2 CORINTIOS 5:2 - Chatino Zona Alta Occidental

² Ja suꞌwe nka tiyean seꞌen ndiꞌian lo chalyuu, chaꞌ xkwiꞌ ndijian nu tiꞌí. Chañi chaꞌ nchka ꞌa tianꞌ tyoꞌoan lo chalyuu re, chaꞌ tyaan lyaan nde seꞌen ndiꞌin Ndiose, chaꞌ ndla la kaja naꞌan kwi kanꞌ ꞌñaan bra kanꞌ.

2 CORINTIOS 5:2 ပူးပေါင်းရင်းမြစ်များ

ROMANOS 7:24

Ngwa xiꞌin ꞌa tiǎnꞌ sikwa. ¿Ni sa ñaꞌan nu ngwa kulaa ꞌñaǎn tyukwi ñaꞌaǎn a?, chaꞌ ja kuꞌniǐn chaꞌ xaꞌan ngwañaꞌan. Wa kanaꞌ ti kasiya ꞌñaǎn siꞌya chaꞌ xaꞌan nu yuꞌwi niꞌ kasiya ꞌñaǎn.

ROMANOS 8:23

Kwiꞌ ngwañaꞌan loꞌoan, taꞌaan nu nsuꞌwi Tyiꞌi Ndiose ꞌñaan, nsiꞌyaan ndiꞌian chaꞌ lye ꞌa ndijian nu tiꞌí ni, ni siya wa mda Ndiose Tyiꞌi ykwiꞌ Ni ꞌñaan xa nu ndiꞌian lo chalyuu, ska chaꞌ suꞌwe nu nda Ni ꞌñaan kulo ndukwa la lka Tyiꞌi Ni kanꞌ. Laja bra kanꞌ ndiꞌin taan sa ñaꞌan bra nu tiya tsan tlyu kanꞌ, chaꞌ kulaa ji Ni ꞌñaan, chaꞌ xaꞌan Ni ꞌñaan tyukwi ñaꞌaan bra kanꞌ. Loꞌo kanꞌ ta Ndiose seꞌen tyiꞌian seꞌen ndiꞌin ykwiꞌ Ni, chaꞌ wa lkaan sñiꞌ Ni.

1 CORINTIOS 15:51

Nchka tiǎnꞌ chaꞌ ka biyaꞌ tiꞌ wan ska chaꞌ nu ja ya kunan nten: Siꞌi nchgaan nu kajaan; ndiya taꞌaan nu ñaꞌan ti luꞌu ka bra nu kan kiꞌya Ni ꞌñaan, xa wa tyii ti chalyuu. Siyaꞌ ti xaꞌaan tyukwi ñaꞌaan taꞌaan,

FILIPENSES 1:23

Tyukwaa lo chaꞌ nchka tiǎnꞌ chaꞌ ka ꞌñaǎn sikwa: Nchka ꞌa tiǎnꞌ kulaa tiꞌiǐn chalyuu re, chaꞌ bra kanꞌ ka tyiꞌiǐn loꞌo Krixtu, chaꞌ kanꞌ nu suꞌwe la, nxkeꞌ tiǎnꞌ;