2 CORINTIOS 7:1 - Chatino Zona Alta Occidental

¹ ꞌWan taꞌaan, nu suꞌwe ꞌa nka tiyeěn ñaꞌaǎn ꞌwan, kanꞌ lka ska chaꞌ nu wa mskanꞌ Ndiose loꞌoan, chaꞌ ka ꞌñaan chunꞌ ndiꞌin la. Kanꞌ chaꞌ sikwa, ndiꞌin chaꞌ kulaa yaanꞌ nchga chaꞌ kuxi chaꞌ ja ka ñuꞌun kasiya ꞌñaan, ja ka ñuꞌun tyukwi ñaꞌaan. Kwiꞌ ngwañaꞌan, lye ꞌa kuꞌnian tñan chaꞌ kaan nten ꞌin Ndiose; nchga tñan nu kuꞌnian lo chalyuu, kuꞌnian ꞌin ran ñaꞌan tiꞌ si wa nduun Ndiose ñaꞌan kwiꞌya Ni ꞌñaan.

2 CORINTIOS 7:1 ပူးပေါင်းရင်းမြစ်များ

SAN MATEO 12:33

’Ska yka suꞌwe ni, ta ran nan kuan bra kanꞌ; yka nu ja suꞌwe ni, ja ta ran nan kuan bra kanꞌ. Jlyo tianꞌ si suꞌwe yka bra nu ñaꞌaan nan nu ndoꞌo lo ran.

SAN MATEO 5:48

Stian Ndiose nu ndiꞌin nde niꞌ kwan ni, xkwiꞌ chaꞌ suꞌwe, xkwiꞌ chaꞌ nu ñi, xkwiꞌ chaꞌ nu luwi ngiꞌni Ni. Sa ñaꞌan ngiꞌni Ndiose, ngwañaꞌan ndiꞌin chaꞌ kuꞌni wan xkwiꞌ chaꞌ suꞌwe loꞌo nchga nten, si chañi chaꞌ sñiꞌ Ndiose lka wan.

SAN MATEO 5:8

’Kwiꞌ ngwañaꞌan, ka suꞌwe nka tiye nten nu luwi kasiya ꞌin, chaꞌ wa lka nda Ndiose chabiyaꞌ ꞌin neꞌ kanꞌ, chaꞌ ñaꞌan neꞌ ꞌin ykwiꞌ Ni nde loo la.

LOS HECHOS 9:31

Loꞌo ndyaa tiꞌin tiin ti nten ꞌin Jesucristo bra kanꞌ, ni siya nde lo yuu nu kwenta ꞌin Judea, ni siya lo yuu ꞌin Galilea, ni siya lo yuu ꞌin Samaria; nchga tsan ngiꞌni xaꞌan la neꞌ chaꞌ ꞌin Jesucristo. Ngiꞌni tnun neꞌ ꞌin Jesús, loꞌo ngiꞌni neꞌ nchga tñan nu nchka tiꞌ Ndiose nu nka Xꞌnaan chaꞌ kuꞌni neꞌ. Kwiꞌ Tyiꞌi Ndiose nda jwersa ꞌin neꞌ kanꞌ, loꞌo ti kaꞌan la nten msñi chaꞌ ꞌin Jesús bra kanꞌ.

ROMANOS 5:20

Bra nu ndukwaan nchga tñan nu ndlo Ndiose ꞌñaan, bra kanꞌ nchka biyaꞌ la tianꞌ sa ñaꞌan kiꞌya nu xtya Ni ꞌñaan. Ni siya nduwe ꞌa tianꞌ chaꞌ kaꞌan ꞌa kiꞌya ndukwian, kwiꞌ ngwañaꞌan jlyo tianꞌ chaꞌ xlyaa Ndiose kulaa Ni ꞌñaan ꞌin nchga chaꞌ kuxi; jlyo tianꞌ chaꞌ nchka ꞌin Ni, chaꞌ suꞌwe ꞌa yꞌni Ni loꞌoan.

2 CORINTIOS 1:20

ska ti Krixtu nu ngiꞌni chaꞌ chañi chaꞌ ka nchga chaꞌ nu nchkwiꞌ Ndiose loꞌoan; kanꞌ chaꞌ chabiyaꞌ ꞌin Jesucristo ka chkwianꞌ: “Amén, ngwañaꞌan ka sikwa”. Ngwañaꞌan chkwianꞌ bra nu kuꞌni tnuan ꞌin Ndiose.

EFESIOS 2:3

Nchgaan ni, chañi chaꞌ sa ñaꞌan nu ngiꞌni neꞌ kanꞌ chaꞌ kuxi, kwiꞌ ngwañaꞌan yꞌnian nu ngwa ti sꞌni; yꞌnian nchga chaꞌ kuxi nu mjñan kasiya ꞌñaan. Tñan nu ngwa tianꞌ kuꞌnian, ti ykwiinꞌ tian, xkwiꞌ tñan kanꞌ yꞌnian bra kanꞌ; nchga chaꞌ kuxi nu yan kean ti ykwiinꞌ tian, yꞌnian chaꞌ kanꞌ. Kanꞌ chaꞌ mdiꞌin chaꞌ ta Ndiose nu tiꞌí ꞌñaan, chaꞌ msinꞌ ꞌa tiꞌ Ni siꞌya chaꞌ kuxi nu yꞌnian; loꞌo suꞌwa ti ta Ndiose nu tiꞌí ꞌñaan loꞌo nchga nten chalyuu bra kanꞌ.

1 TESALONICENSES 3:13

njñan ba ꞌin Ni chaꞌ kuꞌni Ni chaꞌ ka luwi kasiya ꞌwan, chaꞌ kanun suꞌwe chaꞌ ꞌin Ndiose niꞌ kasiya ꞌwan. Bra kanꞌ ja ndiꞌin chaꞌ xtya Ndiose Stian kiꞌya ꞌwan bra nu tiya tsan chaꞌ kan Jesús nu nka Xꞌnaan lo chalyuu xiyaꞌ. Kan Xꞌnaan loꞌo nchga nten ꞌin Ni bra nu tiya tsan kanꞌ.

1 TESALONICENSES 4:7

chaꞌ wa ngulo suwi Ni ꞌñaan chaꞌ ka luwi kasiya ꞌñaan, siꞌi chaꞌ kuꞌnian chaꞌ kuxi.

1 TESALONICENSES 5:23

Ngiꞌni Ndiose chaꞌ tiin ti tyiꞌian lo chalyuu. Kanꞌ chaꞌ ni, kuꞌni wan chaꞌ ka wan nten nu ñi siyaꞌ ti; kuꞌni suꞌwe tiye wan, kuꞌni luwi kasiya ꞌwan, kuꞌni wan chaꞌ ka wan nten nu tyukwi ti tiye siyaꞌ ti. Si luwi kasiya ꞌwan bra nu kan Jesucristo nu nka Xꞌnaan xiyaꞌ, ja ndiꞌin chaꞌ xtya Ni kiꞌya ꞌwan bra kanꞌ.

HEBREOS 12:23

Kwiꞌ ngwañaꞌan, tsaa wan seꞌen ndiꞌin taꞌa sñiꞌ Ndiose nu wa ndyaa loꞌo Ni ꞌin nde kwa, chaꞌ wa ndukwa nin nchga sñiꞌ Ni lo kityi ꞌin Ndiose nde niꞌ kwan. Suꞌwe ꞌa nka tiye neꞌ kanꞌ seꞌen ndyoꞌ tiꞌin neꞌ bra kanꞌ. Nan wa tsaa ti wan ti kwiꞌ seꞌen ndiꞌin Ndiose nu kuꞌni biyaꞌ ꞌin nchga nten, nde seꞌen ndiꞌin taꞌa ayman nu luwi kasiya ꞌin chaꞌ ꞌin Jesús, chaꞌ wa nchka kwi tyukwi ñaꞌaan neꞌ.

HEBREOS 12:28

Kwiꞌ ngwañaꞌan, ja xaꞌan ꞌa chalyuu kwi nu wa mjwi ꞌñaan chunꞌ Krixtu, ja siyaꞌ tyii chalyuu kanꞌ; kanꞌ chaꞌ tyaan xuꞌwe ꞌin Ndiose sikwa. Kuꞌniin tnuan ꞌin Ni, chaꞌ ngwañaꞌan nchka tiꞌ Ni chaꞌ kuꞌnian. Kuwe ꞌa tianꞌ ꞌin Ni chaꞌ tnun ꞌa chaꞌ ndiꞌin ꞌin Ni; nchga tsan kuꞌniin tnuan ꞌin Ni sikwa.

HEBREOS 4:1

Wa ykwiꞌ Ndiose ska chaꞌ loꞌoan sikwa, chaꞌ ka tsaan seꞌen ndiꞌin Ni, chaꞌ tyiꞌiin suꞌwean la kanꞌ. Kanꞌ chaꞌ ndiꞌin chaꞌ kuwe tianꞌ ꞌin nchga neꞌ taꞌaan, chaꞌ ja ska neꞌ kanꞌ tyoꞌo ntan neꞌ tuwiin nu ñi nu tsaa seꞌen tyiꞌian loꞌo Ni.

HEBREOS 6:9

ꞌWan taꞌa suꞌween ndiꞌian, nu suꞌwe ꞌa nka tiye ba ñaꞌan ba ꞌwan, jlyo suꞌwe tiꞌ ba ꞌwan chaꞌ ja ka ꞌwan ngwañaꞌan, ni siya tka nchkwiꞌ ti ba chaꞌ kanꞌ. Wa jlyo tiꞌ ba chaꞌ suꞌwe la ndiꞌin wan ni, ti bra nu ngulaa Jesús ꞌwan ꞌin chaꞌ kuxi.

SANTIAGO 4:8

Suꞌwe la xñi wan chaꞌ ꞌin Ndiose, loꞌo tukwa Ni chaꞌ nchkwiꞌ wan bra kanꞌ. Si ndiꞌin ꞌa kiꞌya ꞌwan, ndiꞌin chaꞌ kulaa yaꞌ wan ꞌin nchga chaꞌ kuxi nu ndiꞌin chaꞌ ꞌwan loꞌo; kwiꞌ ngwañaꞌan, kuꞌni tyii wan ꞌin nchga chaꞌ kwiñi nu nsuꞌwi niꞌ kasiya ꞌwan.

1 SAN PEDRO 1:15

Xkwiꞌ luwi siyaꞌ ti lka Ndiose, xkwiꞌ ñi ꞌa tñan nu ngiꞌni Ni; kwiꞌ ngwañaꞌan, lka Ni nu nka Xꞌnaan. Kanꞌ chaꞌ nchka tiꞌ Ni chaꞌ xkwiꞌ luwi ꞌa ka kasiya ꞌwan, loꞌo xkwiꞌ chaꞌ nu ñi kuꞌni wan.

1 SAN PEDRO 1:17

Xkwiꞌ ñi ti ngiꞌni biyaꞌ Ni ꞌin nten, sa ñaꞌan ndyoꞌo chaꞌ suꞌwe nu yꞌni skaa nten, sa ñaꞌan ndyoꞌo chaꞌ kuxi nu yꞌni skaa nten xa nu mdiꞌin neꞌ lo chalyuu. Kanꞌ chaꞌ ndiꞌin chaꞌ kutsen wan chinꞌ bra nu chkwiꞌ wan “Sti ba” loꞌo Ndiose. Ndiꞌin chaꞌ tukwa wan chaꞌ nu nchkwiꞌ Ndiose Stian nchga tsan nu tyiꞌin wan lo chalyuu, chaꞌ xkwiꞌ chaꞌ suꞌwe kuꞌni wan chaꞌ ꞌin Ni.

1 SAN PEDRO 1:22

Loꞌo ni, chaꞌ wa ndayaꞌ Tyiꞌi Ndiose ꞌwan, wa ndukwa wan chaꞌ nu ñi nu wa ykwiꞌ Ni loꞌoan, kanꞌ chaꞌ nchka luwi kasiya ꞌwan; loꞌo ni, ka suꞌwe tiye wan ñaꞌan wan ꞌin taꞌa nten wan. Tyukwi ti tiye wan ka suꞌwe tiye wan ñaꞌan wan ꞌin taꞌa wan sikwa.

1 SAN PEDRO 2:11

ꞌWan taꞌa suꞌwe ndiꞌian, ndiꞌin chaꞌ tyiꞌian nde seꞌen ndiꞌin Ndiose nu ndyaa nde loo la, kanꞌ chaꞌ suꞌwe si tyiꞌian lo chalyuu sa ñaꞌan si lkaan nten nu mdoꞌo tijyuꞌ nu ja nsuꞌwi naꞌan tyi nde re. Lye ꞌa chkwiǐnꞌ loꞌo wan ni, chaꞌ ja kuꞌni wan ya ñaꞌan ti chaꞌ kuxi nu jñan tiye wan chaꞌ kuꞌni wan; ja tukwa wan chaꞌ kuxi kanꞌ, loꞌo ngwañaꞌan ja ka ꞌin ran kuꞌni ñuꞌun ran ꞌwan.

1 SAN PEDRO 5:10

Chinꞌ ti tsan ti tyijin wan nu tiꞌí ni. Xa wa mdyii tsan nu tyijin wan nu tiꞌí, bra kanꞌ kuꞌni Ndiose chaꞌ ka suꞌwe wan, kuꞌni Ni chaꞌ ka ngula la tiꞌ niꞌ kasiya ꞌwan xiyaꞌ; ta Ni jwersa ꞌwan, chaꞌ xkwiꞌ suꞌwe ꞌa ngiꞌni Ni loꞌoan. Chabiyaꞌ ꞌin Krixtu wa ngulo suwi Ni ꞌñaan chaꞌ ka tyiꞌian nde seꞌen tnun seꞌen ndiꞌin ykwiꞌ Ni.

1 SAN JUAN 1:7

Si luwi kasiya ꞌñaan sa ñaꞌan luwi kasiya ꞌin Ndiose, kuꞌnian xkwiꞌ chaꞌ suꞌwe bra kanꞌ; suꞌwa ka tiyean loꞌo taꞌa msñian chaꞌ ꞌin Jesús bra kanꞌ. Loꞌo kuꞌni tyii Ni kiꞌya nu ndiꞌin ꞌñaan, chunꞌ wa ngalu tnen Jesús Sñiꞌ Ndiose bra nu ngujwi yu lo wsi.

1 SAN JUAN 1:9

Loꞌo ni, ka tsaa ñaꞌan tianꞌ ꞌin Ndiose chaꞌ kuꞌni Ni chaꞌ tlyu tiꞌ ꞌñaan ꞌin kiꞌya nu ndiꞌin ꞌñaan, bra nu katsaanꞌ ñian ꞌin Ni chaꞌ ndukwian kiꞌya. Suꞌwe ꞌa kuꞌni Ni loꞌoan bra kanꞌ; loꞌo kuꞌni tyii Ni nchga chaꞌ kuxi nu ndiꞌin niꞌ kasiya ꞌñaan, chunꞌ ngujwi Jesús lo wsi.

1 SAN JUAN 3:3

Loꞌo nchga nten nu ndiꞌin ta chaꞌ ñaꞌan ꞌin Ni nde loo la, ndiꞌin chaꞌ kuꞌni luwi neꞌ niꞌ kasiya ꞌin neꞌ, sa ñaꞌan nu luwi kasiya ꞌin Jesucristo.