2 CORINTIOS 10:8 - Chatino Zona Alta Occidental

⁸ Wa ykwiǐnꞌ ꞌaǎn loꞌo wan chaꞌ wa nda ykwiꞌ Xꞌnaan chabiyaꞌ ꞌwa, chaꞌ tyaꞌan ba seꞌen ndiꞌin wan; loꞌo ngwañaꞌan, ja njyuꞌu ꞌa tiǎnꞌ ni siya chkwiǐnꞌ ngwañaꞌan loꞌo wan. Wa loꞌo chabiyaꞌ ꞌin Ndiose ndaꞌan ba, chaꞌ ka sten la wan chaꞌ ꞌin Ni; ja nchka tiꞌ ba kuꞌni ñuꞌun ji ba kasiya ꞌwan.

2 CORINTIOS 10:8 ပူးပေါင်းရင်းမြစ်များ

2 CORINTIOS 1:24

Suꞌwe la chaꞌ ja ndukwa wan chaꞌ ꞌin Ndiose chunꞌ chaꞌ nu wa ykwiꞌ bare loꞌo wan; ti ykwiꞌ ti wan wa msñi suꞌwe wan chaꞌ ꞌin Jesús. Sa kanꞌ ti chaꞌ, nchka ꞌa tiꞌ ba tayaꞌ ba ꞌwan chaꞌ ka suꞌwe la ka tiye wan bra nu ngiꞌni tnun wan ꞌin Ndiose.

2 CORINTIOS 10:9

Ja nchka tiǎnꞌ chaꞌ chkwiꞌ wan chaꞌ mxitseěn ꞌwan loꞌo kityi nu ngwaꞌaǎn ndyaa seꞌen ndiꞌin wan.

2 CORINTIOS 12:19

Siꞌi nan nchka tiꞌ ba chaꞌ tyoꞌo luwi chaꞌ ꞌwa loꞌo wan; wa lka nduwe tiꞌ ba chaꞌ ñaꞌan Ndiose ꞌwa, kanꞌ chaꞌ sa kwa ti chaꞌ nchkwiꞌ ba, sa ñaꞌan chaꞌ nu nchka tiꞌ Krixtu chaꞌ chkwiꞌ ba loꞌo wan. Kwiꞌ ngwañaꞌan, nchga tñan nu ngiꞌni ba, ngiꞌni ba tñan kanꞌ chaꞌ tayaꞌ ba ꞌwan, chaꞌ suꞌwe ꞌa nka tiye ba ñaꞌan ba ꞌwan taꞌa suꞌwe ndiꞌin ba.

2 CORINTIOS 12:6

Siꞌi nan wa mnaꞌ chaꞌ tiya ꞌñaǎn nchkwiǐnꞌ chaꞌ ꞌñaǎn ti ykwiǐnꞌ tiǎn. Chañi lka chaꞌ nu nchkwiǐnꞌ loꞌo wan ni. Ja nchka tiǎnꞌ chkwiǐnꞌ kaꞌan ꞌa chaꞌ loꞌo wan, chunꞌ ja nchka tiǎnꞌ chaꞌ kuꞌni tnun neꞌ ꞌñaǎn si ja ya ñaꞌan neꞌ sa ñaꞌan ngiꞌniǐn, ta ja ya kunan neꞌ chaꞌ nchkwiǐnꞌ. Xa wa nsuꞌwi lyo neꞌ ꞌñaǎn, kanꞌ ka chkwiꞌ suꞌwe neꞌ chaꞌ ꞌñaǎn bra kanꞌ, nka tiyeěn.

2 CORINTIOS 13:10

Kanꞌ chaꞌ ndaꞌaǎn kityi re, ni siya tijyuꞌ ꞌa ndiꞌin wan, chaꞌ ja kuꞌniǐn tláǎn ꞌwan bra nu tiyaǎn kichen tyi wan. Chañi chaꞌ wa nda ykwiꞌ Xꞌnaan chabiyaꞌ ꞌñaǎn, chaꞌ kaja ñaꞌan kanun tsaa la chaꞌ ꞌin Ni niꞌ kasiya ꞌwan, loꞌo ja nsuꞌwi chabiyaꞌ ꞌñaǎn chaꞌ kuꞌniǐn ñuꞌun jiǐn ꞌwan.

2 CORINTIOS 13:8

Ja nꞌni chaꞌ kuꞌni tlá ba ꞌwan si ti nganun suꞌwe chaꞌ ꞌin Ni niꞌ kasiya ꞌwan, ti kwiꞌ chaꞌ ꞌin Jesús nu wa msñi wan. Bra nu kuꞌni ñuꞌun wan ꞌin chaꞌ nu ꞌin Jesús kanꞌ, bra kanꞌ kuꞌni tlá ba ꞌwan.

2 CORINTIOS 7:14

Xa nu ti mdiꞌin yu seꞌen ndiꞌiǐn, wa ytsaǎnꞌ ꞌin yu chaꞌ suꞌwe ꞌa msñi wan chaꞌ ꞌin Jesús, loꞌo ngwañaꞌan chañi ꞌa chaꞌ kanꞌ. Nchga yaꞌ nu ykwiꞌ ba loꞌo wan, chañi ꞌa ngwa chaꞌ ꞌin Jesús nu ykwiꞌ ba; kwiꞌ ngwañaꞌan, chañi ngwa chaꞌ nu ytsaǎnꞌ ꞌin Tito, chaꞌ suꞌwe nka tiye ykwiꞌ ba ñaꞌan ba ꞌwan.

2 CORINTIOS 7:4

Suꞌwe ꞌa nka tiyeěn xa nu ndyuꞌwi tiǎnꞌ ꞌwan, kwiꞌ ngwañaꞌan nka tiyeěn bra nu nchkwiǐnꞌ chaꞌ ꞌwan loꞌo xka ta nten. Ñaꞌan ti ngula tiꞌ kasiya ꞌñaǎn, ñaꞌan ti suꞌwe nka tiyeěn seꞌen ndiꞌiǐn, ni siya ndijin ba nchga nu tiꞌí kanꞌ.

GÁLATAS 1:1

Naꞌ lkaǎn Palyu nu ndaꞌaǎn kityi re. Wa lka tñan ꞌñaǎn chaꞌ tsaꞌaǎn chkwiǐnꞌ chaꞌ ꞌin Jesucristo loꞌo nchga nten. Siꞌi nten chalyuu ti nu mda tñan re ꞌñaǎn, ja tukwin ykwiꞌ loꞌoǔn chaꞌ kuꞌniǐn tñan re; Jesucristo loꞌo Ndiose Sti Ni, kanꞌ lka nu mda tñan re ꞌñaǎn. Ti kwiꞌ Ndiose lka nu yꞌni chaꞌ ndyuꞌu Jesús xiyaꞌ bra nu ngujwi yu.

2 TIMOTEO 1:12

Kanꞌ chaꞌ ndijiǐn nu tiꞌí ni. Loꞌo ja jyuꞌu tiǎnꞌ, chaꞌ naꞌ wa jlyo tiǎnꞌ chaꞌ Ndiose ka nu mda chaꞌ re ꞌñaǎn. Jlyo tiǎnꞌ chaꞌ nchka ꞌin Ni kuꞌni kuwe tiꞌ Ni ꞌñaǎn; nchka ꞌin Ni tayaꞌ Ni ꞌñaǎn bra nu ngiꞌniǐn tñan nu nda Ni ꞌñaǎn, chaꞌ ka tsaa toꞌo suꞌwe tñan ꞌñaǎn bra nu tiya tsan nu kan Jesús lo chalyuu xiyaꞌ.