1 TIMOTEO 3:10 - Chatino Zona Alta Occidental

¹⁰ Kwiꞌ ngwañaꞌan, ndiꞌin chaꞌ kuꞌni biyaꞌ wan ꞌin nten kanꞌ, chaꞌ ñaꞌan wan si xkwiꞌ chaꞌ suꞌwe ngiꞌni neꞌ. Nten nu ngiꞌni suꞌwe ni, ka ꞌin neꞌ ka neꞌ tñan chaꞌ ꞌin taꞌa neꞌ, chaꞌ tayaꞌ neꞌ ꞌin taꞌa nten ꞌin Jesús, chaꞌ chabiyaꞌ ꞌin Ndiose kuꞌni neꞌ kanꞌ tñan bra kanꞌ.

1 TIMOTEO 3:10 ပူးပေါင်းရင်းမြစ်များ

1 CORINTIOS 1:8

Ti kwiꞌ Jesús lka nu kuꞌni chaꞌ kanun tsaa chaꞌ ꞌin Ndiose niꞌ kasiya ꞌwan sa bra nu tyii chalyuu ꞌwan. Kanꞌ chaꞌ ja kaja ꞌa kiꞌya nu xtya Ndiose ꞌwan xa nu kan Jesucristo nu nka Xꞌnaan chaꞌ kuꞌni biyaꞌ Ni ꞌin nten chalyuu.

COLOSENSES 1:22

chunꞌ chaꞌ nu mdijin tyukwi ñaꞌaan Krixtu Sñiꞌ Ni nu tiꞌí bra nu yjwi neꞌ ꞌin yu lo wsi. Ngwañaꞌan yꞌni Ni ti bra kanꞌ chaꞌ ka wan nten ꞌin Ndiose, chaꞌ nu ja tyiꞌin ꞌa yuweꞌ ꞌwan siyaꞌ ti. Kanꞌ chaꞌ ja tyiꞌin ꞌa kiꞌya ꞌwan tloo Ni, bra nu tyaan Ni tyaan yꞌya Ni ꞌñaan chaꞌ tsaa loꞌo Ni ꞌñaan nde seꞌen ndiꞌin Ni.

1 TIMOTEO 3:13

Kwiꞌ ngwañaꞌan suꞌwe ꞌa chkwiꞌ nchga nten ꞌin neꞌ kanꞌ si suꞌwe ti kuꞌni neꞌ chaꞌ nu nka neꞌ tñan, chaꞌ ndayaꞌ neꞌ ꞌin neꞌ taꞌaan; bra kanꞌ sten la neꞌ chaꞌ ꞌin Jesucristo, chaꞌ ngwañaꞌan ka ngula la tiye neꞌ chaꞌ kwaꞌu neꞌ chaꞌ nu ñi ꞌin xka ta nten.

1 TIMOTEO 3:2

Bra nu lka ska nten ndloo ꞌin nchga taꞌa nten ꞌin Jesucristo ska kichen, bra kanꞌ ndiꞌin chaꞌ kuꞌni yu xkwiꞌ chaꞌ suꞌwe loꞌo nten, chaꞌ ja kaja ñaꞌan jñan neꞌ kiꞌya ꞌin yu bra kanꞌ. Kaja kwilyoꞌo yu kanꞌ loꞌo ska ti nu kunaꞌan; ngwañaꞌan ndiꞌin chaꞌ suꞌwe ti tyaꞌan chaꞌ tiye yu, chaꞌ kulaa yaꞌ yu nchga chaꞌ kuxi nu nsuꞌwi tiye ykwiꞌ yu, chaꞌ suꞌwe ti tyiꞌin yu loꞌo taꞌa nten yu. Ndiꞌin chaꞌ ta yu naꞌan tyi yu chaꞌ tyiꞌin neꞌ nu ndoꞌo xka kichen, kwiꞌ ngwañaꞌan ndiꞌin chaꞌ ta yu nan ku neꞌ kanꞌ. Ndiꞌin chaꞌ kwaꞌu suꞌwe yu chaꞌ ꞌin Ndiose ꞌin nten.

1 TIMOTEO 3:6

kanꞌ chaꞌ ja suꞌwe ka ska nten ndloo nu tka msñi ti chaꞌ ꞌin Ndiose, chaꞌ ti ji kuꞌni xaꞌan suꞌwe yu chaꞌ kanꞌ. Ja chan lye ꞌa kuꞌni siyeꞌ yu ꞌin taꞌa nten yu, loꞌo kanꞌ ta Ndiose nu tiꞌí ꞌin yu sa ñaꞌan nu ta Ni nu tiꞌí ꞌin kuneꞌ xaꞌan.

1 TIMOTEO 5:22

Ja xtyaa yaaꞌ ndla ꞌa ke ska nten, chaꞌ ka yu ndloo ꞌin ska ta nten ꞌin Jesucristo; kataa chinꞌ chaꞌ ñaꞌaan si chañi chaꞌ nten nu xkwiꞌ chaꞌ suꞌwe ngiꞌni lka yu, si chañi chaꞌ suꞌwe ꞌa tñan ngiꞌni yu. Ja chan si ndiya chaꞌ kuxi niꞌ kasiya ꞌin yu kanꞌ, xtya neꞌ kiꞌya ꞌñaan siꞌya yu kanꞌ. Loꞌo nuꞌwin ni, xkwiꞌ luwi kasiya ꞌiin kuꞌnii tñan.

1 SAN JUAN 4:1

ꞌWan, ndiya ꞌa tiǎnꞌ ꞌwan, chaꞌ taꞌa msñian chaꞌ ꞌin Krixtu lkaan, ja xñi wan ndla ꞌa ska chaꞌ nu chkwiꞌ ya ñaꞌan ti nten nu chkwiꞌ chaꞌ wa nda Ndiose Tyiꞌi ykwiꞌ Ni ꞌin neꞌ kanꞌ. Ñaꞌan biyaꞌ wan ꞌin neꞌ kanꞌ kulo ndukwa la, chaꞌ tyija lyo chaꞌ ꞌwan loꞌo neꞌ si chañi chaꞌ ndiꞌin Tyiꞌi Ndiose niꞌ kasiya ꞌin neꞌ kanꞌ, o ta chaꞌ kwiñi lka nu nchkwiꞌ neꞌ kanꞌ. Wa tyun ꞌa neꞌ kwiñi mdoꞌo tukwa lo chalyuu ni, nu nñi lyoꞌo ꞌin nten chaꞌ chabiyaꞌ ꞌin Ndiose nchkwiꞌ neꞌ.