2 TESALONICENSES 2:10 - Chatino Zona Alta Occidental

¹⁰ Tukwa chaꞌ nsuꞌwi tiye yu kanꞌ, loꞌo tsaa ñaꞌan tiꞌ nten chalyuu ꞌin nchga chaꞌ kwiñi nu chkwiꞌ yu kanꞌ, tsaa ñaꞌan tiꞌ neꞌ ꞌin yu chaꞌ loꞌo neꞌ wa tsaa ti neꞌ lo jwlyaa; chaꞌ ja xlyaa neꞌ xñi neꞌ chaꞌ suꞌwe nu ka kulaa ꞌin neꞌ,

2 TESALONICENSES 2:10 ပူးပေါင်းရင်းမြစ်များ

SAN MATEO 13:11

Mxkwen Jesús ꞌin neꞌ bra kanꞌ: ―Wa mda Ndiose chabiyaꞌ ꞌwan chaꞌ ka biyaꞌ tiꞌ wan ska chaꞌ nu yuꞌwi kutsiꞌ ꞌin ayman sꞌni, sa ñaꞌan ka xa nu ka Ndiose ndloo la niꞌ kasiya ꞌin nten. Nten nu ja msñi chaꞌ ꞌin Ndiose ni, ja kiꞌya neꞌ kwenta bra nu kunan neꞌ ska chaꞌ nu nchkwiǐnꞌ; tukwi ꞌa chaꞌ kanꞌ, xkeꞌ tiꞌ neꞌ.

SAN JUAN 3:17

Wa msuꞌwa Ni ꞌñaǎn ndijyaǎn lo chalyuu chaꞌ suwiǐn kiꞌya nu ndukwi nten chalyuu. Ja nchka tiꞌ Stiǐn Ndiose chaꞌ xkwiꞌ nan xtya Ni kiꞌya ꞌin nten; ja ndijyaǎn lo chalyuu chaꞌ kuꞌniǐn ngwañaꞌan ―ndukwin Jesús―.

SAN JUAN 5:34

Ja ndiꞌin chaꞌ kaja xka nu chkwiꞌ chaꞌ nu ñi chaꞌ ꞌñaǎn. Nchkwiǐnꞌ chaꞌ re loꞌo wan chaꞌ kaja ñaꞌan lyaa wan ꞌin chaꞌ kuxi kanꞌ ꞌwan, bra nu ka biyaꞌ chaꞌ ꞌwan tloo Ndiose.

ROMANOS 10:1

ꞌWan taꞌa ndiꞌin chaꞌ ꞌñaan loꞌo Jesús, ndaꞌan ꞌa chaꞌ tiyeěn chaꞌ ꞌin neꞌ judío taꞌaǎn. Tyukwi ti tiyeěn tꞌnan ꞌa nchkwiǐnꞌ loꞌo Ndiose, chaꞌ kulaa Ni ꞌin neꞌ judío taꞌaǎn ꞌin nu xaꞌan.

ROMANOS 16:18

chaꞌ siꞌi tñan ꞌin Krixtu ngiꞌni neꞌ, xka chaꞌ nchkwiꞌ neꞌ loꞌo wan. Ngiꞌni neꞌ kanꞌ nchga lo chaꞌ kuxi nu ndaꞌan chaꞌ tiye neꞌ chaꞌ kuꞌni neꞌ. Kwiꞌ ngwañaꞌan, nñi lyoꞌo ꞌa neꞌ kanꞌ ꞌin neꞌ tiꞌi taꞌa wan, chunꞌ nu suꞌwe ꞌa nnen chaꞌ nu nchkwiꞌ neꞌ, chaꞌ sa ꞌa nchkwiꞌ neꞌ.

ROMANOS 6:17

Suꞌwe ꞌa nka tiyeěn chaꞌ tyukwi ti tiye wan ngiꞌni wan tñan ꞌin Ndiose, ti kwiꞌ ti chaꞌ nu ngwaꞌu neꞌ taꞌa ba ꞌwan, naꞌ Palyu ndukwiǐn chaꞌ re. Chaꞌ xaꞌan kanꞌ, kanꞌ nu ngwa ndloo la ꞌwan nu ngwa sꞌni; loꞌo wa ngulaa wan ꞌin chaꞌ xaꞌan kanꞌ ni, kanꞌ mdyisnan wan ngiꞌni wan tñan chaꞌ kaja xka chalyuu ꞌwan, ska chalyuu nu ka luwi kasiya ꞌwan, chaꞌ Ndiose nka ndloo la ꞌwan ni.

1 CORINTIOS 1:18

Nten nu ngiꞌni ñuꞌun ꞌin ti ykwiꞌ ti siꞌya chaꞌ xaꞌan nu ngiꞌni neꞌ, ja nchka ꞌa ka biyaꞌ tiꞌ neꞌ chaꞌ ꞌin Krixtu; xtyi lyoꞌo neꞌ ꞌñaan si chkwianꞌ loꞌo neꞌ sa ñaꞌan ndiꞌin chaꞌ ꞌin Krixtu, chaꞌ ngujwi Ni lo wsi siꞌyaan, chaꞌ kuꞌni tyii Ni kiꞌya nu ndukwian. Nan ni, nu mdoꞌo laan ꞌin kiꞌya nu ndukwian chunꞌ tñan nu yꞌni Krixtu, tnun ꞌa chaꞌ yꞌni Ndiose, nxkeꞌ tianꞌ.

1 CORINTIOS 16:22

Xka ti chaꞌ chkwiǐnꞌ loꞌo wan ni: Si ndiya neꞌ taꞌa ndyoꞌ tiꞌin wan nu ja chañi chaꞌ suꞌwe nka tiye neꞌ ñaꞌan neꞌ ꞌin ykwiꞌ Xꞌnaan, kulaa yaꞌ wan ꞌin neꞌ bra kanꞌ, chaꞌ ta ykwiꞌ Ndiose nu tiꞌí ꞌin neꞌ. Kanꞌ chaꞌ chkwianꞌ taꞌaan ni: ¡Tyaan lyaa, Xꞌnan ba, nde seꞌen ndiꞌin ba!

2 CORINTIOS 11:13

Ja chañi chaꞌ ngiꞌni neꞌ kanꞌ tñan ꞌin Krixtu; kwiñi neꞌ kanꞌ, kaꞌan ꞌa chaꞌ kwiñi nchkwiꞌ neꞌ kanꞌ loꞌo nten nchga seꞌen ndaꞌan neꞌ. Xka ñaꞌan ngiꞌni neꞌ kanꞌ loꞌo nten, chaꞌ ngwañaꞌan ka kwiñi lyoꞌo neꞌ ꞌin nten kanꞌ, chaꞌ lka neꞌ nten suꞌwe, chaꞌ ngiꞌni neꞌ tñan ꞌin Krixtu.

2 CORINTIOS 11:15

Kwiꞌ ngwañaꞌan nchka loꞌo nten nu ngiꞌni tñan ꞌin kuneꞌ xaꞌan kanꞌ; ja tlyu tñan chaꞌ kuꞌni neꞌ chaꞌ xka ñaꞌan tloo neꞌ, sa ñaꞌan nu kwiñi lyoꞌo neꞌ kanꞌ ꞌin nten ꞌin Krixtu taꞌa wan chaꞌ ngiꞌni neꞌ tñan ꞌin Ndiose. Bra nu tiya bra chaꞌ ka biyaꞌ ꞌin neꞌ loꞌo Ndiose, la bra kanꞌ tyijin neꞌ kanꞌ nu tiꞌí sa ñaꞌan nu ndiꞌin chaꞌ ka ꞌin neꞌ siꞌya chaꞌ kuxi nu wa yꞌni neꞌ xa wa yan neꞌ lo chalyuu.

2 CORINTIOS 2:17

Siꞌi nan ngiꞌni ba kanan loꞌo chaꞌ ꞌin Ndiose, siꞌi nan nxaꞌan ba chaꞌ kanꞌ sa ñaꞌan nu ngiꞌni xka ta nten; tyukwi ti tiye ba nchkwiꞌ ba loꞌo nten, ngiꞌni ba ñaꞌan tiꞌ si ndiꞌin Ndiose seꞌen ndiꞌin ba, chaꞌ Ndiose lka nu ngwaꞌan tñan ꞌwa chaꞌ kuꞌni ba tñan chaꞌ ꞌin Krixtu.

EFESIOS 4:14

Bra kanꞌ ja kuꞌnian sa ñaꞌan nu ngiꞌni nu xuwe ti nu taꞌa ti nxaꞌan tñan ꞌin, bra nu ndiꞌin jya neꞌ; ja taan chabiyaꞌ chaꞌ tsaa loꞌo neꞌ ꞌñaan xka tuwiin, bra nu chkwiꞌ neꞌ loꞌoan ska chaꞌ nu ja ya kunaan. Nsuꞌwi ꞌa chaꞌ kwiñi nu nchkwiꞌ nten loꞌoan, kwiꞌ nten nu nchka ꞌa nchkwiꞌ, nten nu nchka ꞌa tiꞌ chaꞌ tsaa loꞌo ꞌñaan tuwiin kuxi.

1 TESALONICENSES 2:16

Ja nda neꞌ judío nu kuxi kanꞌ chabiyaꞌ ꞌwa chaꞌ chkwiꞌ ba chaꞌ ꞌin Jesucristo loꞌo neꞌ xka laꞌa tsuꞌ tujoꞌo, chaꞌ ka tyoꞌo laa neꞌ xka laꞌa tsuꞌ kanꞌ ꞌin chaꞌ kuxi bra kanꞌ; kanꞌ chaꞌ ngwañaꞌan nchka tlyu la kiꞌya nu ndiꞌin ꞌin neꞌ judío kuxi kanꞌ, kanꞌ chaꞌ msinꞌ ꞌa tiꞌ Ndiose ꞌin neꞌ kanꞌ. Ndiꞌin chaꞌ ta Ni nu tiꞌí ꞌin neꞌ kanꞌ chunꞌ ndiꞌin la.

2 TESALONICENSES 2:12

Chañi chaꞌ tsaa neꞌ seꞌen ja tsaa tii ꞌa chaꞌ tyijin neꞌ nu tiꞌí, nchga nten nu ja ndyaa ñaꞌan tiꞌ chaꞌ suꞌwe ꞌin Ndiose, nten nu ndiya la tiꞌ kuꞌni nchga lo chaꞌ kuxi.

2 TESALONICENSES 2:13

ꞌWan taꞌa msñian chaꞌ ꞌin Jesús, suꞌwe ꞌa nka tiye Xꞌnaan ñaꞌan ꞌwan. Kwiꞌ ngwañaꞌan, ndiꞌin chaꞌ tya ba xuꞌwe ꞌin Ndiose chaꞌ ꞌwan, chaꞌ ngulo suwi Ni ꞌwan ti bra nu mdyisnan chalyuu, chaꞌ kulaa Ni ꞌwan; kanꞌ chaꞌ yꞌni Tyiꞌi Ndiose chaꞌ ngwa luwi kasiya ꞌwan bra nu msñi wan chaꞌ suꞌwe ꞌin Ndiose.

1 TIMOTEO 2:4

chaꞌ nchka tiꞌ Ni kulaa Ni ꞌin nchga nten chalyuu, nchka tiꞌ Ni chaꞌ ka biyaꞌ tiꞌ nchga nten sa ñaꞌan chaꞌ nu ñi nu ndiꞌin ꞌin Ni.

HEBREOS 3:13

Ja suꞌwe si kwiñi lyoꞌo chaꞌ kuxi ꞌwan, loꞌo tyisnan ka kuxi niꞌ kasiya ꞌwan bra kanꞌ. Kanꞌ chaꞌ nchga tsan ndiꞌin chaꞌ tayaꞌ wan ꞌin taꞌa wan, chaꞌ kanun tsaa la chaꞌ ꞌin Jesús niꞌ kasiya ꞌwan loꞌo taꞌa wan, chaꞌ ja kwiñi lyoꞌo chaꞌ kuxi ꞌwan tyukwi tyempu nu ndiꞌin wan lo chalyuu.

2 SAN PEDRO 2:12

Ñaꞌan tiꞌ ꞌni nu nsuꞌwi niꞌ kixinꞌ nu ja nduwe tiꞌ, ngwañaꞌan lka nten kwiñi kanꞌ, chaꞌ xkwiꞌ chaꞌ chen ñaꞌan nchkwiꞌ neꞌ kanꞌ ꞌin nchga chaꞌ nu ja nchka biyaꞌ tiꞌ neꞌ. Nxñian ꞌin ꞌni tlá nu nsuꞌwi niꞌ kixinꞌ, ndujwian ꞌin iꞌ bra kanꞌ. Kwiꞌ ngwañaꞌan neꞌ kwiñi kanꞌ, ngiꞌni ñuꞌun neꞌ ꞌin nchga lo nan suꞌwe ni siya ja nchka biyaꞌ tiꞌ neꞌ chaꞌ kanꞌ. Loꞌo tyii chaꞌ ꞌin neꞌ kanꞌ siyaꞌ ti nde loo la;

2 SAN PEDRO 2:18

Jlyo ꞌa tiꞌ neꞌ kwiñi kanꞌ chaꞌ chkwiꞌ loꞌo nten sa ñaꞌan ka kwiñi lyoꞌo neꞌ kanꞌ ꞌin nten nu tka msñi ti chaꞌ suꞌwe ꞌin Jesucristo. Nchka ꞌa tiꞌ neꞌ kwiñi kanꞌ chaꞌ loꞌo nten kanꞌ kuꞌni chaꞌ chen ñaꞌan. Sa ñaꞌan yꞌni neꞌ chaꞌ kuxi ti kulo, bra nu ja ya kunan neꞌ chaꞌ suꞌwe ꞌin Ndiose, kwiꞌ ngwañaꞌan nchka tiꞌ neꞌ kwiñi kanꞌ kuꞌni neꞌ xiyaꞌ.