1 TIMOTEO 3:14 - Chatino Zona Alta Occidental

^14-15 Ndla ti kaǎn seꞌen ndiꞌiin, nka tiyeěn. Ngwañaꞌan nka tiyeěn, ni siya ja jlyo tiǎnꞌ ni ñaꞌan bra nu ka ꞌñaǎn, si ndiꞌin chaꞌ tiyaꞌ ꞌñaǎn; kanꞌ chaꞌ ni, ndaꞌaǎn kityi re chaꞌ ka biyaꞌ la tiiꞌ sa ñaꞌan kuꞌni nten ꞌin Jesucristo loꞌo taꞌa neꞌ, sa ñaꞌan kuꞌni neꞌ kanꞌ bra nu tyoꞌ tiꞌin neꞌ sa tlyu ti. Tyempu kanꞌ nu ndiꞌian loꞌo taꞌaan chaꞌ kuꞌni tnuan ꞌin Ndiose nu luꞌu, kwiꞌ tyempu kanꞌ nduꞌu neꞌ taꞌaan chaꞌ nu ñi ꞌin nu nka Xꞌnaan ꞌin taꞌa nten. Loꞌo ja tsaa tii chaꞌ nu ñi kanꞌ siyaꞌ ti lo chalyuu chunꞌ nchga neꞌ taꞌaan nchga kichen nchkwiꞌ chaꞌ kanꞌ.

1 TIMOTEO 3:14 ပူးပေါင်းရင်းမြစ်များ

1 CORINTIOS 11:34

Si ndiya wan nu ngateꞌ tiꞌ wan, ku wan tyija naꞌan tyi wan kulo ndukwa la. Loꞌo kanꞌ ja kuꞌni wan chaꞌ kuxi bra nu tyoꞌ tiꞌin wan, loꞌo ja ndiꞌin chaꞌ kuꞌni tlá Ni ꞌwan bra kanꞌ. Xka la chaꞌ nu ykwiꞌ wan loꞌoǔn, ka kanun ran chaꞌ kuꞌni biyaanꞌ ñian ꞌin ran bra nu kalaǎn seꞌen ndiꞌin wan.

1 TESALONICENSES 2:18

Kwiꞌ ngwañaꞌan nu ngwa xkanꞌ ti nchka ꞌa tiꞌ ba kan ba seꞌen ndiꞌin wan. Loꞌoǔn ni, ti kwiꞌ Palyu lkaǎn, lye ꞌa nka tiyeěn kaǎn; loꞌo nchga yaꞌ ndukunꞌ Satanás tuwiin ꞌwa chaꞌ ja kan ba.

1 TIMOTEO 3:13

Kwiꞌ ngwañaꞌan suꞌwe ꞌa chkwiꞌ nchga nten ꞌin neꞌ kanꞌ si suꞌwe ti kuꞌni neꞌ chaꞌ nu nka neꞌ tñan, chaꞌ ndayaꞌ neꞌ ꞌin neꞌ taꞌaan; bra kanꞌ sten la neꞌ chaꞌ ꞌin Jesucristo, chaꞌ ngwañaꞌan ka ngula la tiye neꞌ chaꞌ kwaꞌu neꞌ chaꞌ nu ñi ꞌin xka ta nten.

1 TIMOTEO 4:13

Bra nu ti ji kalaǎn seꞌen ndiꞌiin, ti chkwiiꞌ nchga chaꞌ nu ndukwa lo kityi ꞌin Ndiose loꞌo neꞌ; ti chkwiiꞌ la sa ñaꞌan lka chaꞌ nu ñi kanꞌ, ti kwaꞌuu la chaꞌ suꞌwe kanꞌ ꞌin neꞌ bra nu tyoꞌ tiꞌin neꞌ ska seꞌen ti.

FILEMÓN 1:22

Loꞌo xka chaꞌ ni, wa ynan Ndiose chaꞌ taꞌa ti njñan wan ska chaꞌ ꞌñaǎn ꞌin Ni, kanꞌ chaꞌ suꞌwe si kuꞌni xuꞌwe wan ska seꞌen tyiꞌiǐn; nxkeꞌ tiǎnꞌ chaꞌ xuꞌwe ti tyoꞌoǔn niꞌ ñaꞌan chkwan re, tyaǎn seꞌen ndiꞌin wan bra kanꞌ.

HEBREOS 13:23

Loꞌo xka chaꞌ nchka tiǎnꞌ katsaǎnꞌ ꞌwan ni, chaꞌ wa ngulaa neꞌ ꞌin Timu, taꞌaan ndaꞌaan tñan, seꞌen yuꞌwi yu niꞌ ñaꞌan chkwan; bra nu tsaꞌaǎn, tsaꞌaǎn loꞌoǔn ꞌin yu bra kanꞌ, si ndla ti kala yu seꞌen ndiꞌiǐn.

2 SAN JUAN 1:12

Ti ndiꞌin ꞌa chaꞌ nu nchka tiǎnꞌ chkwiǐnꞌ loꞌo wan, loꞌo suꞌwe la ni siya ja loꞌo chaꞌ kanꞌ kwaꞌaǎn lo kityi re. Chunꞌ ndiꞌin la nchka tiǎnꞌ kaǎn seꞌen ndiꞌin wan, loꞌo bra kanꞌ ka chkwiǐnꞌ chaꞌ kanꞌ loꞌo wan; bra kanꞌ chañi ka chaꞌ suꞌwe ti xuꞌwi tiyean ñaꞌaan ꞌin taꞌaan.

3 SAN JUAN 1:14

Suꞌwe la si bra ti kaǎn seꞌen ndiꞌiin, chaꞌ ykwiǐnꞌ chkwiǐnꞌ loꞌoo.