1 TESALONICENSES 5:1 - Chatino Zona Alta Occidental

¹ ꞌWan taꞌa msñi wan chaꞌ ꞌin Jesús, ja ndiꞌin chaꞌ kwaꞌan ba ska kityi chaꞌ katsaꞌ ba ꞌwan ñaꞌan bra kan Jesús xiyaꞌ.

1 TESALONICENSES 5:1 ပူးပေါင်းရင်းမြစ်များ

SAN MATEO 24:3

Loꞌo kanꞌ ndyaa neꞌ lo kiꞌya nu naan Olivos bra kanꞌ. Nde kwa ndyaa tukwa Jesús. Mnan ti ykwiꞌ neꞌ nu ngiꞌni xaꞌan chaꞌ ꞌin yu loꞌo yu bra kanꞌ, mnichaꞌ neꞌ ꞌin yu: ―Katsaaꞌ ꞌwa, ¿ni ñaꞌan bra ka chaꞌ kuxi kanꞌ ꞌin laa tnun re? Kwiꞌ ngwañaꞌan, ¿ni sa ñaꞌan ka chaꞌ bra nu tyaan xiyaꞌ, xa nu tyii chalyuu? ―ndukwin neꞌ kanꞌ ꞌin yu.

SAN MATEO 24:36

’Tsan kanꞌ, ja tukwin ka jlyo tiꞌ ni tsan ka, ni bra ka kanꞌ; ja jlyo tiꞌ angajle, kwiꞌ naꞌ nu lkaǎn ska ti nu lka Sñiꞌ Ndiose, ja jlyo tiǎnꞌ. Ska ti Stiǐn Ndiose jlyo tiꞌ Ni chaꞌ kanꞌ.

LOS HECHOS 1:7

Mxkwen Jesús ꞌin neꞌ kanꞌ bra kanꞌ: ―Ja ndiya chabiyaꞌ ꞌwan chaꞌ ka biyaꞌ tiꞌ wan ni tsan ka, ni bra ka nu kuꞌni Ndiose tñan. Ska ti Stiǐn Ndiose jlyo tiꞌ Ni chaꞌ kanꞌ, loꞌo nganun chabiyaꞌ kanꞌ ꞌin Ni, ti ykwiꞌ ti Ni.

2 CORINTIOS 9:1

Ja nꞌni chaꞌ chkwiǐnꞌ laǎn loꞌo wan chaꞌ ꞌin lomstan nu nxoꞌ tiꞌin wan chaꞌ tayaꞌ wan ꞌin neꞌ taꞌaan nu ndiꞌin chaꞌ ꞌin loꞌo Krixtu,

1 TESALONICENSES 4:18

Kanꞌ chaꞌ katsaꞌ wan chaꞌ re ꞌin taꞌa wan sikwa, chaꞌ ka ngalaꞌ tiꞌ neꞌ niꞌ kasiya ꞌin neꞌ.

1 TESALONICENSES 4:9

Ja nꞌni chaꞌ kwaꞌaǎn laǎn chaꞌ lo kityi re chaꞌ suꞌwe ti xuꞌwi tiye wan ñaꞌan wan ꞌin taꞌa msñi wan chaꞌ ꞌin Ndiose; wa lka suꞌwe ꞌa nka tiye wan ñaꞌan wan ꞌin neꞌ kanꞌ, chaꞌ wa ngwaꞌu Ni ꞌwan sa ñaꞌan nu kuꞌni wan loꞌo taꞌa wan.

SAN JUDAS 1:3

ꞌWan neꞌ taꞌa suꞌwe nsuꞌwiǐn nu ndiya ꞌa tiǎnꞌ ꞌwan, ngwa ꞌa tiǎnꞌ kwaꞌaǎn ska kityi chaꞌ tsaa seꞌen ndiꞌin wan, ska kityi nu chkwiꞌ ꞌin chaꞌ tnun nu yꞌni Jesús chaꞌ ka tyoꞌo laan ꞌin chaꞌ kuxi; loꞌo ja ngwa kwaꞌaǎn ꞌin ran bra ti. Loꞌo ni, ndiꞌin chaꞌ kwaꞌaǎn xka kityi re chaꞌ tsaa seꞌen ndiꞌin wan, chaꞌ taǎn chaꞌ tiya re ꞌwan. Ndiꞌin chaꞌ xuun wan loꞌo nchga neꞌ kwiñi nu ndiꞌin nde kwa, chaꞌ ja ndyaa ñaꞌan tiꞌ neꞌ kanꞌ chaꞌ nu ñi nu wa ngwaꞌu Ndiose nu nka Xꞌnaan ꞌñaan, taꞌaan nu ndiꞌin chaꞌ ꞌñaan loꞌo Jesucristo. Ja siyaꞌ xñi wan chaꞌ nu nchkwiꞌ neꞌ kwiñi kanꞌ.