1 TIMOTEO 1:9 - Chatino Zona Alta Occidental

⁹ Siꞌi chaꞌ ꞌin nten nu suꞌwe tiye mda Ndiose chaꞌ kula kanꞌ; mda Ni chaꞌ kanꞌ chaꞌ ꞌin nten nu ja nchka tiꞌ kuꞌni chaꞌ suꞌwe, chaꞌ ꞌin nten nu ja xlyaa tukwa chaꞌ kanꞌ, chaꞌ ꞌin nten nu ja ndiꞌin chaꞌ ꞌin loꞌo Ndiose siyaꞌ ti, chaꞌ ꞌin nten nu ndiꞌin kiꞌya ꞌin, chaꞌ ꞌin nten nu kuxi tiye, chaꞌ ꞌin nten nu nchkwiꞌ chaꞌ kuxi ꞌin Ndiose, chaꞌ ꞌin nten nu ndujwi ꞌin sti, nu ndujwi ꞌin jyaꞌan, chaꞌ ꞌin nten nu ndujwi ꞌin taꞌa nten,

1 TIMOTEO 1:9 ပူးပေါင်းရင်းမြစ်များ

SAN MATEO 10:21

’Ndii ti tiꞌ wan tyiꞌin wan lo chalyuu sikwa, chaꞌ loꞌo taꞌa ngula wan tsaa loꞌo ꞌwan chaꞌ kwiñi ti xtya kiꞌya ꞌwan tloo nten kuxi kanꞌ. Loꞌo sti wan kujwiꞌ xuꞌwa ꞌwan. Loꞌo ti kwiꞌ sñiꞌ wan, kujwiꞌ xuꞌwa ꞌwan tloo nten kuxi kanꞌ; kujwi neꞌ ꞌwan, nka tiye neꞌ kuneꞌ kanꞌ.

ROMANOS 1:30

loꞌo nchkwiꞌ neꞌ chaꞌ tiꞌí ꞌin taꞌa neꞌ; liyeꞌ tiꞌ neꞌ ꞌin Ndiose, chaꞌ kuxi nchkwiꞌ neꞌ ꞌin Ndiose; lye ꞌa ngiꞌni siyeꞌ neꞌ loꞌo taꞌa nten neꞌ. Loꞌo ngwañaꞌan, ti ndaꞌan naan la neꞌ chaꞌ kuxi nu kuꞌni neꞌ. Ti kwiꞌ ja nnan ꞌa neꞌ chaꞌ nchkwiꞌ sti neꞌ loꞌo jyaꞌan neꞌ loꞌo,

ROMANOS 4:13

Kwiꞌ ngwañaꞌan ngwa chaꞌ mskanꞌ Ndiose chaꞌ loꞌo ayman Abraham, loꞌo nten ꞌin Abraham nu yan lo chalyuu chunꞌ ndiꞌin la; ndukwin Ni chaꞌ ñaꞌaan chalyuu kanꞌ ka ꞌin neꞌ kanꞌ nde loo la. Ja ya chkwiꞌ Ndiose loꞌo ayman Moisés nu ngwa bra kanꞌ, chaꞌ ja ya kala Moisés kanꞌ; kanꞌ chaꞌ ja yꞌni ayman Abraham tñan nu ngulo Moisés, chaꞌ ti ji kunan yu chaꞌ kanꞌ. Ngwa suꞌwe ka kasiya ꞌin Abraham loꞌo taꞌa yu loꞌo Ndiose chunꞌ nu yaa ñaꞌan tiꞌ neꞌ chaꞌ nu ykwiꞌ Ni loꞌo neꞌ, kanꞌ chaꞌ mskanꞌ Ndiose chaꞌ loꞌo neꞌ.

ROMANOS 5:20

Bra nu ndukwaan nchga tñan nu ndlo Ndiose ꞌñaan, bra kanꞌ nchka biyaꞌ la tianꞌ sa ñaꞌan kiꞌya nu xtya Ni ꞌñaan. Ni siya nduwe ꞌa tianꞌ chaꞌ kaꞌan ꞌa kiꞌya ndukwian, kwiꞌ ngwañaꞌan jlyo tianꞌ chaꞌ xlyaa Ndiose kulaa Ni ꞌñaan ꞌin nchga chaꞌ kuxi; jlyo tianꞌ chaꞌ nchka ꞌin Ni, chaꞌ suꞌwe ꞌa yꞌni Ni loꞌoan.

ROMANOS 6:14

Siꞌi chaꞌ xaꞌan nu nsuꞌwi chalyuu ka ndloo la ꞌwan ni. Siꞌi xkwiꞌ chaꞌ kutsen wan tyiꞌin wan lo chalyuu, sa ñaꞌan lka si ndatsaa ꞌa chaꞌ kula kanꞌ ꞌwan; ka tyiꞌin suꞌwe wan lo chalyuu, chaꞌ xkwiꞌ chaꞌ suꞌwe nu tnun ꞌa ngiꞌni Ndiose loꞌo wan.

GÁLATAS 3:19

¿Ni chaꞌ lka ngulo Ni tñan ꞌin ayman Moisés chaꞌ ngwaꞌan yu chaꞌ kanꞌ lo kityi sikwa a? Chunꞌ ndiꞌin la ytsaꞌ Ni chaꞌ kanꞌ ꞌin Moisés, chaꞌ ka biyaꞌ tianꞌ sa ñaꞌan nchkwiꞌ Ndiose nan lka ska chaꞌ kuxi. Chinꞌ ti bra mdalo chaꞌ kula kanꞌ, bra kanꞌ ngula Krixtu, ti kwiꞌ “nu lka kwiñi Abraham”; kulo ndukwa la wa ykwiꞌ Ndiose chaꞌ ꞌin Krixtu bra nu mskanꞌ Ni chaꞌ loꞌo ayman Abraham. Bra nu ytsaꞌ Ni chaꞌ kanꞌ ꞌin ayman Moisés, loꞌo angajle ꞌin Ndiose mduun lo kiꞌya kanꞌ, chaꞌ chkwiꞌ loꞌo yu kula Moisés kanꞌ. Jluꞌwe la kanꞌ mduun ayman Moisés chaꞌ chkwiꞌ yu loꞌo nten chabiyaꞌ ꞌin Ndiose.

GÁLATAS 5:18

Bra nu kunan wan nchga chaꞌ nu nchkwiꞌ Tyiꞌi Ndiose loꞌo wan niꞌ kasiya ꞌwan, siꞌi chaꞌ kula nu nchkwiꞌ nten ti nu ka ndloo ꞌwan bra kanꞌ.

GÁLATAS 5:21

kwiꞌ ngwañaꞌan, xkwiꞌ nan ndlaa neꞌ nan nu nsuꞌwi ꞌin taꞌa nten neꞌ, kwiꞌ ndyujwi taꞌa neꞌ; xkwiꞌ nan kuꞌwi neꞌ, loꞌo ngwañaꞌan, ndiya nten nu kuweꞌ ꞌa nchku, chaꞌ kaꞌan ꞌa nan nchku neꞌ; loꞌo ti nsuꞌwi la tyun chaꞌ kuxi ngiꞌni neꞌ kanꞌ. Kanꞌ chaꞌ ñi ꞌa chkwiǐnꞌ loꞌo wan sa ñaꞌan nu ykwiǐnꞌ loꞌo wan nu ngwa sꞌni, chaꞌ ja ka ꞌa kalaan tloo Ndiose nde loo la, si kuꞌnian sa loo ti chaꞌ kuxi ngwañaꞌan.

GÁLATAS 5:23

kwiꞌ ngwañaꞌan ngiꞌni Tyiꞌi Ndiose loꞌoan chaꞌ ja tnun ngiꞌnian ꞌñaan loꞌo taꞌa ntean, ngiꞌni Ni chaꞌ ka ꞌñaan kuꞌnian kwenta ꞌñaan, ti ykwiinꞌ tian bra kanꞌ. Ja ska ꞌa kiꞌya xtya Ndiose ꞌñaan, si kuꞌnian ngwañaꞌan.

2 TESALONICENSES 2:8

bra kanꞌ ka yu xaꞌan kanꞌ ndloo ti chinꞌ ti bra. Chunꞌ ndiꞌin la kan Jesús nu nka Xꞌnaan, loꞌo kanꞌ kujwi Jesús ꞌin yu xaꞌan kanꞌ loꞌo wtsin ndyoꞌo tuꞌwa ti Ni; tyii chaꞌ ꞌin yu xaꞌan kanꞌ bra nu kan Jesús xiyaꞌ, chaꞌ ja talo yu ñaꞌan yu ꞌin xaa ndyuwi nu ndijyan loꞌo Xꞌnaan.

1 TIMOTEO 4:7

Ja kunaan kwentu nu ja nchkwiꞌ ñi chaꞌ ꞌin Ndiose, chaꞌ kuxi ꞌa chaꞌ kanꞌ. Suꞌwe la si tyaꞌan tiiꞌ kuꞌnii xkwiꞌ tñan nu ndiya la tiꞌ Ndiose.

1 TIMOTEO 6:20

Loꞌo nuꞌwin, Timu, xñii kwenta chaꞌ ti kwaꞌuu chaꞌ nu ñi ꞌin Ndiose ꞌin nten. Ja la kunaan chaꞌ kuxi nu nchkwiꞌ yu kwiñi kanꞌ. Wa jlyo ꞌa tiꞌ neꞌ ti ykwiꞌ ti neꞌ, nxkeꞌ tiꞌ nu kwiñi kanꞌ; loꞌo ja ndiꞌya ꞌa neꞌ kwenta sa ñaꞌan ndyoꞌo ska chaꞌ nu ñi.

2 TIMOTEO 2:16

Ja kunaan ꞌaa chaꞌ kuxi nu nchkwiꞌ neꞌ kwiñi kanꞌ, chaꞌ tijyuꞌ ꞌa nduun neꞌ kanꞌ ꞌin Ndiose; ja ndaꞌan ꞌa neꞌ kanꞌ tuwiin ꞌin Ni.

2 TIMOTEO 3:2

Tyempu nde loo la, kanꞌ tyiꞌin ꞌa nu kuxi lo chalyuu: ni siya nten nu ska ti tñan ꞌin ti ykwiꞌ ti nduwe tiꞌ, ni siya nten nu nchka ꞌa tiꞌ kaja tñi ꞌin, ni siya nten nu siyeꞌ ꞌa ngiꞌni loꞌo taꞌa nten, ni siya nten nu nchka tiꞌ chaꞌ ka tnun ꞌa ti ykwiꞌ ti, ni siya nten nu chen ꞌa ñaꞌan nchkwiꞌ chaꞌ ꞌin Ndiose, ni siya nten nu ja nnan chaꞌ nchkwiꞌ neꞌ kula ꞌin neꞌ, ni siya nten nu ja ndya xuꞌwe ꞌin Ndiose, nu ja ndya xuꞌwe ꞌin taꞌa nten, ni siya nten nu ja xlyaa kunan chaꞌ suꞌwe ꞌin Ndiose siyaꞌ ti,

TITO 1:10

Wa ndiya tyun nten nu ja xlyaa tukwa chaꞌ nu nchkwiꞌ nu nka ndloo, loꞌo kaꞌan ꞌa neꞌ judío ndiya nu ngwañaꞌan ngiꞌni; nchkwiꞌ ꞌa neꞌ kanꞌ chaꞌ mnaꞌ, kwiꞌ ngwañaꞌan, nñilyoꞌo neꞌ ꞌin taꞌa nten neꞌ.

TITO 1:16

Nten ꞌin Ndiose lka neꞌ kanꞌ, ndukwin neꞌ, loꞌo ja siyaꞌ ngiꞌni neꞌ tñan nu nchka tiꞌ Ndiose; kanꞌ chaꞌ ka biyaꞌ tianꞌ chaꞌ kwiñi neꞌ kanꞌ. Kuxi ꞌa ngiꞌni neꞌ, chunꞌ ja xlyaa neꞌ tukwa neꞌ chaꞌ nu ñi; kwiꞌ ngwañaꞌan, ja ska ꞌa chaꞌ suꞌwe ka kuꞌni neꞌ kanꞌ siyaꞌ ti.

TITO 1:6

Ndiꞌin chaꞌ xkwiꞌ suꞌwe ti kuꞌni yu kula kanꞌ, chaꞌ ja kaja ñaꞌan nu xtya nten kiꞌya ꞌin neꞌ. Kaja kwilyoꞌo neꞌ kanꞌ loꞌo ska ti nu kunaꞌan. Loꞌo sñiꞌ yu kula kanꞌ, ndiꞌin chaꞌ xñi neꞌ chaꞌ ꞌin Jesucristo, chaꞌ ja kuꞌni neꞌ chaꞌ kuxi loꞌo xka ta nten; ndiꞌin chaꞌ tukwa neꞌ chaꞌ nu chkwiꞌ yu kula sti yu.

TITO 3:3

Nu ngwa sꞌni la, ja ndiꞌyaan kwenta siyaꞌ ti sa ñaꞌan nu ndiꞌin chaꞌ ꞌin Ndiose; ja ndukwaan ꞌaan chaꞌ ꞌin Ni bra kanꞌ, chaꞌ wa mñi lyoꞌo kuneꞌ xaꞌan ꞌñaan chaꞌ kuꞌnian nchga chaꞌ kuxi nu jñan kasiya ꞌñaan chaꞌ kuꞌnian. Mdiya ꞌa tianꞌ ngiꞌnian chaꞌ kuxi kanꞌ bra kanꞌ, liyeꞌ ꞌa tianꞌ ꞌin taꞌa ntean. Naꞌan tiꞌí nten ꞌñaan, kwiꞌ ngwañaꞌan nan, naꞌan tiꞌian ꞌin nten.

HEBREOS 11:31

Ayman Rahab, ska nu kunaꞌan tsaa tiꞌ nu mdiꞌin kichen kanꞌ, yaa ñaꞌan tiꞌ ꞌin Ndiose; kanꞌ chaꞌ ykwiꞌ suꞌwe loꞌo tyukwaa neꞌ Israel nu yaa mnan ti, yaa naꞌan neꞌ lo kichen kanꞌ ti kulo. Mda Rahab kanꞌ seꞌen tyiꞌin neꞌ, kanꞌ chaꞌ ja ngujwi nu kunaꞌan kanꞌ bra nu ngujwi xka la taꞌa kichen tyi nu ja mdukwa chaꞌ nu nchkwiꞌ Ndiose siyaꞌ ti.

HEBREOS 12:16

Xñi wan kwenta ꞌin taꞌa wan chaꞌ ja ska wan sten wan loꞌo xka nten nu ja lka kwilyoꞌo wan. Ja kuꞌni wan sa ñaꞌan yꞌni ayman Esaú; chen ñaꞌan yꞌni yu kanꞌ loꞌo nten ꞌin yu, chaꞌ ja yuwe tiꞌ yu ꞌin Ndiose. Sñiꞌ kulo Isaac ngwa Esaú kanꞌ, loꞌo mdyii nchga chaꞌ suꞌwe nu wa ta ti sti yu ꞌin yu yjwiꞌ yu bra kanꞌ, chaꞌ ngwa tiꞌ yu ku yu ni siya ska ti kaꞌnan skwa nu mda taꞌa yu ꞌin yu; ngwañaꞌan mñi lyoꞌo taꞌa ngula yu ꞌin yu bra kanꞌ.

1 SAN PEDRO 2:7

Loꞌo ꞌwan ni, ndloo ꞌa kee kanꞌ chaꞌ ꞌwan, ꞌwan nu msñi wan chaꞌ ꞌin Ndiose; kuxi ꞌa chaꞌ ka ꞌin nten nu ja ndyaa ñaꞌan tiꞌ ꞌin Ndiose siyaꞌ ti. Nde ñaꞌan ndukwa chaꞌ lo kityi chaꞌ ꞌin kee kanꞌ: Wa mxkwan yu nu nñan naꞌan kee tnun kanꞌ ti kulo, chaꞌ ja suꞌwe ñaꞌan kee kanꞌ, nxkeꞌ tiꞌ yu; loꞌo ni, wa mjwi tñan nu kuꞌni kee kanꞌ, chaꞌ nduun ran seꞌen tnun la nchka chabiyaꞌ ꞌin Ndiose.

1 SAN PEDRO 3:20

Ja mdukwa ꞌa ayman kanꞌ chaꞌ nu ykwiꞌ Ndiose nu ngwa sꞌni bra nu mdiꞌin neꞌ lo chalyuu. Wa yuꞌwi chinꞌ ayman kanꞌ nu mdiꞌin lo chalyuu tyempu nu ngwiñan ayman Noé yka naꞌan kanꞌ. Wa mdiꞌin ta ꞌa Ndiose ꞌin neꞌ kanꞌ nu ngwa bra kanꞌ, ngwa tiꞌ Ni chaꞌ tukwa neꞌ kanꞌ chaꞌ ꞌin Ni, loꞌo ja mslyaa ꞌa neꞌ kanꞌ; kanꞌ chaꞌ snuꞌ ti nten yten niꞌ yka naꞌan kanꞌ bra nu ngwiꞌya tyoo tlyaa kanꞌ.

1 SAN PEDRO 4:18

Tukwi ꞌa chaꞌ tyoꞌo laa nten nu ngiꞌni chaꞌ suꞌwe ti; nten xaꞌan ni, kwiꞌ nten nu ndiꞌin chaꞌ kuxi ꞌin, tyii chaꞌ ꞌin neꞌ kanꞌ siyaꞌ ti.

SAN JUDAS 1:15

chaꞌ kuꞌni biyaꞌ Ni ꞌin nchga nten. Bra kanꞌ ta Ni nu tiꞌí ꞌin nchga neꞌ kuxi chunꞌ chaꞌ kuxi nu wa yꞌni neꞌ, chaꞌ chen ñaꞌan ykwiꞌ neꞌ chaꞌ ꞌin Ndiose.” Ngwañaꞌan ykwiꞌ ayman Enoc kanꞌ.

EL APOCALIPSIS 21:8

Loꞌo nchga nten nu ntsen ꞌa chaꞌ tyiꞌin chaꞌ ꞌin neꞌ loꞌoǔn, tyaa neꞌ la lo tiyuꞌ tnun seꞌen nsuꞌwi kiiꞌ nu nchkin loꞌo yuu sufri; kwiꞌ nten nu ja nnan chaꞌ nchkwiǐnꞌ siyaꞌ ti, kwiꞌ nu ngiꞌni chaꞌ chen ñaꞌan, kwiꞌ nu ndujwi ꞌin taꞌa nten, kwiꞌ nu ngiꞌni chaꞌ kuxi loꞌo nten nu ja lka kwilyoꞌo neꞌ, kwiꞌ nu ndyaa ñaꞌan ꞌa tiꞌ chaꞌ taꞌá, kwiꞌ nu ngiꞌni tnun ꞌin nkwin joꞌo, kwiꞌ nu kwiñi, nchga neꞌ kanꞌ tyaa neꞌ la lo tiyuꞌ kiiꞌ kanꞌ bra kanꞌ. Nchga nten nu wa ndyaa lo tiyuꞌ kanꞌ ni, wa ndyaa neꞌ chalyuu tla; wa mdyii chaꞌ ꞌin neꞌ siyaꞌ ti bra kanꞌ.

EL APOCALIPSIS 22:15

Nchga nten nu chen ꞌa ñaꞌan ngiꞌni, loꞌo nten nu ndyaa ñaꞌan ꞌa tiꞌ chaꞌ taꞌá, loꞌo nten nu ngiꞌni chaꞌ kuxi loꞌo ya ñaꞌan ti nten nu ja lka kwilyoꞌo, loꞌo nu ndujwi ꞌin nten, loꞌo nchga nten nu ngiꞌni tnun ꞌin nkwin joꞌo, loꞌo nten nu ndiya ꞌa tiꞌ chaꞌ kwiñi, nchga nten kanꞌ kanun chunꞌ loꞌoo kichen kanꞌ bra kanꞌ. Ja tukwin nu ngiꞌni ngwañaꞌan nsuꞌwi chabiyaꞌ tsaa tyiꞌin kichen kanꞌ.