2 CORINTIOS 7:15 - Chatino Zona Alta Occidental

¹⁵ Loꞌo xka chaꞌ nu suꞌwe la ngwa tiye Tito ñaꞌan yu ꞌwan ni, ska chaꞌ nu ndyuꞌwi tiꞌ yu ꞌin taꞌa wan, chaꞌ naꞌan yu chaꞌ nduwe ꞌa tiꞌ wan nnan wan nchga chaꞌ nu ykwiꞌ yu loꞌo wan, loꞌo ngwañaꞌan ja mxkwen ꞌa wan xka la chaꞌ kuxi ꞌin yu bra kanꞌ.

2 CORINTIOS 7:15 ပူးပေါင်းရင်းမြစ်များ

SAN JUAN 16:21

Xa wa ndiya bra nu kala sñiꞌ ska nu kunaꞌan ni ―ndukwin Jesús―, tiꞌí ꞌa tñan ka ꞌin nu kunaꞌan kanꞌ; bra nu wa ngula kuwiꞌ kanꞌ, bra ti mjlyaa tiꞌ nu kunaꞌan kanꞌ chaꞌ tiꞌí ꞌa tñan ngwa ꞌin. Suꞌwe ꞌa nsuꞌwi tiye ni, chaꞌ ngula ska nten.

LOS HECHOS 16:29

Msiꞌya nu nka ndloo kanꞌ chaꞌ kan loꞌo neꞌ kiiꞌ. Bra kanꞌ yaa naꞌan yu niꞌ ñaꞌan chkwan, lye ꞌa mchkwan yu mdiꞌin yu bra kanꞌ, chaꞌ ytsen ꞌa yu. Mduun xtyinꞌ yu tloo Palyu loꞌo Sila bra kanꞌ.

1 CORINTIOS 2:3

Bra nu ngalaǎn seꞌen ndiꞌin wan, mnaꞌan ꞌa tiǎnꞌ mdiꞌiǐn bra kanꞌ; nchkwaǎn tiǎn mdiꞌiǐn chaꞌ mdaꞌan ꞌa chaꞌ tiyeěn ni ñaꞌan xkwen wan ꞌñaǎn bra kanꞌ.

2 CORINTIOS 2:9

Wa ngwaꞌaǎn kityi kanꞌ, chaꞌ tsaa seꞌen ndiꞌin wan, chaꞌ ngwa tiǎnꞌ tyija lyo chaꞌ ꞌñaǎn si chañi chaꞌ ꞌwan chaꞌ kuꞌni wan sa ñaꞌan nu niǐn ꞌwan bra kanꞌ; ja jlyo tiǎnꞌ nu ngwa xkanꞌ, si xlyaa wan kuꞌni wan ngwañaꞌan.

2 CORINTIOS 6:12

Siꞌi bare nu ja xlyaa ba tayaꞌ ba ꞌwan, kwiꞌ ꞌwan nu keeꞌ ꞌa nxlyaa wan tayaꞌ wan ꞌware;

EFESIOS 6:5

ꞌWan, msu nu msiꞌi nten ꞌwan chaꞌ kuꞌni wan tñan ꞌin neꞌ xuꞌwe ti, kuꞌni wan nchga tñan nu kulo xꞌnan wan ꞌwan lo chalyuu. Kuwe chinꞌ tiꞌ wan sa ñaꞌan nu kuꞌni wan tñan ꞌin neꞌ, chaꞌ tyukwi ti tiye wan kuꞌni wan tñan kanꞌ; kuꞌni wan tñan kanꞌ sa ñaꞌan lka si ngiꞌni wan tñan ꞌin Krixtu.

FILIPENSES 1:8

Jlyo tiꞌ Ndiose chaꞌ sa ñaꞌan nu suꞌwe nka tiye Jesucristo ñaꞌan Ni ꞌin taꞌa wan, kwiꞌ ngwañaꞌan suꞌwe ꞌa nka tiyeěn naꞌaǎn ꞌwan.

FILIPENSES 2:12

ꞌWan neꞌ taꞌaan nu ndiya ꞌa tiǎnꞌ ꞌwan, mdukwa ꞌa wan chaꞌ nu ykwiǐnꞌ nchga tsan bra nu mdiꞌiǐn loꞌo wan; loꞌo ñaꞌan ti ndloo ꞌa chaꞌ ꞌwan chaꞌ ti tukwa la wan chaꞌ nu nchkwiǐnꞌ ni, ni siya tijyuꞌ ꞌa ndiꞌiǐn seꞌen ndiꞌin wan. Ñaꞌan ti kuꞌni wan tñan chaꞌ kuꞌni ji nchga chaꞌ nu ngwa tiꞌ Ndiose kuꞌni niꞌ kasiya ꞌwan bra nu ngulaa Jesucristo ꞌwan ꞌin chaꞌ kuxi. Chinꞌ ti chaꞌ xuꞌwi tiye wan, ti ykwiꞌ ti wan, kuwe la tiꞌ wan ꞌin Ndiose.

COLOSENSES 3:12

Nten ꞌin Ndiose lka wan sikwa; nan wa ngulo suwi Ni ꞌwan, chaꞌ suꞌwe ꞌa nka tiye Ni ñaꞌan Ni ꞌwan. Kanꞌ chaꞌ ndiꞌin chaꞌ chka tꞌnan tiꞌ wan ꞌin xka ta nten; suꞌwe ti kuꞌni wan loꞌo neꞌ, ja kuꞌni siyeꞌ wan loꞌo neꞌ; tiyaꞌ ti chkwiꞌ wan loꞌo neꞌ, kuꞌni ꞌa wan chaꞌ tlyu tiꞌ ꞌin neꞌ.

2 TESALONICENSES 3:14

Nten nu ja xlyaa kunan nchga chaꞌ nu ndaꞌan ba lo kityi re ni, kiꞌya wan kwenta ti ka nu lka neꞌ kanꞌ; bra kanꞌ ja tyaꞌan wan suꞌwa ti loꞌo neꞌ kanꞌ, chaꞌ ngwañaꞌan ka jyuꞌu tiꞌ neꞌ.

1 SAN JUAN 3:17

Ndiya neꞌ taꞌaan nu ja ska ꞌa nan lyiji ꞌin neꞌ siyaꞌ ti chaꞌ tyijin yuꞌwi ꞌin neꞌ lo chalyuu. Si ngwañaꞌan suꞌwe ti ndiꞌian, loꞌo bra kanꞌ ñaꞌaan ꞌin taꞌa ntean nu lyiji ꞌa chaꞌ ꞌin neꞌ, loꞌo ja xlyaan chka tꞌnan tianꞌ ꞌin taꞌa ntean, bra kanꞌ ja ka ꞌñaan chkwianꞌ chaꞌ suꞌwe ꞌa nka tiyean ñaꞌaan ꞌin Ndiose; Ndiose ni, suꞌwe ꞌa nka tiye Ni ñaꞌan Ni ꞌñaan.