1 TIMOTEO 5:18 - Chatino Zona Alta Occidental

¹⁸ Kanꞌ chaꞌ ndukwa chaꞌ re lo kityi ꞌin Ndiose: “Ja skanꞌ wan tuꞌwa toro bra nu nxta iꞌ kiyaꞌ iꞌ ꞌin trigu chaꞌ tyoꞌo mta; ka ku iꞌ chinꞌ, suꞌwe la bra kanꞌ” ndukwin kityi. Loꞌo nchkwiꞌ kityi kanꞌ xka chaꞌ: “Ñi ndyoꞌo chaꞌ xñi neꞌ liyaꞌ loo tñan nu yꞌni neꞌ” ndukwin kityi.

1 TIMOTEO 5:18 ပူးပေါင်းရင်းမြစ်များ

SAN MATEO 10:10

ja loꞌo kisu tyaja kwiꞌya wan tsaa wan. Kwiꞌ ngwañaꞌan, ja kwiꞌya loꞌo wan xka ykanꞌ, ja loꞌo xka snan wan, ja loꞌo yka skan kwiꞌya wan tsaa wan. Tloo ti wan tsaa wan. Bra nu ndayaꞌ wan ꞌin nten, ndiꞌin chaꞌ xku neꞌ ꞌwan.

SAN LUCAS 10:7

Kanun wan naꞌan tyi neꞌ nu suꞌwe nchkwiꞌ kanꞌ, ku wan koꞌo wan nchga nan nu nchku neꞌ kanꞌ; ska nten nu ngiꞌni tñan ni, ndiꞌin chabiyaꞌ ꞌin yu chaꞌ ku yu loꞌo nten. Ja tyaꞌan la wan ya ñaꞌan ti naꞌan tyi nten.

ROMANOS 10:11

Loꞌo nde ndiya xka chaꞌ nu ndukwa lo kityi ꞌin Ndiose: “Taꞌaan nu ytean chaꞌ ꞌin Ndiose, ja ndiꞌin chaꞌ ka jyuꞌu tianꞌ ꞌin Ni bra kanꞌ.” Ngwañaꞌan nchkwiꞌ kityi.

ROMANOS 11:2

Nu ngwa sꞌni ngulo suwi Ndiose ꞌin neꞌ Israel, chaꞌ ka neꞌ nten ꞌin Ni; loꞌo ja ya kulaa yaꞌ Ni ꞌin neꞌ kanꞌ. ¿Ta ja nsuꞌwi tiꞌ wan chaꞌ nu ndukwa lo kityi chaꞌ ꞌin Elías kanꞌ a? Ska ayman kula nu ykwiꞌ loꞌo nten sꞌni chabiyaꞌ ꞌin Ndiose ngwa ayman Elías kanꞌ. Ska tsan ykwiꞌ Elías loꞌo Ndiose, mstya yu kiꞌya re ꞌin neꞌ Israel:

ROMANOS 4:3

Nde lka ska chaꞌ nu ndukwa lo kityi ꞌin Ndiose: “Msñi Abraham chaꞌ nu ykwiꞌ Ndiose loꞌo yu; kanꞌ chaꞌ ykwiꞌ Ndiose chaꞌ ngwa suꞌwe ka kasiya ꞌin yu, chunꞌ nu yaa ñaꞌan tiꞌ yu chaꞌ nu ykwiꞌ Ni”. Ngwañaꞌan ndukwa chaꞌ lo kityi kanꞌ.

ROMANOS 9:17

Ndiya ska chaꞌ nu ndukwa lo kityi kula, ti kwiꞌ chaꞌ nu ykwiꞌ Ndiose loꞌo ayman ree ꞌin neꞌ Egipto nu ngwa sꞌni: “Wa ndaǎn chabiyaꞌ ꞌiin chaꞌ kaa ree” ndukwin Ndiose, “chaꞌ ka biyaꞌ tiiꞌ chaꞌ ngula ꞌa ngiꞌniǐn tñan lo chalyuu. Kwiꞌ ngwañaꞌan ka biyaꞌ tiꞌ nten ñaꞌaan chalyuu ti ka nu lkaǎn” ndukwin Ni ꞌin ree kanꞌ.

1 CORINTIOS 9:14

Loꞌo bare, kichen seꞌen nu ndaꞌan ba tijyuꞌ, suꞌwe si ta neꞌ chinꞌ nan nu tyijin yuꞌwi ꞌwa, chaꞌ ndaꞌan ba nduꞌu ba chaꞌ ꞌin Ndiose ꞌin neꞌ.

GÁLATAS 3:8

Wa ndukwa chaꞌ nu ykwiꞌ Ndiose re lo kityi kula, chaꞌ nu wa ykwiꞌ Ni loꞌo ayman Abraham nu ngwa sꞌni: “Ka suꞌwe kasiya ꞌin nchga nten nu ndiꞌin xka laꞌa tsuꞌ chaꞌ ꞌin nuꞌwin” ndukwin Ni ꞌin Abraham. Ndiose lka nu ykwiꞌ chaꞌ kanꞌ loꞌo ayman kanꞌ nu ngwa ti kulo, chaꞌ ngwañaꞌan loꞌo ꞌwan, neꞌ xka laꞌa tsuꞌ, ka suꞌwe kasiya ꞌwan loꞌo Ndiose nu ndyaa nde loo la, bra nu xñi wan chaꞌ ꞌin Ni.

SANTIAGO 4:5

Ndukwa chaꞌ re lo kityi ꞌin Ndiose, loꞌo siꞌi chaꞌ laja ti lka ran: “Tyiꞌi Ndiose nu mda Ni chaꞌ kanun niꞌ kasiya ꞌñaan, lye ꞌa nka tiye Ni ñaꞌan Ni ꞌñaan; loꞌo bra ti kuꞌni xlyaa Ni ꞌñaan, si ndiya ska chaꞌ kuxi ꞌñaan.” Ngwañaꞌan ndukwin kityi.