2 TESALONICENSES 2:7 - Chatino Zona Alta Occidental

⁷ Wa mdyisnan chaꞌ xaꞌan kanꞌ loꞌo nten chalyuu, ni siya ni ti ndukunꞌ Ni chaꞌ ꞌin yu xaꞌan kanꞌ. Loꞌo kanꞌ bra nu ja tukunꞌ la Ni chaꞌ ꞌin yu xaꞌan kanꞌ, xa wa mdoꞌo tsuꞌ Ni chinꞌ,

2 TESALONICENSES 2:7 ပူးပေါင်းရင်းမြစ်များ

LOS HECHOS 20:29

Jlyo tiǎnꞌ chaꞌ nde loo la xa wa ndyaꞌaǎn ni, bra kanꞌ kan nten kwiñi nu kuꞌni ñuꞌun ꞌin nchga ta nten taꞌa wan; sa ñaꞌan ngiꞌni ska ꞌni tlá, ñaꞌan tiꞌ ska ngwoꞌo nu tlá ꞌa ꞌin ska ta slyaꞌ, ngwañaꞌan kuꞌni ñuꞌun neꞌ kwiñi kanꞌ ꞌin nchga ta nten taꞌa wan.

2 TESALONICENSES 2:6

kwiꞌ ngwañaꞌan, jlyo tiꞌ wan ti ka lka nu ndukunꞌ chaꞌ ꞌin yu xaꞌan kanꞌ ni, chaꞌ ja ka ꞌin yu ka yu ndloo, sa bra nu tiya tsan kanꞌ nde loo la.

1 TIMOTEO 3:16

Chañi chaꞌ tnun ꞌa chaꞌ suꞌwe ꞌin Jesucristo nu wa msñian. Nde ndukwa chaꞌ kanꞌ: Nu ngwa sꞌni, ja tukwin ngwa biyaꞌ tiꞌ sa ñaꞌan nu kulaa Ndiose ꞌin nten; loꞌo ni, jlyo tianꞌ, chaꞌ ngula Jesucristo yan Ni chalyuu, chaꞌ ngwa Ni nten. Kwiꞌ ngwañaꞌan nchkwiꞌ Tyiꞌi Ndiose chaꞌ ꞌin Ni, chaꞌ ska nten nu luwi ꞌa lka Ni; wa naꞌan angajle ꞌin Jesús, yu nu luwi kanꞌ. Loꞌo ni, nduꞌu nten chaꞌ ꞌin Jesucristo ꞌin nten nu ndiꞌin tyukwi ñaꞌaan chalyuu; loꞌo nxñi neꞌ nchga kichen chaꞌ nu nchkwiꞌ neꞌ bra kanꞌ. Chunꞌ ndiꞌin la ndyaa Jesús nde seꞌen ndiꞌin Ndiose Stian nde niꞌ kwan, loꞌo ni, tlyu ꞌa lka Jesús seꞌen ndiꞌin Ni nde kwa.

1 SAN JUAN 2:18

ꞌWan sñiěnꞌ, wa mdiya bra nu tyii nchga nan nu ndiꞌin lo chalyuu. Wa jlyo tiꞌ wan chaꞌ wa kan ti ska nten nu tnun nchkwiꞌ, nu kwiñi lyoꞌo ꞌin taꞌa ntean chaꞌ Krixtu lka, nchkwin yu; xuun yu kanꞌ loꞌoan taꞌaan nu ndiꞌin chaꞌ ꞌñaan loꞌo Krixtu. Ni siya bra ni, kaꞌan ꞌa neꞌ kwiñi ndiya lo chalyuu, nu nchka tiꞌ xuun loꞌo nten ꞌin Krixtu; kanꞌ chaꞌ wa nchka biyaꞌ tianꞌ chaꞌ ndla ti tyii nchga nan.

1 SAN JUAN 4:3

loꞌo nten nu chkwiꞌ chaꞌ siꞌi Sñiꞌ ykwiꞌ Ndiose lka Jesucristo ti bra nu ngula yu lo chalyuu sa ñaꞌan nu ndlya nten, ja nsuꞌwi Tyiꞌi Ndiose niꞌ kasiya ꞌin neꞌ kanꞌ. Chaꞌ ꞌin nu kwiñi nu nchka tiꞌ tyijin lyo ꞌin Jesucristo lka chaꞌ nu ndiꞌin niꞌ kasiya ꞌin neꞌ kanꞌ. Loꞌo ngwañaꞌan wa nchka biyaꞌ tiꞌ wan ni, chaꞌ wa kan ti nu kwiñi kanꞌ; loꞌo ni siya ni ti, wa lka ndiꞌin nu kwiñi kanꞌ lo chalyuu.

EL APOCALIPSIS 17:5

Chkan nu kunaꞌan kanꞌ wa ndukwa ska chaꞌ, ñaꞌan tiꞌ nin nten lka: “Babilonia tnun lka re, chaꞌ nde lka kichen tyi nchga nten nu ngiꞌni chaꞌ chen ñaꞌan tyukwi ñaꞌaan chalyuu.” Ngwañaꞌan nchkwiꞌ chaꞌ nu ngaꞌan chkan nu kunaꞌan kanꞌ bra kanꞌ, loꞌo ja ka biyaꞌ tianꞌ nin kanꞌ si ja nsuꞌwi lyoan ꞌin ran.

EL APOCALIPSIS 17:7

Kanꞌ chaꞌ mnichaꞌ angajle ꞌñaǎn bra kanꞌ: ―¿Ni chaꞌ lka nduwe ꞌa tiiꞌ a? ―ndukwin―. Katsaǎnꞌ ꞌiin ni ji la chaꞌ tukwi ndiꞌin ꞌin nu kunaꞌan nu ndukwa chunꞌ ꞌni chen ñaꞌan kwa, ꞌni nu ndukwa kati ke loꞌo tii yka ke; katsaǎnꞌ ꞌiin ska chaꞌ nu ja ya ka biyaꞌ tiꞌ nten ―ndukwin angajle bra kanꞌ―.