2 CORINTIOS 4:13 - Chatino Zona Alta Occidental

¹³ Ndiya ska chaꞌ nu ndukwa lo kityi kula seꞌen ykwiꞌ ska nten chaꞌ re: “Wa ndyaa ñaꞌan tiǎnꞌ chaꞌ chañi lka chaꞌ kanꞌ, kanꞌ chaꞌ nchkwiǐnꞌ chaꞌ nu ñi re loꞌo xka ta nten” ndukwin ayman kanꞌ. Kwiꞌ ngwañaꞌan bare, nchkwiꞌ ba chaꞌ ꞌin Jesús chaꞌ wa yten ba chaꞌ ꞌin yu, bra nu msñi ba chaꞌ kanꞌ.

2 CORINTIOS 4:13 ပူးပေါင်းရင်းမြစ်များ

LOS HECHOS 15:11

Ja suꞌwe chkwiꞌ wan ngwañaꞌan. Wa ndyaa ñaꞌan tianꞌ chaꞌ ꞌin Jesús, chaꞌ ngulaa Jesús ꞌñaan ꞌin chaꞌ kuxi nu mdiꞌin ꞌñaan, chaꞌ suꞌwe ti nka tiye Ni ñaꞌan Ni ꞌñaan; kwiꞌ ngwañaꞌan ngiꞌni Jesús ni loꞌo neꞌ xka laꞌa tsuꞌ nu msñi chaꞌ ꞌin Ni.

ROMANOS 1:12

Suꞌwe la si nchga nan tsaa ñaꞌan suꞌwe la tianꞌ ꞌin Ndiose chunꞌ tñan nu yꞌni Jesús. Ka suꞌwa yaanꞌ ꞌin taꞌaan bra kanꞌ.

1 CORINTIOS 12:9

kwiꞌ ngwañaꞌan ndiya neꞌ taꞌaan nu suꞌwe ꞌa ndyaa ñaꞌan tiꞌ ꞌin Ndiose; loꞌo ndiya neꞌ taꞌaan nu nchka ꞌin neꞌ kuꞌni chkaa neꞌ nu tiꞌí chabiyaꞌ ꞌin Jesús;

2 CORINTIOS 3:12

Kanꞌ chaꞌ ni, ja ntsean chkwianꞌ loꞌo nten, chunꞌ jlyo tianꞌ chaꞌ suꞌwe ꞌa lka chaꞌ ꞌin Jesús nu nchkwianꞌ re.

2 CORINTIOS 4:12

Nde ñaꞌan ndiꞌin ba lo chalyuu, ñaꞌan tiꞌ si wa tyii ti chaꞌ ꞌwa tyukwi ñaꞌaan ba siꞌya nu tiꞌí nu ndyukwa ba; loꞌo ꞌwan ni, wa mjwi chalyuu nu ja tsaa tii ꞌa siyaꞌ ti ꞌwan chunꞌ tñan nu ngiꞌni bare.

2 SAN PEDRO 1:1

Tyu Simón lkaǎn; ngiꞌniǐn tñan ꞌin Jesucristo, chaꞌ wa ngulo suwi Ni ꞌñaǎn chaꞌ tsaꞌaǎn chkwiǐnꞌ chaꞌ suꞌwe ꞌin Krixtu loꞌo neꞌ tyun kichen tijyuꞌ. Loꞌo ni, ndaꞌaǎn kityi re chaꞌ tsaa seꞌen ndiꞌin nchga nten nu msñi chaꞌ ꞌin Ndiose, ti kwiꞌ sa ñaꞌan chaꞌ nu msñian taꞌaan. Xkwiꞌ chaꞌ nu ñi ngiꞌni Ndiose Xꞌnaan, ti kwiꞌ Jesucristo nu ngulaa ꞌñaan ꞌin chaꞌ kuxi lka Ni; kanꞌ chaꞌ suꞌwa ti lkaan taꞌaan chabiyaꞌ ꞌin Ndiose, suꞌwe ꞌa nchka ꞌñaan taꞌaan chunꞌ wa ndyaa ñaꞌan tianꞌ ꞌin Ni.