2 CORINTIOS 6:10 - Chatino Zona Alta Occidental

¹⁰ Ni siya chañi chaꞌ xiꞌin ꞌa tiꞌ ba chunꞌ nu tiꞌí nu ndijin ba, loꞌo suꞌwe lka tiye ba seꞌen ndiꞌin ba; chañi chaꞌ tiꞌi ꞌa ba, loꞌo ndyiji jwersa ꞌwa chaꞌ tayaꞌ ba ꞌin kaꞌan nten. Ni siya ja ska nan nsuꞌwi ꞌwa siyaꞌ ti chaꞌ ndiꞌin ba lo chalyuu; kwiꞌ Ndiose nsuꞌwa yaꞌ ꞌwa, nchga nan nsuꞌwi ꞌwa bra kanꞌ.

2 CORINTIOS 6:10 ပူးပေါင်းရင်းမြစ်များ

SAN MATEO 5:12

Ka suꞌwe nka tiye wan bra kanꞌ, suꞌwe ꞌa tyiꞌin wan chaꞌ wa lka ndiꞌin ska chaꞌ suꞌwe nu tlyu chinꞌ nu ta Ndiose ꞌin nchga wan nde seꞌen ndiꞌin Ni. Kwiꞌ ngwañaꞌan ngwa tiꞌí ꞌa tiꞌ ayman sꞌni ꞌin ayman nu ykwiꞌ loꞌo nten chaꞌ ꞌin Ndiose bra kanꞌ.

SAN MATEO 5:4

’Kwiꞌ ngwañaꞌan, ka suꞌwe nka tiye nten ni siya xiꞌin tiꞌ neꞌ ni, siꞌya kiꞌya nu ndiꞌin ꞌin neꞌ; kuꞌni Ndiose chaꞌ ka suꞌwe ka tiye neꞌ kanꞌ chunꞌ ndiꞌin la.

SAN LUCAS 6:21

’Kwiꞌ ngwañaꞌan, ka suꞌwe ka tiye wan nu lye ꞌa nchka tiꞌ wan kunan wan ska chaꞌ nu ñi, sa ñaꞌan lka si ngiteꞌ ꞌa tiꞌ wan ―ndukwin―. Chunꞌ ndiꞌin la, kalaꞌ tiꞌ wan bra kanꞌ. ’Kwiꞌ ngwañaꞌan, ka suꞌwe ka tiye wan nu xiꞌin tiꞌ ndiꞌin lo chalyuu re ni, chaꞌ chunꞌ ndiꞌin la ka suꞌwe ka tiye wan bra kanꞌ ―ndukwin Jesús―.

SAN JUAN 16:22

Loꞌo ꞌwan ni ―ndukwin―, chinꞌ ti bra ka xiꞌin tiꞌ wan; kanꞌ naꞌaǎn ꞌwan xiyaꞌ, loꞌo ka suꞌwe ꞌa ka tiye wan xiyaꞌ bra kanꞌ. Ja tukwin ka tukunꞌ chaꞌ ꞌwan chaꞌ ja ka suꞌwe ka tiye wan bra kanꞌ.

LOS HECHOS 16:25

Wa mdiya jluꞌwe tla mdiꞌin Palyu loꞌo Sila niꞌ ñaꞌan chkwan kanꞌ; nchkwiꞌ yu loꞌo Ndiose, ndla tuꞌwa yu kantu ꞌin Ndiose. Loꞌo nchga presu taꞌa ndiꞌin yu niꞌ ñaꞌan chkwan ynan neꞌ chaꞌ nu ykwiꞌ yu kanꞌ, xa nu yla tuꞌwa yu kanꞌ.

LOS HECHOS 3:6

―Ja nsuꞌwi tñi ꞌñaǎn ―ndukwin Tyu ꞌin yu―, xka lo tñan ndiya ꞌñaǎn chaꞌ kuꞌniǐn loꞌoo ―ndukwin―. ¡Chabiyaꞌ ꞌin Jesucristo Nazaret! Tyituun lyaa chaꞌ tyaꞌaan ska ti.

LOS HECHOS 5:41

Mdoꞌo neꞌ, suꞌwe ꞌa nsuꞌwi tiye neꞌ bra kanꞌ, ni siya wa yꞌni tlá neꞌ nu lka ndloo kanꞌ ꞌin neꞌ, kwiꞌ mxnun jyuꞌu neꞌ ꞌin neꞌ chunꞌ msñi neꞌ chaꞌ ꞌin Jesús.

ROMANOS 11:12

Ngwañaꞌan nchka chaꞌ suꞌwe la kunan nten ñaꞌaan chalyuu chaꞌ ꞌin Ndiose, ni siya ti ngiꞌni la neꞌ judío chaꞌ xaꞌan kanꞌ. Kwiꞌ ngwañaꞌan nchka suꞌwe la chaꞌ ꞌin neꞌ xka laꞌa tsuꞌ loꞌo Ndiose, ni siya ngwa kuxi la chaꞌ ꞌin ykwiꞌ neꞌ judío bra kanꞌ. Kanꞌ chaꞌ ¡tnun ꞌa chaꞌ suꞌwe ka nde loo la, bra nu xaꞌan kasiya ꞌin nchga neꞌ judío chaꞌ sten neꞌ chaꞌ suꞌwe nu ykwiꞌ Jesús!

ROMANOS 12:15

Ka suꞌwe ka tiye wan loꞌo xka ta nten nu suꞌwe ꞌa nka tiye; kwiꞌ ngwañaꞌan, ndiꞌin chaꞌ ka xiꞌin tiꞌ wan loꞌo nten nu xiꞌin tiꞌ ñaꞌan ndiꞌin. Suꞌwa ka tiye wan loꞌo xka la nten sikwa.

ROMANOS 15:13

Kanꞌ chaꞌ ni, nchka tiǎnꞌ chaꞌ kuꞌni Ndiose chaꞌ sten suꞌwe la wan chaꞌ ꞌin Ni, chaꞌ ka suꞌwe ꞌa ka tiye wan, chaꞌ ka tyiꞌin tiin wan bra kanꞌ. Bra nu kanun Tyiꞌi Ndiose niꞌ kasiya ꞌñaan, bra kanꞌ ja ka ndaja ꞌa tianꞌ chaꞌ tyiꞌin taan sa ñaꞌan bra nu tiyan Ndiose.

ROMANOS 8:32

Ja mda Ndiose chabiyaꞌ ꞌin Jesús chaꞌ xiꞌin chunꞌ yu ꞌin tñan nu ndiꞌin chaꞌ kuꞌni yu, ni siya ska ti yu lka yu Sñiꞌ Ndiose; msuꞌwa Ni ꞌin yu chaꞌ kaja yu lo wsi chaꞌ ꞌin nchga nan loꞌo ꞌñaan taꞌaan. Wa mda Ni nchga chaꞌ suꞌwe nu ꞌin ykwiꞌ Ni ꞌin Jesús, ti kwiꞌ nu lka ska ti Sñiꞌ Ni. Kwiꞌ ngwañaꞌan, ska ti biyaꞌ ta Ni chaꞌ kanꞌ ꞌñaan, sa ñaꞌan nu mda Ni chaꞌ kanꞌ ꞌin Sñiꞌ Ni.

ROMANOS 9:2

Xiꞌin ꞌa tiǎnꞌ, tiꞌí ꞌa nsuꞌwi tiyeěn siꞌya neꞌ judío taꞌa kichen tyiǐn;

1 CORINTIOS 1:5

Ndiya ꞌa chaꞌ suꞌwe nu wa nda Ndiose ꞌwan, chaꞌ wa ngwa suꞌwa chaꞌ ꞌwan loꞌo Krixtu; kanꞌ lka chaꞌ nu nganun niꞌ kasiya ꞌwan ni. Kanꞌ chaꞌ jlyo suꞌwe tiꞌ wan nchga chaꞌ ꞌin Krixtu, loꞌo ngwañaꞌan nchka ꞌwan chkwiꞌ wan chaꞌ kanꞌ loꞌo nten.

2 CORINTIOS 2:4

Bra nu ngwaꞌaǎn kityi kanꞌ, kaꞌan ꞌa chaꞌ mdaꞌan tiyeěn bra kanꞌ; ngwa xiꞌin ꞌa tiǎnꞌ bra kanꞌ, ynaǎn ꞌaǎn siꞌya wan. Loꞌo ja ngwa tiǎnꞌ chaꞌ ka xiꞌin tiꞌ wan loꞌo kityi kanꞌ; kwiꞌ ngwa tiyeěn chaꞌ ka biyaꞌ tiꞌ wan chaꞌ suꞌwe ꞌa nka tiyeěn ñaꞌaǎn ꞌwan, kanꞌ chaꞌ ngwaꞌaǎn kityi kanꞌ.

2 CORINTIOS 4:15

Ndalo ba nchga nu tiꞌí nu ndyukwa ba chaꞌ ꞌwan; loꞌo ni, wa ndiya kaꞌan ꞌa taꞌa nten wan nu wa mjwi xuꞌwe nu nda Ndiose ꞌwan, kanꞌ chaꞌ chunꞌ ndiꞌin la ka tyituun kaꞌan la taꞌa nten wan nu tya xuꞌwe ꞌin Ndiose chaꞌ ꞌwa. Loꞌo suꞌwa ꞌa ka kuꞌni tnuan ꞌin ykwiꞌ Ni bra kanꞌ.

2 CORINTIOS 4:7

Ni siya tnun ꞌa chaꞌ suꞌwe nu nsuꞌwi niꞌ kasiya ꞌñaan ni nu nda Krixtu ꞌñaan, ti lkaan nten chalyuu, siꞌi nan ngula la tiꞌ kasiya ꞌñaan ti ykwiinꞌ tian. Ñaꞌan tiꞌ ska katunꞌ yuu nu xiꞌi ndalo, ngwañaꞌan lkaan. Loꞌo suꞌwe la ngwañaꞌan, chaꞌ bra kanꞌ ka ka biyaꞌ tianꞌ chaꞌ ska ti Ndiose lka nu nchga tñan nchka ꞌin Ni; siꞌi chaꞌ ꞌñaan ti ykwiinꞌ tian nu nchka la ꞌñaan.

2 CORINTIOS 8:9

Wa jlyo tiꞌ wan sa ñaꞌan yꞌni Jesucristo nu nka Xꞌnaan, chaꞌ xkwiꞌ suꞌwe ꞌa yꞌni Ni loꞌo nten. Nchga nan siyaꞌ ti wa nsuꞌwi ꞌin Ni, loꞌo mslyaa Ni ngwa Ni ska nten ti, ni siya ska nten tiꞌi, nu ja ska nan nsuꞌwi ꞌin siyaꞌ ti. Chaꞌ ꞌwan, kanꞌ chaꞌ yꞌni Jesús ngwañaꞌan, chaꞌ chunꞌ ndiꞌin la kaja nchga nan nu nsuꞌwi ꞌin Ndiose ꞌwan bra kanꞌ.

EFESIOS 3:16

Nchkwiǐnꞌ loꞌo Ndiose Stian chaꞌ ꞌwan; kaꞌan ꞌa chaꞌ suꞌwe nsuꞌwi ꞌin Ndiose, kanꞌ chaꞌ ka ꞌin Ni tayaꞌ Ni ꞌwan. Njñaǎn ꞌin Ni chaꞌ ta Ni jwersa nu kanun niꞌ kasiya ꞌwan, chaꞌ ka ngula la tiꞌ niꞌ kasiya ꞌwan chunꞌ nda Ndiose Tyiꞌi ykwiꞌ Ni chaꞌ tyiꞌin loꞌo wan;

EFESIOS 3:8

ni siya ja suꞌweěn siyaꞌ ti. Suꞌwe la ya ñaꞌan ti nten nu msñi chaꞌ ꞌin Ndiose ti kulo la, nxkeꞌ tiǎnꞌ, loꞌo nda Ni chabiyaꞌ ꞌñaǎn chaꞌ tsaꞌaǎn seꞌen ndiꞌin nten nu ndiꞌin xka laꞌa tsuꞌ. Suꞌwe ꞌa tñan nda Ni ꞌñaǎn, chaꞌ katsaǎnꞌ chaꞌ suꞌwe kanꞌ ꞌin nten, ni siya ti ji ꞌa ka jlyo suꞌwe tiǎnꞌ nchga chaꞌ suꞌwe nu ngiꞌni Krixtu loꞌo nten.

FILIPENSES 2:17

Jlyo tiǎnꞌ chaꞌ siꞌi chinꞌ ti tñan yꞌni wan bra nu msñi wan chaꞌ ꞌin Ndiose; kaꞌan ꞌa nan nu mxnun wan, tyun yaꞌ nda wan tyukwi ñaꞌaan wan chaꞌ ka wan tñan ꞌin Krixtu, chunꞌ nu wa msñi wan chaꞌ ꞌin Ni. Loꞌoǔn kujwi neꞌ ꞌñaǎn ni, nxkeꞌ tiǎnꞌ; kanaꞌ chalyuu ꞌñaǎn ni chaꞌ ꞌwan. Loꞌo ja ntseěn; ni siya ngwañaꞌan ka ꞌñaǎn, suꞌwe ꞌa ka tiyeěn seꞌen ndiꞌiǐn. Kwiꞌ ngwañaꞌan nxkeꞌ tiǎnꞌ chaꞌ ka suꞌwe tiye wan, chaꞌ suꞌwa ti ka suꞌwe tiyeěn loꞌo wan.

FILIPENSES 4:4

Nchka tiǎnꞌ chaꞌ nchga tsan ka suꞌwe ka tiye wan chabiyaꞌ ꞌin nu nka Xꞌnaan. Ni siya tukwa yaꞌ chkwiǐnꞌ chaꞌ kanꞌ loꞌo wan: ¡Nchka tiǎnꞌ chaꞌ ka suꞌwe ka tiye wan!

COLOSENSES 1:24

Suꞌwe nxkeꞌ tiǎnꞌ ni siya wa mdijiǐn chinꞌ nu tiꞌí chaꞌ ꞌwan; suꞌwe nxkeꞌ tiǎnꞌ chaꞌ ndijiǐn nu tiꞌí chaꞌ ka suꞌwe chaꞌ ꞌin nchga ta nten nu msñi chaꞌ ꞌin Krixtu nchga kichen. Loꞌo Krixtu ni, mdijin ꞌa Ni nu tiꞌí lo chalyuu chaꞌ ꞌñaan, chaꞌ kaan nten ꞌin ykwiꞌ Ni; kwiꞌ ngwañaꞌan naꞌ, ndijiǐn nu tiꞌí, chaꞌ nu ndiꞌin chaꞌ ka suꞌwa chaꞌ ꞌñaan taꞌaan loꞌo ykwiꞌ Krixtu bra nu mdijian nu tiꞌí lo chalyuu re chaꞌ wa ytean chaꞌ ꞌin Krixtu.

COLOSENSES 3:16

Ndiꞌin chaꞌ kanun tyukwi chaꞌ ꞌin Krixtu niꞌ kasiya ꞌwan. Suꞌwe ꞌa ndyoꞌo chaꞌ kanꞌ, kanꞌ chaꞌ suꞌwe ti kwaꞌu wan chaꞌ kanꞌ ꞌin taꞌa wan sa ñaꞌan yaꞌ nu kunan suꞌwe nchga nten. Kwiꞌ ngwañaꞌan, kula tuꞌwa wan nchga lo kantu nu nsuꞌwi ꞌin Ndiose, ni siya salmos nu ndukwa lo kityi ti sꞌni, ni siya ya ñaꞌan ti kantu nu kiꞌya ke wan nu chkwiꞌ chaꞌ ꞌin Ndiose; kula tuꞌwa wan kantu chaꞌ kunan Ndiose, chunꞌ suꞌwe ꞌa nka tiye wan ñaꞌan wan ꞌin Ni.

1 TESALONICENSES 1:6

Kanꞌ chaꞌ ni, ngiꞌni wan ti kwiꞌ tñan nu ngiꞌni ba, taꞌa tñan nu ngiꞌni Xꞌnaan. Wa msñi wan chaꞌ ꞌin Ndiose, ni siya tiꞌí ꞌa tiꞌ nten ñaꞌan neꞌ ꞌwan; loꞌo ni, suꞌwe ꞌa nsuꞌwi tiye wan chabiyaꞌ ꞌin Tyiꞌi Ndiose.

1 TESALONICENSES 5:16

Suꞌwe ti ka tiye wan nchga tsan.

1 TIMOTEO 4:8

Suꞌwe ꞌa si tyoꞌo taꞌaan chinꞌ chaꞌ xñaan tyukwin kiyaanꞌ, suꞌwe si kuꞌnian chinꞌ tñan chaꞌ xñaan chinꞌ tyukwin yaanꞌ; loꞌo suꞌwe la si tyaꞌan tiꞌ niꞌ kasiya ꞌñaan chaꞌ kunaan chaꞌ nu nchkwiꞌ Ndiose nchga bra. Suꞌwe ti tyiꞌian lo chalyuu re, si kuꞌnian nchga tñan nu nchka tiꞌ Xꞌnaan chaꞌ kuꞌnian; ti kwiꞌ ti chaꞌ, suꞌwe ti tyiꞌian seꞌen ndiꞌin Ndiose, si kuꞌnian sa ñaꞌan tñan nu nchka tiꞌ Ni chaꞌ kuꞌnian.

1 TIMOTEO 6:18

Nde ndiya tñan nu kuloo ꞌin neꞌ kuliyaꞌ kanꞌ: Xkwiꞌ chaꞌ suꞌwe kuꞌni neꞌ lo chalyuu; chka tꞌnan tiꞌ neꞌ ꞌin xka ta nten, tyuꞌwi tiꞌ neꞌ ꞌin nu tiꞌi, ta neꞌ nan nu lyiji ꞌin nu tiꞌi kanꞌ.

HEBREOS 10:34

Kwiꞌ ngwañaꞌan, ndyaa naꞌan wan ꞌin neꞌ taꞌa wan bra nu yuꞌwi neꞌ niꞌ ñaꞌan chkwan, suꞌwe ꞌa mdayaꞌ wan ꞌin neꞌ kanꞌ bra kanꞌ. Ni siya yꞌni nten kunan nchga chaꞌ suꞌwe nu mdiꞌin ꞌwan, mdalo wan bra kanꞌ. Suꞌwe ꞌa ngwa tiye wan, chaꞌ wa jlyo tiꞌ wan chaꞌ suꞌwe la siyaꞌ ti chaꞌ ꞌin Jesús nu wa msñi wan kanꞌ; jlyo tiꞌ wan chaꞌ ja tsaa tii ꞌa chaꞌ kanꞌ, ti kwiꞌ chaꞌ nu wa ynan wan ꞌin Jesús.

SANTIAGO 2:5

ꞌWan taꞌaǎn nu ndiya ꞌa tiǎnꞌ ꞌwan, kiꞌya wan kwenta sa ñaꞌan lka chaꞌ re, chaꞌ wa ngulo suwi Ndiose ꞌin nten nu tiꞌi chaꞌ ka xñi suꞌwe neꞌ chaꞌ ꞌin Ndiose, chaꞌ ta Ni ska chalyuu suꞌwe ꞌin neꞌ kanꞌ bra kanꞌ, ti kwiꞌ chalyuu kwi nu ndukwin Ni chaꞌ kaja ꞌin nten nu suꞌwe ꞌa nka tiye ñaꞌan ꞌin Ndiose. Ni siya tiꞌi ꞌa nten kanꞌ lo chalyuu, kuliyaꞌ ꞌa neꞌ tloo Ndiose.

1 SAN PEDRO 4:13

Tyaa yuꞌwi tiꞌ wan sa ñaꞌan nu tiꞌí tiꞌ nten ꞌin Krixtu, loꞌo bra kanꞌ ka suꞌwe tiye wan chaꞌ ngwañaꞌan tiꞌí tiꞌ nten ꞌwan ni. Tnun ꞌa nchka Krixtu kwenta ꞌin Ndiose, loꞌo lye ꞌa xuꞌwi xaa ꞌin Ni bra nu kan Krixtu xiyaꞌ chunꞌ ndiꞌin la; bra kanꞌ ka suꞌwe la tiye wan.

EL APOCALIPSIS 2:9

Jlyo tiǎnꞌ nchga chaꞌ nu ngiꞌni wan” ndukwin Ni. “Jlyo tiǎnꞌ chaꞌ tiꞌí ꞌa tiꞌ nten ꞌwan, chaꞌ tiꞌi ꞌa wan chaꞌ ꞌin neꞌ kanꞌ, ni siya ñi la nchkwianꞌ chaꞌ ndyuꞌwi lyo ꞌa wan chaꞌ ꞌñaǎn” ndukwin Ni. “Loꞌo ngwañaꞌan, jlyo tiǎnꞌ chaꞌ kuxi ꞌa nchkwiꞌ nten ꞌwan. Nchkwiꞌ neꞌ chaꞌ sñiꞌ Ndiose lka ykwiꞌ neꞌ; loꞌo ska chaꞌ kwiñi nu ngiꞌni ti neꞌ lka chaꞌ kanꞌ, chaꞌ suꞌwa ndiꞌin chaꞌ ꞌin neꞌ kanꞌ loꞌo Satanás” ndukwin Ni.

EL APOCALIPSIS 21:7

Nde ñaꞌan ka ꞌin nten nu tyijin lyo ꞌin kuneꞌ xaꞌan sa yaꞌ tyii chalyuu ꞌin neꞌ; kuꞌni tnun neꞌ kanꞌ ꞌñaǎn chaꞌ naꞌ lkaǎn Ndiose ꞌin neꞌ, kwiꞌ ngwañaꞌan, ka neꞌ kanꞌ sñiěnꞌ bra kanꞌ.