1 TIMOTEO 5:22 - Chatino Zona Alta Occidental

²² Ja xtyaa yaaꞌ ndla ꞌa ke ska nten, chaꞌ ka yu ndloo ꞌin ska ta nten ꞌin Jesucristo; kataa chinꞌ chaꞌ ñaꞌaan si chañi chaꞌ nten nu xkwiꞌ chaꞌ suꞌwe ngiꞌni lka yu, si chañi chaꞌ suꞌwe ꞌa tñan ngiꞌni yu. Ja chan si ndiya chaꞌ kuxi niꞌ kasiya ꞌin yu kanꞌ, xtya neꞌ kiꞌya ꞌñaan siꞌya yu kanꞌ. Loꞌo nuꞌwin ni, xkwiꞌ luwi kasiya ꞌiin kuꞌnii tñan.

1 TIMOTEO 5:22 ပူးပေါင်းရင်းမြစ်များ

LOS HECHOS 13:3

Tyun bra ja yku neꞌ bra kanꞌ, chaꞌ sa tlyu ti chkwiꞌ neꞌ loꞌo Ndiose. Bra kanꞌ mstya yaꞌ taꞌa nten ꞌin Jesucristo kanꞌ ke Bernabé loꞌo ke Saulo, chaꞌ suꞌwe ti tsaa neꞌ nde seꞌen kuꞌni neꞌ tñan nu ndlo Ndiose.

LOS HECHOS 18:6

Msinꞌ ꞌa tiꞌ neꞌ judío kanꞌ ꞌin Palyu bra kanꞌ, chen ꞌa ñaꞌan chaꞌ nchkwiꞌ neꞌ loꞌo; kanꞌ chaꞌ mskwin yu steꞌ yu chaꞌ tyoꞌo kata yuu tloo neꞌ, chaꞌ ka biyaꞌ tiꞌ neꞌ chaꞌ kuxi ꞌa ykwiꞌ neꞌ loꞌo yu. Loꞌo ndyaa yu xka seꞌen bra kanꞌ. ―Chaꞌ ꞌwan si kanaꞌ kasiya ꞌwan, ꞌwan neꞌ judío ―ndukwin Palyu ꞌin neꞌ―. Siꞌya wan lka; ja ndiꞌin kiꞌya ꞌñaǎn, chaꞌ xkwiꞌ chaꞌ nu ñi lka chaꞌ nu ngwaꞌuǔn ꞌwan. Wa tyaꞌaǎn tiǎn ni sikwa. Tsaꞌaǎn kwaꞌuǔn ꞌin neꞌ xka laꞌa tsuꞌ, chunꞌ ja xlyaa wan kunan wan chaꞌ nu nchkwiǐnꞌ.

LOS HECHOS 20:26

Kanꞌ chaꞌ nchkwiǐnꞌ loꞌo wan ni, chaꞌ ja ndukwiǐn kiꞌya si kanaꞌ kasiya ꞌin ska nten taꞌa wan.

LOS HECHOS 6:6

Kanꞌ ndyaa loꞌo nchga nten nu ndiꞌin kanꞌ ꞌin kati yu kanꞌ seꞌen ndiꞌin tii tyukwa neꞌ nu yꞌni xaꞌan chaꞌ ꞌin Jesucristo kulo ndukwa la. Loꞌo tii tyukwa neꞌ kanꞌ, ykwiꞌ neꞌ loꞌo Ndiose chaꞌ ꞌin kati yu kanꞌ. Bra kanꞌ mstya yaꞌ neꞌ ke yu kanꞌ chabiyaꞌ ꞌin Ndiose, chaꞌ kanun yu loo tñan kanꞌ.

EFESIOS 5:11

Ja xuꞌwi chaꞌ ꞌwan loꞌo nten nu xkwiꞌ chaꞌ ndiꞌin jya ti, nten nu ngiꞌni xkwiꞌ chaꞌ tintu ti, siꞌya chaꞌ tla ꞌa chalyuu nu ndiꞌin neꞌ; chkwiꞌ wan loꞌo neꞌ kanꞌ, chaꞌ ka biyaꞌ tiꞌ neꞌ chaꞌ kuxi ꞌa ngiꞌni neꞌ.

1 TIMOTEO 3:10

Kwiꞌ ngwañaꞌan, ndiꞌin chaꞌ kuꞌni biyaꞌ wan ꞌin nten kanꞌ, chaꞌ ñaꞌan wan si xkwiꞌ chaꞌ suꞌwe ngiꞌni neꞌ. Nten nu ngiꞌni suꞌwe ni, ka ꞌin neꞌ ka neꞌ tñan chaꞌ ꞌin taꞌa neꞌ, chaꞌ tayaꞌ neꞌ ꞌin taꞌa nten ꞌin Jesús, chaꞌ chabiyaꞌ ꞌin Ndiose kuꞌni neꞌ kanꞌ tñan bra kanꞌ.

1 TIMOTEO 3:2

Bra nu lka ska nten ndloo ꞌin nchga taꞌa nten ꞌin Jesucristo ska kichen, bra kanꞌ ndiꞌin chaꞌ kuꞌni yu xkwiꞌ chaꞌ suꞌwe loꞌo nten, chaꞌ ja kaja ñaꞌan jñan neꞌ kiꞌya ꞌin yu bra kanꞌ. Kaja kwilyoꞌo yu kanꞌ loꞌo ska ti nu kunaꞌan; ngwañaꞌan ndiꞌin chaꞌ suꞌwe ti tyaꞌan chaꞌ tiye yu, chaꞌ kulaa yaꞌ yu nchga chaꞌ kuxi nu nsuꞌwi tiye ykwiꞌ yu, chaꞌ suꞌwe ti tyiꞌin yu loꞌo taꞌa nten yu. Ndiꞌin chaꞌ ta yu naꞌan tyi yu chaꞌ tyiꞌin neꞌ nu ndoꞌo xka kichen, kwiꞌ ngwañaꞌan ndiꞌin chaꞌ ta yu nan ku neꞌ kanꞌ. Ndiꞌin chaꞌ kwaꞌu suꞌwe yu chaꞌ ꞌin Ndiose ꞌin nten.

1 TIMOTEO 3:6

kanꞌ chaꞌ ja suꞌwe ka ska nten ndloo nu tka msñi ti chaꞌ ꞌin Ndiose, chaꞌ ti ji kuꞌni xaꞌan suꞌwe yu chaꞌ kanꞌ. Ja chan lye ꞌa kuꞌni siyeꞌ yu ꞌin taꞌa nten yu, loꞌo kanꞌ ta Ndiose nu tiꞌí ꞌin yu sa ñaꞌan nu ta Ni nu tiꞌí ꞌin kuneꞌ xaꞌan.

1 TIMOTEO 4:12

Ja taa chabiyaꞌ xtyi lyoꞌo neꞌ ꞌiin chaꞌ ti kuneeꞌ, xkeꞌ tiꞌ neꞌ. Xkwiꞌ luwi ti kuꞌnii tñan chaꞌ ñaꞌan taꞌa nten ꞌin Jesucristo ꞌin ran; xkwiꞌ chaꞌ suꞌwe chkwiiꞌ, xkwiꞌ chaꞌ suꞌwe kuꞌnii; kwiꞌ ngwañaꞌan, suꞌwe ꞌa xuꞌwi tiyee ñaꞌaan ꞌin nchga nten. Bra kanꞌ ka biyaꞌ tiꞌ neꞌ chaꞌ suꞌwe ꞌa msñii chaꞌ ꞌin Jesucristo, chaꞌ xkwiꞌ luwi kasiya ꞌiin ngiꞌnii tñan.

1 TIMOTEO 4:14

Nan wa nda Ndiose tyukwi chabiyaꞌ ꞌin Tyiꞌi Ni ꞌiin, bra nu mstya yaꞌ neꞌ kula kanꞌ kee, chaꞌ steen tñan chaꞌ ꞌin Xꞌnaan, kanꞌ chaꞌ kiꞌyaa suꞌwee kwenta ꞌin chaꞌ tiya nu wa mda Ndiose ꞌiin tsan kanꞌ, chaꞌ taloo kuꞌnii tñan nu ndiꞌin chaꞌ kuꞌnii.

2 TIMOTEO 1:6

Chkwiǐnꞌ ska chaꞌ loꞌoo ni: Xñii suꞌwe kwenta ꞌin chaꞌ suꞌwe nu wa nda Ndiose ꞌiin ti bra nu mstyaǎn yaǎnꞌ kee, chaꞌ kaa kuꞌnii tñan chaꞌ ꞌin nu nka Xꞌnaan.

2 TIMOTEO 2:2

Wa ynaan nchga chaꞌ nu ngwaꞌuǔn seꞌen ndiꞌin tyun nten; loꞌo ni, ti kwiꞌ sa ñaꞌan chaꞌ nu ngwaꞌuǔn ꞌin neꞌ, kwiꞌ ngwañaꞌan kwaꞌuu ꞌin nten nu tyukwi ti tiye nchka tiꞌ kwaꞌu chaꞌ kanꞌ ꞌin xka ta nten, chaꞌ kuꞌni xaꞌan suꞌwe neꞌ kanꞌ chaꞌ ꞌin Ndiose.

HEBREOS 6:2

wa ykwianꞌ sa ñaꞌan tyukwatyaan chabiyaꞌ ꞌin Krixtu; wa ykwianꞌ sa ñaꞌan xtya neꞌ yaꞌ kean chabiyaꞌ ꞌin Krixtu; wa ykwianꞌ sa ñaꞌan tyuꞌuan xiyaꞌ chunꞌ ndiꞌin la, ni siya wa ngujwian; wa ykwianꞌ chaꞌ ndiꞌin chaꞌ kuꞌni biyaꞌ Ni ꞌin nchga nten nu nsuꞌwi chalyuu.

2 SAN JUAN 1:11

Si nu chkwianꞌ loꞌo nten kanꞌ, sa ñaꞌan lka si ngwa suꞌwa chaꞌ ꞌñaan loꞌo neꞌ kanꞌ, loꞌo chaꞌ kuxi nu ngiꞌni neꞌ, ngwañaꞌan ndyoꞌo chaꞌ kanꞌ.

EL APOCALIPSIS 18:4

Kwiꞌ xiyaꞌ ynen nchkwiꞌ ska nten la seꞌen ndiꞌin Ndiose, nchkwiꞌ loꞌo nten nu ndiꞌin chaꞌ ꞌin Ni bra kanꞌ: ―Tyoꞌo lya wan, ꞌwan nu lka wan nten ꞌñaǎn ni, tyoꞌo tsuꞌ wan kichen tnun kwa ―ndukwin Ni―. Ja kuꞌni wan chaꞌ kuxi loꞌo neꞌ kwa suꞌwa ti, chaꞌ ja ta Ndiose nu tiꞌí ꞌwan suꞌwa ti loꞌo neꞌ xaꞌan kwa bra kanꞌ.