1 TIMOTEO 4:16 - Chatino Zona Alta Occidental

¹⁶ Taloo kuꞌnii tñan kanꞌ sikwa. Kuꞌnii kwenta ꞌin ti ykwiiꞌ tii chaꞌ xkwiꞌ chaꞌ suꞌwe kuꞌnii. Suꞌwe ti kwaꞌuu ꞌin neꞌ taꞌaan, chaꞌ ngwañaꞌan kunan suꞌwe neꞌ chaꞌ nu nduꞌuu ꞌin neꞌ, chaꞌ kulaa Ndiose ꞌin neꞌ kanꞌ ꞌin chaꞌ kuxi bra kanꞌ. Kwiꞌ ngwañaꞌan kulaa Ni ꞌiin bra kanꞌ.

1 TIMOTEO 4:16 ပူးပေါင်းရင်းမြစ်များ

SAN MARCOS 13:9

’Loꞌo ꞌwan ni, ndii ti tiꞌ wan tyiꞌin wan bra kanꞌ ―ndukwin Jesús―. Xñi nten kuxi ꞌwan, xtya neꞌ kiꞌya ꞌwan tloo neꞌ wsiya; jwiꞌin neꞌ kanꞌ ꞌwan la niꞌ lyaa ꞌin neꞌ. Ndiꞌin chaꞌ tyituun wan tloo neꞌ gobierno, loꞌo tloo neꞌ nu lka ndloo; chkwiꞌ wan nchga chaꞌ suꞌwe nu ꞌñaǎn loꞌo neꞌ kanꞌ bra kanꞌ.

SAN LUCAS 21:34

’Kiꞌya wan kwenta ꞌwan, ti ykwiꞌ ti wan, chaꞌ tiya ti tiꞌ tyiꞌin wan bra nu tiya tsan kanꞌ; si kwiji ti wan chaꞌ suꞌwe ꞌwan ya ñaꞌan ti chaꞌ ndaꞌan yuꞌwi ti wan lo kichen, chaꞌ kuꞌwi ti wan, kwiꞌ ngwañaꞌan, si nsuꞌwi tyun ꞌa chaꞌ nu nduwe ꞌa tiꞌ wan lo chalyuu, ja ka tyiꞌin wan ndii ti tiꞌ wan bra kanꞌ. Sa ñaꞌan nchka tiꞌ ska soꞌo,

LOS HECHOS 26:22

Loꞌo ti ndaꞌaǎn suꞌwe tiǎn lo tñan re sa bra nu ni, chaꞌ Ndiose ndayaꞌ Ni ꞌñaǎn nchga tsan chaꞌ kwaꞌuǔn chaꞌ ꞌin Ni seꞌen ndiꞌin nchga nten, ni siya nten nu tnun nchka, ni siya nten nu tiꞌi. Ti kwiꞌ ti chaꞌ nu ngwaꞌan ayman lo kityi sꞌni, ti kwiꞌ ayman nu ykwiꞌ loꞌo nten chabiyaꞌ ꞌin Ndiose, kanꞌ lka chaꞌ nu nduꞌuǔn ꞌin neꞌ. Nan wa ngwaꞌan ayman Moisés loꞌo neꞌ kula kanꞌ nchga chaꞌ nu ka nde loo la, loꞌo kanꞌ lka chaꞌ nu nduꞌuǔn ꞌin nten.

LOS HECHOS 6:4

Loꞌo kaja la chinꞌ bra ꞌin bare bra kanꞌ, chaꞌ chkwiꞌ ba loꞌo Ndiose, chaꞌ kwaꞌu ba chaꞌ ꞌin Jesucristo ꞌin xka ta nten.

ROMANOS 11:14

Nchka ꞌa tiǎnꞌ chaꞌ loꞌo chinꞌ neꞌ judío taꞌaǎn jñan neꞌ ꞌin Ndiose, chaꞌ ta Ni nchga chaꞌ suꞌwe nu ndiꞌin ꞌwan ꞌin neꞌ, chaꞌ ka lyaa neꞌ ꞌin chaꞌ xaꞌan.

ROMANOS 16:17

ꞌWan taꞌa ndiꞌin chaꞌ ꞌñaan loꞌo Krixtu, lye ꞌa chkwiǐnꞌ loꞌo wan ni, chaꞌ tiya ti tiꞌ tyiꞌin wan lo chalyuu, chaꞌ ja kan ꞌa nten nu suꞌwa chaꞌ wsuun ꞌwan loꞌo taꞌa wan, chaꞌ ja tukunꞌ neꞌ kanꞌ chaꞌ nu ñi ꞌin Krixtu nu wa ynan wan. Ja xñi wan chaꞌ nchkwiꞌ neꞌ kanꞌ,

ROMANOS 2:7

ska chalyuu suꞌwe nu ja tsaa tii ꞌa, kanꞌ lka nu ta Ndiose ꞌin nchga nten nu ngiꞌni chaꞌ suꞌwe, neꞌ nu ja nchka ndaja tiꞌ chaꞌ ngiꞌni neꞌ chaꞌ suꞌwe loꞌo taꞌa nten neꞌ. Xkwiꞌ ndaꞌan chaꞌ tiye neꞌ kanꞌ chaꞌ ꞌin chaꞌ suꞌwe nu nsuꞌwi nde seꞌen ndiꞌin Ndiose, xkwiꞌ nan tyiꞌin suꞌwe ti neꞌ loꞌo Ni, nka tiye neꞌ, xkwiꞌ chaꞌ ꞌin chalyuu kwi nu ndijyan nde loo la nduwe tiꞌ neꞌ.

1 CORINTIOS 1:21

Yꞌni Ndiose chaꞌ ja ka xuꞌwi lyo nten chalyuu ꞌin Ni chaꞌ ke ti neꞌ, loꞌo jlyo ꞌa tiꞌ Ndiose. Loꞌo ni, ndlaa Ni ꞌin nten nu sten chaꞌ ꞌin Ni, ti kwiꞌ chaꞌ nu ngitsaꞌ ba ꞌin neꞌ, ni siya chaꞌ tintu nchkwiꞌ ba, ndukwin nten bra kanꞌ.

1 CORINTIOS 9:22

Bra nu ndiꞌiǐn loꞌo neꞌ taꞌa msñian chaꞌ ꞌin Jesús nu ti ji tsaa ñaꞌan jñi tiꞌ chaꞌ ꞌin Jesús, ngiꞌniǐn chaꞌ ka suꞌwa chaꞌ ꞌñaǎn loꞌo neꞌ, chaꞌ kunan la neꞌ kanꞌ chaꞌ ꞌin Krixtu. Nchga loo tñan kuꞌniǐn chaꞌ xlyaa la nten xñi chaꞌ ꞌin Krixtu.

1 CORINTIOS 9:27

Ndaǎn nu tiꞌí ꞌñaǎn, ti ykwiǐnꞌ tiǎn, chaꞌ talo tñan nu wa yꞌniǐn lo chalyuu, chaꞌ ja kulaa yaꞌ Ni ꞌñaǎn siyaꞌ ti. Kaꞌan ꞌa chaꞌ wa ngwaꞌuǔn ꞌin xka la nten chaꞌ ꞌin Ndiose; loꞌo naꞌ, ndiꞌin chaꞌ kuꞌniǐn ñiǐn nchga chaꞌ nu wa ykwiǐnꞌ.

EFESIOS 4:14

Bra kanꞌ ja kuꞌnian sa ñaꞌan nu ngiꞌni nu xuwe ti nu taꞌa ti nxaꞌan tñan ꞌin, bra nu ndiꞌin jya neꞌ; ja taan chabiyaꞌ chaꞌ tsaa loꞌo neꞌ ꞌñaan xka tuwiin, bra nu chkwiꞌ neꞌ loꞌoan ska chaꞌ nu ja ya kunaan. Nsuꞌwi ꞌa chaꞌ kwiñi nu nchkwiꞌ nten loꞌoan, kwiꞌ nten nu nchka ꞌa nchkwiꞌ, nten nu nchka ꞌa tiꞌ chaꞌ tsaa loꞌo ꞌñaan tuwiin kuxi.

COLOSENSES 4:17

Nde lka chaꞌ nu chkwiꞌ wan loꞌo Arquipo taꞌaan: “Wa nda ykwiꞌ Xꞌnaan ska tñan nu kuꞌnii chaꞌ ꞌin Ni” nchkwin wan ꞌin yu, “kanꞌ chaꞌ ni, suꞌwe ti kuꞌnii tñan kanꞌ, chaꞌ tsaa toꞌo suꞌwe ran”.

1 TESALONICENSES 2:16

Ja nda neꞌ judío nu kuxi kanꞌ chabiyaꞌ ꞌwa chaꞌ chkwiꞌ ba chaꞌ ꞌin Jesucristo loꞌo neꞌ xka laꞌa tsuꞌ tujoꞌo, chaꞌ ka tyoꞌo laa neꞌ xka laꞌa tsuꞌ kanꞌ ꞌin chaꞌ kuxi bra kanꞌ; kanꞌ chaꞌ ngwañaꞌan nchka tlyu la kiꞌya nu ndiꞌin ꞌin neꞌ judío kuxi kanꞌ, kanꞌ chaꞌ msinꞌ ꞌa tiꞌ Ndiose ꞌin neꞌ kanꞌ. Ndiꞌin chaꞌ ta Ni nu tiꞌí ꞌin neꞌ kanꞌ chunꞌ ndiꞌin la.

1 TIMOTEO 1:3

Xa wa yiꞌaǎn nde Macedonia, bra kanꞌ ykwiǐnꞌ loꞌoo chaꞌ kanuun kichen Efeso; loꞌo xiyaꞌ chkwiǐnꞌ loꞌoo ni, chaꞌ kanuun kichen kwa. Ndiya chinꞌ neꞌ kichen Efeso kwa nu nduꞌu xka loo chaꞌ ꞌin neꞌ taꞌaan; nuꞌwin, ndiꞌin chaꞌ kuloo tñan ꞌin neꞌ kanꞌ, chaꞌ ja kwaꞌu ꞌa neꞌ chaꞌ kanꞌ nu ja suꞌwe nganen.

1 TIMOTEO 4:15

Kanꞌ chaꞌ ni, kuꞌni suꞌwe nchga chaꞌ nu ngwaꞌaǎn nde; bra kanꞌ kiꞌya neꞌ kwenta chaꞌ wa yꞌnii xaꞌan suꞌwe chaꞌ kaa ndloo ꞌin nten.

1 TIMOTEO 4:6

Loꞌo nuꞌwin Timu, kwaꞌuu nchga chaꞌ nu ndaꞌaǎn lo kityi re ꞌin taꞌa nten ꞌin Jesucristo nde kwa, chaꞌ ka nuꞌwin ska nten nu suꞌwe ꞌa ngiꞌni tñan ꞌin Jesucristo. Tyuꞌwi suꞌwe tiiꞌ nchga chaꞌ nu wa msñii, kwiꞌ chaꞌ ꞌin Ndiose; loꞌo ti xñii suꞌwe tuwiin ꞌin Xꞌnaan bra kanꞌ, sa ñaꞌan nu ngiꞌnii ni.

2 TIMOTEO 2:10

kanꞌ chaꞌ ndaloǔn ꞌin neꞌ, ni siya lye ꞌa nda neꞌ nu tiꞌí ꞌñaǎn. Taloǔn ꞌin chaꞌ kuxi kanꞌ chaꞌ ꞌin taꞌa nten nu ngulo suwi Ndiose ꞌin, chaꞌ loꞌo kulaa Jesucristo ꞌin neꞌ, chaꞌ kaja chalyuu nu ja tsaa tii ꞌa ꞌin neꞌ. Loꞌo bra kanꞌ ka tyiꞌin neꞌ nde seꞌen ndiꞌin Ndiose, seꞌen suꞌwe ꞌa ñaꞌan nchga nan.

2 TIMOTEO 3:14

Nuꞌwin ni, ñaꞌan ti xñii suꞌwe nchga chaꞌ nu wa yꞌnii xaꞌan; nan wa ngwa biyaꞌ suꞌwe tiiꞌ chaꞌ kanꞌ, chaꞌ nu ñi lka kanꞌ. Kwiꞌ ngwañaꞌan, wa jlyo tiiꞌ ti nka nu ngwaꞌu chaꞌ kanꞌ ꞌiin ti kulo.

2 TIMOTEO 4:2

Kuloǔn tñan ꞌiin chaꞌ kwaꞌuu chaꞌ ꞌin Ndiose ꞌin nten; ñaꞌan ti kwaꞌuu chaꞌ kanꞌ ꞌin nchga nten, ni siya nchka tiꞌ neꞌ kunan neꞌ chaꞌ kanꞌ, ni siya ja nchka tiꞌ neꞌ kunan neꞌ. Tyukwi ti tiyee kwaꞌuu ꞌin neꞌ, chaꞌ kiꞌya neꞌ kwenta ꞌin nchga chaꞌ kuxi nu nsuꞌwi niꞌ kasiya ꞌin neꞌ; ngwañaꞌan ka tayaaꞌ ꞌin neꞌ chaꞌ kulaa yaꞌ neꞌ chaꞌ kuxi kanꞌ. Chan taloo ꞌin neꞌ chaꞌ suꞌwe ti kwaꞌuu chaꞌ suꞌwe kanꞌ ꞌin neꞌ.

TITO 1:9

Suꞌwe ꞌa ka neꞌ tñan kanꞌ xa wa ndyaꞌan ꞌa tiꞌ neꞌ ꞌin chaꞌ nu ñi nu ngwaꞌuǔn ꞌiin, chaꞌ ka ꞌin neꞌ kwaꞌu neꞌ chaꞌ nu ñi kanꞌ ꞌin taꞌa nten neꞌ, chaꞌ ka ꞌin neꞌ xkwen neꞌ chaꞌ ꞌin neꞌ kwiñi.

TITO 2:15

Ngwañaꞌan lka chaꞌ nu ndiꞌin chaꞌ kwaꞌuu ꞌin nten, lye chkwiiꞌ nchga chaꞌ kanꞌ loꞌo neꞌ. Kuloo tñan ꞌin neꞌ, nchga loo tñan suꞌwe nu ndiꞌin chaꞌ kuꞌni neꞌ; ja taa chabiyaꞌ kuꞌni neꞌ tñan nu ja suꞌwe, chaꞌ nuꞌwin nkaa ndloo. Ja taa seꞌen tyukwa kiyaꞌ chaꞌ chkwiꞌ nten chaꞌ kuxi ꞌiin.

TITO 2:7

Loꞌo nuꞌwiin, suꞌwe ti kuꞌnii, chaꞌ ngwañaꞌan kuꞌni xaꞌan yu kuneꞌ kanꞌ nchga chaꞌ suꞌwe xa nu ñaꞌan nten nchga tñan nu ngiꞌnii; ñi ti kwaꞌuu nchga chaꞌ ꞌin yu kanꞌ, siꞌi chaꞌ wjya ti chkwiiꞌ loꞌo yu.

FILEMÓN 1:19

Tyaǎn tñi kanꞌ ꞌiin, kanꞌ chaꞌ nsuꞌwaǎn niǐn nde re: Palyu. Ja chkwiǐnꞌ ꞌaǎn chaꞌ ndiya nan nu ndukwii ꞌñaǎn, ni siya kaꞌan ꞌa chaꞌ ndukwii, chaꞌ kwiꞌ chalyuu nu ja tsaa tii ꞌa ꞌiin wa mjwi ꞌiin chunꞌ chaꞌ nu wa ykwiǐnꞌ loꞌoo.

HEBREOS 12:15

Xñi wan kwenta ꞌin taꞌa wan chaꞌ ja ska wan kulaa yaꞌ ngwa ti ñaꞌan nchga chaꞌ suꞌwe nu wa yꞌni Ndiose loꞌoan. Nu kulaa yaꞌ wan ꞌin Ni, ja chan ka wan ñaꞌan tiꞌ ska loo yan nu kuꞌni tnaꞌ ꞌin xka la neꞌ taꞌa msñi wan chaꞌ ꞌin Jesús. Ñaꞌan tiꞌ ska kixinꞌ tlá nu kuꞌni ñuꞌun ꞌin nten chaꞌ lka ran yan, kwiꞌ ngwañaꞌan kaan loꞌo taꞌaan bra nu ndiꞌin ska chaꞌ kuxi ꞌñaan.

HEBREOS 13:9

Ja ta wan chabiyaꞌ kwaꞌu nten xka la chaꞌ ꞌwan, xka chaꞌ nu ja suꞌwa nchkwiꞌ loꞌo chaꞌ ꞌin Jesús, chaꞌ ja xiꞌin chunꞌ wan tuwiin nu ñi. Suꞌwe la si kanun tsaa nchga chaꞌ ꞌin Ndiose niꞌ kasiya ꞌñaan, chaꞌ nchga bra kuwe tianꞌ ꞌin nchga chaꞌ suꞌwe nu ngiꞌni Ni loꞌoan. Loꞌo ja ka kanun suꞌwe chaꞌ ꞌin Ndiose niꞌ kasiya ꞌñaan xa nu kunaan xka ta lee nu tatsaa nten ꞌñaan chaꞌ xñian, xa nu nchkwiꞌ neꞌ chaꞌ ja suꞌwe kuan ska loo nan nchkuan. Ni siya wa ynaan ꞌaan lee kanꞌ nu ngwa xkanꞌ, ja nganun suꞌwe la tiyean xa wa yꞌnian tñan kanꞌ.

SANTIAGO 5:20

Si ndiya ska wan nu ka chkwiꞌ loꞌo taꞌa nten yu chaꞌ ja kuꞌni ꞌa neꞌ chaꞌ kuxi, chaꞌ ka kwaꞌu wan chaꞌ ꞌin Ndiose ꞌin neꞌ kanꞌ xiyaꞌ, suꞌwe ꞌa tñan kuꞌni yu bra kanꞌ; ka kulaa yu ꞌin neꞌ kanꞌ bra kanꞌ, chaꞌ ja kanaꞌ kasiya ꞌin neꞌ. Kwiꞌ ngwañaꞌan, kaja ñaꞌan nu kuꞌni Ndiose chaꞌ tlyu tiꞌ ꞌin neꞌ chaꞌ ꞌin nchga kiꞌya nu ndiꞌin ꞌin neꞌ kanꞌ.