2 CORINTIOS 11:4 - Chatino Zona Alta Occidental

⁴ Loꞌo siꞌi ngwañaꞌan lka rsun nu mjwi ꞌñaǎn. Ndiya nu nchkwiꞌ chaꞌ suꞌwe ꞌa nchkwiꞌ wan loꞌo ya ñaꞌan ti nten nu ndijyan seꞌen ndiꞌin wan, ni siya xka ñaꞌan chaꞌ nchkwiꞌ neꞌ chaꞌ ꞌin Jesús; ja suꞌwa chaꞌ nu nchkwiꞌ neꞌ kanꞌ loꞌo chaꞌ nu wa ytsaꞌ ba ꞌwan nu ngwa ti kulo. Kwiꞌ ngwañaꞌan, nnan wan xka la chaꞌ kanꞌ, siꞌi chaꞌ suꞌwe ꞌin Jesús nu ndlaa ꞌñaan ꞌin nchga chaꞌ kuxi lka chaꞌ kanꞌ, ti kwiꞌ siꞌi chaꞌ nu wa ykwiꞌ ba loꞌo wan nu ngwa ti kulo. Kanꞌ chaꞌ xka tyiꞌi nsuꞌwi niꞌ kasiya ꞌwan ni, loꞌo siꞌi Tyiꞌi Ndiose lka kanꞌ.

2 CORINTIOS 11:4 ပူးပေါင်းရင်းမြစ်များ

SAN MARCOS 7:9

Ti ykwiꞌ la Jesús loꞌo neꞌ kanꞌ bra kanꞌ: ―Wa ngulaa yaꞌ wan tñan nu ngulo Ndiose ꞌñaan, loꞌo ni, ndloo la chaꞌ ꞌwan, chaꞌ tukwa wan nchga chaꞌ nu ngwaꞌu ayman kula ꞌñaan ―ndukwin Jesús―.

LOS HECHOS 4:12

kanꞌ chaꞌ nchka ꞌin Ni kulaa Ni ꞌñaan ꞌin nchga chaꞌ kuxi nu ndiꞌin ꞌñaan. Ja ndiya xka nten ñaꞌaan chalyuu nu nchka la ꞌin, chaꞌ ska ti ꞌin Jesús nda Ndiose chabiyaꞌ kuꞌni tñan kanꞌ.

ROMANOS 8:15

Mda Ndiose Tyiꞌi ykwiꞌ Ni ꞌwan, chaꞌ kuꞌni Tyiꞌi Ni chaꞌ ka wan sñiꞌ Ni; kuꞌni Ni chaꞌ ka chkwianꞌ loꞌo Ndiose: “¡Sti ba!” ngwañaꞌan chkwianꞌ loꞌo Ni. Loꞌo siꞌi chaꞌ xaꞌan kuꞌni Tyiꞌi Ni bra nu kulo Ni tñan ꞌwan, siꞌi nan xitsen Ni ꞌwan sa ñaꞌan nu ytsen wan nu ngwa sꞌni, siꞌi ngwañaꞌan ngiꞌni Tyiꞌi Ni.

1 CORINTIOS 3:11

Loꞌo Ndiose ni, wa lka mstya Ni ꞌin Jesucristo, chaꞌ ska ti Ni lka suun nchga chaꞌ kanꞌ, chaꞌ ti kwiꞌ Jesús lka kiyaꞌ chaꞌ nu wa msñian ꞌin Stian Ndiose; ja nsuꞌwi xka la joꞌo, ta xka la nten nu lka suun chaꞌ kanꞌ.

2 CORINTIOS 11:1

Loꞌo ni, kuꞌni wan chaꞌ tlyu tiꞌ ꞌñaǎn, talo wan chinꞌ ꞌñaǎn, ni siya chkwiǐnꞌ ꞌaǎn chaꞌ ꞌñaǎn, ti ykwiǐnꞌ tiǎn, ñaꞌan tiꞌ nchkwiꞌ ska nten nu mnaꞌ chaꞌ tiya ꞌin.

2 CORINTIOS 2:12

Yiꞌaǎn kichen Troas ti ngwa xkanꞌ, yiꞌaǎn ytsaǎnꞌ chaꞌ ꞌin Jesús ꞌin neꞌ kichen kanꞌ. Loꞌo nde ñaꞌan ngwa bra kanꞌ, chaꞌ suꞌwe ꞌa ynan neꞌ kichen kanꞌ chaꞌ ꞌin Ndiose, chaꞌ wa nda ykwiꞌ Xꞌnaan chabiyaꞌ ꞌñaǎn chaꞌ kuꞌniǐn tñan ꞌin Ni nde kichen kwa.

GÁLATAS 3:2

Xkwen lya wan ꞌñaǎn sikwa: ¿Ta wa nganun Tyiꞌi Ndiose niꞌ kasiya ꞌwan ni a? ¿Sa ñaꞌan yꞌni wan chaꞌ mjwi Tyiꞌi Ndiose ꞌwan sikwa a? ¿Ta wa mjwi Tyiꞌi Ni ꞌwan chunꞌ nu wa yꞌni wan tñan nu ndukwa lo kityi chaꞌ kula kanꞌ a? Siꞌi. Wa jlyo tiꞌ wan chaꞌ mjwi Tyiꞌi Ndiose ꞌwan bra nu msñi wan chaꞌ nu ñi nu wa ykwiꞌ ba loꞌo wan, chaꞌ nu ꞌin ykwiꞌ Krixtu.

1 TIMOTEO 1:3

Xa wa yiꞌaǎn nde Macedonia, bra kanꞌ ykwiǐnꞌ loꞌoo chaꞌ kanuun kichen Efeso; loꞌo xiyaꞌ chkwiǐnꞌ loꞌoo ni, chaꞌ kanuun kichen kwa. Ndiya chinꞌ neꞌ kichen Efeso kwa nu nduꞌu xka loo chaꞌ ꞌin neꞌ taꞌaan; nuꞌwin, ndiꞌin chaꞌ kuloo tñan ꞌin neꞌ kanꞌ, chaꞌ ja kwaꞌu ꞌa neꞌ chaꞌ kanꞌ nu ja suꞌwe nganen.

1 TIMOTEO 2:5

Ska ti Ndiose nsuꞌwi, kwiꞌ ngwañaꞌan ndiya ska ti nten nu ndiꞌin seꞌen ndiꞌin Ndiose nu nchkwiꞌ loꞌo Ni chaꞌ ꞌin nten chalyuu; ti kwiꞌ Jesucristo lka yu kanꞌ.