1 TESALONICENSES 4:9 - Chatino Zona Alta Occidental

⁹ Ja nꞌni chaꞌ kwaꞌaǎn laǎn chaꞌ lo kityi re chaꞌ suꞌwe ti xuꞌwi tiye wan ñaꞌan wan ꞌin taꞌa msñi wan chaꞌ ꞌin Ndiose; wa lka suꞌwe ꞌa nka tiye wan ñaꞌan wan ꞌin neꞌ kanꞌ, chaꞌ wa ngwaꞌu Ni ꞌwan sa ñaꞌan nu kuꞌni wan loꞌo taꞌa wan.

1 TESALONICENSES 4:9 ပူးပေါင်းရင်းမြစ်များ

SAN MATEO 22:39

Loꞌo ndiya xka chaꞌ nu ndloo ꞌa ꞌñaan: “Ndiꞌin chaꞌ chka tꞌnan tiꞌ wan ꞌin taꞌa nten wan, sa ñaꞌan lka bra nu nchka tꞌnan tiꞌ wan ꞌwan, ti ykwiꞌ ti wan.”

SAN JUAN 14:26

Chunꞌ ndiꞌin la ka biyaꞌ la tiꞌ wan nchga chaꞌ kanꞌ; kwaꞌu Tyiꞌi Ndiose chaꞌ kanꞌ ꞌwan ―ndukwin Jesús―. Wa suꞌwa ti Stiǐn Ndiose Tyiꞌi Ni chaꞌ kan lo chalyuu chaꞌ tayaꞌ Ni ꞌwan nchga bra chabiyaꞌ ꞌñaǎn. Kuꞌni Ni chaꞌ tyuꞌwi tiꞌ wan nchga chaꞌ nu wa ykwiǐnꞌ loꞌo wan.

LOS HECHOS 4:32

Ska seꞌen ti ndiꞌin nchga neꞌ nu yten chaꞌ ꞌin Jesucristo; suꞌwa ꞌa yꞌni nchga neꞌ kanꞌ loꞌo taꞌa neꞌ, ska ti chaꞌ lka tiye nchga neꞌ. Mda neꞌ kanꞌ nchga nan nu nsuꞌwi ꞌin neꞌ chaꞌ kunanjoꞌo ꞌin nchga neꞌ loꞌo taꞌa neꞌ.

ROMANOS 12:10

Nde ñaꞌan ka tiye wan ñaꞌan wan ꞌin neꞌ taꞌa ndiꞌin chaꞌ ꞌwan loꞌo Krixtu. Tyaꞌan chaꞌ tiye wan chaꞌ lka neꞌ kanꞌ sa ñaꞌan si lka neꞌ taꞌa ngula wan; kanꞌ chaꞌ kuꞌni tnun wan ꞌin taꞌa nten wan, tyukwi ti tiye wan tukwa wan chaꞌ nchkwiꞌ neꞌ.

2 CORINTIOS 9:1

Ja nꞌni chaꞌ chkwiǐnꞌ laǎn loꞌo wan chaꞌ ꞌin lomstan nu nxoꞌ tiꞌin wan chaꞌ tayaꞌ wan ꞌin neꞌ taꞌaan nu ndiꞌin chaꞌ ꞌin loꞌo Krixtu,

FILIPENSES 3:15

Suꞌwe ꞌa si kwiꞌ ngwañaꞌan tyaꞌan chaꞌ tiyean, taꞌaan nu wa msñiin suꞌwean chaꞌ ꞌin Jesús; Ndiose lka nu kwaꞌu ñi la ꞌwan bra kanꞌ, si nsuꞌwi xka la neꞌ taꞌa wan nu ndaꞌan tiye xka la chaꞌ.

1 TESALONICENSES 5:1

ꞌWan taꞌa msñi wan chaꞌ ꞌin Jesús, ja ndiꞌin chaꞌ kwaꞌan ba ska kityi chaꞌ katsaꞌ ba ꞌwan ñaꞌan bra kan Jesús xiyaꞌ.

HEBREOS 10:16

Nde ndiya chaꞌ kwi nu skaǎnꞌ loꞌo nten xiyaꞌ, ndukwin Ni nu nka Xꞌnaan: Bra nu tiya tsan kanꞌ kuꞌniǐn chaꞌ kanun suꞌwe chaꞌ ꞌñaǎn niꞌ kasiya ꞌin nten bra kanꞌ, nchga chaꞌ nu chkwiǐnꞌ loꞌo neꞌ bra kanꞌ; kwiꞌ kuꞌniǐn chaꞌ kanun tsaa chaꞌ kanꞌ ke neꞌ bra kanꞌ.

HEBREOS 13:1

Ti chka tꞌnan tiꞌ wan ꞌin taꞌa msñi wan chaꞌ ꞌin Krixtu, kuꞌni wan chaꞌ suꞌwe loꞌo neꞌ kanꞌ.

1 SAN PEDRO 3:8

Nchga wan ni, ndiꞌin chaꞌ ska ti ka tiye wan loꞌo taꞌa msñi wan chaꞌ ꞌin Krixtu; ndiꞌin chaꞌ kuwe tiꞌ wan ꞌin taꞌa wan, ndiꞌin chaꞌ ñaꞌansiin suꞌwe wan ꞌin taꞌa wan. Kwiꞌ ngwañaꞌan, chka tꞌnan tiꞌ wan ꞌin taꞌa wan, ja kuꞌni liyeꞌ tiꞌ wan ꞌin neꞌ kanꞌ.

1 SAN PEDRO 4:8

Tñan nu ndloo ꞌa chaꞌ kuꞌni wan ni, ndiꞌin chaꞌ xkwiꞌ ka suꞌwe ka tiye wan ñaꞌan wan ꞌin taꞌa nten wan. Si ngwañaꞌan nka tiyean ñaꞌaan ꞌin taꞌaan, bra kanꞌ kuꞌnian chaꞌ tlyu tiꞌ ꞌin taꞌaan bra nu ndiya chaꞌ kuxi nu yꞌni taꞌaan loꞌoan.

2 SAN PEDRO 1:7

Si ngwañaꞌan nchka tiꞌ wan tyiꞌin wan lo chalyuu, bra kanꞌ ndiꞌin chaꞌ chka tꞌnan tiꞌ wan ꞌin taꞌa nten wan; ndiꞌin chaꞌ suꞌwe ti xuꞌwi tiye wan ñaꞌan wan ꞌin nchga nten.

1 SAN JUAN 2:10

Nten nu suꞌwe ꞌa nka tiye ñaꞌan ꞌin taꞌa nten, kanꞌ lka nten nu ndiꞌin xaa ꞌin Jesucristo niꞌ kasiya ꞌin. Ja ska chaꞌ kuxi kuꞌni neꞌ kanꞌ, ja kuꞌni neꞌ chaꞌ kulaa yaꞌ xka ta nten chaꞌ ꞌin Jesucristo.

1 SAN JUAN 3:11

Nde kwaꞌaǎn ti kwiꞌ chaꞌ nu wa ynan wan bra nu msñi wan chaꞌ ꞌin Jesús ti kulo. Ndiꞌin chaꞌ suꞌwe xuꞌwi tiyean ñaꞌaan ꞌin taꞌa ntean.

1 SAN JUAN 3:23

Nde lka tñan nu wa nda Ndiose ꞌñaan chaꞌ kuꞌnian kwenta skaan: Ndiꞌin chaꞌ xñiin suꞌwean chaꞌ ꞌin Jesucristo nu lka Sñiꞌ ykwiꞌ Ndiose; kwiꞌ ngwañaꞌan, ndiꞌin chaꞌ suꞌwe ti xuꞌwi tiyean ñaꞌaan ꞌin taꞌa ntean, sa ñaꞌan nu wa ngwaꞌu Ni ꞌñaan.

1 SAN JUAN 4:21

Wa ngulo Ni tñan re ꞌñaan sikwa: Suꞌwe ti xuꞌwi tiye wan ñaꞌan wan ꞌin Ndiose, loꞌo ngwañaꞌan, xkwiꞌ suꞌwe ti xuꞌwi tiye wan ñaꞌan wan ꞌin taꞌa nten wan.