2 CORINTIOS 8:23 - Chatino Zona Alta Occidental

²³ Kanꞌ chaꞌ ni, si kunichaꞌ nten ꞌwan sa ñaꞌan tñan ndaꞌan Tito, nde ñaꞌan chkwiꞌ wan loꞌo neꞌ: Taꞌa ndaꞌaǎn tñan lka yu re. Kwiꞌ ngwañaꞌan xkwen wan ꞌin neꞌ, chaꞌ suꞌwa ngiꞌni yu tñan loꞌo bare chaꞌ ꞌwan. Ti kwiꞌ ti chaꞌ, si ndiya nu kunichaꞌ ꞌwan, sa ñaꞌan tñan ndaꞌan xka yu taꞌa ndaꞌan Tito kanꞌ, xkwen wan ꞌin neꞌ bra kanꞌ: Ndaꞌan neꞌ kanꞌ chaꞌ ꞌin nchga nten tyun kichen nu ndyaa ñaꞌan tiꞌ ꞌin Krixtu, chaꞌ kuꞌni tnun neꞌ ꞌin Krixtu.

2 CORINTIOS 8:23 ပူးပေါင်းရင်းမြစ်များ

SAN LUCAS 5:10

Loꞌo taꞌa tyukwaa yu sñiꞌ Zebedeo nu ndiꞌin xka niꞌ yka naꞌan kanꞌ, nu naan Santiago loꞌo nu naan Xuwa, loꞌo neꞌ kanꞌ ytsen ꞌa neꞌ; ti kwiꞌ taꞌa ndaꞌan Simón tñan lka neꞌ kanꞌ. Bra kanꞌ ykwiꞌ Jesús loꞌo Simón: ―Ja kutseen ―ndukwin―. Ti ngwa sꞌni la xkwiꞌ tñan kuta kula ti yꞌnii; loꞌo ni, taǎn xka tñan ꞌiin, chaꞌ tsaa naan ꞌin nten chalyuu nu mnaꞌ kasiya ꞌin siꞌya chaꞌ kuxi, chaꞌ ka neꞌ nten ꞌñaǎn ―ndukwin Jesús ꞌin Simón.

SAN LUCAS 5:7

kanꞌ chaꞌ yꞌni yaꞌ neꞌ ꞌin taꞌa neꞌ nu ndiꞌin xka niꞌ yka naꞌan kanꞌ, chaꞌ kan neꞌ tayaꞌ neꞌ ꞌin neꞌ. Bra ti yan neꞌ bra kanꞌ, mjwakii neꞌ katan msaꞌan niꞌ nsuꞌwi kula, chaꞌ suꞌwa neꞌ ꞌin ran niꞌ yka naꞌan. Chinꞌ ti chaꞌ ja yten taꞌa tyukwaa yka naꞌan kanꞌ niꞌ tyiꞌa siꞌya chaꞌ teꞌen ꞌa kula kanꞌ.

SAN JUAN 13:16

Chañi chaꞌ nu nchkwiǐnꞌ loꞌo wan, chaꞌ ti kwiꞌ nten nu lka xꞌnan neꞌ, kanꞌ nka ndloo ꞌin neꞌ, siꞌi msu nu nka ndloo; loꞌo nten nu ndlo tñan ꞌin neꞌ chaꞌ tsaa neꞌ lo kichen, kanꞌ nka ndloo la, siꞌi neꞌ nu ndyaꞌan lo kichen ti.

1 CORINTIOS 11:7

Ja ndiꞌin chaꞌ skunꞌ ke yu kiꞌyu, chaꞌ Ndiose ngwiñan ska yu kiꞌyu ti kulo; sa ñaꞌan lka ykwiꞌ Ni, ngwañaꞌan ngwiñan Ni ꞌin yu. Xka ñaꞌan lka neꞌ kunaꞌan, suꞌwe ꞌa ñaꞌan nu kunaꞌan chaꞌ ꞌin yu kiꞌyu.

2 CORINTIOS 12:18

Chañi chaꞌ ykwiǐnꞌ loꞌo Tito kanꞌ, chaꞌ tsaa yu seꞌen ndiꞌin wan nu ngwa xkanꞌ; ndyaa yu loꞌo kwiꞌ xka yu taꞌa msñian chaꞌ ꞌin Jesús bra kanꞌ. Loꞌo ja yꞌni Tito kanan ꞌwan; ska ti ñaꞌan ngiꞌni yu tñan sa ñaꞌan nu ngiꞌniǐn tñan, ska ti chaꞌ nsuꞌwi tiye ba taꞌa tyukwaa ba.

2 CORINTIOS 7:6

Loꞌo Ndiose ni, lye la ndayaꞌ Ni ꞌin nten nu xiꞌin tiꞌ ndiꞌin; kanꞌ chaꞌ xka jwersa mda Ni ꞌwa chaꞌ ka ngula la tiꞌ kasiya ꞌwa, chunꞌ ngala Tito nde re.

2 CORINTIOS 8:16

Suꞌwe ꞌa nka tiye ba xa nu nchkwiꞌ ba loꞌo Ndiose, chaꞌ Tito, taꞌa ndaꞌan ba tñan kanꞌ, nchka ꞌa tiꞌ yu tayaꞌ yu ꞌwan. Suꞌwa ti nka tiye yu loꞌoǔn chaꞌ ndayaꞌ ba ꞌwan.

2 CORINTIOS 8:18

Loꞌo suꞌwa ba xka yu taꞌa ndiꞌin chaꞌ ꞌñaan loꞌo Krixtu, chaꞌ kan loꞌo Tito ꞌin yu nde seꞌen ndiꞌin wan. Wa lka nsuꞌwi lyo wan ꞌin yu kanꞌ, chaꞌ suꞌwe ꞌa nchkwiꞌ neꞌ taꞌaan chaꞌ ꞌin yu la seꞌen ndyoꞌ tiꞌin neꞌ chaꞌ ꞌin Krixtu, chaꞌ suꞌwe ꞌa nchkwiꞌ yu chaꞌ ꞌin Krixtu loꞌo neꞌ.

2 CORINTIOS 8:19

Kwiꞌ ngwañaꞌan, nten ꞌin Krixtu nu ndyoꞌ tiꞌin nchga kichen wa ngulo suwi neꞌ ꞌin yu taꞌaan kanꞌ, chaꞌ tyaꞌan yu loꞌo ba, chaꞌ tayaꞌ yu ꞌwa bra nu ngiꞌni ba tñan chaꞌ xoꞌ tiꞌin ba lomstan nu nda neꞌ. Ngiꞌni ba tñan kanꞌ chaꞌ ꞌin Xꞌnaan, chaꞌ ngwañaꞌan ka kuꞌni tnun ba ꞌin Ni; kwiꞌ ngwañaꞌan, nxkeꞌ tiꞌ ba chaꞌ bra ti kuꞌni wan tñan kanꞌ, chunꞌ ndiya tiꞌ wan ngiꞌni wan ngwañaꞌan.

2 CORINTIOS 8:22

Kwiꞌ ngwañaꞌan, ti msuꞌwa ba xka yu taꞌa ndiꞌin chaꞌ ꞌñaan loꞌo Krixtu chaꞌ suꞌwa ti kan yu loꞌo taꞌa tyukwaa yu taꞌaan kanꞌ. Kaꞌan ꞌa tñan wa yꞌni yu chaꞌ ꞌin Xꞌnaan, kanꞌ chaꞌ jlyo tiꞌ ba chaꞌ ndiya tiꞌ yu kuꞌni yu tñan loꞌoǔn. Ni siya ni, ka biyaꞌ suꞌwe tiꞌ wan chaꞌ ndyuꞌwi ꞌa tiꞌ yu ꞌwan.

2 CORINTIOS 8:6

Kanꞌ chaꞌ wa ykwiꞌ ba loꞌo Tito kanꞌ, chaꞌ kuꞌni ji yu chaꞌ xoꞌ tiꞌin yu lomstan nu nda wan chaꞌ suꞌwe nsuꞌwi tiye wan, chunꞌ wa sꞌni chinꞌ mdyisnan yu nxoꞌ tiꞌin yu lomstan kanꞌ.

FILIPENSES 2:25

Loꞌo ngwañaꞌan, ndiꞌin ꞌa chaꞌ kan xka yu seꞌen ndiꞌin wan, nka tiyeěn; Epafrodito naan yu kanꞌ. Ti kwiꞌ yu taꞌa ndaꞌan ba tñan lka yu, loꞌo ngwañaꞌan, ngula ꞌa tñan yꞌni yu loꞌo ba bra nu mxkwen ba ꞌin neꞌ kuxi chaꞌ ꞌin Jesús. Ti kwiꞌ yu kanꞌ lka yu nu msuꞌwa wan ꞌin yu yan seꞌen mdiꞌiǐn nu ngwa xkanꞌ, chaꞌ tayaꞌ yu ꞌñaǎn loꞌo nan lka nu lyiji chinꞌ ꞌñaǎn chaꞌ tyijin yuꞌwi ꞌñaǎn lo chalyuu.

FILIPENSES 4:3

Loꞌo nuꞌwin ni, nu suꞌwe ꞌa taꞌa ndaꞌaǎn tñan, nchka tiǎnꞌ chaꞌ tayaaꞌ ꞌin taꞌa tyukwaa neꞌ kula kanꞌ, chaꞌ ka suꞌwe tiye neꞌ kanꞌ loꞌo taꞌa neꞌ. Taꞌa tyukwaa neꞌ kula kanꞌ wa yꞌni ꞌa neꞌ tñan chaꞌ kanen la chaꞌ suꞌwe ꞌin Jesús nu ngwa xkanꞌ; suꞌwa ti yꞌni neꞌ kanꞌ tñan loꞌoǔn, loꞌo Clemente, loꞌo xka neꞌ taꞌa ndaꞌan ba tñan. Wa mdaꞌan nin nchga neꞌ kanꞌ lo kityi ꞌin Ndiose, seꞌen ndukwa nin nten nu kaja chalyuu nu ja tsaa tii ꞌa ꞌin neꞌ.

COLOSENSES 1:7

Wa ynan wan chaꞌ kanꞌ bra nu ngwaꞌu Epafras ꞌwan; suꞌwe ꞌa ngiꞌni yu kanꞌ tñan ꞌin Krixtu loꞌo ba. Jlyo tiꞌ ba chaꞌ suꞌwe ꞌa nchkwiꞌ yu chaꞌ ꞌin Krixtu loꞌo neꞌ nchga seꞌen ndaꞌan yu chaꞌ ꞌwa.

1 TESALONICENSES 2:2

Wa yꞌni Ndiose chaꞌ ngwa tnun la tiye ba chaꞌ kwaꞌu ba ꞌwan chaꞌ suꞌwe nu ngiꞌni Ni chaꞌ ndlaa Ni ꞌin nten ꞌin chaꞌ kuxi, bra nu yaa ba seꞌen ndiꞌin wan, ni siya tiꞌí ꞌa tiꞌ neꞌ kichen Filipos ꞌwa bra kanꞌ. Jlyo tiꞌ wan chaꞌ kuxi ꞌa yꞌni neꞌ kanꞌ loꞌo ba bra kanꞌ, kwiꞌ ngwañaꞌan ndiya neꞌ taꞌa kichen tyi wan nu kuxi ꞌa nka tiye neꞌ ñaꞌan neꞌ ꞌwa.

2 TIMOTEO 4:10

Wa ngulaa yaꞌ Dema ꞌñaǎn chunꞌ ndiya la tiꞌ yu chaꞌ kuxi nu nsuꞌwi chalyuu, ndyaa yu kichen Tesalónica. Wa msuꞌwaǎn ꞌin Crescente ndyaa yu nde Galacia, kwiꞌ ngwañaꞌan wa msuꞌwaǎn ꞌin Tito ndyaa yu nde Dalmacia;

TITO 1:4

Ndaꞌaǎn kityi re chaꞌ tsaa seꞌen ndiꞌin nuꞌwin, Tito, chaꞌ ñaꞌan tiꞌ sñiěnꞌ, ngwañaꞌan nka tiyeěn naꞌaǎn ꞌiin, chaꞌ ska ti ñaꞌan msñian chaꞌ ꞌin Ndiose. Loꞌo ni, nchka tiǎnꞌ chaꞌ ñaꞌan ti kuꞌni Ndiose Stian chaꞌ suꞌwe loꞌoo, chaꞌ ñaꞌan ti chka tꞌnan tiꞌ Jesucristo ꞌiin, chaꞌ kuꞌni Ni chaꞌ tiin ti tyiꞌin niꞌ kasiya ꞌiin bra kanꞌ.

FILEMÓN 1:17

Kanꞌ chaꞌ chkwiiꞌ suꞌwe loꞌo yu bra nu kala yu seꞌen ndiꞌiin, ti kwiꞌ sa ñaꞌan nu suꞌwe nchkwiiꞌ loꞌoǔn bra nu ndaꞌaǎn seꞌen ndiꞌiin, chaꞌ ska ti chaꞌ ꞌin Ndiose msñian.

FILEMÓN 1:24

Kwiꞌ ngwañaꞌan Marku, loꞌo Aristarco, loꞌo Dema, loꞌo Luka, taꞌa neꞌ ndyuꞌwi tiꞌ neꞌ ꞌiin. Ndayaꞌ ꞌa neꞌ kanꞌ ꞌñaǎn loꞌo tñan ꞌin Ndiose nde re.

3 SAN JUAN 1:8

kanꞌ chaꞌ nan ni, taꞌa msñian chaꞌ ꞌin Krixtu, ndiꞌin chaꞌ tayaanꞌ ꞌin neꞌ kanꞌ. Kwiꞌ ngwañaꞌan ka suꞌwa chaꞌ ꞌñaan loꞌo neꞌ kanꞌ bra nu snean chaꞌ nu ñi nu wa ngwaꞌu Krixtu ꞌñaan nde kichen seꞌen tijyuꞌ la.