2 TESALONICENSES 3:4 - Chatino Zona Alta Occidental

⁴ Jlyo tiꞌ Xꞌnaan chaꞌ ngiꞌni wan tñan nu ngulo ba ꞌwan, chaꞌ ti kuꞌni la wan tñan kanꞌ.

2 TESALONICENSES 3:4 ပူးပေါင်းရင်းမြစ်များ

SAN MATEO 28:20

Kwaꞌu wan ꞌin neꞌ kanꞌ, chaꞌ kuꞌni neꞌ nchga tñan nu wa ngwaꞌuǔn ꞌwan. Loꞌo tyuꞌwi tiꞌ wan chaꞌ nu ykwiǐnꞌ loꞌo wan, chaꞌ naꞌ lkaǎn nu tyiꞌiǐn loꞌo wan nchga tsan sa ñaꞌan yaꞌ nu tsaa tii chalyuu. Sa kwa ti chaꞌ ykwiꞌ Jesús.

ROMANOS 15:14

ꞌWan taꞌa ndiꞌin chaꞌ ꞌñaan loꞌo Krixtu, nsuꞌwi lyoǔn ꞌwan chaꞌ suꞌwe ꞌa tiye wan; suꞌwe ꞌa nchka biyaꞌ tiꞌ wan chaꞌ ꞌin Krixtu, kwiꞌ ngwañaꞌan nchka ꞌa ꞌwan chkwiꞌ wan chaꞌ ꞌin Ndiose loꞌo neꞌ taꞌa wan.

ROMANOS 15:18

Sa kanꞌ ti chaꞌ chkwiǐnꞌ loꞌo wan, chaꞌ ꞌin tñan nu ngiꞌni Jesús, chaꞌ kaja ñaꞌan kunan nten xka laꞌa tsuꞌ chaꞌ nu nchkwiꞌ Ndiose. Loꞌo siꞌi skaǎn tiǎn nu ngiꞌniǐn tñan kanꞌ, loꞌo Tyiꞌi Ndiose ngiꞌni tñan kanꞌ loꞌoǔn xa nu nchkwiǐnꞌ loꞌo neꞌ.

ROMANOS 2:7

ska chalyuu suꞌwe nu ja tsaa tii ꞌa, kanꞌ lka nu ta Ndiose ꞌin nchga nten nu ngiꞌni chaꞌ suꞌwe, neꞌ nu ja nchka ndaja tiꞌ chaꞌ ngiꞌni neꞌ chaꞌ suꞌwe loꞌo taꞌa nten neꞌ. Xkwiꞌ ndaꞌan chaꞌ tiye neꞌ kanꞌ chaꞌ ꞌin chaꞌ suꞌwe nu nsuꞌwi nde seꞌen ndiꞌin Ndiose, xkwiꞌ nan tyiꞌin suꞌwe ti neꞌ loꞌo Ni, nka tiye neꞌ, xkwiꞌ chaꞌ ꞌin chalyuu kwi nu ndijyan nde loo la nduwe tiꞌ neꞌ.

1 CORINTIOS 14:37

¿Ta ndiꞌin chabiyaꞌ ꞌwan chaꞌ chkwiꞌ wan chaꞌ nu nchkwiꞌ Ndiose loꞌo nten, xkeꞌ tiꞌ wan a? ¿Ta wa nda Ni Tyiꞌi ykwiꞌ Ni ꞌwan ti, chaꞌ ꞌwan ti kuꞌni wan tñan ꞌin Ni a? Kunan suꞌwe wan chaꞌ re sikwa: Tñan nu ndloǔn ꞌwan bra nu ndaꞌaǎn kityi re, chabiyaꞌ ꞌin Ndiose lka tñan kanꞌ,

1 CORINTIOS 7:19

Ja nꞌni chaꞌ ꞌin Ndiose, ni siya nkwaan ngwañaꞌan, ni siya ja nkwaan ngwañaꞌan; nu ndloo ꞌa ꞌin Ndiose lka chaꞌ tukwaan tñan nu ndlo Ni ꞌñaan.

2 CORINTIOS 2:9

Wa ngwaꞌaǎn kityi kanꞌ, chaꞌ tsaa seꞌen ndiꞌin wan, chaꞌ ngwa tiǎnꞌ tyija lyo chaꞌ ꞌñaǎn si chañi chaꞌ ꞌwan chaꞌ kuꞌni wan sa ñaꞌan nu niǐn ꞌwan bra kanꞌ; ja jlyo tiǎnꞌ nu ngwa xkanꞌ, si xlyaa wan kuꞌni wan ngwañaꞌan.

2 CORINTIOS 8:22

Kwiꞌ ngwañaꞌan, ti msuꞌwa ba xka yu taꞌa ndiꞌin chaꞌ ꞌñaan loꞌo Krixtu chaꞌ suꞌwa ti kan yu loꞌo taꞌa tyukwaa yu taꞌaan kanꞌ. Kaꞌan ꞌa tñan wa yꞌni yu chaꞌ ꞌin Xꞌnaan, kanꞌ chaꞌ jlyo tiꞌ ba chaꞌ ndiya tiꞌ yu kuꞌni yu tñan loꞌoǔn. Ni siya ni, ka biyaꞌ suꞌwe tiꞌ wan chaꞌ ndyuꞌwi ꞌa tiꞌ yu ꞌwan.

GÁLATAS 5:10

Ti kwiꞌ Xꞌnaan nu nka Krixtu, ngiꞌni Ni chaꞌ suꞌwe ꞌa nka tiyeěn bra nu ndyuꞌwi tiǎnꞌ ꞌwan. Jlyo tiǎnꞌ chaꞌ ska ti chaꞌ xuꞌwi tiye wan loꞌo chaꞌ nu wa ykwiǐnꞌ loꞌo wan. Ja nꞌni chaꞌ ti ka lka nu ndaꞌan nchkwiꞌ chaꞌ kwiñi loꞌo wan chaꞌ xitsen ꞌwan, kulo Ndiose kiꞌya ꞌin neꞌ kanꞌ.

FILIPENSES 1:6

kanꞌ chaꞌ jlyo tiǎnꞌ ni, chaꞌ ñaꞌan ti kuꞌni Ndiose tñan niꞌ kasiya ꞌwan, sa ñaꞌan yaꞌ nu tsaa toꞌo suꞌwe tñan kanꞌ, bra nu kan Jesucristo xiyaꞌ, chaꞌ kwiꞌ Ndiose lka nu mdyisnan ngiꞌni tñan niꞌ kasiya ꞌwan ti kulo.

FILIPENSES 2:12

ꞌWan neꞌ taꞌaan nu ndiya ꞌa tiǎnꞌ ꞌwan, mdukwa ꞌa wan chaꞌ nu ykwiǐnꞌ nchga tsan bra nu mdiꞌiǐn loꞌo wan; loꞌo ñaꞌan ti ndloo ꞌa chaꞌ ꞌwan chaꞌ ti tukwa la wan chaꞌ nu nchkwiǐnꞌ ni, ni siya tijyuꞌ ꞌa ndiꞌiǐn seꞌen ndiꞌin wan. Ñaꞌan ti kuꞌni wan tñan chaꞌ kuꞌni ji nchga chaꞌ nu ngwa tiꞌ Ndiose kuꞌni niꞌ kasiya ꞌwan bra nu ngulaa Jesucristo ꞌwan ꞌin chaꞌ kuxi. Chinꞌ ti chaꞌ xuꞌwi tiye wan, ti ykwiꞌ ti wan, kuwe la tiꞌ wan ꞌin Ndiose.

1 TESALONICENSES 4:10

Jlyo tiꞌ ba chaꞌ siꞌi ska ta ti taꞌa kichen tyi wan nsuꞌwi tiye wan ꞌin, loꞌo nsuꞌwi ꞌa tiye wan ñaꞌan wan ꞌin nchga taꞌa ndiꞌin chaꞌ ꞌwan loꞌo Ndiose nchga kichen lo yuu ꞌin Macedonia. Taꞌaan lka neꞌ kanꞌ, kanꞌ chaꞌ nchkwiꞌ ba loꞌo wan chaꞌ ti kuꞌni la wan chaꞌ suꞌwe kanꞌ loꞌo neꞌ.

2 TESALONICENSES 3:12

Kanꞌ chaꞌ ni, ndlo ba tñan ꞌin neꞌ kanꞌ chabiyaꞌ ꞌin Jesucristo nu nka Xꞌnaan, chaꞌ ndiꞌin chaꞌ kuꞌni neꞌ kanꞌ tñan; ngwañaꞌan kaja nan ku neꞌ kwenta skaa neꞌ.

2 TESALONICENSES 3:6

ꞌWan taꞌa msñian chaꞌ ꞌin Jesús, xiyaꞌ kulo ba tñan ꞌwan chabiyaꞌ ꞌin Jesucristo nu nka Xꞌnaan: Ja tyaꞌan wan suꞌwa ti loꞌo xka ta taꞌa msñian chaꞌ kanꞌ nu ja xlyaa kuꞌni tñan, ti kwiꞌ neꞌ taꞌa wan nu ja xlyaa xñi chaꞌ nu ykwiꞌ ba loꞌo wan.

FILEMÓN 1:21

Jlyo tiǎnꞌ chaꞌ ndukwaa nchga chaꞌ nu nchkwiǐnꞌ loꞌoo, kanꞌ chaꞌ ndaꞌaǎn kityi re chaꞌ tsaa seꞌen ndiꞌiin; kwiꞌ ngwañaꞌan, jlyo tiǎnꞌ chaꞌ ti kaꞌan la chaꞌ suꞌwe ti kuꞌnii loꞌoǔn.