1 TESALONICENSES 4:13 - Chatino Zona Alta Occidental

¹³ Loꞌo ni, ꞌwan taꞌa msñi wan chaꞌ ꞌin Jesús, chkwiꞌ ba chinꞌ loꞌo wan chaꞌ ꞌin taꞌaan nu wa ngujwi, chaꞌ ka biyaꞌ tiꞌ wan chaꞌ sa ñaꞌan lka si wa lajaꞌ neꞌ, ngwañaꞌan lka ꞌin ayman kanꞌ. Ja ka xiꞌin tiꞌ wan chaꞌ ꞌin ayman taꞌa wan nu wa ngujwi; ja kuꞌni wan sa ñaꞌan ngiꞌni nten nu ja ya kunan chaꞌ ꞌin Krixtu.

1 TESALONICENSES 4:13 ပူးပေါင်းရင်းမြစ်များ

SAN MATEO 27:52

Kwiꞌ ngwañaꞌan, ngalaa kwaa seꞌen mtsiꞌ ayman, loꞌo tyun ayman nu mdiꞌin chaꞌ ꞌin loꞌo Ndiose nu ngwa sꞌni, ndyuꞌu ayman kanꞌ xiyaꞌ,

SAN JUAN 11:24

―Jlyo tiǎnꞌ chaꞌ xiyaꞌ tyuꞌu yu kanꞌ xa nu tyuꞌu nchga ayman, bra nu tsaa tii chalyuu ―ndukwin Marta ꞌin yu.

LOS HECHOS 13:36

Yꞌni ayman David nchga tñan nu ngwa tiꞌ Ndiose chaꞌ kuꞌni yu, tyukwi bra nu mdiꞌin yu kula kanꞌ lo chalyuu. Bra nu ngujwi yu kula kanꞌ, bra kanꞌ mtsiꞌ neꞌ ꞌin yu ska seꞌen ti loꞌo xka ta ayman kula ꞌñaan; kwiꞌ ngwañaꞌan, mdyii kunaꞌ yu mtsuꞌ bra kanꞌ.

LOS HECHOS 7:60

Mduun xtyinꞌ yu lyuu loꞌo tꞌnan ꞌa msiꞌya yu xiyaꞌ bra kanꞌ: ―Xꞌnaǎn ―ndukwin yu―, ja xtyaa kiꞌya ꞌin nten re chunꞌ nu yjwi neꞌ ꞌñaǎn ―ndukwin Steba ꞌin Jesús. Ska bra ti ngujwi yu bra kanꞌ.

LOS HECHOS 8:2

Loꞌo mdiya nten nu xiꞌin ꞌa tiꞌ ndiꞌin chaꞌ ngujwi Steba. Tyun neꞌ kanꞌ nu tyukwi ti tiye ngiꞌni tnun neꞌ ꞌin Ndiose, ndyaa loꞌo neꞌ kanꞌ ꞌin ayman Steba seꞌen mtsiꞌ neꞌ ꞌin yu; lye ꞌa nganan neꞌ nu ndyaa loꞌo ꞌin yu kanꞌ.

ROMANOS 1:13

ꞌWan taꞌa msñian chaꞌ ꞌin Jesús, nchka tiǎnꞌ chaꞌ ka biyaꞌ tiꞌ wan chaꞌ suꞌwe ꞌa nsuꞌwi tiyeěn ꞌwan. Tyun yaꞌ ngwa tiǎnꞌ kaǎn seꞌen ndiꞌin wan, loꞌo ni ñaꞌan ti, ti ji kaja ñaꞌan kaǎn. Sa ñaꞌan nu yꞌniǐn la xka kichen, kwiꞌ ngwañaꞌan nchka tiǎnꞌ kuꞌniǐn nde kichen seꞌen ndiꞌin wan; nchka tiǎnꞌ chaꞌ kaꞌan la nten sten chaꞌ ꞌin Jesús, loꞌo ngwañaꞌan nchka tiǎnꞌ chaꞌ ti kwaꞌuǔn la chaꞌ kanꞌ ꞌwan.

1 CORINTIOS 10:1

ꞌWan taꞌa msñian chaꞌ ꞌin Jesús, nchka tiǎnꞌ katsaǎnꞌ ꞌwan xiyaꞌ sa ñaꞌan ngwa ꞌin ayman ꞌñaan, bra nu mdaꞌan neꞌ loꞌo ayman Moisés nu ngwa sꞌni. Ndukwi ngala ngata kwan seꞌen ndaꞌan neꞌ kanꞌ, chaꞌ ja ñaꞌan yu xaꞌan kanꞌ ꞌin neꞌ. Suꞌwe ti mdijin neꞌ kanꞌ jluꞌwe lo tyiꞌa seꞌen naan Tujoꞌo Ngaꞌa, mdoꞌo neꞌ xka laꞌa tsuꞌ bra kanꞌ.

1 CORINTIOS 12:1

ꞌWan taꞌa msñian chaꞌ ꞌin Jesús, ndiya ska chaꞌ nu nchka tiǎnꞌ chaꞌ ka biyaꞌ tiꞌ wan chaꞌ ꞌin tñan nu ka kuꞌnian skaan chabiyaꞌ ꞌin Tyiꞌi Ndiose.

1 CORINTIOS 15:6

Chunꞌ ndiꞌin la ngwaꞌu tloo Jesús ꞌin kaꞌan ꞌa nten, wa mdijin kiꞌyu siyentu nten nu ndiꞌin seꞌen ti bra kanꞌ. Loꞌo ñaꞌan ti luꞌu tyun neꞌ kanꞌ ni, ni siya ndiya chinꞌ neꞌ kanꞌ nu wa ngujwi.

2 CORINTIOS 1:8

ꞌWan taꞌa msñian chaꞌ ꞌin Krixtu, nchka tiꞌ ba chaꞌ ka biyaꞌ tiꞌ wan sa ñaꞌan ngwa bra nu mdijin ba nu tiꞌí kichen seꞌen ndyaa ba lo yuu ꞌin Asia, chaꞌ tlyu ꞌa chaꞌ kuxi ndyukwa ba bra kanꞌ. Ja jlyo tiꞌ ba siyaꞌ ti sa ñaꞌan tyijin lyo ba chaꞌ kuxi kanꞌ; mskeꞌ tiꞌ ba chaꞌ ja tyuꞌu ꞌa ba,

EFESIOS 2:12

Nten nu ndiꞌin xka chalyuu lka wan, kanꞌ chaꞌ ja ngwa suꞌwa chaꞌ ꞌwan loꞌo neꞌ judío, neꞌ nu wa ngulo suwi Ndiose ꞌin nu ngwa sꞌni, chaꞌ ka neꞌ kanꞌ nten ꞌin Ni. Ja siyaꞌ ytsaꞌ Ni chaꞌ kanꞌ ꞌwan neꞌ xka laꞌa tsuꞌ nu ngwa sꞌni; ja yuꞌwi chaꞌ suꞌwe nu kaja ꞌwan nde loo la, chaꞌ ja ska chaꞌ ꞌin Ndiose jlyo tiꞌ wan siyaꞌ ti lo chalyuu seꞌen ndiꞌin wan bra kanꞌ. Ja yuꞌwi chaꞌ ꞌwan loꞌo Krixtu siyaꞌ ti bra kanꞌ.

EFESIOS 2:3

Nchgaan ni, chañi chaꞌ sa ñaꞌan nu ngiꞌni neꞌ kanꞌ chaꞌ kuxi, kwiꞌ ngwañaꞌan yꞌnian nu ngwa ti sꞌni; yꞌnian nchga chaꞌ kuxi nu mjñan kasiya ꞌñaan. Tñan nu ngwa tianꞌ kuꞌnian, ti ykwiinꞌ tian, xkwiꞌ tñan kanꞌ yꞌnian bra kanꞌ; nchga chaꞌ kuxi nu yan kean ti ykwiinꞌ tian, yꞌnian chaꞌ kanꞌ. Kanꞌ chaꞌ mdiꞌin chaꞌ ta Ndiose nu tiꞌí ꞌñaan, chaꞌ msinꞌ ꞌa tiꞌ Ni siꞌya chaꞌ kuxi nu yꞌnian; loꞌo suꞌwa ti ta Ndiose nu tiꞌí ꞌñaan loꞌo nchga nten chalyuu bra kanꞌ.

1 TESALONICENSES 4:14

Jlyo tianꞌ chaꞌ ngujwi Jesús, loꞌo bra kanꞌ ndyuꞌu yu xiyaꞌ; kanꞌ chaꞌ ka biyaꞌ tianꞌ chaꞌ bra nu kan ykwiꞌ Jesús lo chalyuu xiyaꞌ, bra kanꞌ kuꞌni Ndiose chaꞌ xiyaꞌ tyuꞌu nchga ayman nu msñi chaꞌ ꞌin Jesucristo ti kulo, chaꞌ suꞌwa ti kan neꞌ loꞌo Jesús bra kanꞌ.

1 TESALONICENSES 4:15

Wa ykwiꞌ Xꞌnaan sa ñaꞌan ka ꞌñaan taꞌaan tsan kanꞌ, bra nu kan Ni xiyaꞌ. Taꞌaan nu ti luꞌu ni, ja tyijiin lyoun laan ꞌin taꞌaan nu wa ngujwi.

1 TESALONICENSES 5:10

ti kwiꞌ Jesús nu ngujwi chaꞌ kuꞌni tyii Ni kiꞌya nu ndiꞌin ꞌñaan. Kanꞌ chaꞌ ka tyiꞌian seꞌen ndiꞌin Ndiose bra kanꞌ, ni siya ti luꞌuan lo chalyuu bra nu kan Jesús xiyaꞌ, ni siya wa ngujwian bra kanꞌ; suꞌwa ti tyiꞌian nde seꞌen ndiꞌin Ni bra kanꞌ.

1 TESALONICENSES 5:6

Kanꞌ chaꞌ ndii ti tianꞌ tyiꞌian lo chalyuu; ja ndiꞌin chaꞌ tyiꞌian lajaanꞌ lo chalyuu, ni siya ngwañaꞌan ngiꞌni xka ta nten nu ja ndiꞌin chaꞌ ꞌin Jesucristo siyaꞌ ti. Kwiꞌ ngwañaꞌan kuꞌnian kwenta ꞌñaan ti ykwiinꞌ tian chaꞌ ja kaan yu kuꞌwi.

2 SAN PEDRO 3:4

Bra kanꞌ nde ñaꞌan nchkwin neꞌ kanꞌ ꞌwan: “¿Ñaꞌan bra kan Krixtu sikwa a? ¿Ni chaꞌ ti ndiꞌin taa ꞌa wan ꞌin yu chaꞌ tyaan yu a? Wa mdijin ꞌa bra kanꞌ, chaꞌ wa ngujwi nchga neꞌ kula ꞌñaan, loꞌo ngwañaꞌan, wa kulaan ꞌaan ni. Ñaꞌan ti ndiꞌin chalyuu re, sa ñaꞌan nu ndiꞌin ran ti bra mdyisnan ran ti kulo.”

2 SAN PEDRO 3:8

ꞌWan taꞌa suꞌwe nsuꞌwian, suꞌwe la si kuwe tiꞌ wan chaꞌ ñaꞌan tiꞌ ska tsan ti, ngwañaꞌan lka ska mi yijan chaꞌ ꞌin Ndiose; loꞌo ndiya yaꞌ ñaꞌan tiꞌ ska mi yijan, kwiꞌ ngwañaꞌan lka ska tsan chaꞌ ꞌin Ni.