2 CORINTIOS 7:14 - Chatino Zona Alta Occidental

¹⁴ Xa nu ti mdiꞌin yu seꞌen ndiꞌiǐn, wa ytsaǎnꞌ ꞌin yu chaꞌ suꞌwe ꞌa msñi wan chaꞌ ꞌin Jesús, loꞌo ngwañaꞌan chañi ꞌa chaꞌ kanꞌ. Nchga yaꞌ nu ykwiꞌ ba loꞌo wan, chañi ꞌa ngwa chaꞌ ꞌin Jesús nu ykwiꞌ ba; kwiꞌ ngwañaꞌan, chañi ngwa chaꞌ nu ytsaǎnꞌ ꞌin Tito, chaꞌ suꞌwe nka tiye ykwiꞌ ba ñaꞌan ba ꞌwan.

2 CORINTIOS 7:14 ပူးပေါင်းရင်းမြစ်များ

SAN JUAN 17:19

Loꞌo ni, taǎn tyukwi ñaꞌaan naꞌ, ti ykwiǐnꞌ tiǎn, chaꞌ ꞌin nten kanꞌ, chaꞌ kuꞌniǐn nchga tñan nu nchka tiiꞌ chaꞌ kuꞌniǐn ―ndukwin―. Loꞌo nchga nten nu wa msñi chaꞌ ꞌiin, nchka tiǎnꞌ chaꞌ xaꞌaan kasiya ꞌin neꞌ, chaꞌ nuꞌwin katsaaꞌ chaꞌ nu ñi nu kanun niꞌ kasiya ꞌin neꞌ chaꞌ ꞌiin.

2 CORINTIOS 10:8

Wa ykwiǐnꞌ ꞌaǎn loꞌo wan chaꞌ wa nda ykwiꞌ Xꞌnaan chabiyaꞌ ꞌwa, chaꞌ tyaꞌan ba seꞌen ndiꞌin wan; loꞌo ngwañaꞌan, ja njyuꞌu ꞌa tiǎnꞌ ni siya chkwiǐnꞌ ngwañaꞌan loꞌo wan. Wa loꞌo chabiyaꞌ ꞌin Ndiose ndaꞌan ba, chaꞌ ka sten la wan chaꞌ ꞌin Ni; ja nchka tiꞌ ba kuꞌni ñuꞌun ji ba kasiya ꞌwan.

2 CORINTIOS 12:6

Siꞌi nan wa mnaꞌ chaꞌ tiya ꞌñaǎn nchkwiǐnꞌ chaꞌ ꞌñaǎn ti ykwiǐnꞌ tiǎn. Chañi lka chaꞌ nu nchkwiǐnꞌ loꞌo wan ni. Ja nchka tiǎnꞌ chkwiǐnꞌ kaꞌan ꞌa chaꞌ loꞌo wan, chunꞌ ja nchka tiǎnꞌ chaꞌ kuꞌni tnun neꞌ ꞌñaǎn si ja ya ñaꞌan neꞌ sa ñaꞌan ngiꞌniǐn, ta ja ya kunan neꞌ chaꞌ nchkwiǐnꞌ. Xa wa nsuꞌwi lyo neꞌ ꞌñaǎn, kanꞌ ka chkwiꞌ suꞌwe neꞌ chaꞌ ꞌñaǎn bra kanꞌ, nka tiyeěn.

2 CORINTIOS 2:13

Loꞌo ja mdaloǔn seꞌen mdiꞌiǐn nde kwa, chaꞌ kaꞌan ꞌa chaꞌ mdaꞌan tiyeěn, ni chaꞌ lka ja ya kala Tito taꞌa ndaꞌan ba tñan seꞌen ndiꞌiǐn; kanꞌ chaꞌ bra ti mslaǎnꞌ loꞌo neꞌ kichen kanꞌ. Bra kanꞌ yiꞌaǎn tijyuꞌ la seꞌen lka lo yuu ꞌin Macedonia.

2 CORINTIOS 7:13

Loꞌo ni, suꞌwe la nka tiye ba chaꞌ ꞌwan. Suꞌwe ti nka tiye ykwiꞌ ba sikwa; kwiꞌ ngwañaꞌan, suꞌwe la nka tiye ba ni, chaꞌ wa naꞌan ba ꞌin Tito, chaꞌ suꞌwe ꞌa ngwa tiye yu. Taꞌa wan yꞌni wan chaꞌ tiin ti mdiꞌin kasiya ꞌin yu ngala yu ni.

2 CORINTIOS 7:4

Suꞌwe ꞌa nka tiyeěn xa nu ndyuꞌwi tiǎnꞌ ꞌwan, kwiꞌ ngwañaꞌan nka tiyeěn bra nu nchkwiǐnꞌ chaꞌ ꞌwan loꞌo xka ta nten. Ñaꞌan ti ngula tiꞌ kasiya ꞌñaǎn, ñaꞌan ti suꞌwe nka tiyeěn seꞌen ndiꞌiǐn, ni siya ndijin ba nchga nu tiꞌí kanꞌ.

2 CORINTIOS 7:6

Loꞌo Ndiose ni, lye la ndayaꞌ Ni ꞌin nten nu xiꞌin tiꞌ ndiꞌin; kanꞌ chaꞌ xka jwersa mda Ni ꞌwa chaꞌ ka ngula la tiꞌ kasiya ꞌwa, chunꞌ ngala Tito nde re.

2 CORINTIOS 8:24

Kanꞌ chaꞌ chkwiꞌ suꞌwe wan loꞌo neꞌ kanꞌ sikwa, chaꞌ ka biyaꞌ tiꞌ xka ta yu taꞌaan chaꞌ chañi chaꞌ suꞌwe nka tiye wan ñaꞌan wan ꞌin Tito loꞌo taꞌa ndaꞌan yu. Loꞌo ngwañaꞌan, suꞌwe ꞌa ka tiye ba bra nu ñaꞌan ba sa ñaꞌan nu ngiꞌni wan loꞌo neꞌ kanꞌ. Chunꞌ ndiꞌin la kanen chaꞌ kanꞌ seꞌen ndiꞌin nchga ta nten nu ndiꞌin chaꞌ ꞌin Krixtu kanꞌ.

FILIPENSES 1:26

Bra nu kaǎn tyiꞌiǐn seꞌen ndiꞌin wan xiyaꞌ, bra kanꞌ suꞌwe la ka tiye wan chaꞌ ꞌin Jesucristo chunꞌ tñan nu wa yꞌniǐn.

2 TESALONICENSES 1:4

Suꞌwe ꞌa bra kanꞌ. Suꞌwe ꞌa nka tiye ba chaꞌ ꞌwan, kanꞌ chaꞌ nchkwiꞌ ba chaꞌ ꞌwan loꞌo nchga nten taꞌa msñian chaꞌ ꞌin Ndiose. Nchkwiꞌ ba loꞌo neꞌ chaꞌ suꞌwe ꞌa ngiꞌni wan, chaꞌ ngula ꞌa tiꞌ niꞌ kasiya ꞌwan chaꞌ ꞌin Ndiose, ni siya ndijin ꞌa wan nu tiꞌí, ni siya lye ꞌa tiꞌí tiꞌ nten ꞌwan ni. Suꞌwe ꞌa chaꞌ ndalo wan ꞌin neꞌ, ni siya kuxi ꞌa ngiꞌni neꞌ kanꞌ loꞌo wan.