2 CORINTIOS 5:1 - Chatino Zona Alta Occidental

¹ Jlyo tianꞌ chaꞌ ñaꞌan tiꞌ ska naꞌan kuxi ti, kwiꞌ ngwañaꞌan nchka kunaanꞌ; bra nu kajaan, tsaa tii kunaanꞌ siyaꞌ ti bra kanꞌ. Loꞌo wa yꞌni xuꞌwe Ndiose xka naꞌan nu kaja ꞌñaan, xka chaꞌ lka kanꞌ; Ndiose xaꞌan tyukwi ñaꞌaan, loꞌo ja tsaa tii ꞌa chaꞌ ꞌñaan siyaꞌ ti bra kanꞌ. Nde seꞌen ndiꞌin Ndiose lka chaꞌ kanꞌ, siꞌi nten chalyuu nu kwiñan naꞌan kanꞌ.

2 CORINTIOS 5:1 ပူးပေါင်းရင်းမြစ်များ

SAN MARCOS 14:58

―Wa ynan ba ska chaꞌ nu ykwiꞌ yu kiꞌyu re ―ndukwin ska neꞌ kwiñi kanꞌ―. Nde lka chaꞌ nu ykwiꞌ yu: “Kuꞌni tyiǐn ꞌin laa tnun re nu ngwiñan nten chalyuu ti. Chunꞌ snan tsan ti kuꞌniǐn chaꞌ tyaꞌ xka nu ja kwiñan nten chalyuu.”

LOS HECHOS 7:48

Loꞌo Ndiose, ja xlyaa Ni kanun Ni niꞌ ñaꞌan nu nñan nten ti, chaꞌ lka Ni ndloo la ti ꞌin nchga chalyuu. Nde ndiya ska chaꞌ ꞌin Ndiose nu ngwaꞌan ska ayman kula nu ngwa sꞌni:

1 CORINTIOS 3:9

Taꞌa ngiꞌni ba tñan ꞌin Ndiose lka bare; loꞌo ꞌwan, ngiꞌni Ni tñan niꞌ kasiya ꞌwan, ti kwiꞌ tñan ꞌin Ndiose lka kanꞌ. Nchka tiǎnꞌ chkwiǐnꞌ ska chaꞌ tiya loꞌo wan ni: ñaꞌan tiꞌ ska naꞌan tnun nu ndyaꞌ chaꞌ ꞌin Ndiose, ngwañaꞌan lka wan;

2 CORINTIOS 4:7

Ni siya tnun ꞌa chaꞌ suꞌwe nu nsuꞌwi niꞌ kasiya ꞌñaan ni nu nda Krixtu ꞌñaan, ti lkaan nten chalyuu, siꞌi nan ngula la tiꞌ kasiya ꞌñaan ti ykwiinꞌ tian. Ñaꞌan tiꞌ ska katunꞌ yuu nu xiꞌi ndalo, ngwañaꞌan lkaan. Loꞌo suꞌwe la ngwañaꞌan, chaꞌ bra kanꞌ ka ka biyaꞌ tianꞌ chaꞌ ska ti Ndiose lka nu nchga tñan nchka ꞌin Ni; siꞌi chaꞌ ꞌñaan ti ykwiinꞌ tian nu nchka la ꞌñaan.

2 CORINTIOS 5:4

Nchka ndaja ꞌa tianꞌ seꞌen ndiꞌian lo chalyuu, chaꞌ ndijiin ꞌaan nu tiꞌí. Siꞌi chaꞌ nchka tianꞌ kajaan bra ti, ni siya nchka la tianꞌ chaꞌ ka tiji tyukwi ñaꞌaan; kanꞌ lka tñan nu kuꞌni Ndiose bra nu kalaan nde seꞌen ndiꞌin ykwiꞌ Ni. Tyii chaꞌ kuxi ꞌñaan bra kanꞌ, tsaa tii ñaꞌaan kunaanꞌ nu ndiꞌin chaꞌ kaja, chaꞌ bra kanꞌ ka tyija lyo xka chalyuu nu suꞌwe la ꞌñaan, nu ja tsaa tii ꞌa siyaꞌ ti.

COLOSENSES 2:11

Kwiꞌ ngwañaꞌan, chabiyaꞌ ꞌin Krixtu wa nkwan wan; loꞌo siꞌi chaꞌ msiꞌyu lo kijin wan bra nu nkwan wan sa ñaꞌan nu ngiꞌni neꞌ judío loꞌo sñiꞌ, ti kwiꞌ Krixtu nkwan ꞌwan bra nu wa yꞌni tyii Ni kiꞌya nu ndiꞌin ꞌwan chaꞌ lka wan nten chalyuu.

2 TIMOTEO 1:12

Kanꞌ chaꞌ ndijiǐn nu tiꞌí ni. Loꞌo ja jyuꞌu tiǎnꞌ, chaꞌ naꞌ wa jlyo tiǎnꞌ chaꞌ Ndiose ka nu mda chaꞌ re ꞌñaǎn. Jlyo tiǎnꞌ chaꞌ nchka ꞌin Ni kuꞌni kuwe tiꞌ Ni ꞌñaǎn; nchka ꞌin Ni tayaꞌ Ni ꞌñaǎn bra nu ngiꞌniǐn tñan nu nda Ni ꞌñaǎn, chaꞌ ka tsaa toꞌo suꞌwe tñan ꞌñaǎn bra nu tiya tsan nu kan Jesús lo chalyuu xiyaꞌ.

HEBREOS 11:10

Yaa ñaꞌan tiꞌ Abraham chaꞌ nde loo la kuꞌni xuꞌwe Ndiose xka seꞌen suꞌwe la seꞌen tyiꞌin yu, nu ja tsaa tii ꞌa siyaꞌ ti ꞌin yu; kwiñan Ndiose ñaꞌaan kichen la kanꞌ.

HEBREOS 9:11

Loꞌo ni, wa yan Krixtu, nu nka xka loo xꞌnan sti joꞌo nu suꞌwe la ti chaꞌ ꞌñaan; wa lka mdyisnan nchka suꞌwe chalyuu chunꞌ tñan nu yꞌni Ni. Loꞌo ja yan Ni kuꞌni Ni tñan ska niꞌ lyaa tnun nu ngwiñan nten chalyuu ti, ngiꞌni Ni tñan ska seꞌen nu suꞌwe la ti.

HEBREOS 9:24

Kanꞌ chaꞌ ja yaa Krixtu ska niꞌ lyaa nu ngwiñan nten chalyuu ti chaꞌ kuꞌni Ni tñan kanꞌ, ni siya mdukwa ran chabiyaꞌ ꞌin Ndiose; nan wa ndyaa ñi Ni seꞌen ndiꞌin Ndiose nde niꞌ kwan. La kanꞌ nduun Ni ni, chaꞌ chkwiꞌ Ni loꞌo Ndiose chaꞌ ꞌñaan.

1 SAN PEDRO 1:4

chaꞌ wa ngulaa Jesús ꞌñaan ꞌin nchga chaꞌ kuxi. Ja ska ꞌa nan nu nsuꞌwi lo chalyuu ka kuꞌni ñuꞌun chaꞌ kwi nu wa mjwi ꞌñaan ni; ja ska ꞌa nten ka kuꞌni ñuꞌun siyaꞌ ti chaꞌ suꞌwe nu kaja ꞌñaan nde seꞌen ndiꞌin Ndiose xa wa mdyii chalyuu re, ja ndiya ꞌa nan nu ka kuꞌni kuxi ꞌin chaꞌ kanꞌ.

2 SAN PEDRO 3:11

Tyii nchga nan bra nu tiya tsan kanꞌ, kanꞌ chaꞌ ꞌwan ni, ¿ni sa ñaꞌan tyiꞌin wan lo chalyuu sikwa? Ndiꞌin chaꞌ ka wan nten nu luwi kasiya ꞌin, chaꞌ ka wan nten nu ngwa suꞌwe kasiya ꞌwan chaꞌ ꞌin Ndiose.

1 SAN JUAN 3:14

Xkwiꞌ chaꞌ mnaꞌ ti mdiꞌian lo chalyuu nu ngwa sꞌni siꞌya kiꞌya nu mdiꞌin ꞌñaan; loꞌo ni, wa nda Ndiose xka chalyuu kwi ꞌñaan, kanꞌ chaꞌ suꞌwe ti ka tiyean ni. Suꞌwe ꞌa nka tiyean ñaꞌaan ꞌin xka ta taꞌa ndiꞌin chaꞌ ꞌñaan loꞌo Jesucristo; kanꞌ chaꞌ ka jlyo tianꞌ chaꞌ wa nsuꞌwi xka chalyuu kwi ꞌñaan ni, chaꞌ nten nu ja suꞌwe nka tiye ñaꞌan ꞌin taꞌa nten, chaꞌ mnaꞌ ti ndiꞌin neꞌ lo chalyuu.

1 SAN JUAN 3:19

Si ngwañaꞌan ngiꞌnian, bra kanꞌ ka biyaꞌ tianꞌ chaꞌ ñi ꞌa lka chaꞌ nu wa ykwiꞌ Ndiose loꞌoan, ti kwiꞌ chaꞌ nu ndyaa ñaꞌan tianꞌ ꞌin Ni; kwiꞌ ngwañaꞌan, ka jlyo tianꞌ chaꞌ chañi chaꞌ nchka suꞌwe chaꞌ ꞌñaan loꞌo Ndiose.

1 SAN JUAN 3:2

ꞌWan neꞌ taꞌaan nu ndiya ꞌa tiǎnꞌ ꞌwan, wa lkaan sñiꞌ Ndiose ni, ni siya ja ya ka biyaꞌ tianꞌ sa ñaꞌan ka suꞌwe la chaꞌ ꞌñaan, bra nu tyiꞌian loꞌo Ndiose nde loo la. Sa ñaꞌan lka ykwiꞌ Jesucristo, kwiꞌ ngwañaꞌan kaan bra nu kwaꞌu tloo Jesucristo ꞌñaan xa wa mdyii chalyuu re; bra kanꞌ ka ñaꞌaan ꞌin Jesucristo sa ñaꞌan nu lka ykwiꞌ Ni. Sa kanꞌ ti chaꞌ nchka biyaꞌ tianꞌ ni.