2 CORINTIOS 8:21 - Chatino Zona Alta Occidental

²¹ Nduwe tiꞌ ba ꞌin ykwiꞌ Xꞌnaan, loꞌo nduwe tiꞌ ba sa ñaꞌan nu chkwiꞌ nten chalyuu; kanꞌ chaꞌ nchka tiꞌ ba chaꞌ xkwiꞌ luwi ti kuꞌni ba nchga tñan.

2 CORINTIOS 8:21 ပူးပေါင်းရင်းမြစ်များ

SAN MATEO 23:5

Nchga chaꞌ nu ngiꞌni neꞌ kanꞌ, ngiꞌni neꞌ ꞌin ran chaꞌ ñaꞌan nten ꞌin neꞌ; kanꞌ chaꞌ nskanꞌ neꞌ kanꞌ kityi chaꞌ ꞌin Ndiose ke neꞌ, kwiꞌ skun neꞌ, chaꞌ nchka tiꞌ neꞌ chaꞌ chkwiꞌ nten chaꞌ ꞌin neꞌ chaꞌ kti ꞌa ngiꞌni neꞌ. Kwiꞌ nxiin neꞌ kanꞌ piyun nu tnun ꞌa su, chaꞌ ñaꞌan nten ꞌin neꞌ.

SAN MATEO 5:16

Kwiꞌ ngwañaꞌan ꞌwan ni, kuꞌni wan chaꞌ ka wan xaa nu kwaꞌu tuwiin ꞌin nten, xkwiꞌ chaꞌ suꞌwe kuꞌni wan chaꞌ ñaꞌan nchga nten ñaꞌaan chaꞌ suꞌwe nu ngiꞌni wan, chaꞌ lka wan sñiꞌ Ndiose. Bra kanꞌ tyaa yuꞌwi tiꞌ neꞌ ꞌin Stian Ndiose, kuꞌni tnun neꞌ ꞌin Ni nu ndiꞌin niꞌ kwan bra kanꞌ.

SAN MATEO 6:1

’Nde ndiya xka chaꞌ chkwiǐnꞌ loꞌo wan ni: Ja ta wan ska xuꞌwe ꞌin neꞌ tiꞌi bra nu ñaꞌan xka ta nten ꞌwan. Ja ndiꞌin chaꞌ ñaꞌan nten sa ñaꞌan chaꞌ suꞌwe nu ngiꞌni wan chaꞌ ꞌin Ndiose. Ja ta Stian Ndiose ska chaꞌ suꞌwe ꞌwan nde seꞌen ndiꞌin Ni, xa nu ñaꞌan xka la nten ꞌwan chaꞌ ngiꞌni wan chaꞌ suꞌwe kanꞌ.

SAN MATEO 6:4

Ska ti Stian Ndiose, ka biyaꞌ tiꞌ Ni sa ñaꞌan chaꞌ suꞌwe nu ngiꞌni wan mnan ti, loꞌo bra kanꞌ ta Ndiose chaꞌ suꞌwe nu tlyu chinꞌ ꞌwan nde loo la.

ROMANOS 12:17

Bra nu kuꞌni nten chaꞌ xaꞌan loꞌo wan, ja kuꞌni wan chaꞌ xaꞌan loꞌo neꞌ kanꞌ xiyaꞌ; tsaa naan wan ska tñan suꞌwe nu ka kuꞌni wan chaꞌ tayaꞌ wan ꞌin neꞌ, chaꞌ ngwañaꞌan ñaꞌan kwiꞌya ꞌa nten ꞌñaan, ni ñaꞌan ngiꞌnian.

ROMANOS 14:18

Bra kanꞌ suꞌwe xuꞌwi tiye Ndiose ñaꞌan Ni ꞌwan; kwiꞌ ngwañaꞌan, kuꞌni tnun nten chalyuu ꞌwan, si kuꞌni wan nchga tñan nu ngwaꞌu Krixtu ꞌñaan.

2 CORINTIOS 2:17

Siꞌi nan ngiꞌni ba kanan loꞌo chaꞌ ꞌin Ndiose, siꞌi nan nxaꞌan ba chaꞌ kanꞌ sa ñaꞌan nu ngiꞌni xka ta nten; tyukwi ti tiye ba nchkwiꞌ ba loꞌo nten, ngiꞌni ba ñaꞌan tiꞌ si ndiꞌin Ndiose seꞌen ndiꞌin ba, chaꞌ Ndiose lka nu ngwaꞌan tñan ꞌwa chaꞌ kuꞌni ba tñan chaꞌ ꞌin Krixtu.

2 CORINTIOS 8:20

Bra kanꞌ ja ka chkwiꞌ nten chaꞌ mxoꞌ tiꞌin ba tñi nu nda wan xuꞌwe ti kanꞌ, chaꞌ ꞌin ti ba.

2 CORINTIOS 8:22

Kwiꞌ ngwañaꞌan, ti msuꞌwa ba xka yu taꞌa ndiꞌin chaꞌ ꞌñaan loꞌo Krixtu chaꞌ suꞌwa ti kan yu loꞌo taꞌa tyukwaa yu taꞌaan kanꞌ. Kaꞌan ꞌa tñan wa yꞌni yu chaꞌ ꞌin Xꞌnaan, kanꞌ chaꞌ jlyo tiꞌ ba chaꞌ ndiya tiꞌ yu kuꞌni yu tñan loꞌoǔn. Ni siya ni, ka biyaꞌ suꞌwe tiꞌ wan chaꞌ ndyuꞌwi ꞌa tiꞌ yu ꞌwan.

FILIPENSES 4:8

ꞌWan taꞌa msñian chaꞌ ꞌin Krixtu, nde ñaꞌan tyaꞌan chaꞌ tiye wan tyukwi tyempu nu ndiꞌin wan lo chalyuu: Tyaꞌan chaꞌ tiye wan ꞌin nchga chaꞌ nu ñi; loꞌo nchga chaꞌ nu ngiꞌni tlyu nten ꞌin, nchga ñaꞌan nu ñi la kuꞌnian loꞌo nten, nchga chaꞌ nu luwi la xuꞌwi tiyean, nchga chaꞌ nu suꞌwe ꞌa ñaꞌan, nchga chaꞌ nu suꞌwe ꞌa ndiya tiꞌ neꞌ ñaꞌan neꞌ, ni siya nchga chaꞌ suꞌwe kanꞌ, nu ngwañaꞌan suꞌwe ꞌa nchkwiꞌ nten ꞌin, kanꞌ lka chaꞌ nu ndiꞌin chaꞌ xuꞌwi tiye wan.

1 TESALONICENSES 5:22

kulo chunꞌ wan nchga chaꞌ kuxi bra kanꞌ.

1 TIMOTEO 3:7

Nten nu ka ndloo kanꞌ ni, suꞌwe si chkwiꞌ neꞌ taꞌa kichen tyi yu chaꞌ ꞌin yu chaꞌ suꞌwe ti ngiꞌni yu, ni siya nten nu ja ya xñi chaꞌ ꞌin Jesucristo chkwiꞌ neꞌ ngwañaꞌan ꞌin yu. Loꞌo kanꞌ ja ka chkwiꞌ neꞌ kwentu ꞌin yu kanꞌ, ja ka jwakii kuneꞌ xaꞌan ꞌin yu kanꞌ, chaꞌ kuꞌni yu chaꞌ kuxi.

1 TIMOTEO 5:14

Kanꞌ chaꞌ suꞌwe la si xiyaꞌ kaja kwilyoꞌo nu kunaꞌan kuneꞌ kanꞌ, nxkeꞌ tiǎnꞌ; kaja sñiꞌ neꞌ bra kanꞌ, ñaꞌansiin neꞌ naꞌan tyi neꞌ, loꞌo ja kaja ñaꞌan nu xtya neꞌ kiꞌya ꞌñaan siꞌya nu kunaꞌan kanꞌ.

1 SAN PEDRO 2:12

Xkwiꞌ chaꞌ nu ñi kuꞌni wan sikwa; xkwiꞌ chaꞌ suꞌwe kuꞌni wan tloo nten, nten nu ja ndyaa ñaꞌan tiꞌ ꞌin Ndiose siyaꞌ ti, chaꞌ loꞌo neꞌ kanꞌ ka biyaꞌ tiꞌ neꞌ chaꞌ nten suꞌwe lka wan. Nu ni, nxkeꞌ tiꞌ neꞌ kanꞌ, chaꞌ kuxi ꞌa nten lka wan, kanꞌ chaꞌ suꞌwe la si xkwiꞌ chaꞌ suꞌwe kuꞌni wan chaꞌ ñaꞌan nten kanꞌ ꞌwan; bra kanꞌ kiꞌya neꞌ kanꞌ kwenta chaꞌ chañi chaꞌ lka wan nten suꞌwe. Loꞌo nten kanꞌ kuꞌni tnun ꞌin Ndiose tsan nu kuꞌni biyaꞌ Ni ꞌin nchga nten bra kanꞌ.