2 CORINTIOS 11:8 - Chatino Zona Alta Occidental

⁸ Nchga ta neꞌ taꞌaan nu wa msñi chaꞌ ꞌin Jesucristo nchga la kichen, kanꞌ lka nu mdayaꞌ ꞌñaǎn loꞌo tñi tyukwi tyempu nu yꞌniǐn tñan seꞌen ndiꞌin wan; wa msñiǐn liyaꞌ ꞌin neꞌ kanꞌ, chaꞌ ngwañaꞌan ngwa ꞌñaǎn tayaǎnꞌ ꞌwan bra kanꞌ.

2 CORINTIOS 11:8 ပူးပေါင်းရင်းမြစ်များ

1 CORINTIOS 4:12

Tiꞌin ꞌa tñan nu ngiꞌni ba chaꞌ kaja ñaꞌan nu tyijin yuꞌwi ꞌwa chalyuu. Bra nu tiꞌí ꞌa nchkwiꞌ nten loꞌo ba, ja nchkwiꞌ ba chaꞌ tiꞌí loꞌo neꞌ; suꞌwe ti nchkwiꞌ ba loꞌo neꞌ bra kanꞌ. Bra nu tiꞌí ꞌa tiꞌ nten ꞌwa, ndalo ꞌa ba bra kanꞌ; ja nskwen yaꞌ ba ꞌin neꞌ siyaꞌ ti.

1 CORINTIOS 9:6

Siꞌi skaǎn tiǎn loꞌo Bernabé nu ndiꞌin chaꞌ ngula kuꞌni ba tñan chaꞌ kaja nan ku ba, bra nu nduꞌu ba chaꞌ ꞌin Ndiose ꞌin nten.

2 CORINTIOS 11:9

Tyukwi tyempu nu mdiꞌiǐn loꞌo wan, bra nu mnanjoꞌo tñi ꞌñaǎn, ja siyaꞌ mjñaǎn ꞌwan chaꞌ tayaꞌ wan ꞌñaǎn bra kanꞌ; neꞌ Macedonia, taꞌa msñian chaꞌ ꞌin Krixtu, wa yan loꞌo neꞌ kanꞌ nchga nan nu lyiji chinꞌ ꞌñaǎn. Ngwañaꞌan yꞌniǐn nu ngwa bra kanꞌ, chaꞌ ja taǎn kaꞌan ꞌa tñan ꞌwan, nka tiyeěn. Kwiꞌ ngwañaꞌan ti kuꞌniǐn chunꞌ ndiꞌin la, nka tiyeěn.

FILIPENSES 4:18

Nde lka chaꞌ nu chkwiǐnꞌ loꞌo wan ni: Wa kaꞌan ꞌa nan nda wan ꞌñaǎn, kanꞌ chaꞌ nchka ꞌa tiǎnꞌ tyaǎn xuꞌwe ꞌwan; ja ndiya xka nan nu lyiji ꞌñaǎn bra ni, ti bra nu yan Epafrodito, yan loꞌo yu nchga chaꞌ suꞌwe nu wa nda wan ꞌñaǎn. Ñaꞌan tiꞌ ska lomstan nu ndiya ꞌa tiꞌ Ndiose ꞌin, ska nan nu nxkwa xi ꞌa tyiꞌi nchga seꞌen, ngwañaꞌan lka chaꞌ suꞌwe nu nda wan ꞌñaǎn chaꞌ ꞌin Ndiose.