1 TESALONICENSES 2:4 - Chatino Zona Alta Occidental

⁴ Ndiose ytsaꞌ chaꞌ kanꞌ ꞌwa chaꞌ kwaꞌu ba ꞌin nten, kanꞌ chaꞌ nchkwiꞌ ba chaꞌ nu ñi loꞌo nten nchga kichen. Siꞌi nten chalyuu nka Xꞌnaan, Ndiose nka Xꞌnaan; kanꞌ chaꞌ chabiyaꞌ ꞌin Ndiose nduꞌu ba chaꞌ suꞌwe kanꞌ ꞌin nchga wan, chaꞌ jlyo tiꞌ Ni nchga chaꞌ nu nsuꞌwi niꞌ kasiya ꞌwa.

1 TESALONICENSES 2:4 ပူးပေါင်းရင်းမြစ်များ

SAN LUCAS 12:42

Bra kanꞌ mxkwen Jesús ꞌin yu: ―¿Ta nsuꞌwi wan nu tyukwi ti tiye wan xlyaa wan kuꞌni wan tñan ꞌñaǎn a? Nde lka tñan nu kuꞌni wan sikwa. Ska msu nu suꞌwe ni, ta xꞌnan yu tñan ꞌin yu chaꞌ ka yu ndloo la niꞌ ñaꞌan ꞌin xꞌnan yu; kulo xꞌnan yu tñan ꞌin yu chaꞌ xku yu ꞌin nchga nten nu ndiꞌin niꞌ ñaꞌan kanꞌ.

SAN LUCAS 16:11

Si ja nchka ñaꞌansiin wan ska chaꞌ suꞌwe nu nsuꞌwi ꞌwan lo chalyuu, ti kwiꞌ ti chaꞌ, ja ta Ndiose ska tñan suꞌwe la chaꞌ kuꞌni wan chaꞌ ꞌin Ni.

SAN JUAN 21:17

Wa mdaꞌa snan yaꞌ nu mnichaꞌ Jesús ꞌin yu ngwañaꞌan: ―¿Ta chañi ꞌiin chaꞌ suꞌwe nsuꞌwi tiyee ñaꞌaan ꞌñaǎn a? Ngwa xiꞌin tiꞌ Tyu chaꞌ snan yaꞌ mnichaꞌ Jesús ꞌin yu si chañi chaꞌ suꞌwe nsuꞌwi tiye yu ñaꞌan yu ꞌin, kanꞌ chaꞌ ykwiꞌ yu loꞌo Jesús xiyaꞌ: ―Siyaꞌ ti jlyo tiiꞌ nchga chaꞌ, Xꞌnaǎn ―ndukwin Tyu ꞌin yu―. Loꞌo jlyo ꞌa tiiꞌ chaꞌ suꞌwe ꞌa nsuꞌwi tiyeěn naꞌaǎn ꞌiin. ―Kwaꞌuu lyaa chaꞌ ꞌñaǎn ꞌin nten ꞌñaǎn sikwa, ñaꞌan tiꞌ slyaꞌ ꞌñaǎn lka neꞌ ―ndukwin Jesús ꞌin yu―.

ROMANOS 8:27

Ndlo Ndiose nchga chaꞌ nsuꞌwi tiye nten. Kwiꞌ ngwañaꞌan, jlyo tiꞌ Ni nchga chaꞌ nu nchka tiꞌ Tyiꞌi Ni chkwiꞌ loꞌo Ni, chaꞌ bra nu njñan nu kanꞌ ska chaꞌ ꞌin Ndiose Stian chaꞌ ꞌñaan, ska ti chaꞌ nchkwiꞌ Tyiꞌi Ni loꞌo nchga chaꞌ nu ndaꞌan chaꞌ tiye Ndiose Stian.

1 CORINTIOS 7:25

Ja ya chkwiꞌ Ndiose nu nka Xꞌnaan loꞌoǔn sa ñaꞌan ndiꞌin chaꞌ kuꞌni nten nu ndukwa ska ti, si kaja kwilyoꞌo neꞌ, si ja kaja kwilyoꞌo neꞌ; kanꞌ chaꞌ chkwiǐnꞌ chinꞌ loꞌo wan kwenta ꞌñaǎn tiǎn. Ka xñi wan chaꞌ ꞌñaǎn, chunꞌ chaꞌ loꞌoǔn nchka tꞌnan ꞌa tiꞌ Ni ꞌñaǎn; kanꞌ chaꞌ ngiꞌniǐn tñan ꞌin Ni.

1 CORINTIOS 9:17

Bra nu kuꞌniǐn ska tñan chaꞌ ꞌñaǎn tiǎn, xkeꞌ tiǎnꞌ chaꞌ kaja liyaꞌ ꞌñaǎn bra kanꞌ. Loꞌo ni, ska loo tñan mda Ni ꞌñaǎn; wa nganun tñan kanꞌ ꞌñaǎn chaꞌ kanꞌ ti tñan kuꞌniǐn, chaꞌ wa ndatsaa Ni ꞌñaǎn chaꞌ kuꞌniǐn ꞌin ran. Kanꞌ chaꞌ ngiꞌniǐn tñan kanꞌ.

2 CORINTIOS 2:17

Siꞌi nan ngiꞌni ba kanan loꞌo chaꞌ ꞌin Ndiose, siꞌi nan nxaꞌan ba chaꞌ kanꞌ sa ñaꞌan nu ngiꞌni xka ta nten; tyukwi ti tiye ba nchkwiꞌ ba loꞌo nten, ngiꞌni ba ñaꞌan tiꞌ si ndiꞌin Ndiose seꞌen ndiꞌin ba, chaꞌ Ndiose lka nu ngwaꞌan tñan ꞌwa chaꞌ kuꞌni ba tñan chaꞌ ꞌin Krixtu.

2 CORINTIOS 4:2

Wa ngulaa yaꞌ ba nchga chaꞌ kuxi nu ngiꞌni nten mnan ti, ya ñaꞌan ti chaꞌ nu njyuꞌu ꞌa tiꞌ nten kuꞌni neꞌ. Ja nñilyoꞌo ba ꞌin nten, kwiꞌ ngwañaꞌan ja nxaꞌan ba chaꞌ ꞌin Ndiose loꞌo xka la chaꞌ, bra nu nchkwiꞌ ba chaꞌ kanꞌ loꞌo nten; suꞌwe ti nduꞌu ba nchga chaꞌ nu ꞌin Jesús ꞌin neꞌ. Loꞌo chañi ꞌa chaꞌ kanꞌ, chaꞌ ngwañaꞌan ka biyaꞌ tiꞌ nchga nten chaꞌ tyukwi ti tiye ba ngiꞌni ba tñan ꞌin Ni, sa ñaꞌan lka si nduun ba tloo ykwiꞌ Ndiose.

2 CORINTIOS 5:11

Chunꞌ nduwe ꞌa tiꞌ ba chaꞌ ñaꞌan Ndiose ꞌwa, kanꞌ chaꞌ nchkwiꞌ ꞌa ba chaꞌ ꞌin Jesús loꞌo xka ta nten. Suꞌwe ꞌa nsuꞌwi lyo Ndiose ꞌwa, sa ñaꞌan ngiꞌni skaa ba. Kwiꞌ ngwañaꞌan ꞌwan, nchka tiꞌ ba chaꞌ suꞌwe ꞌa xuꞌwi lyo wan ꞌwa;

2 CORINTIOS 5:16

Kanꞌ chaꞌ ni, ja chkwianꞌ chaꞌ siyeꞌ loꞌo xka ta nten si ja ndiya tianꞌ sa ñaꞌan ngiꞌni neꞌ kanꞌ. Nu ngwa ti sꞌni, ti kwiꞌ ti chaꞌ ja ndiya tiꞌ ba tñan nu yꞌni ykwiꞌ Krixtu; siꞌi nten nu tnun nchka lka yu, mskeꞌ tiꞌ ba ti kulo la. Loꞌo siꞌi ngwañaꞌan nxkeꞌ tiꞌ ba chaꞌ ꞌin Krixtu ni.

GÁLATAS 1:10

Bra nu nchkwiǐnꞌ ngwañaꞌan, siꞌi chaꞌ lye ndaꞌan naǎn ꞌin xka ta nten nu kuꞌni tnun ꞌñaǎn. Ja nchka ꞌa tiǎnꞌ chaꞌ nu chkwiꞌ suꞌwe nten chalyuu ꞌñaǎn; nan nu nchka ti tiǎnꞌ ni, Ndiose kanꞌ nu tukwa chaꞌ ꞌñaǎn. Ja ndiya ꞌa ñaꞌan nu kuꞌniǐn tñan ꞌin Krixtu si nu xkwiꞌ ndaꞌan chaꞌ tiyeěn chaꞌ kuꞌniǐn suꞌweěn loꞌo nten.

GÁLATAS 2:7

Ngwañaꞌan ngwa chaꞌ: ynan neꞌ chaꞌ nu ykwiǐnꞌ loꞌo neꞌ; yꞌni biyaꞌ neꞌ chaꞌ loꞌoǔn bra kanꞌ; ngwa biyaꞌ tiꞌ neꞌ chaꞌ wa ngulo Ndiose tñan ꞌñaǎn chaꞌ tsaꞌaǎn chkwiǐnꞌ chaꞌ ꞌin Ni loꞌo wan neꞌ xka laꞌa tsuꞌ, sa ñaꞌan ka tyoꞌo laa wan ꞌin chaꞌ kuxi nu ndiꞌin chalyuu. Kwiꞌ ngwañaꞌan ykwiꞌ neꞌ tnun nchka kanꞌ, chaꞌ wa ngulo Ni tñan ꞌin Tyu, chaꞌ chkwiꞌ yu chaꞌ suꞌwe kanꞌ loꞌo neꞌ judío.

EFESIOS 3:8

ni siya ja suꞌweěn siyaꞌ ti. Suꞌwe la ya ñaꞌan ti nten nu msñi chaꞌ ꞌin Ndiose ti kulo la, nxkeꞌ tiǎnꞌ, loꞌo nda Ni chabiyaꞌ ꞌñaǎn chaꞌ tsaꞌaǎn seꞌen ndiꞌin nten nu ndiꞌin xka laꞌa tsuꞌ. Suꞌwe ꞌa tñan nda Ni ꞌñaǎn, chaꞌ katsaǎnꞌ chaꞌ suꞌwe kanꞌ ꞌin nten, ni siya ti ji ꞌa ka jlyo suꞌwe tiǎnꞌ nchga chaꞌ suꞌwe nu ngiꞌni Krixtu loꞌo nten.

EFESIOS 6:6

Kuꞌni wan tñan ꞌin neꞌ sikwa; ja kuꞌni wan tñan kanꞌ chaꞌ kanun suꞌwe ti wan loꞌo neꞌ, xa nu nduun ti neꞌ nsñi neꞌ kwenta ꞌwan si ngiꞌni wan tñan. Suꞌwe la si tyuꞌwi tiꞌ wan chaꞌ ti kwiꞌ msu ꞌin Krixtu lka wan ni, kanꞌ chaꞌ tyukwi ti tiye wan kuꞌni wan nchga tñan nu nchka tiꞌ Ndiose chaꞌ kuꞌnian.

COLOSENSES 3:22

ꞌWan, msu nu ngiꞌni tñan ꞌin nten xuꞌwe ti, tukwa wan nchga tñan nu kulo xꞌnan wan ꞌwan lo chalyuu. Siꞌi bra nu nduun ti xꞌnan wan chaꞌ nsñi yu kwenta ꞌwan kuꞌni wan ngwañaꞌan, chaꞌ kanun suꞌwe chaꞌ ꞌwan loꞌo neꞌ; tyukwi ti tiye wan kuꞌni wan tñan kanꞌ, chunꞌ nchga bra nduwe tiꞌ wan ꞌin Ndiose nu nka Xꞌnaan.

1 TIMOTEO 6:20

Loꞌo nuꞌwin, Timu, xñii kwenta chaꞌ ti kwaꞌuu chaꞌ nu ñi ꞌin Ndiose ꞌin nten. Ja la kunaan chaꞌ kuxi nu nchkwiꞌ yu kwiñi kanꞌ. Wa jlyo ꞌa tiꞌ neꞌ ti ykwiꞌ ti neꞌ, nxkeꞌ tiꞌ nu kwiñi kanꞌ; loꞌo ja ndiꞌya ꞌa neꞌ kwenta sa ñaꞌan ndyoꞌo ska chaꞌ nu ñi.

2 TIMOTEO 1:14

Xñii suꞌwe kwenta ꞌin chaꞌ suꞌwe nu wa ykwiꞌ Ndiose loꞌoan; loꞌo Tyiꞌi Ni tayaꞌ Ni ꞌiin chaꞌ kuꞌnii tñan kanꞌ, kanꞌ chaꞌ nganun Tyiꞌi Ni niꞌ kasiya ꞌñaan.

2 TIMOTEO 2:2

Wa ynaan nchga chaꞌ nu ngwaꞌuǔn seꞌen ndiꞌin tyun nten; loꞌo ni, ti kwiꞌ sa ñaꞌan chaꞌ nu ngwaꞌuǔn ꞌin neꞌ, kwiꞌ ngwañaꞌan kwaꞌuu ꞌin nten nu tyukwi ti tiye nchka tiꞌ kwaꞌu chaꞌ kanꞌ ꞌin xka ta nten, chaꞌ kuꞌni xaꞌan suꞌwe neꞌ kanꞌ chaꞌ ꞌin Ndiose.

TITO 1:3

Loꞌo ni, wa mdiya bra nu suꞌwe ꞌa chaꞌ kanen tijyuꞌ chaꞌ suꞌwe nu nchkwiꞌ Ndiose Stian, nu ka kulaa ꞌñaan ꞌin nchga chaꞌ kuxi; kwiꞌ ngwañaꞌan, wa ngulo Ni tñan ꞌñaǎn chaꞌ kwaꞌuǔn chaꞌ suꞌwe kanꞌ ꞌin nchga nten.

HEBREOS 4:13

Ja ka xuꞌwi kutsiꞌ ska chaꞌ nu ndaꞌan tiyean, ska chaꞌ nu ndiꞌin ꞌñaan ꞌin Ndiose. Ndiose jlyo tiꞌ nchga chaꞌ kanꞌ. Ñaꞌan Ni nchga nten nu wa ngwiñan Ni, nu wa msuꞌwa Ni lo chalyuu; jlyo tiꞌ Ni nchga chaꞌ nu ndiꞌin ꞌñaan. Ja ska tñan ka kuꞌnian mnan tloo Ndiose, chaꞌ ndiꞌin chaꞌ taan kwenta ꞌin Ndiose chaꞌ ꞌin nchga tñan nu yꞌnian kwenta skaan lo chalyuu, bra nu tsaa tii chalyuu ꞌñaan.

1 SAN PEDRO 4:11

Kwaꞌu wan chaꞌ ꞌin Ndiose ꞌin nten, si kanꞌ lka tñan nu wa nda Ni ꞌwan chaꞌ kuꞌni wan; kwaꞌu wan nchga chaꞌ nu nchka tiꞌ Ni chkwiꞌ Ni loꞌo neꞌ. Kwiꞌ ngwañaꞌan, tayaꞌ wan ꞌin taꞌa nten wan loꞌo tyukwi jwersa nu nda Ni ꞌwan, si kanꞌ lka tñan nu wa nda Ni ꞌwan chaꞌ kuꞌni wan. Bra nu ñaꞌan nten chaꞌ suꞌwe nu ngiꞌni wan, bra kanꞌ kuꞌni tnun neꞌ ꞌin Ndiose chabiyaꞌ ꞌin Jesucristo. Loꞌo bra kanꞌ ja tsaa tii ꞌa chaꞌ kuꞌni tnun nten ꞌin Krixtu kanꞌ, chaꞌ Krixtu lka ndloo siyaꞌ ti. Ngwañaꞌan ka sikwa.

EL APOCALIPSIS 2:23

kwiꞌ ngwañaꞌan, kujwiǐn ꞌin nchga nten nu wa msñi chaꞌ ꞌin nu kunaꞌan kwa” ndukwin Ni. “Loꞌo bra kanꞌ taꞌa nten ꞌin Jesucristo nde nchga kichen ni, ka biyaꞌ tiꞌ neꞌ chaꞌ wa jlyo tiǎnꞌ nchga chaꞌ nu ndaꞌan tiye nten chalyuu bra kanꞌ. Loꞌo ka biyaꞌ tiꞌ nchga wan chaꞌ sa ñaꞌan nu ngiꞌni wan chaꞌ kuxi bra nu mdiyan wan lo chalyuu, kwiꞌ ngwañaꞌan taǎn nu tiꞌí ꞌwan” ndukwin Jesús.