2 CORINTIOS 8:13 - Chatino Zona Alta Occidental

¹³ Ja nchka tiǎnꞌ chaꞌ lyiji ꞌa nan ꞌwan, xa wa nda wan lomstan nu kaja nan nu lyiji ꞌin neꞌ tiꞌi taꞌaan.

2 CORINTIOS 8:13 ပူးပေါင်းရင်းမြစ်များ

LOS HECHOS 4:34

Suꞌwe ꞌa nka tiye nchga neꞌ nu ndiꞌin chaꞌ ꞌin loꞌo Jesucristo, kanꞌ chaꞌ ja ska ꞌa taꞌa neꞌ lyiji nan ꞌin, chaꞌ nchga neꞌ kanꞌ nu nsuꞌwi naꞌan ꞌin, nchga neꞌ nu nsuꞌwi chinꞌ yuu ꞌin, yjwiꞌ neꞌ ꞌin ran chaꞌ kaja nan nu tyijin yuꞌwi ꞌin neꞌ loꞌo taꞌa neꞌ.

2 CORINTIOS 8:12

Si chañi chaꞌ suꞌwe nka tiye ska nten ta yu ni siya chinꞌ ti nan nu nsuꞌwi ꞌin yu, suꞌwe ti xñi Ndiose lomstan kanꞌ ꞌin yu, sa kwa ti nu nchka ꞌin yu bra kanꞌ; ja nchka tiꞌ Ni chaꞌ ta yu ska lomstan si ja ska nan nsuꞌwi ꞌin yu.

2 CORINTIOS 8:14

Nde ñaꞌan ndyoꞌo chaꞌ re. Wa mdiya chinꞌ chaꞌ suꞌwe nu wa mjwi ꞌwan ni ti, kanꞌ chaꞌ ndiya ñaꞌan nu ka tayaꞌ wan ꞌin xka ta taꞌaan nu lyiji ꞌa chaꞌ ꞌin neꞌ. Chunꞌ ndiꞌin la bra kanꞌ, si ndiya nan nu lyiji ꞌwan chaꞌ tyijin yuꞌwi ꞌwan lo chalyuu, ja chan loꞌo neꞌ kanꞌ ka tayaꞌ neꞌ ꞌwan bra kanꞌ, chaꞌ ngwañaꞌan ka suꞌwa chaꞌ ꞌwan loꞌo xka ta taꞌa msñian chaꞌ ꞌin Ndiose.