌo kanꞌ kaan sa ñaꞌan lka si wa ndyuꞌuan loꞌo Krixtu xiyaꞌ.

2 CORINTIOS 13:4

Chañi ꞌa chaꞌ ngwa naꞌan tiꞌ Krixtu bra nu yjwi neꞌ ꞌin yu, bra nu mstya neꞌ ꞌin yu lo wsi; chunꞌ ndiꞌin la tnun ꞌa chaꞌ yꞌni Ndiose Sti yu chaꞌ ꞌin yu, kanꞌ chaꞌ ti luꞌu Ni ni. Ñaꞌan tiꞌ Krixtu, chaꞌ ngwa naꞌan ꞌa tiꞌ yu bra nu yjwi neꞌ ꞌin yu, kwiꞌ ngwañaꞌan bare, naꞌan chinꞌ tiꞌ ba bra nu ngulo ba tñan ꞌwan nu ngwa xkanꞌ; loꞌo ni, ka biyaꞌ tiꞌ wan chaꞌ ti luꞌu ba chinꞌ, chaꞌ ti kwiꞌ chabiyaꞌ ꞌin Ndiose ndaꞌan loꞌo ba ndijyan ba, ti kwiꞌ taꞌa chabiyaꞌ nu ndiya ꞌin Krixtu.

2 CORINTIOS 4:10

Nchga seꞌen ndaꞌan ba lo chalyuu, taꞌa ti ndijin ba nu tiꞌí; nsuꞌwi ꞌa nu tiꞌí nu ngiꞌni nten loꞌo ba, sa ñaꞌan nu tiꞌí nu mdijin Krixtu xa nu yan yu lo chalyuu, bra nu yjwi nten ꞌin yu. Kanꞌ chaꞌ ni, ka jlyo tiꞌ xka la nten chaꞌ ti luꞌu ykwiꞌ Krixtu, xa nu ñaꞌan neꞌ ꞌwa chaꞌ ti luꞌu ba.

1 TESALONICENSES 4:17

bra kanꞌ skwen nchga taꞌaan nu ti luꞌu, chaꞌ tsaa loꞌo Ni ꞌñaan. Laja koo nde niꞌ kwan tyukwa taꞌaan loꞌo ayman taꞌaan bra kanꞌ, chaꞌ suꞌwa ti tyukwa taꞌaan loꞌo nu nka Xꞌnaan nde kwa. Ja tyii ꞌa chaꞌ tyiꞌian loꞌo Ndiose bra kanꞌ.

1 TESALONICENSES 5:10

ti kwiꞌ Jesús nu ngujwi chaꞌ kuꞌni tyii Ni kiꞌya nu ndiꞌin ꞌñaan. Kanꞌ chaꞌ ka tyiꞌian seꞌen ndiꞌin Ndiose bra kanꞌ, ni siya ti luꞌuan lo chalyuu bra nu kan Jesús xiyaꞌ, ni siya wa ngujwian bra kanꞌ; suꞌwa ti tyiꞌian nde seꞌen ndiꞌin Ni bra kanꞌ.

1 TIMOTEO 1:15

Chañi chaꞌ ka xñiin suꞌwean chaꞌ re: Wa yan Jesucristo lo chalyuu chaꞌ kulaa Ni ꞌin nten chalyuu nu ndiꞌin kiꞌya ꞌin. Loꞌoǔn, tnun la kiꞌya ndukwiǐn ke xka ta nten, chaꞌ kuxi ꞌa tñan nu yꞌniǐn loꞌo nten ꞌin Jesucristo nu ngwa sꞌni.

1 TIMOTEO 3:1

Ndiꞌin chaꞌ xñi suꞌwe wan chaꞌ nu ñi nu nchkwiǐnꞌ re: Suꞌwe ꞌa si xlyaa ska yu taꞌa wan ka ndloo ꞌin nchga taꞌa wan nu msñi wan chaꞌ ꞌin Ndiose, chaꞌ suꞌwe ꞌa chabiyaꞌ ꞌin Ndiose si nchka tiꞌ ska nten kuꞌni tñan kanꞌ.

TITO 3:8

Ndiꞌin chaꞌ xñi suꞌwe wan chaꞌ nu ñi nu ndaꞌaǎn lo kityi re, kanꞌ chaꞌ lye chkwiiꞌ chaꞌ re loꞌo nchga nten nu msñi chaꞌ ꞌin Ndiose la kwa, chaꞌ xkwiꞌ chaꞌ suꞌwe kuꞌni wan bra kanꞌ. Suꞌwe ꞌa chaꞌ nu ñi re, ka kunanjoꞌo chaꞌ kanꞌ ꞌin ya ñaꞌan ti nten.