1 TIMOTEO 5:23 - Chatino Zona Alta Occidental

²³ Jlyo tiǎnꞌ chaꞌ tiꞌii chinꞌ; kanꞌ chaꞌ ja koꞌoo xkwiꞌ tyiꞌa ti, suꞌwe si koꞌoo chinꞌ mñun nu ndyoꞌo lo siꞌyu chi kutun chaꞌ kuꞌni chinꞌ rmiyu ꞌiin.

1 TIMOTEO 5:23 ပူးပေါင်းရင်းမြစ်များ

LOS HECHOS 18:5

Loꞌo mdoꞌo Sila loꞌo Timu nde Macedonia, ngala neꞌ seꞌen ndiꞌin Palyu. Xa wa ngala neꞌ kanꞌ, bra kanꞌ ngwaꞌu Palyu chaꞌ ꞌin Jesús ꞌin neꞌ judío nchga tsan. Ngwaꞌu yu chaꞌ lka Jesús ti kwiꞌ Krixtu, nu ndiꞌin ta ꞌa neꞌ judío ꞌin chaꞌ kan lo chalyuu.

EFESIOS 5:18

Ja ka kuꞌwi wan; ngiꞌni ñuꞌun ꞌa kuneꞌ xaꞌan ꞌin nten chaꞌ kanaꞌ chalyuu ꞌin neꞌ, siꞌya chaꞌ kuꞌwi ꞌin neꞌ. Xka ñaꞌan kuꞌni wan, chaꞌ ka tayaꞌ Tyiꞌi Ndiose ꞌwan loꞌo nchga tñan nu kuꞌni wan lo chalyuu.

1 TIMOTEO 3:3

Ja ka yu tñan kanꞌ si taꞌa ti kuꞌwi yu, si ndiꞌin wsuun yu loꞌo nten; ndiꞌin chaꞌ kuꞌni yu chaꞌ tlyu tiꞌ ꞌin taꞌa nten yu, chaꞌ ja kaja nu xuun loꞌo ꞌin yu. Ja suꞌwe si nu jñan yu tñi ꞌin taꞌa nten yu, chaꞌ ka kuliyaꞌ la yu.

1 TIMOTEO 3:8

Kwiꞌ ngwañaꞌan nten nu nka tñan ꞌin taꞌa nten ꞌin Jesús ska kichen, loꞌo neꞌ kanꞌ ndiꞌin chaꞌ kuꞌni neꞌ xkwiꞌ chaꞌ suꞌwe. Ja suꞌwe si tukwa chaꞌ ndaꞌan tiye neꞌ kanꞌ bra nu kuꞌni neꞌ tñan kanꞌ; ja suꞌwe si kuꞌwi neꞌ kanꞌ, ja suꞌwe si lye ꞌa jñan neꞌ kanꞌ tñi ꞌin taꞌa nten neꞌ chaꞌ ka kuliyaꞌ neꞌ, ti ykwiꞌ ti neꞌ.

1 TIMOTEO 4:4

Suꞌwe ꞌa tñan ngiꞌni Ni, suꞌwe ꞌa ngwiñan Ni nchga loo nan; kanꞌ chaꞌ ja suꞌwe si xkwaan ska chaꞌ suꞌwe nu ngwiñan Ni. Xñian nchga chaꞌ suꞌwe kanꞌ, loꞌo bra kanꞌ chkwianꞌ chaꞌ re loꞌo Ni: “Ngwa xuꞌwe ꞌiin, Sti ba Ndiose” nchkwiin.

TITO 1:7

Kwiꞌ ngwañaꞌan, nten nu ka ndloo la ꞌin nchga ta neꞌ taꞌaan ni, ja suꞌwe si ndiꞌin chaꞌ xtya xka nten kiꞌya ꞌin neꞌ kanꞌ, chaꞌ tñan ꞌin Ndiose ngiꞌni neꞌ kanꞌ. Kanꞌ chaꞌ, nuꞌwin Tito, ndiꞌin chaꞌ kunaan ꞌin nten nu ja tiji tloo, nten nu ja msinꞌ tiꞌ, nten nu ja kuꞌwi, nten nu ja ndiꞌin chaꞌ wsuun loꞌo taꞌa nten, nten nu ja ndiya ꞌa tiꞌ tñi;

TITO 2:3

Kwiꞌ ngwañaꞌan, kwaꞌuu ꞌin neꞌ kunaꞌan kula sa ñaꞌan nu ndiꞌin chaꞌ tyiꞌin neꞌ chaꞌ kuꞌni tnun neꞌ ꞌin Ndiose, chaꞌ ja chkwiꞌ ꞌa neꞌ kwentu ꞌin nten, chaꞌ ja ka kuꞌwi neꞌ, chaꞌ xkwiꞌ suꞌwe ti kuꞌni neꞌ tloo taꞌa nten neꞌ.