1 TESALONICENSES 3:1 - Chatino Zona Alta Occidental

^1-2 Loꞌo ja mdalo ba, ngwa xiꞌin ꞌa tiꞌ ba chaꞌ tijyuꞌ ꞌa ndiꞌin wan; kanꞌ chaꞌ msuꞌwaǎn ꞌin Timu ndyaa yu seꞌen ndiꞌin wan. Suꞌwe la nganuǔn kichen Atenas, mskeꞌ tiǎnꞌ, ni siya ja loꞌo taꞌa ndaꞌaǎn. Taꞌaan lka Timu kanꞌ, ti kwiꞌ tñan ꞌin Ndiose ngiꞌni ba; taꞌa ngiꞌni ba tñan lka yu chaꞌ nchkwiꞌ ba chaꞌ suꞌwe ꞌin Jesucristo loꞌo nten. Bra kanꞌ ndyaa Timu kanꞌ seꞌen ndiꞌin wan chaꞌ ka ngula la tiꞌ niꞌ kasiya ꞌwan, chaꞌ ka tnun la tiye wan xñi wan chaꞌ suꞌwe kanꞌ.

1 TESALONICENSES 3:1 ပူးပေါင်းရင်းမြစ်များ

LOS HECHOS 17:15

Loꞌo chinꞌ neꞌ Berea ndyaa neꞌ loꞌo Palyu sa ñaꞌan yaꞌ nu mdiyan neꞌ kichen Atenas. Bra ti ndyaan neꞌ Berea kichen tyi neꞌ xiyaꞌ bra kanꞌ, chaꞌ chkwiꞌ neꞌ loꞌo Sila loꞌo Timu. Ngwa tiꞌ Palyu chaꞌ loꞌo neꞌ kanꞌ tsaa neꞌ nde Atenas ndla ti, chaꞌ tyukwa taꞌa neꞌ loꞌo yu nde kwa.

LOS HECHOS 17:16

Bra nu mdiꞌin ta Palyu ꞌin Sila loꞌo Timu sa ñaꞌan bra tiyan neꞌ nde kichen Atenas, xiꞌin ꞌa tiꞌ yu chaꞌ nu naꞌan yu chaꞌ kaꞌan ꞌa joꞌo ndiya ꞌin nten kichen kanꞌ.

2 CORINTIOS 2:13

Loꞌo ja mdaloǔn seꞌen mdiꞌiǐn nde kwa, chaꞌ kaꞌan ꞌa chaꞌ mdaꞌan tiyeěn, ni chaꞌ lka ja ya kala Tito taꞌa ndaꞌan ba tñan seꞌen ndiꞌiǐn; kanꞌ chaꞌ bra ti mslaǎnꞌ loꞌo neꞌ kichen kanꞌ. Bra kanꞌ yiꞌaǎn tijyuꞌ la seꞌen lka lo yuu ꞌin Macedonia.

1 TESALONICENSES 2:17

Ni siya xka kichen ndiꞌin ba ni, nchka tiꞌ ba tyaan ba seꞌen ndiꞌin wan taꞌa msñian chaꞌ ꞌin Jesús; ndyuꞌwi ꞌa tiꞌ ba ꞌwan, ni siya ja nchka ñaꞌan ba ꞌwan, kanꞌ chaꞌ nchka tiꞌ ba tyaan naꞌan ba ꞌwan xiyaꞌ.

1 TESALONICENSES 3:5

Bra nu ynaǎn chaꞌ kanꞌ, ja ndaloǔn bra kanꞌ; ngwa xiꞌin ꞌa tiǎnꞌ chaꞌ ja jlyo tiǎnꞌ sa ñaꞌan ngwa chaꞌ ꞌwan. Kanꞌ chaꞌ msuꞌwaǎn ꞌin yu taꞌaan yaa yu seꞌen ndiꞌin wan, chaꞌ ka biyaꞌ tiǎnꞌ si ti nxñi suꞌwe wan chaꞌ suꞌwe ꞌin Ndiose, si ngwa ꞌwan tyijin lyo wan ꞌin kuneꞌ xaꞌan nu nchka ꞌa tiꞌ chaꞌ kuꞌni wan chaꞌ kuxi. Wa mnaꞌ tñan nu yꞌni ba chaꞌ ꞌwan si ja ngwa ꞌwan tyijin lyo wan ꞌin kuneꞌ xaꞌan kanꞌ.