2 TIMOTEO 2:10 - Chatino Zona Alta Occidental10 kanꞌ chaꞌ ndaloǔn ꞌin neꞌ, ni siya lye ꞌa nda neꞌ nu tiꞌí ꞌñaǎn. Taloǔn ꞌin chaꞌ kuxi kanꞌ chaꞌ ꞌin taꞌa nten nu ngulo suwi Ndiose ꞌin, chaꞌ loꞌo kulaa Jesucristo ꞌin neꞌ, chaꞌ kaja chalyuu nu ja tsaa tii ꞌa ꞌin neꞌ. Loꞌo bra kanꞌ ka tyiꞌin neꞌ nde seꞌen ndiꞌin Ndiose, seꞌen suꞌwe ꞌa ñaꞌan nchga nan. အခန်းကိုကြည့်ပါ။ |
ska chalyuu suꞌwe nu ja tsaa tii ꞌa, kanꞌ lka nu ta Ndiose ꞌin nchga nten nu ngiꞌni chaꞌ suꞌwe, neꞌ nu ja nchka ndaja tiꞌ chaꞌ ngiꞌni neꞌ chaꞌ suꞌwe loꞌo taꞌa nten neꞌ. Xkwiꞌ ndaꞌan chaꞌ tiye neꞌ kanꞌ chaꞌ ꞌin chaꞌ suꞌwe nu nsuꞌwi nde seꞌen ndiꞌin Ndiose, xkwiꞌ nan tyiꞌin suꞌwe ti neꞌ loꞌo Ni, nka tiye neꞌ, xkwiꞌ chaꞌ ꞌin chalyuu kwi nu ndijyan nde loo la nduwe tiꞌ neꞌ.
Ni siya tyijin ba nu tiꞌí, ni siya tiꞌí tiꞌ nten ꞌwa, chaꞌ ka suꞌwe ꞌwan, kanꞌ chaꞌ ndijian nu tiꞌí kanꞌ. Kwiꞌ ngwañaꞌan lye la tayaꞌ Ndiose ꞌwan, loꞌo kaja ñaꞌan kulaa Ni wan ꞌin chaꞌ kuxi bra kanꞌ. Bra nu tayaꞌ Ni ꞌwa, chaꞌ ꞌwan kuꞌni Ni ngwañaꞌan, chaꞌ kaja ñaꞌan tayaꞌ ba ꞌwan; ya ñaꞌan ti nu tiꞌí nu nchka ꞌwa, ti kwiꞌ Ndiose ta Ni jwersa ꞌwan chaꞌ ka talo wan nu tiꞌí kanꞌ.
Suꞌwe nxkeꞌ tiǎnꞌ ni siya wa mdijiǐn chinꞌ nu tiꞌí chaꞌ ꞌwan; suꞌwe nxkeꞌ tiǎnꞌ chaꞌ ndijiǐn nu tiꞌí chaꞌ ka suꞌwe chaꞌ ꞌin nchga ta nten nu msñi chaꞌ ꞌin Krixtu nchga kichen. Loꞌo Krixtu ni, mdijin ꞌa Ni nu tiꞌí lo chalyuu chaꞌ ꞌñaan, chaꞌ kaan nten ꞌin ykwiꞌ Ni; kwiꞌ ngwañaꞌan naꞌ, ndijiǐn nu tiꞌí, chaꞌ nu ndiꞌin chaꞌ ka suꞌwa chaꞌ ꞌñaan taꞌaan loꞌo ykwiꞌ Krixtu bra nu mdijian nu tiꞌí lo chalyuu re chaꞌ wa ytean chaꞌ ꞌin Krixtu.
Ska chaꞌ tnun nu suꞌwe ꞌa lka chaꞌ re, ska chaꞌ nu ndiꞌin chaꞌ kunan nchga lo nten chalyuu lka chaꞌ ꞌin Ndiose re; ja mjwi chabiyaꞌ chaꞌ ka biyaꞌ tiꞌ nten chaꞌ re nu ngwa sꞌni. Nde lka chaꞌ nu ja ya kunan nten: Ka tyiꞌin Krixtu loꞌoan lo chalyuu, ni siya ni ti; loꞌo ngwañaꞌan chunꞌ ndiꞌin la ka tyiꞌin chaꞌ ꞌñaan loꞌo Ndiose la seꞌen tlyu nu xaa ꞌa seꞌen ndiꞌin Ni.
Palyu lkaǎn. Ndaꞌaǎn lo tñan ꞌin Ndiose, kwiꞌ ngwañaꞌan, mda Jesucristo tñan ꞌñaǎn chaꞌ tsaꞌaǎn chkwiǐnꞌ chaꞌ suꞌwe ꞌin Jesús loꞌo nten nu ndiꞌin tyun kichen tijyuꞌ; ndiꞌin chaꞌ chkwiǐnꞌ loꞌo nten nu wa ngulo suwi Ndiose ꞌin chaꞌ ka neꞌ nten ꞌin Ni, chaꞌ suꞌwe la tsaa ñaꞌan tiꞌ neꞌ kanꞌ ꞌin Ni bra kanꞌ. Wa msuꞌwa Jesucristo ꞌñaǎn ndijyaǎn chaꞌ ka biyaꞌ tiꞌ neꞌ nchga chaꞌ nu ñi ꞌin Ni, chaꞌ nchgaan ka kuꞌniin tnuan ꞌin Ndiose;
Chinꞌ ti tsan ti tyijin wan nu tiꞌí ni. Xa wa mdyii tsan nu tyijin wan nu tiꞌí, bra kanꞌ kuꞌni Ndiose chaꞌ ka suꞌwe wan, kuꞌni Ni chaꞌ ka ngula la tiꞌ niꞌ kasiya ꞌwan xiyaꞌ; ta Ni jwersa ꞌwan, chaꞌ xkwiꞌ suꞌwe ꞌa ngiꞌni Ni loꞌoan. Chabiyaꞌ ꞌin Krixtu wa ngulo suwi Ni ꞌñaan chaꞌ ka tyiꞌian nde seꞌen tnun seꞌen ndiꞌin ykwiꞌ Ni.